坐忘

營業中

休息中

再一次ENCORE上次食左湯烏冬今次食咖哩🍛🤎•15種一日野菜咖喱飯超多款菜類 個咖喱黎到時已經香噴噴到忍唔住咖哩食落唔算太辣 味道亦唔會太過濃 恰度好處 配埋個飯一齊送 簡直可以食哂我鍾意食咖哩多過烏冬 滿足

9種溫野菜湯烏冬🍜健康版9款菜 大量滿滿蔬菜🥬🥒湯底夠甜唔會好咸好味精 烏冬麵質亦都值得一讚環境亦坐得好舒適 傾計一流性價比高 值得再黎🧡🧡🧡🧡🧡🧡🧡

🚇經過鰂魚涌，友人大推呢間專食咖喱嘅良心小店。位於鰂魚涌站五分鐘路程，近近地就試一試～🍲糖心蛋肥牛烏冬（$72）：肥牛份量都多，烏冬口感偏軟糯，咬落有淡淡香甜味。咖喱醬汁濃稠度恰到好處，唔算好濃稠，但係又可以掛到汁。味道方面喺預期中偏甜口嘅日式咖喱。有椰菜，粟米等野菜平衡一下整體口味無咁易膩。糖心蛋熟得剛剛好。🍛豬軟骨野菜咖喱飯（$75）：份量好大，米飯及豬軟骨好足料，完全唔會驚食唔飽。一貫嘅咖喱醬汁，小編更喜好伴飯～豬軟骨肉比軟骨多，但一讚豬肉質感軟熟淋身，烹調得幾入味。👌🏻整體而言：1. 座位比較緊貼，空間比較狹窄。2. 食物質素合乎預期，價錢合理。3. 上菜速度迅速。4. 無味精，多蔬菜，抵讚。5. 附近街坊可以一試。

坐忘嘅出名同人氣程度都唔使多講，佢嘅豬軟骨真係香港世一！要將豬軟骨煮得好食，其實好考技巧，有時出邊煮啲豬軟骨硬掘掘又或者一咬就散晒，但係呢間嘅豬軟骨係真係煮到啱啱好，淡淡充滿骨膠原嘅味道而且飯唔係白飯咁簡單，佢成個餐好有營養，有好多嘅蔬菜，白飯都配咗啲番薯去減低升糖指數，所以其實健身人士又或者想減肥嘅話，都好適合食呢個飯如果係喺食飯時間去嘅話，就預咗要等一陣，所以想試嘅話最好就喺食飯時間之前早啲去，或者週末期間都會比較少人

「坐忘」可以話係鰂魚涌名物，最出名係日式咖喱飯同豬軟骨平時lunch time應該好旺場要等位，好彩我哋2:00左右去，直入主要有定食、咖喱飯、湯烏冬餐廳堅持無添加味精、色素，感覺健康天然啲▶️ 豬軟骨野菜咖喱飯 ($75)賣相好吸引，望落營養均衡豬軟骨用慢煮方式烹調7小時，肉質非常腍，入口即化味道入味而唔會蓋過豬肉本身🐷軟骨透明部份淋到似啫喱，口感上黏黏地，確實出色👍🏻米飯用上番薯南瓜粟米生薑飯，所以黃色🍚味道上唔特別出，略略食到生薑同番薯味，入面亦有少許南瓜粒咖喱偏水，似湯多個醬，但味道唔稀，反而十分濃郁🍛偏甜帶少許辛辣，唔食辣都一定食到旁邊嘅野菜包括紅蘿蔔、西蘭花、薯仔、翠玉瓜🥦打工仔健康之選！▶️ 烤雞生姜溏心蛋烏冬 ($74)可以揀白芝麻或昆布湯底昆布湯底比想像中清淡，幾乎冇味🙈好彩都有少許薑蓉同木魚絲調味烤雞扒非常厚肉🐔食到黑胡椒味道，肉質ok溏心蛋雖然蛋黃熟咗少少，但味道好食，蛋黃黏黏地又夠入味😋烏冬似稻庭烏冬，不算十分煙韌，失色咗少少同樣好健康🥬有大量椰菜絲同粟米粒-豬軟骨咖喱飯的確出色，難怪係主打菜，不過略嫌湯烏冬太淡味，可能咖喱湯底會比較好食環境可以，坐得唔迫服務OK，

