圓點工房

營業中

休息中

火炭區有美食沙漠之稱難得揾到間黃店cafe當然要試下🤩Lunch時間黎到全場爆滿，好彩等左1陣就有位店內設計係田園風格，佈置簡約小清新🌱感覺好舒服座位有卡位同梳化位，枱與枱之間有距離唔會好逼夾本身睇個價錢諗住都係正常份量，點知黎到有驚喜，份量係好大份😯😯⭐️和風貝殼粉沙律伴紫菜雞卷🥗沙律size好大碟，紫菜卷味道幾特別，有d魚肉係入面咁⭐️黑松露雞肉燴長通粉🥘好香黑松露味，通粉軟硬度岩岩好，幾好食⭐️西班牙黑毛豬漢堡🍔黑毛豬幾juicy，不過咁岩果塊有好大條根，有d難咬，配左薯角份量好多⭐️德國咸豬手配蜜糖芥末醬🍖味道正常，個皮好脆，同普遍出面餐廳食既差唔多，最搞笑係佢既伴菜配左韓國泡菜而唔係德國酸菜整體上對於呢餐滿意，價錢超抵食CP值高👍🏻值得推介一試🥰🥰

一個人放飯,去左呢間工廈cafe食叫左個鮮蝦丸配沙律,仲有餐湯同餐包食其實都幾抵因為鮮蝦丸都幾大粒又夠芝士,食少少都膩.好彩有大大份沙律,如果少D沙律醬會更加好.對於我一個女仔黎講真係超飽火炭黎講可以做飯堂架啦

又到左weekend又去尋找一下小店今次踩locobike去左火炭揾食 去到呢間工廈cafe華樂工業中心好大分了很多不同座cafe位於ab座內 其他應該是不通得終於揾到 門口都幾易見到 weekend lunch時間人不多不用等位點餐是自己去櫃台付款的 點好了店員會送上餐選擇也算不少 價錢也不貴還未點餐 店員已立即送上餐湯麵包 服務不錯我們點了一份H咸豬手-$76因為看到食評都讚豬手好吃所以點了但是個人覺得實在太鹹了 我飲了很多杯水 也覺得很鹹但份量來說 的確是很大另一份是牛仔骨-$82是普通的茶記牛扒 沒有驚喜薯菜份量也很多跟餐有一杯餐飲 但忘了拍照總括來說 食物一般 太鹹但價錢上和份量可接受環境服務也很好希望可以改善一下 本來火炭工廈餐廳也沒多少間可選如果可以做好一點 一定會常來 不用走去觀塘九龍灣那麼遠

吃過無數次，中午會有好多人來，所以我們都會訂位先，一坐下來就會有免費是日餐湯，有時候是忌廉湯或羅宋湯，配上麵包吃，不錯的。圓點工房每星期都會更新菜單，令人充滿期待感，但菜單必定有豬手，原因是非常受歡迎，好快就會賣完，豬手可以配搭沙律、意粉、白飯和薯角，豬手大份，表皮香脆，而且肉質容易咬口，食咁次只有一次食到肉有些難咬開，整體還是不錯的另一個多人點的就是漢堡餐，巨型漢堡一口難咬，需要分開食用，食完已經超級飽，味道唔錯。麵食類就比較細份，口感彈牙，一碟份量剛剛好。海鮮串燒配意粉價格有點貴，而且只有兩串，裡面的海鮮有兩粒仙貝，口感普通，個人覺得價格不值。羊扒味道不錯，沒有羊蘇味，肉感嫩，友人非常讚賞。蜜糖雞仔脾，表面淋上一層蜜糖加柚子，咬下去令口感層次多左，而且肉嫩，一口咬一口飯，超級好味，正~!一個餐可以搭配意粉、白飯和薯角，一份好飽肚，一已經切好一條條，非常方便。馬來西亞肉骨茶，有豆卜、腐皮和冬菇，加上烏冬，雖然不算很正宗，但味道還是不錯。如果提前訂位還會送甜品，還是不錯的。味道我覺我以前比較好味，每次上來都很期待，每食一啖都覺我非常有幸福感，忙碌工作或者不開心的事情都會立即沒有，但最近

