團日式拉麵

營業中

休息中

荃灣其實有唔少需要排隊而且人氣十足的拉麵店，今次真係估唔到依一間係內街入面，而且毫不起眼嘅拉麵店咁得我歡心。由於返工喺銅鑼灣，基本上銅鑼灣大大小小嘅拉麵店都食過。對比番我食過嘅拉麵店，依一間係絕對會encore嘅。我覺得仲好食過登龍街所謂嘅米之蓮一星拉麵🍜我自己叫咗櫻花蝦拉麵，呢間野有得揀係直面定曲面，自己本身比較鍾意直面。食拉麵我會好重視佢覺得湯底，依個湯底我覺得好濃郁，但又未去到好杰撻撻好鹹，係我鍾意嘅而且個湯底食到尾有少少肉碎，食得出佢用咗好多材料去整依個湯底。另外必須要讚嘅係佢個流心蛋做得十分之好，如果唔係當日佢唔夠買，隻蛋冇得再另加，我一定叫多隻我自己覺得佢個流心蛋比得上好多間出名嘅拉麵店！再加上佢所有嘅配料都好多，所有嘢都好似食極都仲有所以好開心經過食到依一間拉麵，正常嘅價錢，又唔使等位，就可以食到咁高質嘅，真係好似賺咗咁另外，依一間係用門口嘅自動售賣機去落單。當日唔知點解我張$100佢碌極都碌唔到入去，好彩好人嘅店員哥哥幫我換咗張$100， 我先至買到🙈所以如果大家去食就記得準備定現金啦如果第時有得比八達通就好啦！

兩個放工諗去邊到食還是去街市買點菜回家，經過拍車大屋街，竟然發現開左間新嘅拉麵店，而且用上日本自助售票機，自助點選食物，連日本進口特色飲品也有，店面極盡日本拉麵店模樣未入店前睇下有什麼推介先，清楚列明每碗拉麵都有叉燒(火炙), 竹筍，紫菜，溏心蛋同我地最鐘意嘅青蔥京蔥，香味提升口感更有咬口！我實在太喜愛招財貓啦！ 竟然連飲品也可以咁 Cute, 飲完都留翻做紀念，屬微炭酸飲料，夠氣。老公就揀左巨峰 soda, 好夠巨峰香味，飲落夠氣，食得飽飽地 chur一 chur爽呀！黑蒜油拉麵 $83 價錢中規中舉蒜香撲鼻除黑蒜油還有生熟蒜，更加濃，整體都高分，我選嘅麵底係曲麵較粗身同彈牙煙韌，配濃湯好夾，溏心蛋真係好溏心好舔口，火炙叉燒厚身焦香半肥瘦好好味！ 真係好味自家製叉燒櫻花蝦拉麵 $88賣相已吸睛了，櫻花蝦豪不吝嗇，湯底同樣濃味，餸就大至一樣，不過老公就揀左直麵即係較幼身個種麵質，所以同蝦味濃湯特別夾，老公竟然飲埋 d湯囉！ 好話好味下次可以 encore喎！

這間團拉麵好特別，售賣方式好似日本，在門口前入錢買票。除了味道外，也有曲麵及直麵選擇，曲麵較彈牙，而直麵也腍身及吸湯。櫻花可樂 $22: 不要以為櫻花味是甜，櫻花葉其實是鹹的，這個微鹹可樂味道特別，有點另類！富士山柚子梳打 $22: 柚子味清新不太假。朋友選的新推出 激辛味噌拉麵 $88是滿滿辣油那種，食得辣的朋友也覺得有點辣，而曲麵確是幾彈牙。我就是 魚介拉麵 $80湯底味濃，幼身直麵掛湯力高。叉燒燒過特別香，肥瘦分明，帶點嚼勁。半流的溏心蛋，正。

今日喺荃新天地行吓，見到附近有間拉麵舖又幾有日本🇯🇵風味，間舖頭出面擺咗部自助售賣機，好似日本咁😉見佢咁少見，就㩒吓佢啦我叫咗櫻花蝦🦐拉麵$88，一上已經聞到濃濃既🦐味，一飲個湯頭，就知佢個湯係落足料😚而且我揀咗曲麵，掛到唔少湯👍🏻👍🏻碗麵除咗櫻花🦐，仲有一隻溏心蛋同兩塊🔥炙叉燒，隻蛋啲溏心啱啱好，唔會話留哂出嚟之餘，又唔係熟🤤塊叉燒佢係追求有嚼口，所以有實在既感覺👅信州蘋果味梳打！果汁味都重！好飲!但有少少貴..要$22一支~呢間整體都唔錯，行過荃新天地附近都不妨試吓佢

