堅信號上海生煎皇 (新都城中心二期) (已結業)

經過將軍澳廣場👀「堅信號」嘅“下午茶”餐牌，被佢嘅“招牌生煎包”吸引住，於是與 honey 一齊試下 😉👆🏻“招牌生煎包”～食落與一般生煎包有些少不同，因佢有少少炸，所以包的底部比較硬，而肉質亦比較乾，但口感都👌🏻！👆🏻“四川擔擔麵”～亦係有啲另類，花生醬味比較少，相對麻辣味比較重，若喜愛食麻辣者，會比較喜愛！👆🏻“花雕醉雞翼”～酒味甚少，絕對係老少咸宜，加上杞子甜甜都👌🏻，可惜雞肉就比較實！👆🏻“凍豆漿”～凍凍哋、甜甜哋、都唔錯！

天氣轉涼 一個二個都懶到飛起 唔願出街食飯 外賣真係一個偉大既發明😉😉將軍澳有間堅信號 我一直都想試 今日有機會喇✌🏻我地三個人叫左三個麵 分別係擔擔麵 酸辣湯麵同埋秘製豬扒上海粗炒 另外加左小籠包同生煎包💁🏻‍♀️🥜擔擔麵- 麻香同花生香相互配合 麵條幼身 令到每一啖都可以夾到肉碎 味道出色💕🌶酸辣湯麵- 用上較粗既麵體 雖然分湯上 但麵條好快就脹晒 食左半碗到已經好飽 酸辣湯平平無奇 多料但與罐頭湯無異🐷秘製豬扒上海粗炒- 豬扒份量多 而且燒到濃邊 但調味過甜 肉質亦明顯用鬆肉粉醃過 當佢係超甜叉燒便可 粗粆唔錯 但有啲油膩🤢小籠包同生煎包 肉餡應該係一樣既 雖然兩樣都能夠保持肉汁 但生煎包既驚喜更大 外層依然脆身 現場食一定更正🤗🤗

早排食過一間連所滬粵菜，叫咗一碗「黃魚煨麪🐠🍜」，浸泡嘅麪條加上菜粒，幾倒胃口🤮，價格亦頗貴，不明白為什麼仍有很多人慕名而來🥴.由於心癢癢的情況下，決定再去尋找「黃魚麪」🤔。堅信號當年襲來時，路過多數都係外賣🥡生煎包回家😮‍💨，今次反而第一次堂食，唔好諗有幾好服務，始終在上海出差時，在小店吃也是這樣的情況，如有華麗格局，性價比反而會變低🤔———————————————————————————🥢招牌生煎包💬一如既往都係皮薄肉汁多，包底煎得脆脆，加上蔥花芝麻，仍是不錯😌.🥢外婆紅燒肉+粗炒💬繼續「濃油赤醬」系列，百葉結入晒濃汁嘅味道，外婆肉五花腩啖啖肉又係好腍，配埋上海粗炒一齊食更豐富😌.🥢雪菜黃魚濃湯拉麪🍜💬主角終於出場📣，賣相已經好吸引，兩條黃魚香脆可口，啖啖肉，喝一口濃湯，吃一啖麪，加幾滴辣油，超級滿足，唔係講笑，能填補空虛咗嘅心靈🥲

平時食上海嘢閑閑哋人均消費過二百，點解上海野可以話係平民上海野，係快餐版上海餐廳，人均100內都有，當然裝修同埋座位唔會話好寬闊好靚，但係想解下食生煎包小籠包嘅癮，就可以黎。就連放假都有lunch set，好窩心，紅燒外婆肉唔到$70，燒肉半肥胖瘦，有油脂香味，可惜菜飯同白飯冇乜分別如果再多啲菜就好擔擔面有濃郁花生味，肉碎有輕微嘅辣味，唔太油膩都ok呢個係跟餐嘅紅油抄手，少少麻少少辣，不過不失，但係跟餐嘅話就抵到爛。