係火炭學完陶瓷，諗住搵個舒服有特色嘅地方食lunch . 係openrice search到哩間，見到相個環境唔錯，上去試下。 坐職員俾左杯我地自己倒水，未入口，已聞到一陣臭味，類似臭狐味，我經驗話我知，應該係d唔乾淨嘅布抹杯。 同店員反應，佢話無問題嘅。 另一邊箱就唔覺意見到d姐姐係度抹緊一盤杯，然後又將塊布攞黎抹台。 我未食野已經俾杯果陣味搞到有d想作嘔，同台3 位朋友未致於想嘔，但真係覺得隻杯好臭，所以走了。 可能有d人會覺得好少問題，但當臭果種味道停留係到，就真係食唔落。

One of the classiest places in fotan to eat. Food tastes very good. I tried the chicken black truffle spaghetti which was very good, as well as their grilled chicken steak + Taiwanese sausage. The menu changes weekly, so you don’t know what to expect but everything tastes pretty good. Also the price is not so expensive, which is very good.

去火炭探朋友，她帶我嚟呢間在工廠大廈3樓的西餐廳，餐廳門口看似簡陋，以為與厰廈的canteen 一樣。但是，一入門口感覺完全不同，是花了心思去做設計。因午飯時間食客多，不方便在餐廳內影相。餐牌很簡單，以套餐為主，包餐湯及一杯熱飲。落單是自己去櫃檯俾錢，之後會有侍仔送食物來，簡單方便。我們選了慢煑美國雞下脾配意粉（$68）和焗菠菜忌廉青衣柳飯（$78)，諗住齊齊分享。餐湯連牛油法飽先上，餐湯味道唔錯，有香濃磨菇味，濃度適中。牛油飽焗得脆口，配湯一流。雞下脾意粉先上，意粉望上去似普通食堂就咁烚熟，立即被我扣分。👎🏻 但是意粉食落一點也不過稔，仍好彈牙，加上旁邊的自制蕃茄汁，味道唔錯。最出色的是鷄下脾，加咗蜜糖醃，食落外皮少少脆，肉質嫩滑，yummy! 😋😋😋焗菠菜忌廉青衣柳飯樣子不錯，青衣柳雖然有D嚡口，但很厚身，啖啖肉。上面的忌廉汁加了少少芝士也很香口，但味道不夠雞下脾好。兼且其中一片青衣柳略咸，也被扣分。☹️☹️餐飲我選了熱咖啡，後上；朋友選了熱檸茶。這個咖啡完全是水凖之作，又香又濃，肯定是選取了靚豆或用capsule 機，正！👍🏻👍🏻👍🏻整體而言，在火炭這個沒有很多食肆選擇的地方，「圓點

圓點工房都係同同事經常會黎食LUNCH既地方, 因為性價比高LUNCH MENU定期都會轉一次, 我地通常都會BOOK左位先黎因為LUNCH既時間真係太FULL啦SET LUNCH會包括左飲品, 餐湯同蒜蓉包, 不過餐湯同蒜蓉包係送完即止今日既餐湯係南瓜忌廉湯, 好CREAMY, 好好味, 蒜蓉包都烘得岩岩好本身係想食雞朳配德國腸, 但點知賣哂咁就唯有改食沙律啦, 沙律菜好新鮮但冇預計過牛肉得2片, 成枱人都覺得有d驚訝雖然唔係收得好貴, 但呢個牛肉既份量真係少得過份左少少

