堅信號上海生煎皇 (新都城中心二期) (已結業)

今日補完習之後已經7:00，行過天橋便見到一條人龍。原來係堅信號生煎皇，好多人排隊喺度等拎外賣， 堂食有位於是我就入咗去坐。今晚一於嚟過夜上海，食下門口張貼左出嚟嘅招牌菜:生煎包同小籠包。唔好以為係包好簡單，呢啲真係功夫心機菜，好多方面都可以成就一個小籠包嘅味道，包括外皮、餡料、同湯汁。生煎包，外皮厚薄適中，而且佢嘅摺都包得好工整，賣相靚而且底部能夠煎成金黃色。生煎包就當然有分香脆嘅口感，外皮能夠承拓入邊嘅湯汁，而且餡料利用新鮮豬肉製成，有咬口，有充足嘅湯汁，真係可以用匙羹盛起。灌湯小籠包外皮好薄，隱隱約約可以見到小籠包入邊嘅湯汁，做到皮薄又唔易爛。肉餡口感有層次之餘，亦都帶一啲油脂嘅香。我個人鍾意點少少醋同一啲薑絲一齊食，可以加添肉嘅鮮味。雞絲粉皮一個簡單美味嘅涼菜，雞肉絲加埋青瓜絲再混上麻醬，撤上一啲黑白芝麻，粉皮Q彈帶勁。孜然雞中翼外酥內軟，入面可以保持有肉汁。麻辣雲耳百葉絲估唔到佢新出嘅麻辣產品都做得好好，調味大麻帶辣又香，云爾同埋豆皮絲都可以吸收到麻辣汁嘅精華。桂圓紅棗茶養生自選，女士恩物。細細的餐廳但係食品選擇有好多，日日黎食都可以

之前試過堅信號嘅外賣新鮮包，可能因為過咗氣啦，感覺一般。今次喺西貢行完山，喺新都城有啲想食上海野就見到有堅信號，成2000都好多人等緊外賣，但堂食就唔喺好擠迫環境細細都尚算整潔，有比口罩套，亦都有音樂相伴唔會太嘈吵。服務人員亦10分親切有禮，上菜時會貼心提醒，亦都有殷勤招待每位客人生煎包首先煎好上菜，見到前面嘅教學三部曲，跟住做就唔會俾燙到了，內裏湯汁非常之香，包皮煎得非常脆口，絕對同外賣唔同。因為鎮江肉已經售罄，所以揀咗蒜泥白肉，本身預期和T仔嘅不相伯仲，點知呢個比較清淡，仲有非常香的蒜味，加上白肉底下有粉皮，成個感覺都比較清淡，唔會太濃味，推介呢由於想健康啲，所以叫咗個菜飯同糖醋排骨，平時一般食肆會整到非常甜，但呢個糖醋排骨就冇好甜，仲會令你好想繼續食，唔會太膩。而秘制豬扒果然名不虛傳，非常之厚實，蜜糖味唔會太重 搞到好似食叉燒咁，焗嘅時間岩岩好 肉質唔會太老，擔擔麵份量足夠，花生味香濃，絕對值得一試

21年2月18日，今日起身後原本同男友食牛摩，因為屬牛有半價優惠，可惜去到無位，唯有轉食其他，就揀左堅信號來試，之前都有聽過朋友講話好食，但自己就未食過～到店後先要掃安心出行二維碼，店內地方係比較細，會座得比較迫我地去到時已經係食下午茶了跟餐凍飲另外加錢的，我地揀左雀巢檸檬茶同豆漿，豆漿味道無特別～上海生煎包，夠熱入口真係會爆湯的大家食嘅時候要注意唷⚠️味道好好，包皮脆脆的，必食麻辣青瓜唔算入味普通外婆紅燒肉菜飯，肉質太梅同太淋好似煮左幾日噤堅信號秘製豬扒，都係好梅可能醃得太耐上海菜肉水餃米線，不過不失無驚喜

晚市終於開回堂食，當然要堂食啦！選了上海店堅信號。其實之前已食過幾次，那時吃主菜多，今次想試多點小食。店員好友善，推介了最新小食清單。有一系列麻辣前菜及醉雞翼。麻辣牛柏葉份量不少，麻辣味不會太重，唔食得太辣既朋友可以一試。蒜泥白肉相對較辣，但辣得來好野味，好入味，肉片下有些粉皮，點上甜豉油也挺不錯。灌湯小籠包皮薄多汁，而且熱騰騰，咬開皮後吸湯汁，再全粒放入口，真的好滿足，一人一籠都唔怕多。醉雞翼就一般般，不會好入味，酒味不太濃。之前一直想試外婆紅燒肉，今次終於點了。五花腩肥瘦適中，不會太肥。肉質夠淋，好入味。配上特製外婆汁，真係一碟都唔夠我食。建議份量要多一點！晚餐沒有set點，所以吃完辣要另多點豆漿飲，好解辣呀！

