土城日本料理 (已結業)

黎到觀塘熟食中心2樓，想食日本野。望到menu覺得呢間好似好抵食啊，定食40蚊至49蚊不等，仲要包左野飲。火鍋系列都係69蚊咋喎，一人一個火鍋，不過可惜當日已經無唒gas爐，如要叫火鍋系列，佢要係廚房煮埋比你包左野飲，兩個都係叫左麵豉湯，都係跟烏冬，一個就牛肉一個就係三文魚味噌湯頭，佢前菜係兩粒蜆仔撈左芝麻醬，講返個主食先，好大一盤，牛肉份量唔少，不過略嫌廚房煮到太熟有啲韌，鍋入面有大量蔬菜，半粒大草菇，食完好飽

今次去左熟食市場發掘抵食午餐，搵到土城日本料理。叫左經典炸蒜片安格斯牛柳粒，可以揀配飯或者烏冬，仲有一個小小嘅前菜，連埋嘢飲只需要$49。非常抵食！雖然睇落賣相好似比較一般，但其實有驚喜！炸蒜片牛柳粒嘅份量多之餘味道亦都相當唔錯，牛柳粒底層仲有少少沙律墊底添。烏冬份量同味道都ok。下次可以試吓其他午餐👍🏻

這次小莎跟同事到了觀塘駿業熟食市場覓食，原來也有不少隱世高質餐廳～ 土城是身土不二的意思嗎？這個餐廳的名字蠻特別的，餐點的種類不算多，但每一樣都很吸引😍 鹽燒牛舌伴香酥雞脾菇🍄這個小莎大推👍🏻四塊厚切的牛舌軟嫩入味，每一口都嚐到鹽燒的微焦香味，伴以炸得酥脆的雞脾菇條，超級好拌飯🤤如果雞脾菇再粗一點就更加有口感了～觀塘上班的朋友們也可以試試到訪這個熟食市場呀，有些店舖外賣自取還有折扣呢😆 

«817»外賣仔系列 觀塘熟食中心勁抵食之選﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷鹽酥牛舌配香酥雞脾菇 $49▶炸蒜片伴安格斯牛柳粒 $49▷蒲燒原條鰻魚 $49▶套餐包括飲品前菜、白飯／烏冬／拉麵呢間係熟食中心入面嘅日式小店，雖然係有啲up dup但性價比好高，之前已經食過一次鰻魚同炸蒜安格斯，買外賣走一樣咁大份～ $50原條鰻魚應該凈係得呢間食到，味道同質感都唔差，醬汁香甜鰻魚又厚肉，牛柳粒都炒得非常香口！今次試下牛舌同鹽酥菇，一如既往份量好多，牛舌好厚切，表面有少少鹽味，中間略嫌乾咗啲，反而個菇好好食，外面酥脆，裡面保留到juicy!! 揀咗配烏冬唔係好夾，配返飯應該會好啲🤣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣土城日本料理觀塘駿業街67號駿業熟食市場1樓45號舖

話說疫情關係, 返工都會叫ubereat.叫左個雙重芝士巨型雞扒定食!!!!!!見雞扒同白飯同粟米都分開兜裝,好企理.點知一打開雞扒個盒, D!U左一聲出黎!!雞扒唔巨型都唔緊要,做乜9雞扒面好似倒左半支芝士粉,重以為係一塊上左麵包糠未拎去炸既雞扒賣相無阻我肚餓既心情. 鼓起勇氣將塊鋪埋粉既雞扒放入口!!!我D!U成口粉之餘個味道重相當之難食活左三十年人第一次覺得雞扒係會難食!!比左7十幾蚊 最好食係個白飯好L傷心到申請OPENRICE ACC 留返個言

第一日限聚令，諗住叫個網上外賣平台啦。等咗差唔多半個鐘，所謂嘅雙重芝士巨雞扒定食就好快地送到啦。諗住打開佢睇吓有幾雙重有幾咁芝士啦我頂！一打開淨係見到啲芝士粉，心諗邊度雙重啊。原來入邊有幾滴芝士醬定唔知mozzarella。本來見到塊雞扒咁大塊都有啲期望嘅。我又頂多次，塊雞仲乾過楊千嬅套乾柴烈火有個同事仲以為我個份手撕雞未整好，另一個同事以為我叫咗舊煲湯嗰啲瘦肉黎食。個飯又要冇汁，飯又乾，雞扒又乾。真係好嬲，我都好耐冇投訴過，希望貴餐廳可以好好改善

