城軒中菜廳 (已結業)

因為便宜才去吃的6個人吃飯～美美的六人行共花費155元雖然我去過多次，但不知道原來精點和超點都是原價，只有大中小是8.8元。還有一個特價單子，各種粉面是9.8元，還有3.8元的4.8元的各種簡單點心茶位費每人5元。黑膠牛仔骨和水晶蝦餃皇，各是20元一籠；豉汁鳳爪和流沙包，多是8.8元一籠；外加一個燒鵝瀨粉，9.8元。總計155元，平均一人26。因為我的信息失誤，精點和超點原來是原價～所以大概比預計的吃得少，但是花的并不少。下次要改進——

人數眾多的一夜, 方便大家便選擇了城軒DINNER, 早前已預訂了獨立房間, 怎樣玩也可以, 嘻嘻哈哈又一晚蜜汁叉燒: 叉燒燒得橙紅, 半肥瘦, 肉質也算嫩, 蜜汁也夠惹味! 相比美心, 味道沒什麼差, 但Size相對較大囉! 栗米魚肚羹: 粟米羹稠稠的, 弄了蛋花口感更滑, 咸度適中, 魚肚切得夠細、爽口, 不錯喔! 粟米魚塊: 用的是罐頭粟米湯, 同樣加上蛋白, 魚塊略小炸粉略多, 沒有啖啖魚肉的滋味, 味道一般, 跟在普通餐廳吃到的差不多。 咕嚕肉: 即使沾上了甜酸醬, 也嚐到香脆的口感, 用了梅頭肉, 肉質不會太韌, 很醒胃的一道菜。不過配菜青紅椒和菠蘿太少了。 西蘭花炒牛肉: 西蘭花新鮮爽口, 牛肉卻韌左d。 清湯通菜: 通菜是幼細的那種, 同樣翠綠爽口, 加了蒜頭一起煮, 但蒜味不突出, 味道反而咸左少少。 冬菇山根扖豆腐: 最滿意的一道菜。布包豆腐大大件口感硬中帶軟, 山根、冬菇份量都蠻多, 汁料取勝, 把清淡的材料都入哂味, 沒有過咸。 干燒伊麵: 伊麵弄得太碎了, 還是喜歡一條條的那種, 吃罷碟底油不算多, 味道也香口, 不過不失。 西炒飯: 沒有吃, 不作評論。差點

10/8(日) 8pm家父來電,相約是晚補祝牛一之飯局.昨晚飽餐一頓後,腸胃得好好疏導.挑了城大的"城軒",旨在就腳.七時多的"城軒",沒了坊間中菜館的喧鬧,環境也較清簡;坐於正中的圓桌亦不覺突兀.一行六人點了海鮮冬茸羹$60,XO醬鳳片炒花枝$55,大斑兩味$168:翡翠炒斑片及紅燒腩斑,蝦醬啫啫通菜煲$42,滑蛋帶子炒河$68.海鮮冬茸羹--味道輕清,層次豐富的冬茸羹.XO醬鳳片炒花枝--花枝雞件皆惹味彈牙,作配角的西芹亦滿爽脆.翡翠炒斑片--扁豆搭上斑片,魚肉不鮮且削!紅燒腩斑--謀殺味蕾之作!斑腩如"千杯不醉"九哥口中的腥溫溫,恕難消受!蝦醬啫啫通菜煲--蝦膏本味逼入通菜中,挺對胃口!滑蛋帶子炒河--可稱得上全晚之最!蝦仁爽脆,帶子不削口並富真味,滑蛋碰上滑河,味道標青!紅棗蓮子雪耳糖水--飯後甜品,味道清甜不涸口,伴以"東海堂"的栗子蛋糕,蠻搭調的!濫竽充數的出品,加上部長的面口及服務生的死板,足以將此店永久剔除!

2008年4月前,我基本上每星期天都會到城軒中菜廳飲茶,但2008年3月30日一次,令我有以下的感覺.我是城大的學生,在輪後座位時城大的學生及教職員理應優先,但這次我卻未能享受這優惠而等了30分鐘有多,接待處的人稱,假日城大的學生及教職員是沒有優先,需要與其他街坊一起輪候,這對我來說是不公平.此外,本餐廳供應的點心及粉麯飯款式變化太少.

