地道館麵軒

營業中

休息中

地道館我已經幫襯過好多次，佢有車仔麵有拉麵有常餐等等，但係我次次都嚟食拉麵嘅。今次我叫咗豬骨湯雞扒拉麵，+4蚊配香蕉橙汁。佢個雞扒係燒汁煎雞扒，雞肉好滑，塊皮又比燒汁煎到入晒味拉麵口感好好，唔會太軟/太硬。果汁係即叫即打，香蕉+橙汁酸酸甜甜雖然裝修好似普通茶餐廳，但係食物好好，侍應又好好人會同你講下笑咁。而且價錢都好抵，只係30幾蚊就食到個好味嘅港版日式拉麵good !

依度既車仔麵一個字，正！我係鍾意食軟硬適中既麵，依度就做到喇個蝦條真係好好味，佢唔係烚熟就算平時我多數食粗麵，今次試下米粉！都好味喎！ 不得不提就係佢個湯底，又係好加分如果你地未試過既，真係要快d去試下喇

主打車仔麵的麵軒，這裡的籮白、咖喱魷魚及雞翼不可不吃，定會一試難忘。朋友是麵軒的粉絲，與廚師及店員相當稔熟，以往只吃車仔麵的他，現已升級為他們的VlP，廚師會特定為他烹調私房菜，今晚有幸與朋友一起分享。 等候10分鐘，主菜上桌，今天晚餐是小龍蝦海鮮湯河粉， 面層灑上香菜，賣相滿分，先呷一囗熱騰騰的濃湯，鮮味十足，由龍蝦、鮮魚片、帶子及肉碎熬成的湯底，用料新鮮，甜美無比，濃湯鮮味滲進每條河粉內，令人胃口大開，一囗接一口，不消一會已吃光，不用多説，確實美味。店舖沒有華麗的裝潢，姿態沒有半點嬌柔造作，只是簡單直接把最美味的食物送上，令每位食客都能大快朵頤，這就是一間充滿著熱誠的小店。聽説，昨晚廚師為他精心炮製了一個意式薄餅，看圖，他們還用了火箭菜⋯這裡不是賣車仔麵的嗎？

住左葵芳禁耐，呢間野見就見得多，但真係未試過。聽同事講，這裡的人很好，食物都不錯，於是就決定黎試下。今日去既時候都幾多人，無計，lunch time d ol出黎食飯。但只係等左五分鐘，在等位期間，他會遞上車仔面既字俾你填，都幾省時。我叫左個墨魚丸加時菜加咖哩魷魚鹵水雞翼。個汁有牛腩、沙嗲、咖哩和秘製（辣）選擇，我點了秘製汁。環境方面小店就比較狹窄，但都可以接受的。很快就有一碗熱辣辣的車仔面在我面前。我覺得墨魚丸無咩味，可能個汁太濃，搶走左本身墨魚丸的味。禁譚仔的墨魚丸會好味小小。但鹵水雞翼好入味，都好易咬，骨唔會散。好味。而菜索哂汁的味道，入口汁都bi出黎。而咖哩魷魚係重頭戲，因為咖哩魷魚真係好難揾，呢度有已經好好，而且好彈牙，唔會太un,咖哩索哂落魷魚內，好正。個汁呢，其實都唔辣，都好濃，講唔出用咩料熬，但係好地道既味。價錢方面都ok，3餸34＄，加多個餸就加5＄，但送凍熱飲，除左車仔面仲有拉面食，都幾好架。如果大家想試，唔好禁夜去，因為上次佢9點已經收左舖，所以記得早小小啦。總結，係好食，有下次！！

黎間車仔麵檔幾時都錦多人，如果lunch遲左去都要等位，車仔麵餐($34)，可以選三個餸，一個麵，一杯熱飲。我就要左牛腩，墨魚丸，魚片粗麵餅加秘製辣汁。其實碗車仔麵正確黎講應該有四個餸，因為有菜(生菜)跟既，而份量都可以當一個餸，牛腩又鞋又韌唔好食，墨魚丸食落好膠又無一粒粒既墨魚肉，但魚片就好食，夠彈牙！秘製辣汁只係微辣無咩特別！

是日，去葵涌廣場食車仔麵 ：）葵涌廣場 - 相信不少女孩子喜歡的地方丫，買衫又平又靚衫既好地方^^ 好過行旺角XD但都要醫飽個肚先可以去行街街！等我推介下呢間快靚正之選 。32元 3餸1麵 （跟熱飲一杯）凍飲 +$2好多餸可以選擇 ，哎呀！我都花多眼亂呀今次第二次食，豬腸上次食過好食，好入味架，今次再encore ! 另外，叫左魚蛋、韮菜 。魚蛋唔推介林身左,唔彈牙之外好似無咩味。韮菜ok ar夠新鮮。湯底要左個牛腩汁，好味既湯底配粗麵好食！食車仔麵我鍾意配呢d全蛋麵餅（朋友點左咖哩汁都好味架，帶點微辣）大家可以考慮下^^小小心得，如果起到食車仔麵、不坊叫牛腩、豬腸、雞翼.. 呢d要時間入味既野呢到反而出色！好啦 ，講到呢到先下次再繼續分享多d美食比大家聽 ～～請期待 