今日去觀塘搵朋友食晏，去咗熟食市場入面一間小店。原本諗天氣咁熱，熟食市場肯定好熱，點知原來佢隔離係有一間冷氣房，一邊賣外賣，另一邊係堂食，完全唔需要擔心食嘢流晒汗。💦.佢有好多款唔同既便當，咁我就揀咗鯖魚，朋友就揀咗鰻魚便當。條鯖魚燒得好脆，都幾大條。佢就聲稱白飯任裝，但係其實佢碗白飯本身已經好多，仲附送一包紙包飲品。呢個價錢來講都算係唔錯，不過佢咩都用膠碟同木筷好似有啲唔環保咁。.💰 人均消費: $40-50

平時叫開熊貓，12點落單都可以20分鐘內到！當然熊貓個價錢就會貴啲，仲加埋運費🙈今日就試吓電話叫外賣自取，好平呀！$49 連嘢飲！仲有個小食！喺觀塘區算係咁🙈佢嘅 經典炸蒜片配安格斯牛柳粒 幾對口味，佢只係落左啲椒鹽，牛粒就唔算油，蒜片唔係脆果隻嚟，所以一啲都唔熱氣🤩仲有個沙律椰菜，好健康呀！小食係 粟米！正！牛柳粒嘅份量都幾多下！起碼廿粒🤩$49仲想點？！地點唔算方便 ，係要去駿業街街市內攞，上上層，中間條巷，行入少少就係！

前排因爲屋企裝修，所以去左朋友係觀塘既屋企暫住。因爲疫情關係，我地都好小會出去食，都係買下外賣同煮下野食。觀塘要買外賣真係好多選擇，而且做外賣優惠既鋪頭亦有好多，不過今次選擇既唔係貪佢有咩外賣優惠，而係鐘意佢有良心！係網上見到呢間位於駿業街熟悉市場既黃店告急，梗係即刻過去支持！無外賣優惠，但有學生減5蚊優惠，唔係主打學生生意，但卻只做學生優專，睇黎係十分有良心！言歸正傳，食物質素方面亦係十分高，而且份量極大。今次叫左個鳗魚飯，好正！老闆又超有禮貌，去拎外賣嘅時候老闆仲超nice幫我地噴消毒搓手液添！蒲燒原條鰻魚定食 ($49)推介指數：9/1049蚊食到個鰻魚飯，係真係非常誇張，學生用44蚊就食到！出色既位係呢個價錢佢賣既鰻魚亦唔算失色，當然唔會期望係肉質好好既貴價鰻魚，不過佢呢個價錢黎講絕對係水準之上！燒都燒得好香，亦燒得好靚，而且鰻魚都算大條，好鐘意！不過稍為係汁較多，用黎送飯係一流，但如果只配鰻魚就會略嫌搶走鰻魚既味。有一樣野係不得不提，我怕唔夠食，叫左多飯，佢又真係俾左超多飯我！！！好似唔洗錢咁，好有照顧客人，而且佢係用珍珠米，亦係十分有口感，加上佢不計成本咁照顧客人既滿足度，

依輪放lunch起觀塘真係迫到不得之了🤯要搵間質素好 價格唔貴 既黃店幫襯話難唔難 話易唔易🤣外賣左個炸蒜片配安格斯牛柳粒定食 🤩有埋飯 前菜 飲品 一打開香氣撲鼻 😛聽到格離有人吞口水 我格離有幾個拎住個唔香既外賣 🤣可能因為我個飯太香 😂啲友全程𥄫住我食呢個飯咁制 大大家唔洗擔心 我係食得落既😂  外賣呢個炸蒜片配安格斯牛柳粒定食 只係49蚊 學生既話仲有得額外減多5蚊 🤯抵到爛呀 佢個飯有超級多蒜片煎到好香脆 😆沾左一啲煎牛柳粒逼出黎嘅肉汁送飯 超級香濃 🤯牛柳粒 肉汁豐富肉味香濃 旁邊仲有配左小小和風沙律醬生菜絲 😋重口味中帶返點小清新 跟餐仲有一小客前菜 係青瓜粟米沙律 食完呢個勁量級牛柳粒飯 食返個沙律 幾refreshing🥰 

