土司工坊 (已結業)

我之前我對土司工坊印象幾好，野食味道好我 今次我又黎幫襯 點知係食之前 ，見到sofa邊有只小強頓時令我食慾盡失 希望店鋪可以保持店內衛生 。不過傳統吐司味道不錯 值得一試

芝士撈面變硬芝士椰漿撈飯冇椰漿凍奶茶加煉奶冇煉奶唔知食咗啲咩2蚊撈面60蚊賣本身都唔係咩問題但食落得2蚊水準就好大問題自問對芝士都幾大興趣但佢個芝士可以做到冇味真係確實難得落豪大買塊雞再煮個撈面應該仲好食過佢簡單一句就係俾錢買難受真心唔明點解開到咁多分店點解咁多人爭住食椰漿撈飯又係另一樣令我對食產生咗一種新嘅體會椰漿撈飯竟然可以煮到好似白飯咁睇嚟依間野嘅功力都幾深厚雖則唔係話依間野唔好食d野食冇可否認係放到入口但好肯定佢唔值依個價如果30蚊樓下我會話依家其實唔差但好可惜佢係60蚊真心唔扺

土司工坊嘅麵包就一定唔買，因為超無料兼唔抵；食飯相對嚟講好少少，不過其實都係唔太抵，同類型餐廳嚟講，尖咀阿坤好好多。不過佢就夠方便咯…但有一樣嘢好奇怪，幾乎去到邊間，啲枱都係唔平嘅，永遠搖搖擺擺，永遠杯嘢飲都係會搖到瀉嘅。。。why?椰漿飯唔夠椰味，雞槌夠入味，但成碟飯得一隻雞槌就好貫徹孤寒嘅傳統咯~咖映西多如果中間可以落少少醬就會無咁乾，好彩咖映夠多，但甜得幾緊要~最好食係呢個香蕉蛋糕，有少少實在感，唔似班蘭咁飄~咖啡係ok嘅，好有南洋味道。美祿係好飲嘅，唔錯。半熟蛋煮得啱啱好~

早起的鳥兒有蟲吃。今日黎到新世紀睇戲，偷佢早場有便宜，早早黎到諗住食飽先睇，去food court轉左個圈發現可以覓食既地方唔多, 大概就得两間開門。最後揀左係土司工房食早餐，價錢都唔平架，不過見佢好多野都係即製，夠熱又新鮮就試下。奶茶好好味，是即沖手拉的，很滑很香。土司新鮮烘脆，金黃色的，咬落去很香脆，配著半融的鮮牛油，真係絕配。通粉呢，就稍為遜色，湯底食落好味精，份量亦都好少。煎蛋不過不失，略嫌老了些，食落條邊有啲軔。

在新世紀廣場想平食，就要去food court 了，而這個food court 竟然有土司工坊，二話不說就選定了要吃𡃤沙！一向都都覺得土司工坊的𡃤沙好食，奶茶好飲。以前返學天地堂會特登搭兩個站地鐵去吃！😹 我喜歡這個𡃤沙，因為湯底夠香濃，豆卜夠多，吸了湯汁的豆卜很正！而且土司工坊是用米線的，因為我很喜歡米線🙈其他地方通常是油麵，正宗的也應該是油麵？🤔不知道，反正我喜歡米線😹奶茶夠香濃，不會很澀。

我不嬲都係toast box 嘅fans, 去到邊度一諗唔到食乜，通常都會食toast box解決煩惱，因為我係想飲佢嘅奶茶，唔係好肚餓嘅時候會食傳統土司餐，肚餓果陣通常會食個喇沙。不過今次呢間分店真係水準麻麻，啲奶茶唔夠茶味，冇平時果啲咁香滑，而喇沙上面啲蝦同魚片又凍又腥，希望下次嚟食水準會改善番啦！

今次突然好想食星馬野，只諗到土司工坊𡃤沙，其實今次第一次試土司工坊嘅𡃤沙，之前只食佢d公仔面，佢個𡃤沙味道都ok ，都幾辣，可能我吾食得辣。另外，我鐘意飲佢杯熱檸檬薏米水，好飲。

與母親在新城紀廣場看完電影後途經foodcourt，看見Toastbox的櫥窗放滿了班蘭蛋糕，我站在窗前雙眼發光地叮著，想起新加坡同事來港時帶來的班蘭蛋糕手信，真回味那個味道。母親也説想吃，雖然 $16 一舊有點貴，不過也試一試吧。拿在手上很香又綠，有點像班蘭味的雪芳蛋糕，很輕很鬆軟。甜度適中也不會太甜，十分可口。蛋糕看似大舊，原來她一啖我一啖，很快便吃完了。最可惜的事班蘭蛋糕沒有先翻熱才給我們，有點失望。