今次係同男朋友係附近做完gym 一齊去搵既健康少少既餐廳果晚係平日既8:30 左右，所以唔洗排隊就直入，仲有幾枱空位，所以相當舒服既環境但注意，平日lunch time/ weekend 通常都係排滿曬長龍，大概10-20分鐘左右，天后就再多人D排~今次想做完運動食返飽dd同健康D, 呢一間以多菜少肉為名的餐廳就係最好既choice，見到男朋友既反應就知，佢會係我地之後12個月gym後既食堂。一入到鋪面，就安排坐係4人枱，所以空間好大，當我地睇緊menu仲傾緊太多choice既時候，員工好有禮貌咁走左黎問我地係唔係第一次黎，我就黎左幾次，但都想佢介紹下，咁佢就同左我地講定食係包飯同湯，而最出名係豬軟骨野菜咖哩飯同豬軟骨咖喱烏冬因為果日好想好想食烏冬，所以我地兩個都係叫左✿《溏心蛋豬軟骨咖喱烏冬 $ 79》(★4.8/5)首先要講，真係色香味俱全!!我必須讚揚他們咖喱的香氣。當咖喱烏冬一上餐果陣，濃郁既咖喱香味已經沒湧入我地既鼻，仲要我地岩岩做完運動，口水都差D流出黎 hahahah 第一啖當然係飲啖咖喱，係比較香港日式口味，唔會太甜既 (因為我個人唔太中意日式太甜太浠身既湯咖喱) 而呢

今日收工已經好晏所以就諗住買外賣返屋企同男朋友一齊食好耐冇食過坐忘嘅豬軟骨又近近地喺公司樓下所以就揀咗佢佢有好多選擇但我最鍾意，都係佢嘅咖喱我揀咗豬軟骨，咖喱烏冬佢嘅咖喱烏冬係撈烏冬個咖喱汁分開裝俾你本身烏冬就已經有椰菜粟米同半隻留心蛋椰菜加粟米撈埋烏冬好有口感咖喱係日式甜甜地嗰款豬軟骨就唔使講 柔嫩 入味 我呢碗就已經有兩大舊份量超足夠男朋友揀咗黑芝麻牛肋野菜咖喱飯呢個咖喱同我個撈烏冬有啲唔同冇咁甜 牛肋超軟 都係好入味真係一間CP值好高嘅餐廳

无意路过的排长队小店，没想到居然有自己喜欢的猪软骨咖喱配上猪软骨，多少饭都一点不够炫，想要控制饭量的要注意了，确实不太好控制，不小心又选一大碗路过值得一试，因为吃太多烦有点后悔

平時食麵叫餸都好少嗌豬軟骨，因為怕韌或肉質好「鞋」🥵但Camper’s 坐忘一定唔會令你失望‼️因為佢嘅豬軟骨係慢煮7小時⏰所以基本上啲肉係入口即溶而且超入味🫢啲汁都好濃郁，岩曬配飯/烏冬☺️加上份量都算多！溏心蛋豬軟骨烏冬$71性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️建議：平日好多人，最好避開lunch time時間去/早餐唔好食咁飽

平日返工好鍾意食呢間日本餐廳。佢有唔少定食選擇，咖喱同烏冬喺呢度嘅人氣選擇🍛，差唔多每一台都會叫。大部份定食都係$6x-7x，仲會包一杯茶🫖☕️lunch time係繁忙時間，好多人排隊。話咁快，我就係餐廳門口排咗大概二十分鐘啦。不過等到食物上嚟之後，我嘅等待就全部都值得啦😍豬軟骨分量超多，炆得好琳身好易入口🤤🤤湯底好鮮甜，加上烏冬嘅Q彈口感同煮得剛好嘅軟骨，真係一絕！另外，配菜有唐心蛋，椰菜同粟米。如果食日本野，一定要嚟試試呢間餐廳！不過要記得，如果你係lunch time想去，最好要早啲到，唔洗等咁耐😆

