基隆茶餐廳

營業中

休息中

喺太子嘅有良心舖頭都真係唔少，好多時茶餐廳比我嘅感覺都係好市井，同我心目中嘅良心可能大纜都扯唔埋上，但依間基隆茶餐廳係非常之有良心，所以我成日都會去買外賣食支持下佢。今次有機會去堂食就試咗佢嘅一個豬膶麵，豬膶麵嘅製作雖然看似簡單，而且用料都好平，但大家都知道啦，越簡單嘅嘢就越難煮得好味，而佢嘅豬膶麵係的確真係好好味。首先講吓佢嘅豬潤啦，新鮮爽口冇騷味，口感非常之唔錯，好好味。公仔麵就正正常常啦，都係茶記嘅公仔麵。令到我覺得有驚喜嘅係佢個湯底，佢用咗薑去煮佢個湯，令到豬膶同埋個湯配搭得更加好味，而且個感覺仲好健康，飲得出唔係味精湯，食完都唔會覺得口渴，非常之唔錯。食完個人仲興興地好暖添🥰呢個價錢食到一間咁好味嘅良心店真係非常之好。佢喺深水埗都好似開咗一間分店，大家得閒就支持下啦。

今日去到界限街既基隆茶餐廳，要排隊等位，不過又唔係等好耐。叫佐個吞拿魚沙律🥗配多士，沙律份量都Ok，多士烘得唔錯。都抵食既，36蚊。😉服務都招呼得好好，出餐快。下次會試下佢地既西多士，見我個fd 係咁讚👍🏻

其實基隆茶餐廳一直都聽過呢個名，係一間有名氣嘅茶記😀 早前終於有幸食到！雖然地址顯示為旺角界限街，但其實比較近太子呢～餐廳有電視，播的都是正常電視台，唔駛睇到d "誤導性"節目，真係食得安心好多💓😌當日，叫了兩份下午茶～1. 干燒伊麵（$36）： 下午茶咁大份， 唔知仲以為係正價餐，好大份，非常抵食👍🏻 而且好夠味2. 雞中翼沙律（跟多士）（$36): 雞翼炸得好香脆，好正❤️ 傳統茶記，街坊價錢，份量足，唔怪得之咁受歡迎，用膳期間，一直都有人幫襯外賣👍🏻😀侍應服務態度好，有禮貌，而且仲要係良心店，真係要幫襯同推介比朋友呢！💓

<黃店基隆支持下>太多黃店唔想解釋甘多 都係盡量支持得幾多得幾多👍🏻 基隆茶餐廳 本身平時鍾意食茶記 呢間點可以唔支持 餐牌簡單 我係 茶餐 粉麵飯既野 我就點左個米粉同碟頭飯 都幾大碟😆🍴冬瓜豆卜炆火腩飯 60 蚊🍚有湯 青紅蘿蔔冬瓜湯個湯一飲就知煲得耐 夠香甜 冬瓜軟熟 蘿蔔青甜 仲有 d豬骨 唔錯🐷 火腩飯 火腩同飯分開上 飯熱辣辣🔥 火腩半肥瘦 夠軟熟 個茨汁夠香濃黏稠 撈飯正 豆卜 夠轉吸汁 仲有 冬瓜好多啖啖肉 整體黎講味道中上 份量多 價錢抵食👍🏻🍴星洲炒米 44 蚊🌶️🍜星洲炒米同平時茶記一樣 當然會有火腿 韭黃 炒蛋🥚 蝦仁等等🦐 料落得好足 夠哂份量 米粉差少少鑊氣 如果再炒得乾身 d更好 . 雖然佢既咖喱粉都算辣辣地 但我鍾意再落 d辣椒油更惹味🌶️👍🏻#星洲炒米 #蝦仁 #火腩 #冬瓜 #蘿蔔 #豆卜 #五大訴求 #黃藍是政見黑白是良知 Score 平均分 <7.5/10>Taste 味道：👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻

