堅信號上海生煎皇 (新都城中心二期) (已結業)

啱啱開張嘅時候成日見到門口排晒長龍，所以搵日午市嚟試，唸住如果好食就帶屋企人夜晚嚟食。一入到去已經覺得好迫，行過中間走廊要小心手袋會撞到坐係度嘅食客，多數都係四人抬隔開兩個兩個，同隔離好close。不過都要讚一讚服務幾好，有袋仔派嚟裝口罩，餐具係一次性但筷子好實正，上生煎包嘅時候仲會提醒小心熱會爆汁。回到正題，我係平日午市嚟食叫左個午市套餐：四川擔擔麵+生煎包2個+熱茉香綠茶一杯，如果要轉其他嘢飲就要加$2-$3。生煎包好快就上，雖然個面好似唔係幾光滑，賣相差左少少，但的確好熱同埋有好多湯汁係入面，其實去到見到差不多台台都會叫生煎包，就知道佢係必食招牌，唔會差得去邊。相比起招牌生煎包，擔擔麵就差少少啦，對我嚟講，個擔擔麵就淡左d，又唔辣，又冇乜花生醬味，同埋份量都唔係太多，如果係兩個人share嘅應該都有d尷尬，但都有唔少肉碎係面，總括而言算過得去啦，但如果你打算去食嘅話，我就唔建議你試擔擔麵啦

本身一直都很喜歡吃生煎包，知道屋企樓下開了一間，當然要去試下。這店就是堅信號上海生煎皇。呢間與正宗上海生煎皇有小小不同，屬新派的多汁做法。聽說此店在食材方面加入不少港式元素，例如將小籠包的肉餡加入燒鵝 腿肉。店子小小但非常乾淨，待應亦很有禮。難怪外面大排長龍。當然叫了生煎包試下啦。生煎包外型飽滿，大大隻，夾起已知餡非常多。咬下去肉香多汁，吃起來有濃郁的芝麻香味。而肉汁一咬即大量流出，肉餡鬆化。但包底比較厚，所以吃來不夠香脆。我亦點了外婆紅燒肉飯。紅燒肉大大件，有肥瘦相間的五花肉，香甜鬆軟，入口即化，肥而不膩。總括來說算是不錯, 勝在就腳。而且他們有下午茶由$30-$40不等，如果時間岩真的很平宜。下次再來一定要試他們的招牌豬排菜飯。

堅信號生煎包越開越多分店，今晚嚟到餐廳，見到都好多人排隊 (等外賣+堂食)，見有時間，就慢慢排隊等下位。見到餐廳同櫻桃小丸子合作，好創新，又發現茶風林同中式包點又都真係幾夾，傳統同創意都有，欣賞~入坐之後，見到店員都幾Nice，有同我地介紹返推介嘅食物，咁我地唔食得太辣，就點左「雪茶黃魚濃湯拉麵 ($68)」「皮蛋豆腐 ($28)」當然仲有招牌geh「堅信號生煎包 ($20)」。好欣賞雪茶黃魚濃湯拉麵~因為平時其他餐廳都係提供急凍龍利柳就算，但今次條黃魚食落係新鮮味道，而且係香煎過，好有家的味道!皮蛋豆腐都係同出面食開果d有分別，堅信號geh皮蛋係手剁開，再同醬料Mix 埋一齊，醬料都好有層次，甜甜辣辣，所賞餐廳geh用心! 最後梗係要提生煎包啦!臺面有埋Instruction 教你點樣小心食, 同埋唔好噴到d汁四圍都係, 我心諗, 係咪咁誇張先.而我食落口，佢都真係好juicy，有料到!不過就可能太多人嗌而佢又要整定，所以個外皮就唔係太夠熱同香脆啦. 總體嚟講, 餐廳內外都出色同別出心裁!