今次係我第一次黎食吐司工房，黎到專食新加坡菜既餐廳，梗係叫佢地既best seller 星洲叻沙套餐。果然冇令我失望，叻沙湯底好濃郁，唔會太辣，椰奶味好重，d麵索哂d湯真係好正。配料方面有魚片，豆卜同蝦。最正梗係d索哂湯汁既豆卜，魚片都算幾彈牙，蝦就係雪藏蝦，冇咩蝦味，不過呢個價錢都預左唔會比新鮮蝦你，可以接受~另外加多咗個香蕉蛋糕做甜品，好鬆軟，香蕉味濃，但$15黎講有d偏細件，下次會試埋佢哋嘅班蘭蛋糕！

依間吐司工房係大食代裡面，唔知係咪因爲甘樣，所以覺得比其他分店食物質素普通d.星州喇沙同巴東牛肉配黃薑飯都暖暖地甘樣，唔你好熱。味道就夠既最衰係依間分店唔提供水，問職員拎水時佢指我去大食代既茶檔到買水，太孤寒了

近6年間，前前後後因唔同原因，去咗3次新加坡，有身邊嘅朋友都覺得稀奇，有啲話去新加坡一次都嫌多，都無咩嘢好玩，其實都唔喺吖，城市規劃幾好，地方乾淨整潔，最鍾意去啲好屋村嘅熟食中心搵食，好有種返到自己細個時長大嘅屋村咁。不過，去咁多次，就一次都無幫襯過當地嘅「土司工房」，有次晌機場少少趕時間而過門不入。點解咁有興致同朋友嚟嘆下午茶？平常報咗旅行團都會開吓茶會，就嚟出發自由行去日本，就梗要拉埋啲團友仔講講個行程，交待一下啲細節。土司功房位處新世紀廣場嘅食代館，旺角火車站樓上，啱晒我哋九龍人同新界人，但佢本身又入咗鋪，所以揀入鋪坐又得，揀美食廣場位都得。啱啱遇到鋪內有位，就無謂再四圍走。環境以白色為主，簡潔光猛，一室白地磚，牆上少少掛飾，有無少少南洋風情呢？兩頁紙嘅餐牌，就印齊晒店家所有食物，一面喺散點嘅食物及飲品，另一面就喺各類套餐。晌櫃面落單後，會俾個傳呼器你，等佢響就有得拎嘢食。星洲叻沙套餐 $56碗叻沙又大碗，又足料喎，有鮮蝦、魚片、豆卜及唔少芽菜，友人話啲餸料就無話好出色，質素平穩咁啦，但個湯底確喺一流，除咗濃郁富椰香之外，下咗唔少香料，香味好有層次，再者，個湯夠厚身，好掛麵，所以

午餐對於上班一族來說是個頭痛的問題。今天匆忙之下試下這間的午餐。原因是快速。雞翼的肉汁較實。蛋煎成是熟蛋。麵很爽，但其實份量不夠，不夠飽。如果有加底的話會更好。而且蛋可以選擇生蛋熟蛋會更彈性。餐飲，熱好立克，熱氣騰騰，適合怕凍的我。合共39元，算合理吧！

土司工坊除左土司好食之外佢既叻沙都唔錯咖叻沙湯底飲得出好真材實料，有椰香味。米線底，有蝦、魚片、豆卜及芽菜。南洋咖啡同南洋奶茶都係練奶底，除左練奶外仲可以揀花奶。佢既咖啡同我之前飲越南滴滴咖啡既味道好似，都係帶少少朱古力味咁，睇埋佢張介紹我就知點解會有陣特別既味道啦～（見下圖）原來佢既咖啡係以炭燒方式烘焙而成，仲混合左牛油添，有自己既風格同味道。

一坐下發現檯面滿佈，係成張枱都係食物碎，請店員幫忙清理，店員冷漠回話應係要客人自助清潔。仲要係自己去攞店面的濕布自己抹枱。我抹完覺得隻手有陣味，已經唔想食野了。

食菠蘿包點可以冇牛油呢？ ！土司工房嘅菠蘿包味道唔錯！菠蘿包夠熱，熱力將中間夾著的牛油熱溶，牛油味十分香！但牛油太薄，而且唔夠大塊。若果牛油能夠再大塊一點，會更加好吃！菠蘿包入口鬆軟，上層的菠蘿皮亦算香脆，味道不錯！