地茂館甜品

營業中

休息中

12月冬至，公司中午聚餐完之後，再食甜品，同事就去咗地茂館買糖水返嚟一齊食。買咗幾款糖水：招牌蛋白桃膠杏仁茶，腐竹薏米，紅豆沙，薑湯湯圓，同埋楊枝甘露。識食嘅一定係 Share食，我Order嗰碗蛋白桃膠杏仁茶，蛋白多，桃膠都好大舊，連杏仁茶一齊食, 真係好食又暖心。其他款式嘅糖水亦都好足料，腐竹薏米青甜，紅豆沙又多紅豆又多沙，芝麻湯圓食1粒啱啱好，楊枝甘露亦都好多芒果，口感豐富，真係樣樣都好好味😀😀價錢親民😃😃

有日食完晚飯仲有啲空虛，咁啱行吓行吓就見到地茂館，第一次食係喺九龍城，估唔到連將軍澳都有分店🤔就決定入去食埋甜品先走可能過咗晚飯時間 入面座無虛席 都要拎飛- 招牌蛋白杏仁茶養顏必備😂如果冬天食 成個人會暖笠笠 甜度啱啱好 每次去地茂館都係嗌呢款一諗起杏仁茶 唔知點解第一下就會諗起呢間😂好好味嘅甜品之一- 楊枝甘露正正常常 不過不失 夠芒果味 又唔會太甜太奶 齋睇呢張相一度以為係西米露😂如果可以多返啲芒果粒就更加好

地茂館糖水今晚好想食糖水，地茂館就有齊晒傳統同埋新型啲嘅糖水選擇😉我自己本身最鍾意食佢嘅芝麻糊$26 ，今次就加埋小丸子+$6 一如既往咁好食，亦都唔會太甜 不過就剩係得熱嘅，鍾意食凍嘅朋友可能要自己雪凍佢喇🤣🤣同行朋友嗌咗芒果西米露$30 味道不過不失，不過芒果就唔算太甜🙈可能要等當造會再好食啲仲有芒果紫米露小丸子$32 芒果都係一樣，唔算太甜，感覺上同紫米露個味又唔係好夾🙈下次應該唔會再揀呢一款仲有紅豆馬豆糕$6件 平時食開，味道真係唔錯！亦都係唔會太甜，好香好好味😛😛

就嚟收舖嘅時候（ 晚上10:30 ），小編到該糖水舖買了以下三款糖水。可能由於快要關門的原因，今次的配料好似比平時特別多😍招牌蛋白杏仁茶 $36有巨量蛋白，但略嫌杏仁味不足。預期中既味道，不過不失。腐竹薏米白果 $25唔見有腐竹🤨，但有海量薏米。薏米都幾大粒，好煙靭！浸咗糖水好耐，好入味。白果都大約有五粒，唔苦👍🏻幾好食喎😋補腎合桃露 $27磨到有合桃嘅油脂出曬嚟，令合桃露都算滑身🥰合桃露非常之稠❤️，真係落重料磨出嚟😋。但亦因為係咁，所以如果一個人嗌一碗合桃露自己食晒，食到最後都會有啲膩同heavy，建議同人share或者嗌一個黎同其他Mix，例如mix杏仁茶會令成件事冇咁膩👍🏻紅豆馬豆糕$6味道普通，有幾粒紅豆，唔係好甜，口感彈牙，但糕本體味道冇咩味😌

出街食完飯無耐，可能食唔飽既關係，開始有少少肚餓，但又唔想食太多，於是返屋企之前去左將軍澳中心既一間糖水鋪買外賣。堂食同外賣都好多人排，餐牌款式都唔少，我地兩個人揀左杏仁茶芝麻糊同桂花薑湯芝麻湯圓。杏仁味好濃，配上芝麻香味係好夾，芝麻糊入口順滑，唔會整到杰撻撻，好似一pat野咁。薑湯唔會太甜或者太辣，有桂花中和，而且芝麻湯圓皮薄餡靚，非常滑身。兩份糖水加埋都似50幾蚊，性價比好高，值得再黎試埋其他糖水。

如果唔係朋友話我知，都唔知道原來呢度隱藏咗一間細細間嘅地茂館甜品店。佢嘅位置的確比較隱蔽，位於將軍澳廣場的小角落。雖然舖頭位置不大，但去到時亦都全場爆滿，亦有不少人等候外賣👍🏼芒果西米露小丸子 (加配榴槤雪糕+$12)榴槤雪糕好吃又大個👍🏼而且糖水份量適中，椰汁味好濃厚，配上小丸子好有口感，美中不足的就是，可能季節唔啱，芒果有啲酸😂不過代表佢係真材實料😂總結而言，呢間糖水店，平均都是30元左右，份量適中，適合當宵夜😂食過一次，應該會經常過來買

點解會用快餐黎形容糖水店? 因為呢間店好快手🤩無論叫咩款都好快手就有得食。當然都要姐姐手腳夠快, 所以即使要排隊等位都好快就有位👍🏼店內既壁畫充滿香港懷舊氣息, 就連裝修都好有懷舊氣息🎞️芒果紫米露小丸子 $32一碗糖水可以食到4款食物, 芒果冇渣亦唔酸🥭 一啖可以食到芒果紫米露小丸子仲有西米, 令到成碗糖水口感層次分明。特別食到小丸子時🍡煙靭口感突出。芒果杏仁茶小丸子 $32估唔到杏仁茶同芒果都可以夾到, 杏仁茶好香濃🥭配上芒果一齊食味道唔會有衝突🍡小丸子更不用說, 除左增加口感亦同另外兩款食材好夾。

