地道館車仔麵

營業中

休息中

我哋係用網上外賣平台叫外賣，係office食，先唔講啲嘢食唔掂，一拆開個外賣袋，竟然同我講要2個人分享一碗湯(湯嘅份量係夠2碗)，但一個office 叫完都係各自嘅位食，搞到又要即時係一個人位度倒黎倒去，老實講，以加大把有2層果種外賣兜啦，唔想比咁多個兜，咪用做果種囉。。。再講野食，我叫咗豬腸，牛腩，咖哩魷魚，除咗豬腸ok之外，其他簡直係不能接受，啲魷魚硬到好似生嘅咁，牛腩就又硬又韌，差啲食都食唔到。至於杯咖啡，就係普通即沖咖啡，一啲都唔好飲，不過茶記通常都係咁，亦唔要求咁高。整體而言， 無第二次

香港車仔麵店很多，但味道好的不多。今次來到新蒲崗的這間「地道館麵家」。餐廳環境新淨闊落，食物味道亦有驚喜😋我們選了二人套餐 $125（包兩碗三餸車仔麵，小食一款，腩汁時菜或炸魚皮及飲品兩杯）我們兩個都選了四餸😝每餸加$7餸菜方面我們選了陳皮魚蛋，咖喱魷魚，蝦條，鹵水雞翼，酸齋，紫菜。小食方面選了Juicy豬扒。陳皮魚蛋是我吃車仔麵必點餸菜😋魚蛋十分彈牙味濃。鹵水雞翼鹵得十分入味肉質很淋。咖喱魷魚軟身而有咬口但不夠入味。其他都正常味道。沒想到最吸引最有驚喜的是小食Juicy豬扒，醬汁帶有少許甜味，真係很Juicy肉質亦很軟熟。這間性價比高，值得一試再試。

今日突然間好想食車仔麵，就揀咗呢一間唔算超級多人既試下，見到有好多餸揀，好多款都好想食🤭揀咗豬紅、蘿蔔、咖喱魷魚配油麵，加咗少少麻辣汁，最鍾意食車仔麵配油麵😋呢幾個餸都好好食好入味，配埋油麵好夾！而且份量好足，食完已經好飽！下次會來再試其他餸！👍🏻

餐廳位於新蒲崗平民區，舖頭位置唔大，大概淨係可以廿幾人，算係一間街坊小店，店舖除咗有車仔麵之外，仲有碟頭飯同埋唔同嘅小食，車仔麵店嚟講款式算多👍🏻柱候牛腩/咖喱魷魚/蘿蔔 $48靚靚腩肉/蝦條/蘿蔔 $47🍜柱候牛腩唔單止有肉仲有牛筋，但係就偏碎🍜咖喱魷魚都幾入味，不過偏辣同淋，視乎個人喜好🍜靚靚腩肉算幾出色，肥肉同瘦肉嘅比例啱啱好，食落去唔會太漏🍜蝦條特別之處係加咗啲蔬菜入去，肉質爽口彈牙🍜蘿蔔有驚喜，整得好清甜而且冇渣，值得一讚總括嚟講餐廳質素算錯，但未至於要特登搭車去食，如果經過唔使排隊嘅話可以一試😉

店鋪面積唔算大，卡座都幾寬敞，裝修普通，不過都幾多街坊捧場，生意唔錯，仲有好多人係出面等緊外賣或堂食，店員態度殷勤親切 。車仔麵五餸$56+另加$11豬大腸除咗乾淨仲炆得入味、咖喱魷魚🦑夠彈牙、薑汁豬膶完全唔會腥又爽脆、蝦條大大條、豬皮入味，加埋秘製辣汁，食得好滿足。必食豬手麵 $48份量唔少，有4舊豬手，炆得非常入味，好香嘅滷水味，咬落都仲有彈性，有滿滿嘅膠質，唔會太淋。～熱檸茶+$3 & 凍咖啡+$8

這間地道館車仔麵乾淨企理，三餸一麵$40元，另加一餸$8元，都算實惠！車仔餸的款式差不多有40 款之多。除左車仔麵，還有飯，撈烏冬，小食等提供。咖哩魷魚，豬皮，陳皮魚蛋，腩肉腩汁出前一丁，份量大碗，咖哩魷魚大塊，味道微辣，爽口入味，豬皮淋身得似柚皮般，吸滿湯汁更好味，腩肉脂肪瘦肉層層相間，好軟淋。豬紅，魚片頭，滷水雞翼，蝦條清湯粗麵。滷水雞翼很入味淋身，滷水味道甜甜的。豬紅滑身，魚片頭爽彈，蝦條最特別，似日式魚卷，彈牙有咬口，值得推介。

