土司工坊 (已結業)

約了朋友去朗豪坊shopping, 逛到餓餓地去Food Court揾食，大家都愛吃麵包不愛吃飯，所以選了在土司工房醫吓肚。大家不約而同點了肉鬆土司套餐。方包烘過塗上煉奶後再加肉鬆，味道好夾👍😋最方便是切開了九小塊，方便女士們可以有儀態地吃🤣🤣還有兩隻煎蛋及咖啡☕️夠晒飽。 但新加坡口味的咖啡和檸茶我喝不慣，味道有點奇怪。

Moko 依家有越來越多食店進駐，唔少仲要係過江龍知名食店🧐所以每次選擇困難症發作既時候都會提議去food court 🤣 直接了當，大家可以揀番自己鐘意既野😆點知今日我地口味一致就揀左係food court 門前左邊既toast box 🍞1) 今次我就揀左喇沙😋，一直都對喇沙有情意結，去親食東南亞菜都一定要食番碗。今次都冇令我失望，🦐🦐🦐都有3隻、魚片豆卜亦唔少得，唯一遜色既係個湯唔夠濃，再濃少少就💯2） 蝦🦐湯麵蝦湯麵用左2隻新鮮大蝦🦐🦐，再配以魚片作配料，蝦湯味濃，但我都係鐘意喇沙多d🤣

早上睇戲前，先食個早餐戲院下一層就是food court食物味道是可以，但等待時間太長，20分鐘才有如果趕時間的朋友，不建議選擇咖央多士：可以再烘得燶一點，相信會更香脆咖央醬不算太多，但牛油太多而煎蛋太熟，蛋黃都變實了奶醬厚多士：反而這個烘得燶一點，太乾，包邊乾到𠝹咀了

叻沙首選一定係TOAST BOX！今日行完花園行黎到新世紀廣場搵嘢食，經過TOAST BOX自從以前元朗個間執咗笠之後都無再食過。懷念叻沙同美祿暴龍🍫🦖所以就入去重回舊時的味道太滿足啦呢杯美祿暴龍，爆肥指數升到100，都在所不計了。呢碗叻沙真係令人回味，唔太辣但又夠哂惹味？仲有好多海鮮同配料，好想連啲湯都飲哂佢😡呢個炒米粉有啲偏辣，好有馬來西亞風味，而且都好大碟

本來好鍾意食喇沙嘅我！！！！見到吐司工房梗係唔會放過啦。。。。。土司工房出名嘅係麵包咁就即管叫一碗喇沙試試味道……可能因為食過太多嘅喇沙。。 相對這一間就冇乜特別大嘅感覺啦！！就係覺得差了一點點。。。。。湯味不太濃~~~~不夠鮮........辣的味道……令喉嚨唔舒服…………價錢一般………下次試其他先.......鍾意食 這款東西就有要求希望佢哋會多多進步喇。。如果100分係滿分嘅話呢一款喇沙其實都會有70分。。

收工口痕經過，買左件青bb 既斑蘭蛋糕，太耐冇食了！食落都幾鬆軟同埋有好清香既斑蘭味，而且唔會好甜，真係唔錯，下次都會考慮再幫襯一下！不過一陣風咁就吞左16蚊，略嫌唔夠喉！

原本諗住叫多士，點知叫左軟包…幸好，發現左原來軟包好好味鬆軟得黎甜甜地…不錯不過配蝦米做饀其實好古怪甜包夾住d 鹹野？！這不是肉鬆唄搬左d 蝦米落喇沙度食，成件事先正常返個煎蛋無特別…原本想要肉鬆多士餐只係唔想食煎蛋…well... haha雖然淡口，但個喇沙仲keep 到水準辣左少少，不過還好吧最中意都係個南洋咖啡，好香又濃郁落左練奶既甜，齒夾留香

晚飯時間嚟到moko mall唔知食乜好，經過food court醒起朋友話toast box啲喇沙湯麵好食，於是就諗住試下呢到嘅喇沙係叫做叻沙，咁我就叫咗碗叻沙湯麵同咖椰toast作為我嘅晚餐咖椰多士係將烘麵包用椰子醬同埋一塊牛油隔夾住多士食落好脆，配埋牛油同椰子醬個種甜甜地又好香牛油味嘅味道好夾，真係幾好食叻沙湯麵 顧名思義就係喇沙湯底再配麵佢個喇沙湯底好香椰汁味，味道 甘香醇厚，仲食到蝦膏味，雖然個人麻麻地米線，但配埋呢隻喇沙湯食落又真係幾唔錯配料仲好足

肚仔空空又未到 dinner time, 去左foodcourt 諗住吉串魚蛋，又冇喎。所以揀左個最 light 的，土司工坊的T1 餐。傳統土司套餐$37首先會俾一杯滿到瀉的奶茶，用左練奶冲，香濃熱辣好味。其他食物，就要等吓，有部 call 機俾你，一響就好自己去櫃檯拿餐啦。除左奶茶，仲有傳統咖央多士同半生熟蛋。咖央多士係即整的，香脆可口。半生熟蛋就唔夠熱，食起上來感覺怪怪地，唔多新鮮咁。加左黑豉油，少左D蛋腥味都 ok 既。俾得 call 機叫人等餐，就算唔系即整都應該要熱，失望中。Late tea 時間，人唔算多，三十幾蚊都 ok 的。係半熟蛋要改善吓囉。