香港拉麵店愈開愈多，不少地方也大排長龍，亦有小店開在冷巷在等你來吃呢。這天就選擇在這小店吃東西。作為一個吃貨拉麵霸，吃遍全世界拉麵是我的目標喔。所以今日一知道拉麵店新開也很忍不住吃吃喔。一到店外，即發覺很有日本風的感覺，在一個小巷中，有一個燈火地方吸引到街上的行人。就是這店了，在外也放了一個如日本拉麵的小機。同行的朋友跟我很興奮，想不到在這也尋找充滿日本感。長必去的日本拉麵店無疑！吃貨們還不快點往下看，叫兩款拉麵：櫻花蝦拉麵＆激辛拉麵。在機也選了喜愛的拉麵後，可以再加一些已有材料，由於兩個有的材料都是一樣，所以都沒有特別再添喔。日本拉麵本就很濃味，日本正宗的感覺也很得到，而且湯亦很美味，材料有豚肉兩塊，加上完整的溏心雞蛋，令整個晚餐添上快樂。

又黎荃灣啦😎今次一於試下呢間新開既自動拉麵售賣機店舖頭位置都幾遠，我由地鐵站行過去大約15分鐘行到越黎越肚餓，終於見到門面啦😆舖面幾有日式風味，大大部自動售賣機係門口我地先係售賣機選擇自己想食既湯底，再揀麵款 分別有曲麵同直麵。最後仲可以添加叉燒或者蛋添。點餐時同朋友研究左好耐，後尾先發現係touch screen🤣🤣黑蒜油曲麵 ($83)我就叫左黑蒜油曲麵，叉燒係舖頭自家制架。好似d日本店舖一手一腳全部食材都自己整咁蒜油味唔算太香，不過湯底尚算唔錯架櫻花蝦直麵 ($88)朋友就叫左櫻花蝦，故明思意當然有櫻花蝦啦櫻花蝦為拉麵增添鹹香味，口感亦更豐富不能不提隻糖心蛋😋少少流心好好味信州白提子梳打 櫻花可樂最後，黎到拉麵店點少得叫支日本飲品呀😎兩款都甜度適中，售賣機仲有好多款式揀架🍇

前排睇到呢間拉麵店開，已經好想黎😆因為應該係全港第一間好似日本個邊拉麵店🍜好似日本咁自己係店外自動販賣機度落單，再入店內坐🎫好有feel~-🔹黑蒜油拉麵($83)一向都好鍾意食黑蒜油湯底，好香😋我揀左直麵，軟硬度無得揀，但都幾好，唔會煮得好淋👍🏻叉燒炙燒過，半肥瘦唔會好鞋🐷都幾厚，而且有成3塊，一定夠飽！另外溏心蛋好OK😍個黃岩岩好啊！筍有啲淋唔夠爽脆，同埋得幾條有點少🤔-🔹魚介拉麵($80)男朋友揀原味魚介湯，佢話好滿意個湯底😳佢揀曲麵，其他配料都同我個碗一樣~-🔺可選曲麵/直麵🍜-▫️柚子梳打 / 葡萄梳打 ($22)呢度最開心係有超多口味既汽水😻平時見開既都係得幾款，呢度有成14款，好興奮花多眼亂😆最後揀左柚子同葡萄🍇

荃灣呢間「團日式拉麵」店，好有日本拉麵店既感覺，因為是先購食票，再入內自選座位後，食票交給店員，稍後會送上食物，食完直接離座便可。食店提供5款口味之拉麵，包括有魚介、黑蒜、辛味、櫻花蝦，還有新登場的激辛味噌，我揀左櫻花蝦拉麵。之後便可選曲麵或直麵，每碗配料都有竹筍、京蔥、青蔥、一隻糖心蛋、叉燒、紫菜等等，非常豐富，可選走蔥、竹筍。我當然全部都要，有蔥才香，有竹筍增添口感。我仲點多個蘋果梳打清爽一下，完全選擇後，就可以入錢。取下收據及點餐食票就可入食店。店內裝潢都是日式風格，牆上掛了日本國技「相撲」畫，另一邊吧枱上方放滿酒埕。櫻花蝦拉麵 $88先飲啖湯，好多櫻花蝦乾，為湯底添加鮮香味，而且不會太咸。我揀左曲麵，更爽彈有咬口，同時掛到更多湯汁。叉燒用五花肉，而且超大塊，經火炙過多份焦香，半肥瘦豬肉有彈性且肉味重，仲有溶化既油脂香。糖心蛋有流心效果，濃厚的蛋黃同其他食材味道結合，好完美。信州蘋果梳打 $22好香蘋果味，入口有炭酸飲品的氣泡沖擊，好清爽。蘋果既甜味亦好夾豬肉，更能清減油膩感。