嗌左個膽固醇極高3送車仔面...豬紅, 豬腸, 雞翼尖 配米粉...因為第1次來食, 嗌米粉會穩陣, 煮太耐都唔會好淋嘛~~~佢話送杯奇異果汁wor...好似即時有健康返既感覺...哈哈!有驚喜wor~~d豬紅咬落口卜卜聲ga! 唔錯wor! 同埋幾香~~d豬腸反而唔夠元朗永年咁好味啦...個腩汁都係一般~唔差, 但係普通...雞翼尖都醃得幾入味ga! 有少少酒香...所以都like呀!!!我好彩嗌左個米粉係爽口ge~我阿妹嗌左幼麵, 佢話佢果碗煮淋哂lol杯奇異果汁都係普通啦~~~ 溝左水就預左架喇, 贈品嘛~~~不過我幾like呢個idea送果汁, 因為出面都賣好貴...溝左水都是但照收貨啦~因為夠凍, 同埋個味唔淡...都幾解渴~~

好多時返工都唔想係Office食，出到嚟又唔想食太貴，車仔麵係一個唔錯嘅選擇。但搵啱一間好得嘅又要講緣份。今次要介紹下依一間，佢嘅車仔麵真係食過返尋味。佢嗰車仔麵係三(送)一麵另送一杯飲品，當然係可以加錢變成四至五款(送)啦。今次叫左牛腩，魚皮餃，麻辣豬肚，河粉加秘製辣汁。魚皮餃：無咩特別，食落較普通，但主角唔係佢，所以都ok。牛腩：瘦多肥少，不錯嘅選擇。最緊要唔痴牙。由於嗰size被切成細細粒咁，所以都比較腍身。麻辣豬肚：雖然名叫麻辣，實際上係麻多於辣，但加上秘製汁，令人欲罷不能。而豬肚雖然浸湯，但食落爽口，滋味無窮。秘製辣汁加河粉：辣汁加入湯令湯底更香。而且嗰汁辣得嚟香味較多，即使唔受得辣嘅人士亦可接受。湯底加完秘製汁後配以河粉一齊食，當然係有目的啦。咁樣可以令我食粉嘅時候享受依個超好味湯底。食完都唔會覺得口乾更加係較少車仔麵檔能夠做到。至於環境方面，本人只會覺得不可奢求太多，始終佢都係賣緊港式車仔麵，基本清潔已是不錯。而由始至終樓面只有一人，但招呼嘅速度完全無受影響，可以應付完店內嘅堂食客人，再要處理外賣，等位嘅客人。激讚！！

向來只會光顧旁邊的上海店，這次又獨自晚宴來試新野。豬大腸、牛腩、雞翼尖米線加秘製辣汁以為是普普通通hea的車仔麵？那就錯了，湯底濃得像腩汁，再加上秘製辣汁，辣得來有點兒甜香，香濃得來不會令人口渴至死。撥開上面的餸料，即見雞翼尖，足足有四只。生菜、米線亦不少。豬大腸沒有肥膏在內，乾淨而香口。牛腩半肥瘦，沒有任何一件是肥得不能下嚥，亦沒有一件瘦得會「痴牙」，乃牛腩之典範。雞翼尖的鹵水味濃，雞翼尖充滿鹵水汁的香味而又不會太鹹，下次嚐嚐雞中翼可能更見美味。秘製辣汁令整個麵錦上添花，比微辣多了一點兒辛香，卻又不會嗆喉，後來還多了一種甜香的感覺，莫名其妙的湯底，無奈環境實在太窄太熱，絕非與大夥同事一同午膳的好地方。只適合個人獨自外賣，回寫字樓「開大冷氣」獨享。熱奶茶放涼了，沒有苦澀味道，竟然有濃厚的茶香，下次叫茶走應會更美味。

在差不多離開葵芳時，在葵涌廣場地下看到有牛雜，我們一家人許久沒有食牛雜，所以好像磁石般吸了進去坐下。我們點了兩個雜錦：滷水雜錦、及牛雜。滷水雜錦：問題在於滷水汁，真心不夠滷水味，滷水膽是需要經過很多年來能入味，這家鋪頭明顯不在行。材料方面大路沒有問題，豆濮、雞亦、蛋、腎等都加入，腎硬中帶軟，口感 ok，而雞亦中很多是雞亦尖，骨太多我不太喜愛，蛋明顯滷不夠時間，蛋黃還沒入味：牛雜：牛雜則非常好味。牛腸、牛肺、牛膀都有，當中以牛膀最佳，那種好像海綿的口感，加上牛雜汁，十分好味，但可惜加入了芥辣，因為芥辣味太搶，吃不到牛雜汁及肉味。牛肺可以，爽口，但牛腸帶點苦味，可能清洗不佳引致。

