坐忘

營業中

休息中

坐低咗之後，就突然多咗好多人嚟排隊，好彩行得快🤣 🐷🍜 豬軟骨咖喱烏冬溏心蛋 $79坐忘兩大多人食之選— 咖喱 + 豬軟骨 ，果然係非常出色🤯豬軟骨炆得極軟滑香腍，有黏口嘅感覺，而且份量大足，食極都仲有一大嚿😋咖喱係有甜味嘅日式咖喱，一啲都唔辣，配上偏身又易掛汁嘅烏冬，食到𠽌𠽌聲🤪 雖然整體偏濃味，但有大量爽口嘅椰菜絲同粟米粒，食完自我感覺仍然係清新健康😌聽講十五種蔬菜嗰款咖喱都唔錯，有機會再嚟試吓😆

💭作為係鰂魚涌一帶返工既朋友，點會無黎食過呢間鋪頭😆鋪頭細細，但長期爆滿！因為呢間餐廳既lunch 真係好好食😙咖哩好香，好惹味！想食日本咖哩，真係一定要黎呢度試！🌸豬軟骨咖喱烏冬（HKD 77）🌟🌟🌟🌟🌟個豬軟骨煮到超級入味！好淋！豬軟骨配上濃郁既咖哩烏冬👍🏻👍🏻👍🏻wohooo～ 簡直無得頂！強烈推薦大家第一次黎試一定要試呢個豬軟骨咖哩烏冬！🌸烤雞野菜忌廉湯烏冬（HKD78）🌟🌟🌟🌟🌟黎食得多咖哩不妨試下呢度既忌廉湯烏冬！OMG！ 呢個湯底味道好濃厚！值得一試😍😍😍

去親鰂魚涌都會掛住想食嘅味道，大份飽肚健康好食😚！・・・・・・・・・・・・・・・・・・・・🍛 豬軟骨野菜咖哩飯 HK$75 ・味道：香甜日式咖哩base，日本家庭式餐廳嘅咖哩味🥘3-4大舊醃到入晒味嘅豬軟骨，配埋N樣蔬菜，翠玉瓜呀紅蘿蔔，健康好味😚連個飯都特別好食，係蕃薯南瓜粟米生薑飯，甜甜地粒粒分明嘅日本米🍚，正！・口感：個豬軟骨係一咬就散開嘅淋，超正的XD飯粒都好香甜，正正子～・・・・・・・・・・・・・・・・・・・・🤰性價比：高～🤰9衝度：9衝～🤰結論：孩子們，去怒食吧，烏冬都好不錯的👍・・・・・・・・・・・・・・・・・・・・

中午Lunch 突然好想食咖哩類就去左坐忘叫外賣如果想堂食中午食飯時間真係要早去令位外賣都等了廿分鐘但值得一等薯仔切到粗薯條形狀配上翠肉瓜同大大嚿雞肉加埋嘢食我炒底飯真係飽到食唔曬 值得一推👍🏻

好耐冇幫襯呢間小店，再次惠顧，仍然係好多人喺出面排隊等候😅。餐廳唔係好大，係一間家庭式小店，座位與座位之間可能令比較逼狹。但木系的裝修有一種溫暖嘅感覺😁點咗他們出名的豬軟骨野菜咖哩飯，豬軟骨炆得好腍，入口即溶，份量超多，有三大塊，咖哩汁 甜甜地好味。仍然保持水準。野菜分量都唔少，咩種類都有: 西蘭花、椰菜花、豆角、红蘿蔔、薯仔、翠肉瓜、 應有盡有，係一個好均衡嘅飲食選擇。午餐會配飲品，但只得凍茶同埋熱茶選擇$75, 午市套餐，好味又大份，抵食。不過就真係好多人等位，午飯時間要預多啲時間等候。排隊期間都見到好多人買外賣。總結: 餐廳食物質素高，份量足夠，價錢相宜，是午餐的好選擇。👍👍👍

成日喺網上見到呢間嘢，聽人分享呢度既豬軟骨係必試既，就專程過黎一試。-一入到黎覺得環境幾靚，多人得黎坐得幾舒服，菜單都設計得幾有心思。一坐低就叫左個豬軟骨野菜咖哩飯。-豬軟骨野菜咖哩飯8/10-首先試左個咖哩汁，正正常常，普通日本甜咖哩既味道。抵讚既位係佢唔會太稀既同時分量都多，跟翻飯一齊食實夠。豬軟骨有驚喜，食落唔會太柴，十分之嫩既同時仲有肉汁。另一方面估計佢煮既時間都夠耐，十分入味，加埋少量既肥肉同骨膠原，咬落去係有個軟糯既口感，肉汁係個口入面爆左出黎，份量都唔少。野菜就普通，加埋咖哩汁一齊食幾唔錯。-總括而言體驗唔錯，雖然位置有少少遠，但$78呢個質素算幾好。