六月頭又去了一次城軒食晚飯，因為在這裹的食物有一定水準，定期又會轉變一些新菜式，而且又位於鐵道旁比較方便，又不需費時等位，所以我也常約的友在這裹一起吃鈑城軒的菜牌上經常都有一些滋潤的湯水，其中一位友人因為長期獨居，平日缺少湯水所以想叫一窩滋補老火湯，我挑選了一窩眉豆豬橫脷煲瘦肉湯；豬橫脷有健脾開胃除煩止渴利小便之效，最適合熱天享用。 湯水非常清甜，湯渣又可吃，我個人也很喜歡吃豬橫脷，入口煙煙韌韌有o趙頭。另外要了半隻琵琶鴨，雖然只是六十多元一隻，但是鴨肉皮脆肉厚，肥肉不多，出乎意料的好。有位新的侍應很主動招呼客人，還跟我們閑話一輪，逗得大家都很開心，服務值得拿高分。

昨晚收工後坐火車出市區，在車上連環call out 約埋三兩知已到九龍塘站旁的城大城軒吃晚飯，因為鄰近鐵路，這裹曾是我周六收工後飲茶或晚膳常到的酒樓，印像中已大概半年没來過了，今晚來到見客人數字大减，一到達便可安排入座了。近來外出吃飯，深深感受到通脹的威力，我估計這裹也會加價吧！但出乎意料之外，今次每人只需付出-- 四十元正！看看我們這晚叫了些甚麼菜式:1. 脆皮燒腩仔($38)2. 魚腐什菌娃娃菜湯鍋($28)3. 例牌白切雞一碟($28)4. 九層塔三杯花枝($38)5. 泰式鳳爪($28)6. 白飯四碗雖然小菜價錢很平宜，後來諗處點計都唔止四十元一位啦，好可能係計錯數或者入咗加碼的菜式，今到今餐變成超級超值嘅一餐。

名為開年飯, 實質是小女子的個人意願而已, 志在大家一班主內(+公司內)的家人一起吃個飯~所以食物質素其次, 大家開心第一D點心都唔錯喎! 不過對於小籠包感到有一點點的意外, 因為食親都係5隻或10隻上, 所以今餐見到係3隻有些許的意外. 食0左粒, 因為放涼了的關係, 皮的外層已經硬了, 湯汁欠奉, 吃到的也就只有那一點點的肉汁吧? 肉餡很少亦很散, 包頂位用皮太多太厚了點. 小籠包唔得.亦試0左個爆醬奶黃包, 名字不太好聽, 好似坊間咁叫返流沙咪幾好...醬也爆得對辦, 奶皇很流質! CUSTARD都幾夠, 蛋黃亦下得足, 只係...好像甜了點. 流沙奶黃餡整體對辦! 然而, 個人認為包的部分用返白色會好睇D, 因為在顏色上白色跟奶黃的黃色會較配合, 在奶黃"爆"出來的那一刻跟包的白色有種突出的效果. 現在城軒用了橙橙黃黃的, 顏色對比變得少了, 我覺得若然佢真係想用黃色來代表呢個係奶黃包, 用返隻鮮一點的黃會好看一點, 這橙黃我覺得帶了點曖昧.腸粉皮是煙韌的, 細嚼下覺得有點像糯米皮...蝦腸的蝦真係好細隻...粉皮包得太多...令整件蝦腸粉多過蝦...其實若然佢真係俾隻咁細0既

食物唔錯...點心幾好就到時間去...真係又平又靚咁既價錢...有咁的享受...算係正了

今日去城軒飲茶，同事攞了燒腩仔，居然係凍冰冰的，但係皮還脆，後來同阿姐講，阿姐好好人幫我地”丁”返熱去，而其他食物也是暖，不夠熱，有點失望！

食左水晶蝦餃同咩菰百合餃(皮厚，多油)，小食-咩准咩菰(諗住清清地，原來係so炸，又係超多油)，帶子腸(皮厚，帶子唔知係咪將一粒分開六片俾三條腸粉包，呃錢)，炸雲吞，紫菜卷，最正常就係流沙包，其實一路食心裏面一路鬧，總共$147，我諗我唔會俾機會佢~~

