土司工坊 (奧海城二期)

營業中

休息中

好耐無寫食評啦，原來對上一次已經係八年前黎緊會紀錄低我呢排食過既早餐 今日試咗奧海城呢間喺Food Republic裡面既Toast Box。Food Court裡面好少人，環境好靜啱晒早上唔想俾啲阿伯大媽噪音滋擾。講返食物質素先。早餐43蚊但係份量應該男人食唔飽⋯ 又或者我大食？早餐我鍾意食得豐富啲啲。個火腿芝士多士正常發揮，通粉兩啖就食完，睇圖都知幾細兜。唯一可取係個咖啡，我見到個店員係即沖既。我覺得去大家樂食得飽過佢

叫咗一個 傳統吐司餐+凍美綠再加多一份10蚊嘅小食雞扒,已經係52蚊,感覺真係有啲貴同埋係E間分店係冇openrice嘅優惠有2隻煎蛋，煎蛋偏過熟裏面塊牛油夠厚， 咖央食唔到，基本上一隻淨係食到啲牛油， 包係夠脆，但係就好乾，乾到飲多兩杯水都頂唔順。覺得如果係要撈埋個蛋嘅，但蛋就唔應該咁熟， 兩樣嘢完全唔夾。雞扒係好食嘅,個扒都好夠脆,不過其實好細份,10蚊嚟講都仲可以接受嘅凍飲美祿要加四蚊,真係貴到唔知講乜好， 仲要成杯都係冰， 想知有幾誇張可以睇圖。

休閒的下午茶行街到攰，經開food court見到有間吐司工房， 二話不說嘆番個high tea先， 最鍾意食佢就係效率夠快， 雖然吐司雞蛋呢幾款自己屋企都做到， 但係佢個靈魂就係佢獨有既醬， 配合起埋一齊好食， 門市都會有得賣獨有既醬， 可以買返屋企自己整。 嚟到一定會飲佢個美綠， 今次仲送咗兩包美綠嘅餅。 吐司工房下午茶必去嘅地方

疫情期間試左好多外賣, 今次係吐司工房, 間唔中去食都係食喇沙, 外賣都唔例外~自動分左湯, 但湯就少左d, 得個碗既3份1, 少到食到尾會變左撈麵呀, 依度扣左鐘。餸方面就無偷工減料, 6粒豆卜, 3大隻蝦, 仲有魚片同蛋。佢個湯底真係好好味, 好濃旭香料味, 又辣又好惹味。叫多個菜fresh下, 份量都係少左d, 得幾條既生菜, 面頭有d炸蒜, 幾香。總括黎講味道係好食既, 不過湯同菜份量差d, 外賣黎講耐唔耐食下都ok既。。。

大家有無覺得在外邊食吐司好似好唔抵食😅，我都覺㗎，不過我好欣賞吐司工坊嘅吐司，因為真係好食😋，除咗吐司工坊，其他地方我都好少食吐司，在家中始終都係整唔到佢嗰種鬆脆，亦都整唔到佢咖央的餡料味道，唔會好甜，我好鍾意佢嘅味道😋。

相信大家對土司工房應該唔陌生，佢係一間連鎖餐廳，周圍都有分店。 選擇佢最主要嘅原因係，出餐快，價錢合理，食物水準高。作為常客，佢嘅餐牌我都試過七八成。首推當然係多士餐。價錢平，好食，仲有煎蛋補充蛋白質，更加係全天供應。有時候不是很餓，吃多士餐已經很滿足。特別適合食量小的女士。但係今次我食咗另外一樣，就係咖喱雞扒麵。相信大家去土司工房都係會選擇多士、喇沙等等，但其實佢嘅咖喱係非常之出色。無論係佢嘅咖喱飯定咖喱麵都好好食。而佢嘅雞扒，有雞味得黎又有口感，又唔會太熱氣。另外，依個餐係配薏米水，好飲得黎又健康。未試過嘅朋友一定要試吓依個餐。

到the sky 看早場 時間不到10點 很多餐廳仍未營業 看到大食代的土司工房開了 便嘗嘗吧 餐牌與茶餐廳差不多 但帶點新加坡風味《傳統土司套餐》主角當然是咖央多 當中的咖央醬十分出色 加上厚厚的牛油 不得了 雖然感覺好肥膩 但亦十分滋味 當中有砂糖的口感👍🏻煎雙蛋 不過不失 煎得一點也不乾 但十分油😅跟餐的奶茶是加煉奶的 即是茶餐廳的茶走😂《雞翼蛋麵餐》這餐本身已有一煎蛋兩雞翼 當中的煎蛋比較熟 可能一直有熱湯浸著 令其少了鮮嫩的質感 跟餐可+$10 有咖央多 十分化算 推薦大家跟餐必加到奧海城看早場吃早餐有一好選擇了😋人均$40

記得曾在馬來西亞的檳城吃過虾麵後，一直都記掛著那重微微的辣，麵質彈牙的感覺。慶幸1月14日，去interview之前，獨自係奧海城醫肚，不試尤自可，一試即愛上🤤虾身本身夠大，肉質結實，湯底惹味，再加埋杯奶茶，簡直係錦上添花。