堅信號喺寶琳開左幾個月，見佢成日都有人排隊，成日都好想試，可惜希望越大失望越大。我地今次係叫外賣，唔夠熱就預左，但估唔到咁差。我地點左兩樣野，第一款係糖醋排骨菜飯，菜飯正常，但可能因為個汁唔夠味好淡，舊骨炆完裡面都唔入味，質素超普通，食完唔會想再食。第二樣係外婆紅燒肉拉麵，腩肉唔入味唔夠林，個麵真係差到無人有，個麵質一d都唔彈牙，比起一般即食麵仲差好多，完全唔似拉麵。最初麵諗過外賣拉麵所以d麵無咁好食，但後尾試過其他外賣拉麵就知佢有幾差。

堅信號係將軍澳開左分店，一直都好多人排隊，所以無食到。今日見無咩人就去食啦！今日有剛新出的酸菜魚，好想食，不過朋友唔食魚，所以無點。下次同其他人食先點啦！點了招牌菜生煎包，真係爆汁呀！好多汁，而且夠熱！建議先咬開個皮，試下個湯會唔會太熱先。另外點了四川擔擔麵。原本以為同一般上海店差唔多味，但這間的麵底好食，而且有好香濃既花生醬味，肉碎亦不少，不會好辣，一個人食剛剛好。朋友吃的酸辣麵比較辣，跟其他上海店味道水準差不多，都係酸酸辣辣，幾開胃。肉碎真的好多呀！好味！同一麵底不同味道。餐廳還有好多其他野食，外婆紅燒肉睇落都好吸引哦！最後埋單$105，兩個人食，不會太飽。如果大食既建議多點一兩個小食，或者食多個生煎包。

將軍澳新都城2期1樓呢間堅信號上海生煎皇由開張到而家每日都係人頭湧湧🤣今日可能係掛8號風球的關係所以冇咁多人，咁機會就嚟啦✌️入面地方雖小，但好乾淨整齊。見大部份人都食生煎包，我哋又叫咗✌️食時真係要小心，啲汁爆晒出嚟，熱辣辣，個包底煎到好脆，好味😋厚切豬扒菜飯🍵豬扒肥瘦均勻醃得好入味，配上菜飯一流呀🥰雪菜黃魚濃湯拉麵🐟🍜啲魚起晒骨炸到個皮好脆但又唔會乾，拉麵彈牙又爽口，魚湯底好鮮甜👍

今日食乜好？ 早排行商場見到原來新開咗間上海菜，就係堅信號生煎皇，舖頭唔算好大 ，都要攞飛仔排隊入座 ，仲有好多人叫外賣，喺等位嘅期間，侍應就畀咗張點菜紙我地簡野食 入坐時就直接落單 好快有得食生煎包 （4個） $36即叫即整新鮮生煎包熱辣辣 外皮非常香脆可口 內裹肉汁鮮味可口 肉質鮮嫩 每一啖都非常回味 食嘅時候記住小心爆汁酸辣湯雲吞 $42酸辣湯淡淡足料 有豆腐 木耳絲 蛋花 肉絲等等 酸辣度啱啱好 酸辣湯都非常順滑 唔會太傑 雲吞係菜肉餡 皮薄餡靚 配埋酸辣湯嚟食唔錯孜然雞中翼（2隻）$18孜然味好香 雞翼 外脆內軟 兩隻真係唔夠喉秘制厚切豬扒菜飯 $56呢個厚切豬扒飯真係推介 食落有驚喜 唔係平時食開嘅炸豬扒 非常厚切嘅豬扒 食落鬆軟 甜甜地好似食緊叉燒飯咁 下次可以再試其他小食

位於將軍澳新都城的【堅信號上海生煎皇】一開張時已經大排出龍，睇過下餐牌原來都有素食的新豬肉做擔擔麵、咕嚕肉等……過了一段日子，陣今日放假來到品嚐了個午市套餐【甜酸咕嚕肉配白飯】＄60，包了一個小食及飲品，小食點了京汁茄子及飲品就是茉莉綠茶地方環境真是好細，所以等待的時間都較長，但不得不讚店員的服務，排隊期間，店員都會提醒客人拎等候票，進入店內時都會幫客人探熱，又會提供放口罩的紙袋，服務相當細心講番個午餐，小食的京汁茄子份量都晤少，茄子都大粒，茄子吸盡微甜的醬汁，吃起來都好醒胃，飲啖茶繼續等待主菜的來臨，茉莉綠茶的無糖，飲落夠熱又清香，也不錯終於來到主菜咕嚕肉的來臨，用了素食的新豬肉製作，剛即炸出來，皮脆夠薄，味道都帶出菠蘿的清甜，如果可以再酸甜多點會更好，內餡比真的豬肉較軟腍，水準都還可以啦店中的服務員做事都好有效率，服務都細心體貼，菜式方面提供了新豬肉的素食款式，真是素食者的福音