之前都鐘意呢間的奶茶，覺得好香，今次一個人去食嘢，order咗個菠蘿油餐，飲品卑我先，之後叫我去搵位坐，我在等餐過度等，又話唔得，我自己端個飲品等又話阻住，我仲要搵位坐等她搞好先返來拿。。。我仲是個客人被他們這麼趕來趕去。。。睇住她搞個菠蘿油先知道她點解不卑我企係過度等。。。原來他們的牛油跌咗哪返來繼續用。。。不會再幫襯任何間土司工坊啦。。好失望

經常路過會看到土司工坊，分店越來越多，好像每個商場都有它的行蹤影，今日終於來一試。旺角人流很旺盛，逛街逛累了，想找一間咖啡店休息一會，嘆杯咖啡也份外困難，這店也算是個好選擇。這家應該是星馬風味吧，因為我點了一個傳統套餐，有份牛油咖椰多士，多士入口鬆化，椰香甜甜的很好吃；它的凍咖啡，煉奶調配出來好像特別香甜；還有兩隻煎蛋，剛剛熟還少少流心，滑滑的，這裡的豉油很深色，像墨汁一樣但又不會很鹹，很奇怪。其實以套餐來說，這個價格都很化算。

依晚放工坐火車出旺角東後，就去咗旺角新世紀廣場FoodCourt食晚餐，我哋揀咗去食星加坡style 嘅 toastbox。我哋之前去星加坡嘅時候，都有食過星加坡嘅toastbox，都幾好味㗎 ！今日去叫咗個lasak麵，同埋巴東牛肉黃姜飯。Lasak麵比較淋，味道唔夠香，料都算好足，整體感覺一般啦。黃薑飯比我預期嘅好食，飯好有香料味，如果旁邊的配菜會熱d可能更好。另外我地叫左拉茶，好好味好有茶香，可能同我地飲開嘅紅茶品種唔同，杯茶係今餐飯最愛嘅。另外都叫左美綠，都好好飲，可能同香港嘅唔太同，佢係味道重而唔會太甜。最後我地叫左kaya toadt, 但都係新加坡嘅好食好多，我地依份唔夠熱，也唔夠kaya 醬。

這間南洋風味小粉的餐廳，初初來香港開業的時候。我非常喜歡幫襯，因為他的，肉鬆多士和煉奶咖啡，非常好食和好味。呢次我要了星洲喇沙麵，啲蝦明顯唔熟，呈現半透明狀態。魚蛋片是凍的，湯底衹是溫暖。但啲湯尚算好味。另外仲有一個娘惹米線，啲米粉碎濕濕。啲蝦形是半透明好似唔熟咁。食落啲粉係酸酸甜甜，但我覺得非常難食。最後就是練奶咖啡，尚算保持得味道幾好。

說實話，從性價比而言，吐司工坊完全不值得，一個嘉頓嘅麵包，隨便整一整，賣出一個手作店嘅價錢，當我聽到50幾蚊，買兩片麵包，加一啲不知所謂嘅火腿，蛋，一杯250ml嘅飲品，唔通落左聖水？？？？？我個人食左60蚊嘅咖喱雞腿椰漿飯，一上黎，一個小朋友嘅食量，好，食量唔大，好味嘅話我覺得都抵，但佢所為嘅椰漿飯，淨係有油膩嘅感覺，椰漿呢？？？？名不符實！！！！兩片大黃瓜，一小堆係無印買翻黎嘅魚干，雞腿無雞味，淨係得啲咖喱味，一個份量小，名不符實，又油膩嘅飯，值得60？？？？？？價錢和產品的質量完全不符合。薏米水入面糖漿份量太多，又有啲傑，好聽啲係足料，唔好聽啲就係糯米糖水，其他野都不評論，無特別感覺，只係覺得茶餐廳質量都不如嘅食物係咪真係值得貴過茶餐廳嘅價錢？

工作忙，難得偷到時間tea 一 tea。同事提議叫外賣，我反對，因為由餐廳整好啲嘢食至到送到上來，其間又要行又要等升降機，搞得嚟起碼半粒鐘，啲嘢食一定凍晒，唔好食。所以，我反建議出去食，反正有時間。我哋去咗新世紀專食土司嘅餐廳，搵到位坐就去買嘢食。我自己買咗一個傳統土司套餐 $34。一個餐裡面有(1) 兩件牛油Kaya 土司、(2) 兩隻半熟蛋或煎蛋和 (3) 一杯飲品。我揀咗半熟蛋和南洋熱咖啡。【半熟雞蛋】半生熟雞蛋係呢度的招牌小食，生熟程度要掌握得好，否則個精髓食無咗。加些甜醬油和胡椒粉，就可以食，一啖就啜晒入口，好過癮!【牛油Kaya 土司】先將方包去了四邊麵包皮，然後再烘到少少燶，再搽上牛油和kaya 醬。牛油和 kaya 醬非常夾，香香甜甜，加埋烘脆了的土司，又成為另一特色小食，好好食。【南洋熱咖啡】加咗煉奶的咖啡，所以會較甜一點，都係好飲嘅。有人話，偷得浮生半日閒。我就話，hea 番半刻，歎下茶。爽!