觀塘呢到真係有好多小店，仲係黃色的小店，當然要去支持下，今次去到熟食市場一樓食間日式定食Lunch款式唔多，不過總有一款係岩你食，而且價錢相當經濟，全部都係$50樓下呢到仲要係白飯任食，岩哂大胃王小編同友人就一人一個餐叫左炸蒜片伴安格斯牛柳粒飯同原條蒲燒鰻魚飯安格斯牛柳粒牛味香濃，而且煎得岩岩好唔會好生同太韌，仲配埋大量蒜片吊味，好惹味一上到台見到真係原條鰻魚，好滿足呀鰻魚食落唔係好肥美但肉質彈牙，配埋超濃嘅蒲燒汁味，好惹味係街市入面黃到發光嘅小店，而且食物又平正，CP咁高，一定要黎幫趁喇

Happy Friday 就是要食一個好lunch，然後等收工於是，就和同事走到駿業熟食市場一樓的《土城日本料理》用膳。午市套餐價錢相當經濟，全部都是$50樓下，全部選擇都頗吸引先來一盒前菜，細細盒的盛載魚子、粟米、青瓜、兩顆青口青口無海水味，青瓜都幾新鮮，且魚子和粟米帶口感。E餐 - 經典炸蒜片伴安格斯牛柳粒飯 $49這麼大碗飯，如果女士吃較少飯的話，可以要求「少飯」，減少浪費主食有個日式麻醬沙律，配富口感的青瓜蒜片炒牛柳粒份量十分多，配以燒汁食用，風味更佳。安格斯牛柳粒牛味香濃，不會太韌，大量蒜片吊味，實在物有所值這家《土城》要再Encore，也不過分。

之前幾年一直在觀塘工作，那時一到放飯時間，成條街都係人，間間食肆不但滿到瀉，而且價錢絕對唔平，要在觀塘食餐安樂茶飯，殊不容易。所以，駿業街熟食市場的重建，簡直拯救了一眾觀塘的打工仔。土城日本料理座落於熟食市場的一樓，雖然店內裝修簡陋，衛生情況亦一般，但這裡的食物卻是絕對的平靚正。點了客鹽燒鯖魚柳，售價只是 $40，然而份量和用料卻一點也不賴：味噌湯和前菜沙律入面有粒粒蜆肉，口感豐富；鯖魚柳大大塊，外皮燒得香脆，魚肉頗為嫰滑，魚骨不多，蘸上酸味味的特製醬汁，甚有畫龍點睛之效。值得一提是套餐白飯可無限添加，而且更用上珍珠米🤩，大食的朋友也一定食得飽。

一心過黎想支持下黃店但真係支持唔落。由落完單開始我足足等咗成個鐘先有得食。眼見多人，知道忙，都唔想左催右催。但隔離枱遲過我點餐嘅都已經食完走埋就有點那個。我亦都唔想追究邊度出錯定漏單。但送到黎嘅野食令我覺得，唔值得等咁耐！！鯖魚普普通通，烏冬先驚人。鹹到我懷疑煮個個有無試味定還是佢味覺退化？烏冬已經係最普通個啲難食烏冬都算，再配一個味精濃度超哂標嘅湯。完全係折磨緊自己個味覺。老老豆豆，得罪講句，7仔個撈烏冬都好食過佢！唔會再食唔會再有下一次！但仍然多謝老闆你撐呢場活動，不過廚藝同速度真係麻煩改善下！或者集中啲，只賣3/4款可能有幫助！

係街市入面黃到發光嘅小店，店內貼晒啲文宣，唔知係因為黃店定平時都係咁多人，全部枱都坐滿晒。日式午餐有8-9款，全部都係$50有找，最平都係$40而已，係觀塘放開lunch就知算好平了，仲要白飯任裝。。。🔸蒲燒原條鰻魚 $49咁平嘅原條鰻魚飯真係少見，味道都唔錯，超濃嘅燒汁味，肉質偏彈牙，係平時食平價鰻魚嘅味道，但呢個價位我覺得ok la前菜、白飯可以轉烏冬或拉麵，蜆肉味噌湯有幾粒蜆肉即刻唔頹。🔹炸蒜片伴安格斯牛柳粒 $49朋友嗌個嘅牛柳粒大份又好食！蒜片超脆配埋仲有肉汁嘅牛柳粒，食到要添飯！我同朋友都讚佢抵食，下次可以拉埋成班同事黎食。