對食客態度極差，本身以粗口對待顧客，被指責後，追出餐廳門口，再以身體迫客人至少三十分鐘，完全不合理，更需要新都城保安到場阻止，再報警拉食客，一直以身體撞向客人。

幾年前係旺角已經食過呢間既生煎包果時由旺角外賣返屋企都要一個鍾左右既車程，但依然好好食，所以印象都好深刻呢間店由Oscar開，而家已經有好多間分店， 遍佈九龍新界幾年後再試另一間分店，質素都保持到水準🥟堅信號生煎包(4個) (堂食$36/ 外賣$30)今次亦都係外賣返屋企食，隔左半個鍾後先食雖然已經凍左，但咬落去都仲可以做到爆汁，而且生煎包個底都係脆既，肉質鮮甜外賣多數都好難keep到水準，但呢個做到👍👍

We had dinner there on a Sunday night with a 2 yrs old kid. Although the restaurant didn’t have a high chair but the waiter was very helpful and tried his best to cater to our needs. Service was excellent and thoughtful. Food was good too. Great value for money. Definitely will come back!

💙堅信號。爆汁生煎包 💙喺將軍澳新開咗，就當然要去試。呢個爆汁生煎包，係真係好爆汁。第一次冇為意，就咁直接咬，點知就爆到成枱成個鼻都係😂😂😂 所以後來小編就醒啦，先咬一細啖，啜咁d汁先，先再咬開。汁喺正常小籠包會食到嘅汁，微甜，幾好飲。再嚟個肉，係好大舊，基本上你個包幾大，嚿肉就有幾大，而且juicy，冇肥肉😳屋企人拎到返嚟，個底都仲係脆，所以有驚喜。生煎包個底脆唔脆係非常重要。不過個size就真係幾細，同迷你奶皇月餅差不多大少。

成日經過想食好耐，今日終於一試佢個lunch，Lunch set 正常價錢，平均60幾，包主食小食飲品。平時出街唔食雞翼，好可惜佢無口水雞得口水雞翼，想食辣又唔鐘意食擔擔麵，所以都係叫左口水雞翼，朋友主食叫左上海粗炒，小食就叫左生煎包同小籠包。啲嘢食來得好快，首先來左生煎包，好細個真係一口生煎包，不過一來成個放入口會整親個口，因為入面真係充滿湯汁，好熱，好食👍🏻之後小籠包都來了，平時食小籠包都係飲佢入面啲湯汁，不過小籠包不及生煎包啲湯汁多，生煎包好味好多主食口小雞翼，為左方便食佢一隻雞翼斬開兩件（當然感覺上量都好似多咁），辣唔係話好辣但都夠味，都好味，可以再食。跟果個菜飯無咩特別。朋友個上海粗炒都無咩特別結論：生煎包必食😋另外佢好似啲拉麵店整左食生煎包三部曲，搞笑

剛剛食完，真係有驚喜，從來未試過食上海野，完全冇上海風味，我叫咗擔擔麵，小籠包，水餃，京蔥牛肉菜飯，擔擔面最基本嘅花生醬湯底（冇），面質鬆散冇口感，小籠包味道一般，基本上公仔點心好過佢，水餃基本上係冇味嘅，京蔥牛肉菜飯，叫做最似樣，最特別係，以上咁多款菜式，上到枱時，只係暖暖地，好老實，如果老闆想再經營這間上海店，應該好好考慮食物的質素及味道!。

好鍾意周圍搵好野食的我，今日就去到將軍澳新都城2期的餐廳「堅信號上海生煎皇」，餐廳面積細細，環境非常乾淨，枱與枱之間夾板阻隔，坐位都算濶落。 餐廳主打上海小菜，有生煎包、灌湯小籠包、各式上海菜飯、湯麵🍜、熱炒、素食、小食等。晚市套餐都好扺食，主食+兩隻小籠包，都只是$50-$70。 先點呢度熱爆招牌包點＜生煎包＞生煎包包面軟綿，唔算太熱，但一口咬落，裏面包裹一粒鮮肉，亦有滿滿鮮味、燙口濃湯，包底煎到非常脆口，入口滿滿鮮肉濃湯味，香脆又唔肥膩。不愧為招牌包點👍👍 ＜麻辣青瓜＞青瓜酸酸甜甜，加上麻麻辣辣，簡單又好食的冷盤。 ＜酸辣湯水餃＞酸辣湯，係我每次食上海菜必點的湯。有荀、豆腐、冬菇、木耳、蛋花等，豐富食材配上酸酸辣辣味道，今次再加上菜肉水餃，真是又好味又飽肚的美食。

