圍威喂 (誠信中心) (已結業)

平時聽朋友講買衣服批發要黎批發市場，原來除了工廈，附近也有不少食店選擇，路過見到這家裝潢不錯，個名咁得意就試下大蝦冬蔭公湯大蝦大隻又爽口、冬蔭公湯少辣帶酸，清新又醒胃無骨海南雞配雞油飯海南雞件滑，雞皮薄身肉嫩，雞油飯既雞油夠香，更添鮮味鮮蝦球柚子沙津蝦球大隻算爽身，柚子清甜，醬汁味道有少許辣，酸酸甜甜好醒胃黃咖哩虎蝦黃咖哩偏甜，加入蛋液更杰身，虎蝦大隻爽口，好送飯串燒拼盤（牛舌、蝦、豬，雞）牛舌大片濃味，蝦大隻爽身、豬同雞嫩滑，燒得夠香，不用點汁都夠味飛天炒雜菜個名好有趣，菜加入香蒜，清新爽甜場內乾淨企理，職員友善，上菜快，下次會再來

今晚同靚媽們一齊食晚飯，去左呢間新開嘅圍威喂，個名幾特別，東南亞菜都好惹味！1. 泰式椰子雞湯少少辣，好香椰子味，好鐘意呢個湯。2. 鮮蝦球柚子沙律蝦球都幾大隻幾彈牙，柚子清新，醒胃。3. 黃咖喱軟殼蟹配手工薄餅軟殼蟹好好味，薄餅點黃咖喱好香好味，encore 左薄餅😁.4. 串燒拼盤一碟有8串，牛舌、蝦、豬、雞，岩晒唔同人口味。5. 彈彈牙魚餅真係幾彈牙，點唔點甜酸醬都好味。6. 扎扎跳蝦餅 呢個辣辣地都幾惹味。7. 飛天炒雜菜煲仔炒雜菜，一上枱已經覺得好香。8. 絕代雙莓士多啤梨加藍莓，味道唔錯。整體都唔錯，價錢亦親民😊

今晚約朋友去荔枝角搵食，諗起早前bookmark左一間叫圍威喂的食店，那就一起「圍威喂」吧，就近荔枝角港鐵站，很容易找到。店舖細細的裝飾新穎夠光猛，燈飾很美很時尚，牆上的設計也別緻，細看下原來假日會有打小人的玩意。餐廳以東南亞菜為主，食物選擇頗多，我們兩個人點了幾款食物，包括泰式青木瓜沙律、沙嗲串燒、蒜蓉牛油雞翼、檳城炒棵條、凍巴打檸檬茶。泰式青木瓜沙律新鮮的青木瓜絲，配上酸酸辣辣的醬汁，很醒胃。沙嗲串燒（3串豬＆3串雞）串燒的味道很香，很有印尼燒雞的香料味，醃得入味，雞肉比較嫩，兩者相比下愛食雞肉多些。蒜蓉牛油雞翼一上枱就聞到很香的牛油味，雞翼即炸十分香脆可口，真係要攤一攤先食，如果唔係立即喉嚨痛，碟上貼心地放上菜絲以吸收炸雞翼的油份。檳城炒棵條朋友很喜歡新加坡的炒棵條，見餐牌可以加8蚊換成怡保直送棵條，可惜都沽清了，普通版的應該是河粉，配上大大隻的蝦，蜆肉，還有甜甜的臘腸，河粉炒得均勻，每條粉都能沾上醬汁，夠香夠美味。凍巴打檸檬茶食了幾款香口和熱氣食物，凍檸檬茶快速令口腔降溫，滿足呢。食物有水準，餐廳坐得舒服，侍應添水夠勤快，平日不太滿場可坐耐些，係與朋友聚會傾計之選。

早2日去荔枝角行街，同行朋友介紹食呢間圍威喂，淨聽個名都覺得特別。因為我未試過嘅關係，所以等朋友話事。嗌左濕炒雞絲河，蒜蓉牛油雞翼，青咖哩生滾雞球飯。蒜蓉牛油雞翼： 招牌菜。好重牛油味，好香口。濕炒雞絲河 ： 炒得好有鑊氣，仲好多配料添。青咖哩生滾雞球配飯 ： 最有驚喜，有椰香味，雞球嫩滑，啲汁好惹味，送飯一流！岩晒唔食得辣嘅朋友。特別一提，除左食物環境都唔錯之外，呢到嘅老闆好親切，係一間充滿人情味嘅餐廳。

