土城日本料理 (已結業)

#支持良心餐廳蒲燒原條鰻魚$49 (配白飯)北海道鹽燒三文魚柳$49 (配烏冬)所有餐都跟埋前菜飲品 白飯仲有得任添🤫如果有學生證 包括成人課程就有得減$5不得不說 老闆娘嘅態度真係好到加01😭😭！因為晚市去多人我哋要等耐少少 所以不停同我地講唔好意思嗰啲 其實我哋都唔覺得等得特別耐👻 之後老闆娘仲要係好黃💛 經過見到有客人睇緊live係會中個頭埋去問係咪睇緊xxx嘅live 到最後諗住比$100叫佢唔洗找錢 但佢堅持唔收 叫我地捐去幫義士 態度好好野食又平（全日都係依個價錢）之後一定要多啲嚟懲罰💛🤤講返啲嘢食先佢個前菜好得意㗎 係蟹柳同埋蝦仔 撈左啲麻醬 之後食物質素都唔錯🥰 冇諗到40幾蚊就食到原條鰻魚 水準正常 鹽燒三文魚柳可以配個酸酸地嘅醬幾入味 佢有一條係一半魚肉一半魚腩咁 食落都好惹味👻 烏冬當然唔係稻庭嗰啲 但起碼唔係浸到淋哂嗰種 飲品有得揀蜆肉湯 味道唔會太咸 亦有少少清酒味 唔錯架Btw如果晚市去前最好打去問問先 因為通常晚市佢地主搞火鍋 日式嘅食物會少啲 所以打去問左先穩陣啲～

第2次食，鐘意食芝士既人可以一試。食物方面: 我本身唔算特別鐘意食芝士，所以佢雙重芝士對我黎講陣味有d over左。但係雞排真係好大塊，對於男仔黎講，一定夠飽。👻但係d飯真係煮得麻麻地，唔知係味落太多水，一pat pat咁。

首先想讚佢: 任何類型學生證都可獲5蚊減免優惠食物: 曼魚好味，不過同超級市場買即食果d一樣，燒汁比較甜。另外叫左配拉麵，以40幾蚊黎講不過不失，但係唔好期望太大。服務: 呢個要大讚，十分有禮貌，上菜快，唔洗5分鐘。同埋長時間有個專人企係到睇下大家有哂要幫手或者落單。總結: 大家可以一試，特別係呢個咁熱既環境，又有冷氣提供，不過最好自己帶紙巾。環境: 枱既清潔有少少馬虎，我唔小心hi到d積，又冇買紙巾，搞到全程食果陣隻有都痴立立。但係都係有冷氣提供。

今日本來食佢對面嗰間，但太長龍為有去呢間未食過的試新野。其實之前都想去，因為有好多選擇，實有一款啱食ge太多選擇，都係一個麻煩。不過見到同枱的嗰個J餐，就忍唔住想叫喇因為好鍾意食蒜其他想食的，為有等下次先喇飯比較爛，唔係好大碗。不過間野提供 “任添”好多蒜丫唔係炸到好脆嗰種，所以食落唔會覺得熱氣牛肉粒，無牛味的，不過唔嚡又唔un，過得去啦今日為一不滿的係飲品。店員話供應商今日無送貨來，所以無乜選擇喇！咁我就揀日本茶啦。點知佢係雪櫃度拎左壺沖好左，又雪凍左的茶

仲記得第一次黎土城 就係因為對面名店百里香太多人 點知就變咗我同班同事嘅飯堂呢度價錢實惠50蚊內就食到牛扒羊架咸豬手跟餐會有兩碟細細碟嘅前菜 通常都係 粟米 中華沙律 雖然份量唔多但係都好有心思 飲品係凍嘅玄米茶 同白飯一樣都可以任添 白飯就細細碗男士通常都會叫兩碗先夠飽仲有呢度嘅店員同老闆都好nice會同你傾下計上面係羊架配鹽酥雞髀菇 羊架入味雞髀菇香脆呢個係芝士焗雞髀 比較肥膩至於呢個就係鹹豬手 超大舊 45蚊超抵食呢個係三文魚腩配煙三文魚 都好食

最近愛上了去街市醫肚! 因為街市真係多咗好多新野食, 所以自自然然就想去試吓其他店嘅午餐! 😂試下街市中嘅日本菜啦! 好彩全部都係熟食, 因為如果街市嘅係魚生, 就真係唔敢試了!😎原本想叫豬扒定食, 但係賣晒! 😅咁就改為牛肉壽喜燒定食啦~ 再加2隻餃子先!套餐有前菜同白飯!🤣前菜就唔好期望咁高! 不過送嘅就算啦!😅牛肉壽喜燒都算多牛肉, 甜甜地都OK😊反而我最鐘意就係個餃子, 出奇地覺得幾好食! 下次再去街市試下其他餐廳先! 

呢間係新店, 早三個禮拜都未見佢廣告牌, 位於熟食市場1樓政府公營地方, 自然唔得寬敞, 外面黑猛猛, 真係七十年代feel入到食店裏面又唔同, 燈火光猛, 我見餐牌唔貴就去試下點左個比目魚飯, 固定配凍綠茶前菜: 毛豆+秋葵帶子, 故唔到四草野午餐會有前菜, 真係幾有特色, 毛豆應該雪過, 唔係太有豆味.秋葵因為切短左, 所以唔太多潺, 可以接受, 帶子雖非鮮味, 但配千島汁後味道係唔錯既配菜: 檸檬, 青瓜, 椰菜絲, 腌蘿白, 小蕃茄, 都係千島汁, 混埋一齊食係ok既比目魚: 就咁樣, 本身薄, 味其實真係無味, 但主要係食佢炸脆既口感, 再加照燒汁, 呢種風味係幾日式飯: 珍珠米, 超細碗, 好彩寫明食完可以再添, 否則實餓死我綠茶: 好冰, 好淡, 成日飲奶茶咖啡, 間唔中飲清d當清腸胃價錢公道,  有特色, 會返去試下其他餐