又係鰂魚涌搵食平時中午好怕去好多人嘅地方食晏又要排隊又要等位今日難得可以早食飯，就去呢間一直都好想試嘅日式餐廳好彩，12點前到達 都仲有空位，可以即刻入去就坐低其實坐位就同普通餐廳一樣，雖然人多但都唔會太過迫其實呢間餐廳平平無奇 可能主打冇味精，無添加 吸引咗唔少人過嚟食 坐低唔夠10分鐘就已經出面勁多人排隊朋友叫咗一個招牌椰香烤雞野菜咖喱飯，雞扒都夠大件，足足有成三四件 野菜係非常多，雞扒煎過都幾香口都，對得住價錢$69 不過杯蘋果汁要加$5 仲要細細杯好唔抵！而我就叫咗糖心蛋肥牛烏冬，其實就十分之普通嘅，湯底清甜冇乜特別！終於一時呢一間咁人氣嘅餐廳，如果要排隊嘅話就冇必要！ 職員態度都不是十分有好，食完嘢就要即刻急急腳走，因為太多人等位

人生第一次寫comment有開冷氣但極熱，門外仲凉過店入面。入面完全無風，熱到無胃口。食完叫俾杯水，嚟咗杯滾水，然後西口西面話凍水加3蚊。食物是正常的，但唔會再嚟尼間分店。

最近造訪了一家據聞由日籍東主兼廚師主理的日式咖喱小店，他們以多菜少肉的咖喱菜式而聞名。我點了他們的烤雞野菜咖喱，這是一道令人著迷的美味咖喱。首先，我必須讚揚他們咖喱的香氣。當餐點被端上桌時，我立即被那濃郁的咖喱香味所吸引。這咖喱擁有豐富的香料層次，包括咖哩粉、辣椒、薑和大蒜等。每一口都讓人感受到這些香料的精彩組合，散發出迷人的味道。其次，烤雞肉的質地和口感都非常出色。雞肉烤得剛剛好，外層酥脆、內心多汁嫩滑。這種烤雞肉的口感與濃郁的咖喱在口中交融，為整個菜式帶來了豐富的味覺體驗。最後，野菜的加入為這道咖喱增添了額外的層次。他們使用新鮮的蔬菜，包括西蘭花、胡蘿蔔、洋蔥和馬鈴薯等，這些蔬菜新鮮和令整到餸菜更加完美均衡。

鰂魚沖餐廳選擇眾多有平有貴。 經常想食嘅餐廳list內，campers一定係其中之一。 但係係各位午飯或者晚飯嘅時間要預排一陣隊， 因為呢間餐廳真係好有人氣。豬軟骨野菜咖哩加烤雞campers嘅咖哩係屬於質地稀一啲嗰種日式咖哩， 帶點甜同埋微微嘅辣， 好好餸飯。 佢嘅豬軟骨煮到肉質好淋好入味！ 😋😋 野菜亦都非常新鮮唔會過度煮到冧bet bet。 嗌埋烤雞純粹係因為想食多啲肉 😋😋 一碟飯嘅份量好足。 雖然佢同區快餐餐廳嚟比唔算係平，但係絕對係一間性價比好高可以返炒再返炒嘅餐廳。

係炮台山返工，同事介紹去坐忘食lunch～一去到鋪面細細，員工好有禮貌。我叫左個牛油燒汁雜菇丼，加多隻溫泉蛋。如果食素既岩哂喇💡個人黎講呢個比較齋😂但今日唔想食肉，就食一日素喇。再望清楚啲個餐牌，下次都會叫豬肋骨～！因為我本秒唔食咖哩，所以個人選擇上又少左啲🥲但係鐘意食咖啡既朋友仔真係可以一試！我見到其他人叫左都好飲好好食咁～價格都係$60幾～$70幾～份量中等，我地12點左右到餐廳，基本上唔洗等位😎但食完差唔多12:40就開始多人喇～