《日式大份咖哩兼蔬菜飯🍛‼️》#eatfoodandchill_日式主打咖哩飯嘅小店選擇唔多 ~但入味軟腍豬軟骨同濃味咖哩真係必叫😋而且每份都配上大量蔬菜，十分健康🥦🥕.▪️豬軟骨野菜咖哩飯($75)配熱/凍茶兩大舊超淋豬軟骨 唔鞋身 啖啖骨膠原👌🏻個咖哩汁甜甜地 好易餸飯 飯係落左粟米粒配菜有薯仔、西蘭花、蘿蔔、脆肉瓜等 食完都唔會口渴 天然無添加 十分健康又飽肚✨▪️烤雞野菜咖哩飯 ($69)配熱/凍茶咖哩汁微微嘅辣 又唔會好日式嗰隻甜味 雞肉十分大塊又好多 不過雞肉就較為鞋身 同樣配搭左好多蔬菜 最後都食唔曬呢~▪️烤雞野菌忌廉湯烏冬 ($78)配熱/凍茶烏冬有好多，有咬口好煙韌 不過湯底得少少鹹味 似只係落左少量鹽 好清淡亦有大大塊雞肉同菜 同樣係新雞肉淡味冇醃製過咁🥲烏冬就唔太推薦啊🥲.✍🏻整體:食量大嘅去食一定飽肚！公司啲男同事都食唔晒🤣而且有大量蔬菜 好健康！配上日本玄米茶好解膩👌🏻.📍坐忘鰂魚涌濱海街13號中興大廈地下

近排轉左黎鰂魚涌返工，一直有聽聞呢間既咖喱飯好好食，但每次12點搭2左右落到嚟都已經好多人排隊🥲今次同事特登提早左少少落嚟攞位，終於等左15分鐘之後入到去🥹佢出名既咖喱飯就已經有7款咁多，另外仲有各款既忌廉烏冬同定食，以小店黎講選擇都算幾多。第一次黎當然要試試店舖推介既豬軟骨咖喱飯喇！😌一黎到見份量都幾大，佢既咖喱唔係個種好濃稠既，係偏向日本家庭式既湯咖喱，未必每個人都中意，但佢食落比較清爽，味道唔錯但未算突出。但反而我覺得豬軟骨比較有驚喜，煮到非常腍身，味道亦好夠😋但同咖喱擺埋一齊就有少少蓋過左咖喱既味…所以店家可以考慮將個餸分開擺會好啲…大概食左大半個鐘，食完出黎仍然有好多人排緊隊。總括黎講，呢間係比較有誠意、價錢合理、味道亦唔錯既小店，但係未算好驚艷，所以係未需要排半個鐘或以上就真係見仁見智啦～

今日黎試下呢間好多同事都推介呢間小店🤭不過6個人都要等15分鐘以上㗎，一到lunch time 就好爆！呢度最出名係豬軟骨，我就叫左配烏冬，我至愛😍豬軟骨真係好入味同好淋！唔洗好用力咬已經可以食到呑到🤔佢哋餐廳仲主張健康料理㗎，所以蔬菜做配菜嘅份量都幾大份，份量女仔食真係好夠飽🤣一份飯/烏冬入面有齊肉同菜，真係夠食👍🏻而且夠哂有營養🥰我叫嘅豬軟骨咖喱烏冬配溏心蛋 HKD$79，唔算話好平，但係為咗佢嘅豬軟骨，我會願意黎食😂

終於要嚟同大家分享我最愛嘅香港餐廳之一😝🥰認真講，香港冇乜餐廳係令我食完會回頭😳但呢間餐廳係我每次去親鰂魚涌都必食嘅飯堂！！🥰❤️身為豬軟骨控嘅我，會話佢係全香港最好食同最抵食嘅豬軟骨🥹！必食呀～餐廳主打日式家常料理，店裡面位置唔算多，lunch time嚟都要排隊㗎～🌟豬軟骨七小時煮沙律🥗 $80呢個沙律係生酮人士/減肥人士嘅恩物！😍成日出街都唔想食飯/麵，而呢度就可以揀沙律菜底🥗💕食過幾次仲覺得叫沙律菜嘅話豬軟骨份量會多啲🤫豬軟骨份量真係超 誇 張！足足有3-4舊，而且每舊嘅大細都可以用「扒」去形容😂因為真係超大舊！可以話係出面餐廳嘅2倍🤭仲要佢哋嘅豬軟骨係每日用七小時慢煮，唔單止好入味，而且軟骨位係完全變成半透明，呈啫喱狀🥹❤️食落就係啖啖骨膠原，淋到咬都唔使咬！🥹💕真係正到癲咗😭最過份係肉嘅部份唔會因為煮咗好耐而變到好乾好鞋，咬落去都仲好淋🥺🧡每啖都有幸福嘅感覺😭而且沙律菜份量都好多好多，包你食完仲飽過食澱粉❣️🤣🌟溏心蛋肥牛烏冬 $74 (+$18 配7種野菜) 呢個係朋友叫嘅～上枱仍然係大碗到嚇死人🤣(真的是怕客人食唔飽嗎🥹!!) 肥牛份量好多！佔咗碗野面積嘅七成🤫😮烏冬好煙韌，