又一間新店主打生煎包今日黎食午餐一個飯加兩件生煎包加熱茶價錢略貴生煎包味道唔錯新鮮熱辣肉汁豐富要先輕輕咬開外皮吸飲湯汁先唔係就會彈到成身係外皮煎得焦脆，好味！厚切豬扒菜飯豬扒被蜜汁煎封幾好送飯唔算鞋，但未算鬆軟紅油抄手味道正常，唔辣呢度係新式裝潢而且追上潮流同小丸子人物cross over做成點心賣相係幾吸引，但價錢略貴所以無試

我地叫了上海生煎包同豬扒擔擔麵,生煎包味道還可，不過不夠熱。 最搞笑就係果個豬扒擔擔麵,不論豬扒同湯底都加了很多糖,所以比較甜味｡但面嘅湯底似茶餐廳沙爹牛肉通粉嘅湯底味道｡完全唔似擔擔麵同冇辣味。 仲有碗麵完全唔夠熱，佢比個杯免費熱水仲熱D。 我就覺得完全冇上海風味,如果有得選擇,會揀其他上海餐廳食呢啲嘢｡ I will not to spend the money in this chain restaurant again and they should improve their food quality.

下午時段餓餓地但係又有排先夠鐘食晚飯想食少少野醫下個肚仔行過剛開張無耐嘅食店見到有生煎包就入去試一試點了兩個生煎包、京汁茄子、孜然雞中翼同豆漿首先講下生煎包不愧為招牌菜店內仲有教你如何食生煎包的方法建議大家真係跟住做一定要先將外皮微微揚開吹涼裡面的湯汁以免燙嘴然後盡可能一啖放入口嘴細的人如果想要中間咬開就要注意因為真係堅爆汁小心湯汁會彈到旁人包皮都算薄身包底煎得有少少香脆上面灑滿芝麻同蔥花內裡豬肉咸咸香香都幾好味冷食嘅京汁茄子入口軟軟的而且能夠保持紫色而沒有煮黑醬汁幾入味,咸咸地又不油不辣可能我本身鍾意食辣所以覺得它不辣吧至於雞翼可算是驚喜之作店員說是先塗上孜然粉然後拿去烤雞翼外皮又有少少脆雞肉仍保有肉汁且嫩滑又香又惹味真係食到舔舔脷豆漿水準不過不失有豆味的而且不會太甜其實我見他們有最新出的永澤同學套餐不過唔想食得太飽所以無叫個套餐包括一杯豆漿+奶黃包+抹茶豆沙包造型真係好得意有睇櫻桃小丸子的朋友一定鍾意

見佢早排新開張，日日都勁多人排隊等食，難得見今日條隊終於叫做短返D，一於排下隊湊熱鬧入黎食下先😜今次叫左個午市抵食套餐，即係有主菜+小食+飲品，而我揀左外婆紅燒肉菜飯($62)、堅信號生煎包(2個)、凍豆漿(+$2)，另外仲叫左永澤同學套餐($32)堅信號生煎包(2個)🍞：上菜時職員都好細心提醒小心熱親，因為生煎包裡面鎖住湯汁，一咬落去就會爆D湯汁出黎，餡料D肉亦鮮嫩，最正係個包底煎得恰當好處夠脆底🤤外婆紅燒肉菜飯🐷🥬🍚：唔好以為得3件好似好少，但其實每一件都好大舊👍🏻夠晒肥但係極為惹味🤤五花肉肥瘦相間，D肥膏仲要入口即溶但肥而不膩🥰呢份外婆紅燒肉真係好邪惡🤤餸裡面仲有D菜可以食下夠健康👍🏻至於菜飯D菜粒都幾多，夠新鮮唔會黃晒咁永澤同學套餐🍞：永澤同學造型實在太搞笑, 忍唔住叫左份黎呃下LIKE😜呢個套餐有永澤奶黃包，永澤抹茶豆沙包，同埋豆漿，中意嘅話仲可以+$25換埋永澤同學造型壓力包鎖匙扣過下癮😜上碟時職員都提醒趁熱食會好食D，奶黃包食落都似平時酒樓食開嘅味道，甜甜地唔錯，而抹茶豆沙包就再甜多DD，蓋過左D抹茶味，但2個包造型就當然加晒分😝呢個餐嘅豆漿杯仲要有永澤同學，真係幾有心思