有成隻流心溫泉蛋丫😍 呢間拉麵好有日本feel 要先係店外撳掣買飛 部機只收100蚊紙，所以記得準備啦😂湯底幾濃郁魚介拉麵同櫻花蝦拉麵都各有千秋😋係塊叉燒有少少唔夠冧 #團日式拉麵

今日行過荃灣街市見到有間有點隱世的日式拉麵，見未食午餐便進去試試。點餐方式是用自助點餐機，揀選自己喜愛的麵餅及有5種拉麵選擇，可另外加餸，點選後入錢就可以撳機落單。櫻花蝦拉麵櫻花蝦份量非常多，吃起來更鮮甜，曲麵硬度是我喜歡的，掛湯力強，唐心蛋沒有失望，入味且流心，如果有得選擇會更開心。黑蒜味拉麵試了少少朋友點的黑蒜湯頭，覺得比蝦花蝦湯底黎得更濃郁，豚肉肉質軟淋，帶一點黑胡椒味，很不錯來自日本的飲品，價錢不貴信州蘋果梳打果汁濃度50%，入口蘋果味濃，不會太甜，很解喝

團日式拉麵🍜鋪頭係city walk行過去2分鐘都唔洗，好方便呀就橫巷離遠就見到，裝修好日式好地道，門口有一張長木凳同一部自助售票機，係日本玩過好多次，所以見到都唔陌生拉麵款式同一般拉麵店差不多，唔算太多，每款已經包左有叉燒、蛋同旬，再禁就係追加啦揀好就可以入錢啦，我地叫左一個黑蒜油拉麵，一個激辛味噌拉麵，仲有柚子同水蜜桃味氣水，買左就可以入去搵位坐比票比職員入面座位都唔少嫁，吧位就6個，2人檯就7-8張到，我地6點左右就到，野食一到就愈黎愈多人啦位與位之間都好闊，幾好幾好麵底有得揀直同曲，最後我地兩碗都叫左直麵出面食黑蒜通常都偏咸同油，同埋好似出錢一叮，但係依到濃味得黎唔會好咸，一啲都唔油。好好味，而且唔單止有炸蒜仲有生蒜，食落味道豐富叉燒偏簿但好入味，非常淋，一碗有兩三塊通常日式拉麵既辣味都唔會好辣，但依個就愈食愈辣，食到出曬汗，唔食得辣既要小心啦糖水蛋好出色，岩岩好流心，原隻上，好好味兩款氣水各$18，兩款都唔錯，配辛辣味岩岩好

自從同左男友拍拖，我已經漸漸變左半個荃灣妹😌作為兩個麵控，我地係荃灣食左唔少拉麵、粗麵、車仔麵，當然中伏次數都唔少🤣🤣🙈呢間拉麵店就係佢送我返歸既必經之地既附近！比佢門口果部自助售票機吸引左😍一於試試計埋期間限定果款，一共都係得五款，其實啲餸係全部一樣架，啫係五款不同既湯底咁解。我成日都覺得款式勁少既餐廳係超有自信、一定係要整得好好好食先會咁做😈·每碗拉麵都係有火炙叉燒、溏心蛋、紫菜、竹筍同埋蔥自助點餐果既可以揀直麵/曲麵，走蔥走竹筍咁，我就覺得😗如果有得揀埋麵質會更好，我一向食開硬麵既🙈··🍜黑蒜油拉麵🥢HKD83··🍜魚介拉麵🥢HKD80上枱睇到賣相都幾靚仔，叉燒肥瘦岩岩好，唔會鞋口👍🏻👍🏻溏心蛋都好流心下，不過我咬得太醜、無影低🤣一路食仲一路望到廚房入面，師傅不停跟timer計時煮麵，同埋超級大力咁fing啲水😆👏🏻👏🏻·男友揀既黑蒜油湯底好香好香，不過佢話中意我果碗魚介湯多啲、入口甜啲喎😏·個人認為呢間同長期排隊排到天荒地老果間，質素其實差不多、不過就款式少啲、位置係巷仔咁如果係食來食去都同一款野既人（我），就好岩黎呢度😂😂