🍽 地道館車仔麵 (新蒲崗)📍 新蒲崗崇齡街42號地舖✨臨飛之前等諗住同朋友嚟個快聚，時間有限就係朋友公司附近食，見到一間好光亮整潔嘅車仔麵，價錢合理兼抵食，就一於Try Try佢✨ 三餸麵（40元）(每加一款多8元 熱飲加＄5 凍飲加＄7)(有5款湯底、8款麵底、超過30款餸)🍽 柱侯牛腩、滷水雞中翼、蘿蔔加秘製汁(辣) 油麵 配凍奶茶少甜牛腩好入味好淋，一定有花功夫研究，接近入口即化，又有香濃嘅腩汁味。滷水雞中翼同樣好入味，雞翼比起平時食開車仔麵嘅再大隻好多。蘿蔔大大件，唔會煮到太淋，而係入味得來仲要好清甜，又多汁。呢個攞返我俾一百分💯 凍奶茶方面，叫咗少甜，又唔會淡咗味，茶香同奶味都重嘅。職員建議秘製辣汁另外上，可因應個人口味加，好貼心嘅建議。食得辣嘅可以叫中辣，原本湯底已經好正，加埋秘製辣汁就更加惹味。🍽 咖喱魷魚、牛柏葉 、麻辣豬肚，咖喱汁 油麵 魷魚好似酒樓嘅咖喱蒸土魷，咖哩味好重，超香。牛柏葉好厚切，食落一啖一滿足。平時食豬肚好怕好大陣豬腥味，今次嘅豬肚我覺得好好食，冇腥味之餘又煮得好淋又好入味。呢個係餐廳嘅推介餸，絕對冇介紹錯！豆漿 +$7好重豆香味，而且冇豆渣，好易入

今日想食light d 😌於是揀咗附近一間車仔麵💥車仔麵粗麵底 🍜$40(三餸）額外一款加$8豬潤：難得少見車仔麵食材 軟腍無腥味🥢🍡陳皮魚蛋：彈牙亦夠陳皮味豬紅： 爽口入味冬菇：細細粒但炆得超入味超淋🤩紫菜同蘿蔔就正常發揮秘製辣汁湯底好入味🧂食完亦唔口渴鍾意食辣 ❤️‍🔥可以加埋枱面提供既辣油，超惹味！😋💥另一碗叫左腩汁湯底牛柏葉：爽脆唔韌豬皮同魷魚都好入味😗蝦卷係必試之選✅彈牙 混入豆角粒口感豐富🤪值得一提係所有配料都好足❕唔會得兩三件食完一碗超滿足～🈵cp 極高之選 💯

📍地道館車仔麵 - 新蒲崗店$40 三餸麵，5個湯底，8個麵底，40個餸可以選擇當然有啲餸係要加錢($2-3一款)，但唔駛加錢既都有25款選擇，個人認為價錢選擇麵非常合理今次叫左蘿蔔、豬紅、蝦條(+$2)，米粉，秘製汁(辣)個湯底好入味，辣度亦適中，就算唔太食得辣既都可以食到底蘿蔔同豬紅基本上係鐵膽，蘿蔔食第一舊有驚喜，好淋好入味，但當我想感恩既時候⋯第3舊已經唔係同一批貨🥺雖然都好淋，但個芯明顯係白色，亦食到有筋，所以呢個要扣少少分🤏🏽豬紅係我認為最出色既，唔係用凝固劑一咬落去就散晒個質感，係有咬口，亦都好夠味，一碗麵有5-6粒我係幾滿意👍🏾蝦條都出色，我唔係太講到入面有咩料😆但應該有馬蹄，因為咬落去脆口既，但得兩條唔係好夠喉🤤一定好食過X仔米線既蝦卷先！$42既麵其實真係好OK! 😂要挑剔既可能係個米粉唔夠，食晒成碗麵唔算好飽，相信男士們係要加底或者再叫其他小食先夠。

向來鍾意幫襯小店的我，新蒲崗真係有唔少選擇今次到訪爸爸食過後推薦的「地道館車仔麵」==========🔹自選車仔麵 - 三餸一麵 $40 (加一款多$8)5款湯底、8款麵底、超過30款餸可供選擇點選了蘿蔔、金菇、秘製鳳爪+$2、牛柏葉+$2、米粉配秘製汁(辣)；配熱飲+$5蘿蔔清甜細嫩、金菇軟嫩、鳳爪煮得夠腍而入味肉厚、牛柏葉爽滑彈牙；米粉爽口份量足；秘製辣汁辣度適中，味道天然感覺沒味精熱飲檸檬茶檸檬新鮮清香不帶苦澀==========🔹腩汁時菜 $18生菜新鮮爽脆，淡淡腩汁香而不膩==========🔹瑞士雞翼 $33隻隻飽滿得體，上色均勻；雞翼肉嫩入味，瑞士汁調較恰好，鹹甜平衡==========🔹Juicy豬扒 $33兩大塊豬扒非常夠份量，炸得表面香脆，內裡肉質保持緊實富肉汁，調味適當不過鹹==========免加一服務費整體用餐體驗滿意，小店選材優質，出品用心，可謂一家出色的車仔麵店，值得回訪，難怪爸爸讚口不絕