之前已經見Facebook有介紹過圍威喂🍽即刻book左😍位置都好方便 搭地鐵🚇 C出口行2-3分鐘就到👍🏻D2 place就係附近,行完都可以過黎食啊😛💛重點推介：1️⃣黃咖喱虎蝦配薄餅👉🏻本身黃咖哩虎蝦唔跟薄餅,要另外加2️⃣香辣糯米雞翼我覺得黃咖喱好岩香港人口味👍🏻唔係好辣有一點點椰香味道再加上濃郁既黃咖哩 簡直要叫多一份薄餅😍香辣糯米雞翼第一次食會有小小辣 雞翼入邊係有糯米🤤好香脆👍🏻味道好夾 下次黎都要再食❤️

這餐廳派傳單到我公司，附有 10% discount coupon，即管試試。返工時段個個都趕，這裡等一份外賣早餐竟然要差不多二十分鐘，當時堂食只有大約五檯客。噉嘅速度真係冇下次囉！食物方面是否慢功出細貨呢？點了鹹牛肉厚多士，麵包是 Danish bread, 合格。鹹牛肉加了洋蔥，但洋蔥綑晒黑邊，因為炒燶咗，噉食落咪苦苦地囉。總結：唔係平，時間耐，仲要係燶嘅！

Lai Chi Kok is thriving and more restaurants are popping up.It used to be grubby Chinese restaurants but look at the choice now on the Castle Peak side as well as the D2 side.Went to Wai wai wai which is a young and hip cafe on the corner.The menu had a good spread of Malaysian dishes and Taiwanese drinks.Settled for the Hainan Chicken which came with lettuce.The chicken was lean and firm complemented by the three usual sauces.As well as the chicken, the rice was a winner as each grain of rice w

今晚去荔枝角接媽咪放工，撐下枱腳。媽咪話成日食中餐，今日想試下Fusion菜。上openrice search到一間食東南亞菜，個名好特別，叫圍威喂。就係你啦！Google左地址唔難去。荔枝角地鐵🚇C出口一出，轉入右毛邊條街，見到加油站⛽️向左行幾步就係啦。圍威喂係地鋪，夠晒方便唔使左搵右搵。餐廳入面唔算大，不過啲座位都好闊落。除咗兩人枱同四人枱，都有幾張長枱，可以俾一大群朋友聚會。一入去，環境俾人非常舒服😌既感覺，裝修簡單得黎都有獨特個性。連餐具都有精心設計。成間餐廳啲佈置都俾人好正面積極既感覺，仲有留言板俾人寫低想講既野。我地因為大肚餓，所以叫左圍威喂!炒金邊粉同泰式蟹肉炒飯。再加左個小食- 香辣糯米雞翼。圍威喂!炒金邊粉。基本上係東南亞菜必叫菜式。不過唔算太濃味，微微嘅酸甜感覺，加左啲菜甫。另外大蝦🍤好爽口，不過冇咩鮮味，仲有大大條雞柳同豆干，十分足料。啲金邊粉用蛋整成既網包住，好靚。不過岩岩睇到以為好細碟，不過將佢鋪滿成個碟，就知道一啲都唔少。泰式蟹肉炒飯係店員推介。原來係得夜晚先有嫁。呢個炒飯堅好食，我同丫媽讚不絕口。味道唔辣，炒飯頂鋪左蟹籽同蟹肉。佢好食係因為加咗啲豆角粒。食

已經好耐冇食過早餐因為跟咗斷食法都成年通常我都會skip咗個早餐但係今日因為老闆出trip係應該嘆下嘅❤呢度嘅裝修好relax人唔算多所以早餐時間過嚟偷閒一下係好適合嘅同埋可能人少d staff 都好nice 好輕鬆叫咗一個歐陸全餐同埋一杯latte全餐豐富食完應該要遲d 先食lunch🤭啱啱整起嘅 牛油多士超正個蛋好creamy 梅下就吞得由於魚柳賣曬 變左泰式魚餅 微辣Li 個fusion 真係好搞笑唔想返工~飲拿鐵呢杯飲品嘅名真係啱曬mood呀要左杯凍ge九月都仲係好熱.... 要杯凍latte走甜 正