行完電腦商場，就喺附近搵間茶餐廳食下，好耐都冇食過茶餐廳，唔係因為太貴，就係因為扮懷舊扮冰室。呢間以前都有食開，水準都keep得好。干炒豬扒一丁去到茶餐廳就梗係要食炒出前一丁啦，炒一丁就最試到廚師真功夫，配埋豬扒啱哂。份量啱啱好，唔會太細份又唔會太大，豬扒唔韌！ 仲炒得好香添，推介想食炒一丁嘅可以去試吓。吞拿魚三文治下午茶餐由於朋友唔係好肚餓，所以食份三文治餐，吞拿魚三文治都唔錯，沙律都幾好味。吞拿魚同沙律醬撈埋一齊食又幾新鮮。順帶一提，佢啲碗碟洗得好乾淨，可以睇吓凍檸水個杯，啲餐具唔會黃咁咁，食都食得放心啲。

Good Day Good Mood🌞有乜開心得過起身食個豐富嘅早餐😆今次去左一間愛心熱店🎗.📍基隆茶餐廳.自從🙆🏻‍♀️的起心肝戒公仔麵之後感覺早餐都會健康左...好似係🤣今次叫左個早餐C. 炸菜雞絲米粉(好少見係用雞絲😍感覺仲健康左啊)配煎雙蛋牛油方包~連埋杯熱咖啡都只係$30☺️呢間茶餐廳點解係愛心熱店?因為佢逢初一、十五都會向65歲或以上嘅長者同有需要嘅人派150盒齋飯同水果!咁有善心嘅餐廳大家都去幫襯吓啦💛

這陣子吃東西都特地找黃店吃。今晚又不想就那麼遠，就到家裡附近的基隆吃。碰巧沒有排隊人潮，很快就能入座。基隆是出名的黃店，而且又好食。今次二人，點了兩個小菜。先是菜芯炒魚鬆，魚鬆有海鮮味，應該是泡了鮑魚汁才去炒。吃得出廚司用心製作。後是咸魚蒸肉餅，雖然咸得滯，但豬肉非常新鮮。肥瘦比例適中，肉也不剁到很碎，有咬口。厚薄適中，不偷工減料。咸魚好咸但跟豬肉很減，送飯一流。例湯是豬骨蘿蔔霸王花，香濃鮮甜。所有食材照舊也是很新鮮，而且沒味精。雖然餐廳運作有待改善，但因為食物的質我會經常來吃

喺大約兩個月前、我第一次幫襯基隆，好記得入到去嘅感覺、嗰度班樓面好好招呼、好有禮貌牆上周圍都掛滿用餐嘅poster ，十分多選擇，樣樣都想試，今次先試吓午餐：咸魚蒸肉餅餐飲例牌：熱奶茶肉餅非常好味仲非常大碟、兩個人食都夠，終於我都飽到行唔郁奶茶都正

行開旺角 想平平地食個lunch太子一帶好多茶記選擇揀左呢間良心小店 因為佢menu除左常餐 仲有比較多選擇叫左個胡椒豬肚湯飯 只係44蚊都幾平 兜湯有2人份量都唔過份湯就胡椒味重 豬肚都好食好足料又唔會有味精 唔會口渴送飯一流 可能冬天 希望佢d食物可以再熱D另一位朋友仔叫左沙薑雞飯沙薑雞 例牌份量 好香好滑既雞肉 亦都係啖啖肉少少美中不足 就係唔夠熱呢間茶記真係多選擇唔想食常餐炒粉炒麵咁dry都可以試下佢而且舖頭仲好有良心 需要大家多多懲罰

今日來到旺角，一樣上網搜尋推介茶餐廳，找到一間離地鐵站比較遠的。入內後本來想叫生滾豬潤麵，不過最後受唔住胡椒豬肚湯的誘惑。有驚喜是真有一碗湯(見到個湯碗大個個飯碗就知啦)，胡椒湯胡椒味十足，正中小弟喜愛的味道，豬肚正常，有咸菜同炸腐皮，整體份量正常，味道濃郁，小弟飲晒成碗湯後無口渴感，正明湯底好，無味精。唔知是女老闆定女職員見我夾起晒d芹，就話唔喜歡下次來時可以叫走芹，服務同態度十分好。店舖位少，一人來要搭枱，凍飲加8蚊有點貴，但上菜速度同服務就唔錯。