之前聽朋友推薦過堅信號嘅生煎包今日襯早少少收工趕得切食個下午餐做晚餐果然又抵又好食😋-餐廳好近地鐵站，基本上一入商場就見到鋪頭超易搵。同朋友一人一個下午茶餐，再加少少錢每個餐加一個小食share就已經好豐富好夠食。👭-#堅信號生煎包（4個）$30睇餐廳名就知生煎包係呢度嘅招牌菜，所以係必點嘅菜式！生煎包熱辣辣，咬一啖d湯即刻流晒出黎🤤包入面仲有勁多湯超正而佢嘅皮比較硬，所以唔怕會穿🥢-#四川擔擔麵 $36通常下午茶嘅份量都會少d，但係估唔到呢碗擔擔麵都好大碗！而且上面仲鋪左滿滿嘅肉碎🍜加上湯底有香濃嘅花生醬同辣醬非常惹味同飽肚-#麻辣無骨鳳爪 +$18鳳爪嘅麻辣味好出，而且質地爽脆有d似泰式鳳爪只係調味唔同同茶樓鳳爪好腍嘅口感完全唔同而且仲要無骨，超方便食-#紅油水餃（3粒）+$15呢個水餃啱晒鐘意食辣嘅朋友，非常惹味。🥟-#茉香綠茶跟餐會免費送一個餐飲，頭先食左咁多辣野，清香嘅茉香綠茶就啱晒！🍵-#桂圓紅棗水 +$6另一個跟餐飲品就加左少少錢叫左紅棗水。呢款飲品甜甜地，而且啱晒女士，係養生之選！-另外，店員好客嘅服務態度都值得一讚！佢地都好有禮貌同對客人好親切。係我地個位度見到

試咗擔擔面，紅油抄手同豬扒飯，擔擔麵沒有平時嗰種花生香，似醬油味多D。紅油抄手不過不失，係三樣野中算係最穩陣個樣佢D豬扒飯啲豬扒都幾奀又有陣好重豬肉味，可能個人口味la ,真係唔岩我食。

前藝人開嘅食店。聽就聽得多，食你都係第一次。就試吓你係咪咁出色先。生煎包絕對值得一讚。佢整到成個小籠包咁樣，入面勁多湯汁，一個唔覺意真係會流晒啲汁出嚟。成個包唔會話煎得過晒籠。啱啱好。味道同質素簡直係一流水準。面呢個四川擔擔面。勁多肉碎，花生味道十分之香。而且有少少辣味。令到個面相當惹味。面質夠晒Q彈，意外地同湯底非常之襯。就算食晒成個亦都唔會話太過油膩。整體我覺得係好食嘅。有陣時做人就係咁，呢條路行唔通，總會有一條路係適合自己嘅。

I’d ordered dinner take away from OpenRice, I asked the Cashier lady if my order was ready when I arrived. She looked at my Number & looked at the orders, and then went back to her cashier without an eye contact or verbal reply. So I assumed it wasn’t ready. I waited 20 mins until the couples arrived 15 mins later then me, they also got their order. Then I asked another waitress, where’s my order. She said “it’s here” I was really mad!!! The order was there since I arrived and the cashier ignore

等位的隊伍有點長，我們決定外賣生煎包在門口吃，外賣的速度超快大約3分鐘就有得拎包裝好靚，生煎包底好脆卜卜，好大啖湯，肉汁豐富，肉嘅口感都好滑，美中不足是溫度不夠熱！但非常方便好吃又化算的速食🙂

下午溜出街吃下午茶，疫情下餐廳的生意很不錯，座位基本上都坐滿了。下午茶餐大約$30多，奉送一杯飲品。⭐️堅信號生煎包（4個）$28試一試這裡的招牌菜生煎包，生煎包熱騰騰，店員提醒要小心燙。我小心翼翼咬開，裏面的湯汁也隨即四濺，先吸湯汁，包子皮不算最薄，幸好底部煎得香脆，內餡肉料也很足。⭐️迷你蟲草花雲吞雞$18湯也足料，有雲吞、雞腿和蟲草花，天氣寒冷最適合補身。⭐️四川擔擔麵$32擔擔麵份量很足，麵條很多，湯頭不錯，很濃稠，沒有辣味，有淡淡的花生香氣。幼麵條吸滿湯汁入口很爽，不錯。⭐️桂圓紅棗水$6滋補飲品紅棗水，適合喜歡甜飲的朋友。