堅信號上海生煎包外皮厚薄適中 賣相唔錯而且個底部煎到金黃色 食落香脆 肉眼份量足 而且入面咬落去仲有好多肉汁 正 所以食嗰陣時都要小心啲因為佢好容易噴汁小籠包皮薄 肉質濃郁 熱啦啦食嘅係最正花雕醉雞翼醉雞翼夠凍 肉汁鮮嫩 聞落去有淡淡的花雕酒味 但食落去個味道就唔夠出 麻辣豬耳麻辣汁好入味 麻味重過辣味 好爽口彈牙 而且每隻都幾大隻 份量算多 唔錯紅油抄手麻香味濃 食落又唔會好辣 而且每一粒都脹卜卜皮薄餡靚麻香五彩拌冷麵麻醬香得來好濃郁 但又唔佢太過膩 冷麵好彈牙 而且伴住幾種唔同切左絲既蔬菜 食落好清新 建議落少少醋一齊食 咁樣食會更好更開胃 四川擔擔麵分量十足 個湯底十分之濃郁 而且仲有淡淡的花生香味 啲面掛滿湯汁

今日收工想搵間上海菜食， 經過堅信號見到做緊個超抵優惠 , 同埋有我最中意既雞絲粉皮， 所以冇猶疑就入左去食。餐廳光猛 位都好闊落， 坐得好舒服。 而家做緊個優惠 $60 島就有小籠包兩件， 主食一碟， 小菜一碟加埋野飲， 一個lunch 既價錢就滿足哂所有願望呢排仲有限定餐牌， 有好多麻辣選擇， 全部item 都好岩我胃口。我地叫左上海粗炒配雞絲粉皮， 招牌豬扒菜飯配花雕雞翼， 再加個麻辣秋葵先上左兩個涼菜， 醉雞夠凍 肉質彈牙唔淋 加埋淡淡醉味 喺開始熱既天氣底下食好爽 但如果入味d 就更好。 另外雞絲粉皮汁醬岩岩好， 唔太多， 粉皮每條都好乾爽， 唔會一patpat. 三兩啖就食哂。麻辣秋葵係驚喜之作， 佢似口水雞個隻麻辣味， 就算唔係好食得辣既我都完全接受到， 仲好好食， 雖然都要飲番杯豆漿中和下， 但秋葵配麻辣真係好夾中段送上小籠包， 今日驚眼闊肚窄無緣食生煎包， 唯有食小籠包頂下癮。 佢原籠送上， 皮薄得黎都有彈性， 咬落去一樣會流哂湯汁， 食嗰時小心d , 但皮薄餡靚又多汁， 同生煎包有得揮到主菜上場啦， 先上上海粗炒， 亦係另一個驚喜之作， 有好多時候食上海粗炒都會太油

想簡簡單單食餐上海嘢，呢到係一個幾好既選擇😆上菜速度快，款式選擇多，晚市套餐好抵食！仲有成間店舖的侍應服務態度好好，每次有客人到店都會叫口號，非常有禮，仲有口罩袋提供。🔸 堅信號豬扒菜飯秘製豬扒一向好出名，豬扒非常軟，食落甜甜地，有少少似食叉燒。🔸 外婆紅燒肉菜飯有肥有瘦，好入味，送飯一流。🔸灌湯小籠包皮薄肉汁豐富，記得趁熱食！🔸 堅信號生煎包（2個）招牌生煎包繼續保持水準，熱辣辣，非常多汁，咬嘅時候一定要小心。跟餐半價就食到，非常抵加！🔸 雞絲粉皮追加小食一律$10，加$10試埋雞絲粉皮，爽口清新，非常適合做開胃前菜。晚市套餐大約$5x，主食份量足夠，仲送埋小籠包，非常抵食。另外多款小食都只係加$10就有，可以一次過食到唔同上海嘢，大滿足啊。

Affordable way to fulfil your Shanghainese food cravings 👍👍 I love how their dinner set naturally includes xiao long bao (cause isn’t that the face of Shanghainese food? 🤣😋) The xiao long bao and sheng Jian bao were just meat bombs 💥 filled to the brim with meat and their juices just spilling, it definitely satisfies your cravings at an affordable price👍 the vegetable rice tasted great with the sautéed beef platter which overall impression leaned more towards the peppery / hot side. We also adde