同女友睇toy story前快食，所以求其揀近戲院的大食代食！去到突然想食喇沙就決定買土司工房了不過排隊都幾耐下，我前面大概有2,3個人。。可以收銀哥哥要沖埋嘢飲關係所以慢d啦等咗大概5至7分鐘終於到我，可能收銀太忙啦，完全係希口希面不過算啦都係打份工姐！叫咗個喇沙套餐加凍華田沖左杯嘢飲比我就比牌我等。。不過全程係無講嘢嫁不過等咗都幾耐。。。差唔多20分鐘賣相幾好點知一食。。湯唔夠味，d餸唔熱。。華田都無乜味。。。總之非常失望！以後都唔會食！

土司工坊，新加坡籍。大概在10年前進駐港，開了幾家分店。曾在新加坡外遊時吃過，是在Food court內的。來到香港，也住在food court內。跨國連鎖集團餐廳，所提供的餐點都大同小異。一般南洋料理都有，唯香港店會提供公仔麵，也是一種地道特色。早餐時段，選擇也多，有招牌的雞蛋、花生醬吐司、肉鬆吐司、三文治、還有粉麵等。最欣賞它的花生醬厚吐司，選用粗粒花生醬，毫不吝嗇的塗滿吐司。雞蛋，可選煎至全熟或半生熟，畢竟是連鎖店，選擇都一樣。早上還供應港式三文治，腿蛋、餐蛋等，很迎合港人口味。南洋奶茶，喝過便知道是以煉奶沖煮，跟港式奶茶是兩碼子事。不愛甜的，可改用淡奶或少奶。入鄉隨俗，體驗南洋風味，便是喝甜得很的奶。

每次想食喇沙 ，第一時間就會諗到 toast box ，因為地點就腳分店多，而食過好幾間 Toast box，雖然份量同麵煮出來的質素都不大相同，有時餸的份量少得有點過份 ，有時麵剛剛交到客人手已經有點發脹過諗，不過我發覺有一樣東西，間間舖都好一致，就是喇沙湯湯底，真的保持到間間都一樣，而湯係喇沙嘅靈魂所在，成碗麵好唔好食，好大程度靠晒佢。Toast Box 喇沙湯底有好濃椰香味 ，帶少許辣，配菜有半隻蛋、魚片、豆卜、芽菜及鮮蝦數隻，用米線作麵底，湯面有一層紅油，看似很辣，但其實食落只是微微辣，亦帶出椰奶香甜味道，將一小束麵放上匙內連喇沙湯一起送進口內，簡直回味無窮。即拉奶茶，口感幼滑，因為用練奶沖，所以帶甜，今次職員沖得幾好，丕太甜，好香好味。喇沙套餐以往大約$55 ，現時加大了份量，價錢相對亦提高了，其實都合理嘅，不過如細食的女士有得揀，我諗多數會揀番$55 份量喇沙套餐。

平時啲人黎到通常都係食喇沙。今次我就叫左個餐蛋麵（+$4轉出前一丁）同傳統吐司- 牛油咖椰。比完錢，職員會即時沖左杯奶茶先～職員會先會用滾水沖杯，再用非常熟練既手法沖出一杯又香又滑既奶茶。呢到既奶茶同茶餐廳飲到既唔同，係唔需要加糖既～佢係沖既時候已經加入左煉奶，甜度剛剛好～非常好飲😋😋除左奶茶之外，牛油咖央都好正架！土司中間夾有咖央同牛油。土司新鮮烘起，咬落非常脆口。食完會再想食多舊👍🏻👍🏻餐蛋麵簡簡單單都好味架😋全單加埋$58

周末在奧海城逛街，打算在food court隨便吃點東西。因為啡癮發作，所以就選了toast box (小妹頗喜歡這裡的咖啡 )！toast box的分店眾多(小妹已試過九龍灣，觀塘，鑽石山和大埔分店)，一向都覺得她的Laksa不過不失，可惜今次實在令我大失所望……Laksa的餸不算豐富，其中的蝦更是無味，最糟糕的是麵線已發脹……發脹了的麵真令人嚥不下去…… 猶幸熱咖啡仍然保持水準，尚算有點安慰。如有必要再來，吃個咖央配咖啡應該伏味較少

工作日的晚上七點考試，唯有一早殺到奥海城二期商場里的food court醫肚先。大食代是星加坡飲食集團旗下的，在星加坡經營得很成功。這家大食代里有幾家都是以星加坡菜為主，地方大，选择也不少。因為晚餐不敢吃太多，所以选了吐司工坊的吐司套餐。一份吐司加剪双蛋，另付6元有一杯薏米水。口味與星加坡的吐司工坊相差無幾，不過沒了那份游客的放鬆心情，所以吃食物也只是狼吞虎嚥，沒有细品。總得來說環境不錯，食物也可以，若是想快速解決一餐飯，這裡是個不錯的選擇。

今晚蒲咗嚟奧海城， 咁一條友食嘢就求其啦所以行咗去個 food court度。兜咗一個圈之後，喺toast box 度坐低咗。睇完餐牌左揀右揀，最後點咗個喇沙。啲料比較少， 你哋見到嗰隻蝦都比較細隻但係好爽嘅。可能用左好多疏打粉乸過。喇沙呢就應該係有兩隻以上嘅麵溝埋一齊， 但係呢度係得米線一樣。湯底唔夠豐富啦，同埋冇乜辣味同椰香味。同一向食開既喇沙比就爭小小。不過可以改善嘅。杯餐茶我點左熱檸茶，夠熱味道ok同出面茶餐廳差不多水平。五十零蚊一個餐點講呢，可以接受啦。