疫情下第一次吃，真的沒想過那樣難食，買了雞扒及豬扒便當，首先，菜飯一舊舊，又林又削，豬扒好甜，肉質硬，雞扒無味，肉雞都是硬，生煎包極之普通普通，全份吃了幾口便不願再吃，希望貴公司有所改善。

閒日Work from Home，時間一個鐘，應該食乜好？這間餐廳起菜十分快，我們1214落單， 1222已經上菜食得。但是如果要lunch time嚟的話，最好要在12:30前，因為12:30後，餐廳開始排隊，可能他們是在等外賣。很貼心，口罩袋會provide 。餐具是獨立包裝，十分衛生。午餐真是很抵食，一個主菜，仲有得揀小食，還有飲品。我們叫了一熱一凍的豆漿。雖然跟餐食雞絲粉皮只是一小碟，但是也很滿足味蕾。原來午市食上海粗炒，是很大碟的，兩個人食都得。跟餐亦可以叫生菜，清清地。蒜泥白肉很惹味，不太辣。原來蒜泥白肉下面鋪左一些雞絲粉皮的粉皮，鍾意食蒜泥白肉的醬汁就可以食埋粉皮，因為它吸收晒啲汁。原來所謂的秘製醬汁豬扒是帶有酸酸甜甜的味道，又係很大碟。紅油抄手都好好食，皮薄多餡。

上星期去左將軍澳新都城中心行街，朋友話一直想試呢間，我都未曾食過，所以就入去試試。見到佢既堅持抗疫晚市套餐都幾抵食，不過配既小食唔係好岩，所以我地就散叫。點左我最愛既上海紅油抄手同蒜泥白肉2款小食都唔錯，紅油抄手入面用料好足，漲卜卜。蒜泥白肉都大份，2人食剛好。主菜方面，當然要試下呢度出名既豬扒菜飯同上海粗炒啦。豬扒唔會煮到好老，啖啖肉食落嫩口。上海粗抄，朋友就comment話炒得夠獲氣，而且味道濃，岩晒重口味既朋友。

之前去新都城見到依間岩岩新開，門口有好多人排隊，非常受歡迎，打算下次試下。今日見到門口有張生煎包poster，吸引人入去食。餐廳地方不大，但環境光猛同乾淨。雪菜黃魚濃湯拉麵係依間餐廳嘅精選推介，好多人都會叫黎食。黃魚係岩岩炸好，有平時煎魚個種香味，佢仲要係無魚骨，唔洗擔心哽到魚骨。啖啖都係魚柳，再加上濃濃嘅魚湯，非常好食。叫左外婆紅燒肉菜飯，本身以為紅燒肉係平時食嘅東坡肉，甜甜地，估唔到唔同地方整嘅紅燒肉係唔同。佢係用醬油整成，肥瘦均勻，外表比較深色，但食嘅時候唔覺得油膩，同飯一齊食同樣都好味。好耐冇食過菜飯，好鍾意小棠菜飯，係咁多種菜飯最好食。叫左堅信號上海生煎包，從依間餐廳嘅名就知道佢招牌係咩，佢嘅生煎包就係好食。佢嘅外皮做得厚薄均勻，外皮係脆，咬落去湯汁爆出黎，好鮮甜而有肉味，豬肉餡都好好味，肥瘦均勻。叫左麻辣無骨鳳爪，最鍾意食無骨鳳爪，可以做個懶人，食落不愧係麻辣味，比較辣，令人又愛又恨。凍豆漿(+$2)飲落唔會太甜，而茉香綠茶都幾好飲，飲嘅時候就聞到茉莉花香味。叫左堅信號秘製厚切豬扒，不愧係厚切豬扒，有一節手指咁厚，食落仲有蜜糖嘅香味，肉質軟腍同鬆軟，好適合送飯。

新都城開左堅信號生煎包店一路都好多人排隊 終於今日早放趁未見人龍就黎試下 有Lunch 套餐 ： 主菜＋小食＋飲品 $60媽媽想試京蔥牛肉菜飯，我想試生煎包，再加杯豆漿 岩晒Perfect！招牌生煎包果然係正！即叫即煎熱辣辣，咬落去有一包湯流出來好香好熱，個包底好脆，口感一流！10/10！媽媽話個京蔥牛肉好入味又滑，整得好好，我見都好足料～我仲另外叫左個上海菜肉雲吞，有8隻咁多，好在係細細隻，如果唔係都食唔晒。味道唔錯～見到一至五 2點後有下午茶餐都好抵食，呢排 home office 時間比較自由D 下次可以再試埋其他野食～