呢日個大食同事又話想食車車麵, 所以 lunch 又去左轉地道~例牌..........等位!! 不過都好快有既, 等既同時先剔車仔紙!!今次等左大約 10 分鐘, 就有位啦~因為等緊果時已經剔左野食, 交左紙仔, 所以坐低無耐就有得食了~今次我食.....油麵+豬皮+魚皮餃+蝦卷+辣汁 (配: 熱杏霜)之前都有講過, 呢間野唯一唔好之處, 就係 quality 比較飄忽...即係有時就好好味, 但係有時就淡而無味!!至於今日, 味道十足, 辣汁好味, 湯底有味, 整體就係....好味~!!豬皮夠淋吸到汁味...魚皮餃就一般貨仔, 有咬口, 唔會甩皮甩骨咁...蝦卷其實第一次食, 不過感覺麻麻, 無咩蝦味, 只係類似一條...算彈牙又有肉既腐皮卷....杏霜就一如以往, 味濃香滑, 正!!!!哈哈哈.........

朋友介紹來這間店記車仔麵呢.看這店的裝修佈置是有點抗拒啦,但為了吃好東西的決心.而且朋友推介上,便冒險一次吧.這店有不少車仔麵配料的選擇呢.我選了最常吃的牛腩,牛肚及豬紅加油麵(腩汁湯)呢,而我朋友點了牛腩,豬大腸及蟹子包心丸油麵(腩汁湯).餐飲想不到竟然有朱古力,又每人點了一杯喝一下啦.凍朱古力的朱古力味不太濃啦,可能下太多花奶了,把朱古力味蓋過了呢.在喝的途中,我點的車仔麵上桌了,看賣相好像不錯耶XD先吃麵.油麵永遠跟車仔麵也是絕配呢.腩汁送油麵不死鹹,不錯啦.而餸又怎樣了?豬紅爽口不錯耶,而牛腩牛肚也入味,只是有一個相同問題而已......切得太碎啦!我明白成本上升要控制成本,但切得那麼小吃起來真的不太痛快啦.可以的話我寧願賣貴一點,不要切得那麼碎,給我多一點餸好嗎?朋友給我試一下蟹子包心丸及豬大腸呢.丸子是打邊爐貨色啦,而豬大腸乾淨,吃起來煙韌值得一吃,但問題仍是上面標題那一個,所以不多說一次了.結帳60元呢.味道是值得再吃一次的,但希望再來的時候,所說的問題有改善吧.

呢日又黎車仔麵...例牌又係要等一輪位先有位坐...等緊位既時間, 又係企棟棟咁剔定紙仔先~呢日揀左: 油麵 (秘制汁) 配 鳳爪+豬紅+魚皮餃等左大約 10 分鐘....上?!!一啖食落去, 咦........咁淡既!??餸 << 夠淋, 但係無咩味湯底 << 又清又淡自家汁 << 都唔多有味到底呢日攪咩鬼!?係湯底問題?? 自家汁問題??之前食開都唔係咁的....呢日真係大失所望....希望下次有改善, 最緊要係保持質素!!!

尋晚太太同佢D同事去整手指甲！因為遲左先整好，剛好我收工就一整去食！因為夜晚有時個太子會整D平時餐牌無o既食物！(不過得熟人先會整)尋晚終於一試！因為無影相所以得簡單食評！咖哩魚蛋加柏葉！好味過陳記！辣得黎唔算勁，但係就食到好香咖哩味！o者o者雞~~~~好味到呢，加上佢有好多芫西，洋！D雞入味到不得了！九菜餃，一定要試！好正！雞亦一樣係無得頂，外脆內軟！全部剛剛熟！最後一碗蟹柳蝦伊麵好味到唔識講

以前係葵芳讀書都成日黎, 而家係第二度返工, 但係每次夜放工唔返屋企食經過葵涌廣場都會食佢不過因為唔係成日去, 所以次次都係食最愛既滑蛋肥牛撈拉麵, 有肥牛 + 日式魚片/菇/芽菜 + 生雞蛋, 口感味道都好有水準, 份量都夠炸雞軟骨都好香好好食, 唔會太乾或者太多粉, 不過熱氣就點都會有, 始終係炸野車仔麵一樣好有水準飲品方面我會飲雙拼果汁, 係一般奶茶檸水之外既好選擇, 可惜無左以前必飲既果汁奶 (最愛芒果奶)侍應哥哥cool cool地不過並非唔友善所以唔好睇佢up up dup dup, 有機會一定要試下