<坐忘>《Camper’s》😋 🎀黑芝麻牛肋野菜咖喱飯 💰72 > 見menu 有款少有既芝麻咖喱，鍾意試新野既我，二話不說即揀黎試。黑色的咖喱，又幾好味喎! Curry 會配 蕃薯南瓜粟米生姜飯，蔬菜、牛、汁、飯的份量，各樣都好足！👍🎀豬軟骨咖喱烏冬配糖心蛋 💰79 > 朋友話諗住嗌2款不同既食物，share 黎食，試多些不同款式。 一黎到已經好香，豬軟骨夠淋和入味🎀蘋果汁 （跟餐）💰5🎀柚子蜜（跟餐）💰83年多的疫情，終於可唔戴口罩出街。出街食多左好西！黎到鋪頭門口，已見不少人等位。呢間可以話係黎鰂魚涌食日本菜首選，會再幫襯CP值: 🌝🌝🌝🌝🌝味道:🌝🌝🌝🌝🌝環境:🌝🌝🌝🌝服務:🌝🌝🌝🌝

呢間餐廳全部野食都無味精醬汁全部係homemade但完全唔會因為咁而影響餐點味道兩個飯依家都係好好味味道豐富 好食，份量多一個女仔連餸都未必清得曬每次都會叫豬軟骨嘅餐 真係整到超冧身 推介

身邊有好多朋友試過呢間小店都極力推介，今次終於到我嚟試下！呢度最出名係佢哋嘅豬軟骨，真係好入味同好軟腍，唔使點用力咬已經可以吞落肚😍 🍛豬軟骨野菜咖喱飯 ($78) 帶微甜嘅咖喱汁撈埋番薯南瓜粟米生薑飯食好正，因為餐廳仲主打健康料理，所以配菜嘅蔬菜份量都幾多下，一碟入面有肉有菜有飯，營養非常均勻！另外豬軟骨咖喱烏冬配溏心蛋 ($79)烏冬煙韌得嚟仲好掛湯～ 一定係我人生食過最腍嘅豬軟骨，絕對會回訪再食🤤

很少機會去鰂魚涌，但一到這區，就必會想起這間人氣的日式咖喱小店「坐忘」。已光顧多年，但人氣始終不減，可見其實力。如在午膳時間到訪，就要做好排上30至40分鐘的準備。店內的空間不大，食客坐得較擠逼，但為了一嚐這裏的招牌咖喱，大家都會耐心等待和忍耐一下。豬軟骨野菜咖喱飯 🐷🥘每次到這裏都必點的豬軟骨野菜咖喱飯 ，咖哩是日式偏甜類，幾乎沒有辣味，但同樣惹味十足，送飯一流。👍🏻豬軟骨經慢煮後，炆得非常淋和入味，軟骨部分入口即化，水準很高。配菜種類繁多豐富，一點也不比豬軟骨失色，更可平衡豬軟骨的油膩感。🥦🍆🥔🥕

如果你是一個健康飲食的擁護者，那麼你一定不能錯過坐忘這家日本家庭小菜店。坐落於香港的坐忘餐廳，主打健康食品，少油少鹽，讓人們能夠盡情享受美食的同時，不必擔心增加身體負擔。進入坐忘，第一眼就能感受到它舒適、溫馨的氣氛。整個裝潢以木質風格為主，加上綠色植物點綴，讓人感到放鬆舒適，非常適合家庭或朋友聚餐。坐忘的招牌菜是慢煮豬軟骨，這道菜採用了慢煮技術，讓豬軟骨煮得十分軟嫩，入口即化。這道菜的特點是不加油，不加味精，讓人們能夠盡情享受到豬軟骨的天然風味，同時又能夠保持身體健康。除了慢煮豬軟骨，坐忘還提供了其他美味的健康小菜，例如牛肉、雞肉等，都採用了類似的低油、低鹽烹調方式。值得一提的是，坐忘的菜單也包括了各種蔬菜，讓人們能夠在享受美食的同時，為身體補充足夠的營養。除了主打的健康小菜之外，坐忘也提供了各種傳統日式料理，例如烏冬和日式飯食等。這些傳統菜餚同樣採用了健康的烹調方式，讓人們能夠在品嚐美食的同時，保持身體健康。總的來說，坐忘是一家非常值得一試的餐廳。不僅提供了各種健康的小菜，同時還有傳統的日式料理，讓人們能夠盡情享受美食的同時，不必擔心增加身體負擔。此外，坐忘的服務也非常周到。