呢間餐廳既裝修以淺啡色嘅木為主，另外再加仿真植物去做裝飾，再配埋柔和既燈光，環境的確幾舒服一個細細既打卡影相位📷揀好食咩之後要先比錢，餐牌每星期更新一次，包餐湯同野飲，今日係羅宋湯，餐湯上既時候唔熱，少少暖，應該放左出黎好耐，蕃茄味幾濃，菜都煮到腍哂，熱返d會好d，見到隔離會跟埋蒜蓉多士，但我地就冇，應該係賣哂☹️嘩，有2大塊雞朳呀，上面加泰式甜酸醬，感覺怪怪的🤨，唔太match，不過雞朳煎得幾香，調味都調得幾好，意粉既蕃茄醬係分開，可以因應自己既口味撈幾多，意粉唔係普通搵水煮出黎就比你食，有調味炒過👍🏻👍🏻呢隻腸仔都幾好味！沙律菜配左蛋黃醬，d菜全部都好新鮮，唔會見到有爛既菜👍🏻！至於個豬仔脾就遜色左少少，以為係蜜糖柚子烤，點知就只係焗過d豬仔脾然後加平時沖黎飲既柚子蜜上去，肉質好腍，冇乜調味，整整味道一般個人認為呢個大胃王牛肉漢堡十分出色，點解叫大胃王漢堡呢，因為佢除左個burger之外仲配埋沙律同薯角，其他餐都係沙律同薯角揀其中一樣。講返個burger先，佢入面有蕃茄，生菜，芝士，份量十足，當然唔少得塊牛肉漢堡朳，目測有成1.5cm厚架！😱塊漢堡朳煎得好香，仲有肉汁架，成個burg

今日(22-12-2018  Sat)晏晝,去老公公司附近同佢食晏,原本諗住去綠色煮意,點知去到冇開門,原來禮拜六唔開.由於我o地肚餓,唔再諗去邊o度食,都係o黎幾個月前o黎過o既呢間啦(o個個食評: https://www.openrice.com/zh/hongkong/review/%E9%A3%BD%E5%88%B0%E5%86%87%E6%9C%8B%E5%8F%8B-e3155049),去到同樣冇乜人,都坐返上次o個張枱,睇睇menu,嘩!最平o既set lunch都要$128.00,咩事咁貴?之前都係由$58.00至$98.00不等.我o地決定要$128.00o既美國安格斯牛肉漢堡伴辣味薯角,要熱蜂蜜綠茶,同$148.00o既特大老虎蝦黑松露天使麵,要熱柚子茶.唔知今次有冇餐湯呢?首先端上o既係兩杯飲品,點解杯熱柚子茶唔係茶色?之後就係餐湯,係粟米忌廉湯,食蒜蓉多士先,已經唔熱,重要係有少少韌.粟米忌廉湯算杰身,但味道偏鹹少少.之後兩個食物都到o黎,睇睇美國安格斯牛肉漢堡伴辣味薯角,都幾大碟,辣味薯角唔辣但已腍晒. 美國安格斯牛肉漢堡都幾乾,牛味係濃,呢個至係比麥當勞厚.

係火炭翻工 呢間一星期都會黎食2-3次 佢地每星期都會轉一次menu 今個禮拜好吸引🤤🤤前幾日已經試左雞下脾 所以噚日就試另外兩款 豬鞍扒就甘食咸左少少 配左飯就好好多

來到火炭區出Job上來很喜歡的圓點工房食個靚早餐先平時好鐘意上canapesroom 食佢個午餐德國豬手同漢堡都好大份好好食😍😍估唔到早餐都好有驚喜上親來圓點都覺得環境好靚好舒服星期六仲要唔係好多人，店內播著輕鬆既音樂令人好舒服，竟然播緊毛不易，到底店員有幾潮啊講重點啦，早餐無咩要求，諗住叫個公仔面餐加般咖啡醒一醒，點知... 用心既餐廳，連一個公仔面都可以煮得好食過人老實講，今時今日$30一個早餐係香港仲想有咩要求，點知呢個公仔面餐湯又好飲最勁既係五香肉丁竟然係一粒粒肉來的問店員佢話佢地唔係用罐頭，用自製既肉丁，幾蚊既貨仔會唔會太用心啊個雞扒又係堅好食，外脆內滑我真係太愛呢度啦，超底食，極力推薦