本身一間傳統中式糖水舖，例如熱豆腐花都唔再賣，好失望,同滿記嗰啲咪西式糖水凍嘢冇乜分別。個人覺得如果佢可以再加返一些中色糖水，更好其他凍嘅糖水都冇乜特別，失去咗以前嗰種味道

呢間出名平靚正，所以好多人排隊不過排隊時間唔係好長，因為佢上菜快， 好快食完轉下一張枱坐低，即刻點餐基本上5分鐘後已經有得食，非常之有效率。 佢個湯圓我覺得同出邊食嘅唔同，應該唔係買現成返嚟，係新鮮自己做嘅。 口感好煙韌，而且有種好足料嘅感覺。 芒果西米小丸子不過不失冇話好驚喜嘅感覺， 正常好味喺將軍澳大商場入邊有位坐有得嘆冷氣仲要2-30 蚊個甜品，好難得啦。 裝修有主題：懷舊甜品店。抵佢開咁多分店做到咁大。

唔使搭車入九龍城，將軍澳廣場就有間地茂館分店，好方便！🤍軟滑糖不甩 $19係我哋食過最好食嘅糖不甩🥰又軟又滑，食落熱辣辣，撈埋自家花生/芝麻/砂糖粒粒，口感極好，食完即時感覺甜蜜蜜，仲夠晒懷舊！🧡 紫米杏仁茶小丸子 $313溝糖水，可以一次過滿足晒咩都想食嘅慾望，杏仁茶令到紫米露嘅味道昇華，更為香滑，一邊食紫米，一邊食到小丸子，令到成碗糖水更有咬口。💛 合桃杏仁茶 $28合桃露同杏仁茶本來就好夾，比起單獨食更有層次感，生磨嘅滋味，非一般中式糖水，希望可以繼續keep住高水準！🐷🛎️ 必試指數 : 9.5/10🌟

地茂館🍨· 熱蛋白杏仁茶呢排雨季成日都落雨天氣潮濕不穩定，咁各位女士如果揀熱蛋白杏仁茶啱啱好可以幫皮膚抗氧化，滋潤肺部同埋促進腸道蠕動嘅，如果驚飯後食甜品太過Heavy咁可以選擇簡單版杏仁茶！同埋餐廳嘅蛋白杏仁茶唔會太甜同埋份量偏大，拎返屋企應該可以倒做兩個飯碗咁多嘅，同埋味道清淡，絕對唔係假甜😀· 榴槤雪糕拼椰汁西米露仙草呢一碗甜品我覺得似大雜燴，有雪糕椰汁西米露同埋仙草，但係味道唔會唔夾㗎！榴槤雪糕唔會太甜口感偏厚質，西米露住得適中唔會話有太粉或者太硬身情況，覺得最好食係個仙草因為佢質地清新軟熟有口感，絕對唔似平價涼粉散泡泡嘅口感✅.

將軍澳區嘅街坊想食港式糖水應該都有留意到呢間，喺將廣門電梯口嘅地茂館。而我每次買地茂館都會揀食芒西小丸子（獨孤一味）🤪因為係香甜無渣芒果粒、煙銀小丸子加滑溜西米🤤唔會季節限定，一年四季都有得食。有重覆食：▪️芒果西米小丸子 $28▪️芒果涼粉小丸子 $29▪️楊枝甘露 $31▪️紅豆馬豆糕 （每件）$6紅豆馬豆糕有時會賣晒，想食又食到就成為一個小確幸😆-總店喺九龍城，不過將軍澳、屯門同九龍灣都有。即興想食糖水？梗有一間喺左近✌🏻

地茂館除咗喺九龍城嘅舖頭之外喺將軍澳亦都開咗一間分店 長期都見到有人買外賣 非常受歡迎佢有好多款中式糖水賣 大致上都係$20-$30, 算係十分之抵！📣桂花薑湯芝麻湯圓 $25 - 佢嘅糖水底好香 有薑味 亦有淡淡的桂花味 ♥️湯圓一碗有五粒 外皮煙韌 芝麻餡甜度適中 唔會太甜Overall 我覺得呢個價錢來講 好唔錯 👍🏻另一樣好嘅就係 佢外賣非常快 💨每次落單都只係等1分鐘到就有得拎🍽 餐廳: 地茂館甜品 (將軍澳)🏠 地址: 將軍澳唐德街1號將軍澳廣場商場1樓036號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram

將軍澳站附近嘅糖水舖唔算好多，呢間一直都keep住水準！好鍾意食佢哋啲芒果甜品，今日比佢哋餐牌個圖片吸引咗，試咗佢哋嘅「椰子雪糕芒果涼粉」$35，一上到枱都幾驚喜，因為比起餐牌個圖片個份量再多啲，椰子雪糕大大嚿！連啲芒果同涼粉都係大大嚿，食完覺得好飽😂真係估唔到椰子雪糕同芒果涼粉可以咁夾！另外幾鍾意呢度有一個自助水壩可以俾啲客人裝暖水飲，因為呢度冷氣都幾勁，食完甜品個人都凍咗，飲番杯暖水好好多！

Introducing one of Pan Pan🥞👼🏼’s favourite chinese dessert places !Price ：~$25-40ppQuality : 👩🏻‍🍳👩🏻‍🍳👩🏻‍🍳👩🏻‍🍳Recommend : 💖💖💖💖Service : 💁🏻‍♀️💁🏻‍♀️💁🏻‍♀️(Ratings out of 5)OVERALL:  offers a wide range of chinese dessert at a cheap price without compromising taste or portions! 👍🏼 not pretentious and capture HK local style well. Visited the TKO branch in  (other branches in Kowloon City & Tuen Mun). Love the green decor with cute drawings & descriptions of the desserts! 🎨DISHES:🥭🧊Grass jelly with Mango (