#支持良心餐廳秘製薑酒生滾鮮豬潤通粉$38一直想搵啲有豬潤食 但黃嘅餐廳 終於比我搵到☺️呢度係抵食好多添！ 通常茶餐廳好少主打豬潤呢類食材 所以感覺上呢度都幾特別通粉算係OK大碗 雖然主人唔算好多 同埋切得有啲薄 但真係好夠爽滑 同埋個湯底係真係好重薑味👍🏻👍🏻$38就有真係邊度搵！ 下次會再嚟食～

🔎基隆茶餐廳 #黃店📍旺角界限街24號-黃到發光💡 捐錢派飯派飲品派海報♥️ 餐廳貼哂抗爭海報 電視係播RTHK 連飲管都係用紙飲管 絕對會變飯堂！🔹雞翼薯條/沙律 $32 凍飲+$2🔹芝士漢堡包拼沙律/薯條 $34 凍飲+$2唔係用平時嘅麵包 用左個烘過嘅法包 都幾好味 其他茶餐廳就未必有啦

平時等位到爆又旺場，點餐要等很久才上。今天是閒日下午，應該沒那麼多人吧。見冇人等，入面又冇乜人，應該唔洗等咁耐！就這樣我就一支公進去了。今次點了咸蛋肉餅飯，配中湯。先是湯很快就到了，豬骨蘿蔔老火湯，入味！湯熱，慢慢飲。。飲完。。。等了又等。。。坐我對面的人換了一對情侶，情侶點的也到了。。。可是我的還未到啊。明明店舖非滿座啊。。看看錶已過了四個字，我連忙舉手問阿哥，阿哥望了我一眼就立即拿肉餅給我了。肉餅啊，等了你很久！是一貫家常小菜的味道，豬肉新鮮，不是外面茶記的雪藏味。野食係堅美味的，不過餐廳運作混亂。別要讓人等那麼久喔~

茶餐廳始終喺香港人嘅飲食文化，一向都好受普羅大眾嘅歡迎，就好似今次同朋友嚟到太子嘅「 基隆茶餐廳」，屬小店規模，但就眼見有好多人幫襯，正值午市嘅尖峰時間，門外仲企咗唔少客等位。一般茶餐廳格局，兩邊都喺卡位，中間就排咗可活動嘅2、4人枱，老實講，環境真喺好逼，啲通道其實勉強夠一個人側側身咁過。然而，啲阿姐、阿哥都好禮貌，不過，出菜就好亂吓，經常聽到嘅一句喺有無人有嗌乜乜乜呀。晌等位期間，已經睇定食乜，因為貼咗唔少午餐嘅選擇，例如「每日精選午餐」，寫明邊日有啲咩，每日有4款碟頭嘢，奉送餐飲，賣$40，比起近彌敦道啲茶記平5、6蚊架喇。以為「午餐」得一類，晌門口水牌仲貼咗張手寫嘅「午餐」，共有3款，奉送餐飲，但就可以揀例湯，同樣賣$40。不過，友人對啲午餐麻麻，反而相中款「全日餐」，睇落又確喺幾特別，秘製薑酒生滾鮮牛肉或豬潤，可配唔同粉麵，只賣$38，抵食喎。連福麵都有，老友喺福麵迷，啱晒佢，可惜當日話無福麵喎，哈哈！秘製薑酒生滾鮮豬潤通粉 $38老友話堅有酒香，加上面面仲放咗一大撮薑蓉，無薑味都幾難，配通粉又幾唔錯喎，而啲豬潤灼得剛好，軟滑而粉粉哋，但只得四片而已，感覺少咗啲。整體而言，喺

今時今日香港地想食個下午茶，隨便一間茶餐廳$50幾蚊，如果香港區可能隨時去到$60幾$70添⋯⋯咁岩今日因為交通問題，所以留咗喺太子返工，終於可以食返個有人情味嘅平民下午茶😭凍檸茶係傳統茶餐廳嘅茶底，檸檬四大片真材實料，最有愛嘅係用紙飲管，為地球出一分力💪🏻枝竹火腩飯，唔好睇佢三十幾蚊連野飲咁平，一樣係好足料，枝竹夠林夠入味，火腩皮仲非常脆口😋總括來講， $30幾蚊有飯有凍飲又夠飽肚仲要好味道，日日食都制呀🤣🤣