放假陪同事去新蒲崗圖書館搵資料，走的時候見到對面有間地道館車仔麵，同事見到門口餐牌價錢經濟實惠，店內燈光明亮，地方整潔，即話要入去試試！車仔麵：豬紅、豬皮、豬腸、滷水雞中翼、米粉、咖喱汁。豬紅豬皮都好入味，豬腸洗得乾淨冇異味，雞翼滷得入味又嫩滑，湯底咖喱汁夠味，米粉爽口。凍檸茶甜度啱啱好。車仔麵：豬紅、豬皮、蘿蔔、秘製汁、河粉蘿蔔清甜無渣好入味。湯底秘製汁辣辣哋十分惹味，河粉幼滑。凍鴛鴦夠濃夠凍。必食豬手：豬手爽彈厚肉，燜到軟腍又入味，還有豐富嘅骨膠原！

.新蒲崗愈黎愈多嘢食，我地係Mikiki買完野過左黎崇齡街呢邊覓食，見有車仔麵，又好耐冇食就入去啦～▫️車仔麵．幼麵．腩汁．柱侯牛腩、酸齋、陳皮魚蛋、紫菜、生菜湯底有五款、麵底都有八款選擇、餸都有好多得揀。街坊親民價好抵食！大大碗車仔麵食到好飽好滿足😌湯底腩汁足料夠味，牛腩炆得夠腍、酸齋好食、陳皮魚蛋好香👍🏼點左紫菜同生菜諗住食得健康啲😆幼麵好大餅又夠軟身。▫️招牌豬扒出前一丁大大塊豬扒，肉質嫩腍易咬，煎過所以比較香口，加埋出前一丁，又有麻油香，好食😋飲品我地各自叫左一罐忌廉同一杯柑桔蜜。柑桔蜜好足料，好潤喉真心好飲👍🏼呢到好企理又乾淨，有卡座梳化坐得好舒服。店員個個都好有禮貌，無論對堂食同外賣既客人都好好服務👍🏼👍🏼👍🏼值得再光顧！

原來愛民邨果邊都幾多野食😋有日去開想食D簡單野食，就見到呢間地道館食車仔麵的，上網睇都幾多好評❤️咁就一於試下！試左第一啖後🥹太後悔咁遲先發現呢間餐廳💗我揀左佢地嘅秘製汁（辣另上）個湯底好濃郁超好味，不過對於食開10小辣的我🤣真系都幾辣🌶$40一碗車仔麵包2餸，見人地大推豬手，豬腸，我再另加左豬紅&蘿蔔，吾覺意嗌左碗全豬車仔麵🤭必食豬手真系炆到好鬆化💯一咬落去已經自動肉骨分離，豬腸都洗得好乾淨，完全無異味👍🏻蘿蔔好吸湯汁味，咬落無渣！我仲嗌左杯柑橘蜜，可以潤下喉，都只系+$8🍹呢間地道館好有驚喜，價錢亦十分親民，非常推薦大家！

今日同去開鑽石山，心思思想去新蒲崗一帶揾食😆😆之前已經聽講過呢間車仔麵做得出色，餐廳地點唔算難揾，都係係大街到既$40/3款餸，價錢好抵！！！我咁為食就揀多左幾款餸😆當然少不了車仔麵必食既豬大腸，牛腩同豬紅，係我最愛配搭既三寶，再點多左陳皮魚蛋同蘿蔔😋麵底揀左河粉一上枱見到係滿滿既餸，見到都心心眼😆😆同埋好香😍先介紹一下豬大腸，無異味，清洗乾淨，好淋好食。牛腩夠入味，而且大大塊，唔係牛腩碎黎架！豬紅好夠味，食得出店家準備既心思！陳皮魚蛋好彈牙！蘿蔔無渣，香甜好食！最後飲埋杯凍檸茶，正！勁爽！餐廳坐得舒適，而且仲有唔少小食，可惜今次太飽，一個人食唔到咁多，下次叫黎同朋友分享先

🫶🏻呢間車仔面都開左一段日子，人流都不少，可以算得上街坊食堂。今日做完運動回家經過，入去食個晚餐醫肚 😇👅 車仔面三餸 ( $ 43 ) 雖然餐廳有飯餐提供，但黎到車仔面館當然要試下佢地既車仔面。三餸一面 $40，都有不少配料可選擇，今次點左唐生菜、煎蛋、陳皮魚蛋，再轉出前一丁另加 $3。麵條不會太軟淋，韌度剛好 🍜 麻油香味好出，魚蛋偏細但餐廳都比左唔少，果然有陣陣陳皮香味，加埋爽口翠綠既唐生菜好 Fresh～ 🥬🥬👅 瑞士鷄翼( $ 33 )做完運動補下 Protein，一份共五隻既瑞士鷄翼好有家常菜既感覺，味道甜咪咪，雞翼大隻而入味，送車仔面食一流 💓🥛 豆漿 ( $ 7 )沒有冰的杯裝凍豆漿，甜甜的豆漿味突出，不錯 😇▫️◾️▫️◾️▫️◾️▫️◾️▫️◾️▫️◾️▫️◾️▫️地道館車仔麵 (新蒲崗)📍新蒲崗崇齡街42號地舖