今日收工食返個下午茶，堅信號有我好想食嘅雲吞仲有酸辣湯！下午茶仲好抵食，今日就揀左呢度啦。下午茶餐牌到6點，午餐到5點，我就揀左下午茶啦。上海菜肉雲吞銀絲湯米（$36）米粉爽口，份量當然係下午茶份量，不過食完都係超飽！雲吞好多肉。本身調味係清淡嘅，有需要可以加醋，不過我就選擇擺啲米粉落酸辣湯度，超正！啖啖都好重味～酸辣湯（+$13）有冬菇、筍等等基本食材，味道好夠酸，又未算好辣，啱曬我用黎撈麵。迷你蟲草花雲吞雞（+$18）幫我個雲吞麵加料，除左雲吞仲有雞搥一隻，都幾厚肉。永澤同學套餐（$32）奶皇包、抹茶包、凍豆漿。呢個套餐好可愛，包面印左永澤同學個樣，包面尖尖咁又幾似永澤同學啲頭髮喎～啲包嘅餡都幾足料，份量夠又夠味。豆漿好冰涼，味道唔算太甜。茶市呢度keep住好好生意，全場滿座，果然無揀錯！

呢間生煎包店新開左一段日子，都有好多人等位同排隊，一直想試都試唔到。有一晚收工見佢冇咁多人，就買外賣返屋企試吓好唔好味。買咗8隻生煎包，上海粗炒，四川擔擔面和麻辣鳳爪。先講生煎包，諗住攞到返屋企都可能會冧咗同凍左。點知攞到返屋企仲係熱辣辣，個底仲係脆。一疊咬落去勁多肉汁，食得出個肉質幾鮮甜新鮮，喺香港食到呢個質素我收貨。上海粗炒和四川擔擔面就水平以內，冇咩驚喜。麻辣鳳爪幾夠麻辣，係開胃之選。呢間勝在價格經濟，唔怪得知都好多人幫襯啦！簡簡單單晚餐都唔錯👍🏻

Happy Friday..近近地同男友食個晚餐前排新都城開左間新野，堅信號生煎皇，間舖日日都好多人圍住，今次早少少黎試下不過呢個舖位有點細，大概有九至十台，但唔洗等好耐就入到。唔知係咪多人叫外賣，鋪仔細細但裏面樓面有五六個忙忙忙，但忙得黎佢地又好好禮貌招乎我地每個位玻璃位下都有食物樣每人都有個紙袋放口罩，可能疫情關係，堂食都係用即棄餐具堅信號生煎包生煎包睇落乾身，第一粒諗住篤開散熱，點知爆曬d湯汁流到成碟都係包底煎到好香脆，金黃色，包皮唔厚，咬落除咗湯汁爆曬出嚟，仲好香胡椒味，豬肉餡好好味，雖然係煎包，但食落唔油膩甜酸菠蘿咕嚕肉（全素）咕嚕肉外貌好似麥樂雞，脹卜卜咬落口感好似肉，”肉質”比較淋身，醬汁杰身，甜甜酸酸，好惹味，早知叫埋飯，送飯一流呢個素食味道高質..口感都有驚喜..超滿意四川擔擔麵圖文完全相符..超多肉碎蓋面，花生香味濃郁雖然餐牌有粒辣椒，但都係微微辣，麵底似係拉麵，同湯底十分match雖然湯睇落好Heavy，岩口味飲左好多..飲到以為食緊日式拉麵要飲晒湯底野食唔貴，埋單都係百零蚊終於知道點解間舖頭晚晚咁多人圍住等位/買外賣，真係可以again ..Btw真係好想講..