日本流行入幣販賣機，節省人手下單結帳時間，客人與店舖也方便，朋友已經幫親過，推介我來食，今天既然在附近，順便食個快麵。在門外擺放的販賣機與日本的有少許分別，不過操作也容易，只需㩒，㩒，㩒，入錢，找錢，取票，最後交票給侍應，很快有得吃。每碗麵內已包括叉燒，紫菜，溏心蛋，竹筍，青蔥，京蔥。 辛味拉麵 $85 (選了直麵)與中國式，韓國式的辛辣味不同，這個散發輕輕的辣味，湯底厚，不會濃到漿口，不感肥膩，直麵爽口彈牙煙韌，每碗有2大塊半肥瘦叉燒，食落甘香，有成隻溏心蛋，加上大京蔥青蔥的香，芝士粉，不流。櫻花蝦拉麵 $88  (選了曲麵)很香呀，這碗曲麵掛湯能力強一點，較直麵腍身點點， 但也彈牙煙韌，櫻花蝦份量足夠，湯底中有陣陣的濃香蝦味，把麵，湯，櫻花蝦一起放在湯匙中吃，好味。富士山柚子梳打$22有點像柚子蜜加了汽泡，不會很甜。芥末薑汁碳酸 $22薑味濃，芥末輕了一點，有汽泡，頗好味。

荃灣日本野唔少，作為半個荃灣人，大至大大件三文魚，細至海膽手卷我都試過唔少，但係唯獨呢間，由內而外都係日本嘅味道！地點幾易搵，係荃新天地後面條街，啱啱推開道門，侍應哥哥就叫我請留步！點解？因為呢間舖係要喺門口自助買飛先！我作為半個荃灣人+半個日本人，果下突然好感動，竟然可以喺香港見到呢部機！其實成個購買過程都好方便，好似你喺汽水機買野飲咁，不過佢就要俾現金，但都唔駛擔心找續問題，因為佢寫明可以入返舖頭找錢。呢種細心，都好有日本風味！因為食lunch關係，唔想食太貴，我就嗌左最平果款拉麵，同埋放縱自己揀左波子汽水。埋單唔駛100蚊，都幾happy。買完野終於入舖，其實間舖裝修好簡單，有啲muji feel，坐得都幾舒服。飲支波子汽水都唔容易！因為太耐無開，同埋通常開蓋都會瀨野，我開極都開唔到，個侍應哥哥見到即刻幫手，服務態度可以再加一分！等左10分鐘，拉麵到左！魚介湯勁濃郁，木魚、筍全部都好足料，叉燒嘅肥瘦都啱啱好，可以算得上誠意之作了。不過魚介湯食到最尾有啲太濃味，好似食緊沾麵咁，要睇大家個人喜好啦。但係荃灣有間咁樣嘅小店，我都希望佢可以生意興隆，得閒放lunch可以去回味吓日本味道。

隱世日式拉麵店真的名副其實隱世。首先這間拉麵店位於荃灣的一條隱蔽嘅大屋街内。 因位於街市附近，白天時會比較多人經過，但一入夜後就變得極清靜了。看這圖是不是如身在日本呢店鋪用上日本拉麵店的自助點選菜單機沒有足夠散紙不要緊， 侍應會給你換上的。面底有分曲面和直面，其實也可以理解為曲面比較粗，直麵是比較幼的。揀選好便可以憑兩張收條入內，揀選座位後，便可以耐心等著一碗熱騰騰的麵奉上喇！期待中•••••••••••黑蒜油拉麵(直麵) 三大塊日式豚肉，麵底大再配香噴噴的黑蒜油，兩塊紫菜，比平常食開的日式拉麵整體分量是較大碗的。雞蛋原隻上，界開後流呀！櫻花蝦拉麵(曲麵) 超多櫻花蝦，令湯底更濃縮，超juicy一人一支飲品是常識吧芥末薑汁碳酸 ~ 一入口有薑啤的味道，再品嚐第二淡，芥末的味道又滲進來了 山梨葡萄梳打相對來說，這款味道較普通。