圓山飯店 (裝修中)

今日我地黎到咗尖沙咀既圓山飯店搵食😆呢度有啲招牌嘅海鮮、川菜同埋台菜，仲有好多時令海鮮同美食添～避風塘炒蜆 $168-我地叫左一份好香既避風塘炒蜆，啲蜆好新鮮，炒得啱啱好，有啲微微嘅辣味，食落有獨特既台味香料味，而且啲蜆肉夠彈牙，真系好好味！干煎豬肝 $118-再嚟一份乾煎豬肝啦，豬肝煎得啱啱好，外面香煎，內裡軟熟，仲有啲微香甜味，同埋配埋啲煮得秘制醬汁，我最鐘意食呢個餸❤️乾炒牛河 $138-乾炒牛河是我呢餐晚飯唯一叫既一道麵食。啲牛肉煮得好嫩，牛肉份量好多，麵條炒得香口乾身，系好食既牛河！干煸四季豆 $118-然後叫返個菜，揀左乾煸四季豆，啲四季豆炒得啱啱好，唔會太熟，啲豆香同埋辣味啱啱好！泡椒鳳爪$55-啲鳳爪爽嫩，啲泡椒味唔會太重，辣味適中-微辣，開胃！呢度個大廚煮餸出色 ，有鑊氣、夠火喉，每道菜都有獨特風味，好食！如果你鐘意海鮮、川菜同埋台菜，可以黎呢到試下！店鋪內坐位都寬闊舒適、系一班人晚飯既好選擇👍🏻海鮮、川菜、台菜 - 圓山飯店 (尖沙咀)尖沙咀金巴利道25號長利商業大廈1及2樓

好久沒有和朋友吃中餐了，今天帶我去的比較特別，是台灣的中菜，位置很方便，裝修也很不錯，而且服務很好。強烈推薦墨魚子香芒蝦球，真的好好吃，用了芒果的甜味，加上大大的蝦仁，還有沙拉醬，真的吃了還想吃。另外避風塘炒蟹也好香，蟹很大，還有膏，吃得津津有味。還有咕嚕肉賣相也超好，充滿仙氣，里面的肉是偏瘦的，不怕胖。還點了一份很入味的前菜-鮑汁鳳爪。這家的中餐真的很合胃口，我看很多都是老顧客了，下次再去也一定會點蝦球吃❤️

今晚放工同朋友一齊行到The One呢頭搵嘢食，行到加拿芬道盡頭就見到呢間圓山飯店。睇到佢各款彩色都咁吸引🤩就決定係度享用晚餐。前菜係贈送既手拍青瓜，酸酸甜甜，少少辣，好開胃。圓山小炒皇第一個餸就叫左圓山小炒皇，韭菜花新鮮爽脆，配料多到爆，而且好特別，除左常見既蝦乾，銀魚乾，重有好多蜆！！避風塘炒蜆呢一碟炒蜆非常推荐！炒蜆嘅份量相當之多，蜆中肥美嘅蜆肉，再配上辣椒嘅辣味，個口感嘅辣度十足，非常惹味！椒鹽鮮魷 未放入口先比佢外觀吸引，金黃色嘅外皮，熱度十足，而且每舊鮮魷都大大舊。一放入口就感覺到冇得頂！椒鹽鮮魷新鮮熱辣，而且外皮香脆，直頭係用黎送飯一流嘅菜式！蒜蓉粉絲蒸聖子皇（2隻起）呢碟聖子真係又大隻又新鮮，配埋蒜蓉粉絲蒸既味道，真係食到舔舔脷！

位於尖沙咀金巴利道的圓山飯店前身為圓山台灣料理，主打海鮮、粵菜、台菜，餸菜選擇非常多，而且人氣滿滿，是日平日晚上前來亦座無虛席，食物質素一定有保證😋😋▪️虎皮尖椒 $ 98尖椒外皮煎至皺起的不規則的虎皮花紋，外脆內軟，虎皮尖椒外表綠綠的，但味道香辣，配合豉椒一齊爆炒，非常惹味下飯▪️避風塘炒蜆 $ 168完全呈現大排檔超有鑊氣的風味，蜆肉香辣入味，超級惹味，越食越上癮▪️椒鹽鮮魷 $ 198鮮魷外層炸得脆脆，件件厚肉，肉質爽口彈牙，用紅辣椒，炸蒜，香蔥爆炒過之後，微微辣，超級惹味▪️冰鎮咕嚕肉 $ 168每台必點，賣相一流，用乾冰襯托住咕嚕肉，出場呈霧煙效果，配合埋菠蘿、士多啤梨、橋頭、色彩繽紛，咕嚕肉外層冰涼超級香脆，內裡熱辣辣，肉質半肥瘦非常爽口，口感超正，配菜也新鮮好食