今日繼續係荔枝角搵好野食，行到頗遠近油站位置，搵到一間新開特色泰國餐廳，據說係某女明星組合成員開既，所以lunch time都相當多人排隊捧場！而且門面到周遭裝修都帶有點點文青得意感覺。泰式炒金邊粉等左十分鐘到，終於有嘢食喇！賣相幾令，味道就正常一般啦，無想像中咁有獲氣既，不過配菜都豐富，有雞肉，蛋，魚蛋，芽菜，香蔥等，味道就偏向淡，建議可以濃味小小會好d既！牛油果沙冰呢杯飲品就真係貴啦！印象中係要加三十幾蚊！！！但當下個刻好想飲既緣故，所以就忍唔住點左一杯！雖然貴，但完全感受到牛油果既fresh味，泡泡打得好綿滑，十分creamy！下次豪氣小小都可以試下既，如果份量再多d就更好啦！

香港人壓力大，我同朋友得知有間餐廳可以幫人打小人，減下壓。所以就同朋友平日去朝聖，下午時間（2:30pm)諗住去食金邊粉，但點知去到好多野都會，金邊粉和喇沙,沙律都無晒，我地就叫左兩個吐司，後來查詢後原來打小人要星期六先有。 春卷炸得好脆口，味道OK.. 另外叫左香蔥丹麥包，職員都有推介丹麥包，包好香口，但蛋太熟，沒有蔥味，相對味道一般。 叫左一個咸牛肉蛋丹麥包，問題都係一樣，蛋太熟了，失色左金桔檸檬梳打，出乎意料好大金桔味，止喝，味道ok整體味道一般，有點失望，因為專登黎就是睇打小人，但原來只得星期六先有...職員都友善，環境Ok,

香港人熱愛新鮮感，特別係勞勞碌碌既打工仔，咬緊牙關受盡委屈返工都係為成頭家齊齊整整有飯開，若然無帶lunch box，每到lunch time都會頭癢唔知食乜好，特別係工業區人流本身勁多，餐廳食店又少選擇。好似呢間圍威喂咁，初初開店時，真係日日門口排滿等位開飯既人，唔知係咪要試既都試左，試唔到既又唔想日等落去，呢日遲左落樓居然都唔使等即時有位。呢日唔想食飯就試佢既叻沙（上次同事話過好淡口），但呢次自己親身試個湯底好香好夠味wor，聽取意見有進步👍🏻

今日公司附近覓食，發現新開張的東南亞餐廳 熱潮終於減卻！甫入餐廳即有位，無須等待。餐廳開鋪不久，身為designer的小妹頗欣賞其裝橫設計，色彩鮮明，藍黃對比色配上螢光粉紅字句，感覺年輕活潑，作為顧客視角上精神為之一振也！門面比起荔枝角附近的餐廳更顯鶴立雞群。-----------從午餐menu選了餐廳推介的泰式炒金邊粉，最近胃不好，只好刻意走辣。金邊粉炒得香，不油膩；裡邊有蔥段、蛋絲、豬肉、蝦等足料得很。蝦應該是冰鮮的，沒有蝦的鮮味。整體味道偏酸，非常開胃同事點了檳城炒粿條，嚐了一塊臘腸，不錯。下次可以一試。

海南雞飯平時食開海南二街。油飯呢間好味啲 (飯質處理得而)(上咗油就係一粒粒 唔係一舊飯咁)反而二街就樣樣飯質都麻麻 (一舊舊)雞我就覺得(口感)兩間打和三色味料就二街味好食啲呢間其中一種味料比炸蝦餅果啲甜酸醬(原全唔配合到食海南雞)價錢就二街50只有外賣呢間78有堂有外28蚊食裝修同空間價錢都幾進取。老闆信心都幾大膽。

前排見公司附近開咗間餐廳，外面睇落裝修都幾吸引，可能新開張關係所以都幾多人去食，lunch時間去都要等一段時間。終於等到安排入坐，第一時間梗係揀野食先啦，但一睇唔係啩，成間餐廳都係得幾款食物揀重要唔係餐，價錢亦唔平😨坐低咗都要食啦，於是叫咗個海南雞飯加凍檸茶。。。我碟海南雞飯到啦👏🏻👏🏻👏🏻一睇都幾精緻喎😅可能我個人比較有食力，所以碟飯我真係覺得好細碟😩味道亦只屬一般，油飯唔香，雞肉亦唔算滑及唔夠味😢