事件發生了，所造成的困擾不少；但另一方面，卻帶領我與龍更懂得親近衪。感恩!　星期天，重拾靈裡的胃口，重投主日學課堂，也重新投入崇拜時光。之後又有事要傾談，直到下午二點多時才結束一切。縱然靈糧是豐足，肉體的胃口畢竟也餓了，是時間要飽餐了。　一眾人來到城軒，一見點心我不禁雙眼發光，掃!蝦餃、粉果、叉燒包、肥牛卷、鳳爪、燒賣、雞札、流沙奶黃包、蛋撻仔、咸水角、魷魚酥、香芒奶黃卷，等等，一碟又一碟的來，肚餓關係，味道都覺得不錯。當中印象較深是芝麻煎堆，一來裡面有又甜又香的芝麻餡，二來個人始終偏愛甜。　吃完，絕對滿足了。喜歡這樣的星期天呢!

朋友黎過城大西餐廳覺得唔錯, 所以有朋友生日就約埋大班friend黎試吓中餐順便慶祝.呢度環境都ok, service亦都唔錯, 個個都笑笑口咁. 我地本想叫每席$2,088的富貴龍蝦宴, 但因為我地得九個人, 個部長就話一定食唔晒, 想食龍蝦不如叫另一個八位用的餐$899, 一樣有焗龍蝦(伊麵底). 覺得佢好似都幾老實, 唔會只睇價錢而唔理食唔晒要我地食貴野. 我地另外叫咗一隻醉鴿, 一個雙菇小棠菜同蛋白煙三文魚炒飯. 個餐除咗龍蝦外, 另有隻類似貴妃雞, 大海斑貳味, 一個雞絲竹笙羹, 小菜自選三款, 朋友選了花姿珊瑚蚌, 魚鰾魚雲煲同一倨菜.老實講, 除咗個醉鴿, 三文魚炒飯同雞之外, 真係冇樣好食, 條斑醃到變透明除咗腥味之外冇晒味, 炒同燜都唔得. 魚鰾魚雲煲d魚鰾好似橡筋咁靭, 魚雲完全冇野食.呢餐真係幾失望, 因為朋友話西餐水準唔錯, 或者下次去西餐廳食buffet.

禽日去試完衫，又倦又餓!!!!!就一行四人搵食，本來一心去又一城，突然有人爆出去城大的建議，又唔錯丫。因為好耐無o黎過，都唔記得路，找了一陣子才找到。我們選了城軒。都係吃點心炒飯之類，一般都幾好味，當中以魚蛋豬皮同馬拉千層糕最好味呢。但價錢貴了一點。不過我們都坐了很久，傾了很多令人頭痛的事。呢度係唔比簽卡的(城大卡除外)，記得帶夠錢來。$188，四位。

而家考緊試....梗係想對自己好d啦...所以同a仔去左城軒食lunch....由於太想食好野....所以叫左個芝士焗龍蝦....都只係$188....超平....最好0既係...我以為佢實俾d死蝦我(因為lunch time)或者會因為係急凍先咁平...點知好surprise...隻龍蝦分量絕對正常,不在話下,仲要好新鮮,爽口彈牙....yummy又多伊面....同d朋友一路坐一路飲香片....一流~仲食左三籠流沙包~~~~一個點心~~yummy~

在九龍塘飲茶, 唔知又一城有邊間, 去左cityu.這間茶樓幾隱蔽的. 在大學門口地圖上說乘lift 19/20去...但地圖上冇顯示出來. 其實位置在泳池上一層, 即是經過canteen那兒, 會有兩部lift. 去八樓便是了.都幾好坐, 點心真係幾有水準. 流黃飽一咬落去真係流晒d熱熱的奶黃出來. 蘿蔔糕, 燒賣, 千層糕都唔錯. 叫了個雞絲炒河粉, 肥了點..但都好味.