今日(15-9-2018 Sat)晏晝,去火炭同仍要開工o既老公食晏,上網search,見呢間o係佢公司附近,於是走o黎,上到去,環境好好,好優閒舒適,坐低後,決定要$76.00o既德國鹹豬手配蜜糖芥末醬,要沙律,要熱柚子蜜,老公要$72.00o既川味辣汁慢烤石班柳配薯角,加$3.00要凍蜂蜜綠茶.買完飛冇耐,兩杯o野飲同德國鹹豬手配蜜糖芥末醬及沙律到o黎,德國鹹豬手份量唔少,食吓先,鹹豬手已經好夠鹹,可以唔蘸蜜糖芥末醬,皮仍有啲脆;沙律菜o既醬都係蜜糖芥末醬,即duplicate o左.熱柚子蜜正常冇問題.凍蜂蜜綠茶就稍為覺得淡o左啲.老公o既川味辣汁慢烤石班柳配薯角呢?份量都唔少,厚厚o既石班柳有4件,老公就覺得川味辣汁微辣開胃,我都覺得係小辣,雖然唔差但我都唔敢食咁多,石班柳開始有少少o鞋;薯角仍脆又夠味,唔蘸茄沖都得.我o地食到8,9成覺得好飽,估唔到連老公都大嗌好飽,點解食極都食唔完.但o衣o家睇返menu,原來冇餐湯.味道係3.56分

德國鹹豬手向來都係我嘅心頭好，今次朋友介紹我食呢個平價版鹹豬手，本來預計質素應該一般，點知竟然有驚喜喎！❤️·👑 德國鹹豬手配蜜糖芥末醬（$76）鹹豬手皮脆肉嫩，唔洗點蜜糖芥末醬都好好味，份量都唔少 🤤 大家可以選擇配白飯/意粉/薯角/沙律，今次揀咗薯角，外脆內軟，非常吸引！·呢個lunch set包餐湯同餐飲 (熱茶/蜂蜜綠茶/韓國柚子茶) ，算係幾抵食，只要細心d搵，喺工廈都可以「搵到食」，yummy yummy！😉

一路都覺得火炭係個工業區，冇咩野好食。係openrice 睇睇下見到呢間睇落好吸引嘅餐廳，決定去試下～呢間餐廳嘅位置都幾難揾，原來幢工廈分左好多座，座與座之間都唔相通。我一開始都上錯左第二座，搞左一陣先揾到呢度。呢度環境好靚，餐廳都幾大間，如果可以慢慢坐都不失為一個好地方。一坐低侍應就黎送2碗忌廉湯同埋2塊蒜蓉包比我地，我地連餐都未落2樣嘅味道都不過不失。蒜蓉包嘅味道如果可以再濃D就更好！呢度最低消費係一杯野飲，一開始我係度諗應該冇咩人會係lunch time 就咁叫一杯野飲，但見到野食黎之後就明白。朋友叫左份燒牛肉貝殼粉，一開始都冇expect佢係凍食黎嘅，不過依家咁熱嘅天氣食D凍食都幾適合～呢碟粉嘅份量真係唔講得笑，真係多到嚇死人2個女仔share完全冇問題！味道唔錯，沙律醬唔會多得過左龍。貝殼粉軟硬度適中，沙律菜稍稍稔左少少，但都可以接受。呢個價錢食到呢個質素仲要咁大份，真係抵到爛！我就叫左呢個香蒜辣肉腸炒天使麵。其實個人唔太鐘意食辣肉腸，不過對個炒天使麵有興趣。佢唔算太辣，麵嘅口感都炒得唔錯，不過稍稍覺得油左少少。份量方面就冇貝殼粉咁誇張，一個人食就岩岩好。不過辣肉腸就得幾片，