常常經過尖沙咀都見到呢間食店圓山飯店精品料理朋友想食台灣嘢但又唔想咁悶都係果d燥肉飯，擔仔麵，米粉。。。比我發現呢間符合佢要求😏環境跟舊飯店一樣裝修平日嚟食人流都唔少價錢算中上味道剛剛好👍🏻👉🏻霸王辣子雞(有半隻同全隻選擇)得二人所以選擇咗半隻雞估唔到辣子雞好香又好多腰果唔會死辣一口接一口好野味👍🏻👉🏻蜜餞火腿跟層餅👍🏻😋第一次食加咗一層蜜汁咁樣食又唔覺肥膩食唔停一件接一件👉🏻台式新竹米粉😋炒得好香加d 肉絲有d 蝦干又唔會太乾👉🏻紅燒豆腐用咗布豆腐好滑👍🏻冬菇又厚實還有甜品桶裝豆腐花，薑茶湯丸，棗蓉糕，香芒布甸等實再太飽沒有食下次留肚試下甜品因為見到好多人叫

這家很多人推介的，位於在尖沙咀中心地帶，平日晚上去座無虛席。 主打粵菜台灣菜點心😍 好開心終於可以約朋友一齊來到品嚐。先來這台式料理必選涼拌菜～皮蛋肉鬆豆腐，皮蛋甘香軟腍，豆腐嫩滑冰涼，加上肉鬆香味，夏天食更適合避風塘炒蜆，香港特色菜，香辣惹味，蜆肉亦好鮮味冰鎮古嚕肉，極考功夫菜式，以煙霧呈現，驚喜之作，古嚕肉外脆內軟，醬汁濃稠，夠哂酸甜開胃🤤時蔬炒肉片甜品就有椰香棗茸糕，一層棗糕一層椰糕，椰香棗香完美融和，入口煙韌清甜

好耐以前已經嚟過圓山飲茶，最近發現佢哋改咗名變成「圓山飯店」，好啱家庭客聚餐！.➜涼伴併盤小朋友先做選擇，一款涼拌唔夠食，就嗌個併盤慢慢享受下啦！有鹹香入味嘅「鹽水鴨」、爽口彈牙嘅「海蜇」同香辣惹味嘅「麻辣鴨舌」，超過十款選擇，份量適中，夏天食完更開胃！.➜冰鎮咕嚕肉一嚟到都好架勢嘅冰鎮咕嚕肉，以乾冰伴碟，令咕嚕肉迅速降溫，外冷內熱，食落口感更佳，賣相已經好吸引，仲係啖啖肉唔會食到成口粉漿𠻹！.➜蒜蓉粉絲蒸元貝經過門口見到有啲海鮮，但豬太郎兩公婆又點食到咁多，元貝可以逐隻叫，就啱晒我哋。滿滿嘅蒜蓉，食落唔會一陣油味，元貝亦蒸得啱啱好，粉絲索晒啲汁，成個配搭都好滿足呀！.#msmessypig_food.📍圓山飯店尖沙咀金巴利道25號長利商業大廈1及2樓.

由細到大都鍾意去酒樓用餐，所以令我對小炒同小菜係特別有情意結，亦會對食材烹調時間及技巧較有要求，不得不讚呢間位於美麗華商場大街位置，感覺毫不起眼卻地段相當就腳，距離尖沙咀地鐵站都只係5分鐘步程，是一家上樓一層的台式料理酒家；環境空間感夠，夏天入嚟都好舒服，而且內設海鮮魚缸，秉承提供新鮮上等的海鮮食材。⭐️冰鎮咕嚕肉招牌的冰鎮咕嚕肉，作為時令精選推介實至名歸，除咗賣相相當可人，以乾冰噴煙棒出，外脆內軟，夾埋甜酸醬同菠蘿草莓伴碟，呢個真係必點！⭐️避風塘炒蜆感覺比較似豉椒炒蜆，相當香辣濃郁，每一粒炒蜆都入晒味，鍾意食辣嘅朋友一定好開心！雖然未到指天椒程度嘅辣度，但係炎熱嘅天氣真係好啱食炒蜆，鮮甜味美💕⭐️山泉水燉湯 以山泉水製成的靚湯，非常足料！見到有排骨土魷燉瓜，入口清潤鮮甜，份外開胃！⭐️台式炒沙巴班以西蘭花炒斑球，估唔到班腩咁厚肉身，而且沙巴魚魚香滑皮脂夠哂彈牙，軟滑的肉質亦魚香味足，夠晒飽肚💕⭐️小炒王好足料嘅小炒王，韭菜花頭炒鮮魷魚、白飯魚、蝦米、蜆肉等食材，非常有鑊氣嘅爽脆韭菜花，配埋鮮魷魚鹹鹹地，仲配咗啲鹹豬肉增加風味，好惹味😋