堅信號上海生煎皇 (眾安街) (已搬遷) 新店位置

系屋企用OpenRice提早落單，落單後會顯示可取餐時間，時間差唔多在慢慢行過去，時間剛剛好完全唔需要等，出餐好準時，好方便。堅信號我特別推介生煎包（4個）32蚊: 皮薄餡靚，好多汁，肉汁好鮮甜，真系非常好食。食生煎包時一定要小心好容易會祿到嘴。（必食）秘制豬扒擔擔麵 62蚊: 平時我唔多鐘意食豬扒因為好柴，秘制豬扒好嫩滑，味道甜甜地，好好味，連埋個擔擔麵，個湯底好濃花生麻醬味，微辣好香濃，真系好野味。

湊住3個小朋友所以決定打包飯契媽屋企食😂⭐️生煎包4個HKD34: 生煎包用透氣紙盒裝住，返到屋企仲熱辣辣，包底好脆，好多肉汁，皮薄餡靚，次次食都系咁好食。⭐️灌湯小籠包4個HKD31: 比起生煎包細只好多，但系價錢差唔多，都系皮薄餡靚，都好好食，不過少做生煎包香脆。⭐️秘制豬扒擔擔麵HKD61: 秘制豬扒我女最愛，味道偏甜，系一塊甜味又嫩滑的豬扒，擔擔麵湯底好濃花生味，味道偏甜微辣，真系好好食，我每次都食😋⭐️外婆紅燒肉HKD58: 紅燒肉味道偏甜入口即化，配上菜飯非常好食😋⭐️甜酸上海排骨菜飯HKD81: 甜酸汁味道好好，但系排骨並唔系排骨，系一塊豬扒仲要系好肥嘅豬扒，唔好食。跟餐有3粒紅油韭菜餃，唔算特別出色不過都OK唔算好辣。⭐️雞絲粉皮（套餐+16蚊）：份量好少，但系個麻醬好好味，好香微微酸好開胃。

早上買栥飯豆漿, 那豆漿居然可以和豆腐一樣, 而且有酸味, 打了電話給店舖, 店舖一早知道豆漿有問題, 而且店員說和供應商了解, 所以說沒問題,那店舖仍然回覆豆漿是正常及沒問題的. 那豆漿和豆腐一樣, 不能飲用,  怎麼會是正常. 

今晚一個人食晚餐，唔知道食乜荃灣又唔熟，打開openrice搵下食Ｄ咩，搵到眾安街有間食生煎包好好食，就系我附近，立刻去試下，夜晚8:00唔算多人立刻有位，食個特色晚上套餐：涼拌雙拼：蘿蔔青瓜，酸酸地味道OK，但系可能浸得太耐已經唔脆。四川擔擔麵：湯底有濃濃的花生香味，微辣加埋肉碎，個面非常了得。生煎包：套餐➕13蚊有兩個生煎包，肯定要試下尼到招牌啦，皮好薄包底煎得好脆，熱辣辣入面好多汁，不愧系招牌，好值得食。豆漿：加2蚊有杯凍豆漿，唔算甜，感覺好談，好一般。一個人埋單70蚊，食得好飽，都好低食

📍@gingsunho in Tsuen Wan Chinese #堅信號上海生煎皇 #堅信號 Food: 💛💛💛💛🤍Décor: 💛💛💛🤍🤍Service:💛💛💛🤍🤍Price Value: 💛💛💛💛💛Price Range:💰 $50-$100Favourite: 💖 Pan fried buns ------------------------------- Well establish restaurant for Shanghai pan-fried dumplings- Value for money - Friendly staffs ------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰𝙻𝚒𝚙𝚜 𝚏𝚘𝚕𝚕𝚘𝚠 : @eatwithbunny_ ✨𝙷𝚒𝚙𝚜 𝚏𝚘𝚕𝚕𝚘𝚠 : @bunnymate.official ✨

年青女店員, 超級無禮貌, 叫店員抹枱, 黑口黑面, 入到去坐低, 又唔提供menu比我地睇,好霉氣回應顧客,真係貼錢買難受, 冇下次幫襯, 希望老闆要培訓員工服務態度, 叫朋友試下, 浪費咗店舖辛苦經營出名堂

收工太肚餓，又唔想煮飯，經過見到咁多人買生煎包，於是我又買左一份黎做晚餐～秘製豬扒上海粗炒🐖🥬（$69）都幾大碟，顏色都幾靚，可惜豬扒太硬，食到底個啲就覺得呢碟粗炒太過油膩…😕紅油韭菜餃（3隻）🥟（前菜）韭菜餃塊皮都幾薄，都幾多饀👌🏻堅信號生煎包(2隻）（+$13）外皮脆卜卜，一咬裡面嘅肉汁就爆晒出黎，要小心啲食🙈熱豆漿🫘🥛（+$2）估唔到豆腐好好飲😮，唔會太甜，而且重好香豆味添～

🍚 招牌秘製豬扒菜飯 -$57豬扒軟稔嫩口，略有蜜糖入餞，味道偏甜；菜飯質感煙韌，蔬菜比例適中，整體不俗😌🍞招牌生煎包 -$20外皮脆口，新鮮熱辣；濃厚湯汁盛着嫩肉餡料，一咬即爆汁😋

每次來荃灣， 我都會想食堅信號， 我覺得堅信號最出名的是小籠包和生煎包。 2款都是皮不太厚又有肉汁， 比例剛剛好， 吃的時候是新鮮熱辣辣的， 每次我自己一個都可以吃各4個。 這間的話下午茶是比較便宜， 可以叫普通套餐後加購小食。 性價比比較高， 絕對值得試試， 下午茶會包飲品。 當然午市套餐價錢其實也差不多可以選， 看看自己想吃多一點還是少一點。 我見都有不少人外賣回去吃， 看來是這一區挺受歡迎的， 人流也算快， 基本上也不用怎樣排隊。

前兩日又去荃灣行行下唔知食咩好咁岩見到堅信號，就入去試下啦，第一次食🙃🐟雪菜黃魚濃湯拉麵魚啖啖肉無咩骨，配上炸蒜好好味，底下有一些青瓜絲。湯底濃，不咸，配上兩條菜心和雪菜幾好。😍同場登記做了會員，送了我一個生煎包，一個已經夠滿足了。一咬唔小心爆曬汁，太正了!真係做得幾好呢個生煎包。🍽堅信號上海生煎皇 (眾安街)荃灣眾安街37A號荃運樓地下C號舖#堅信號上海生煎皇 #堅信號 #荃灣美食 #生煎包 #hkigfood #hkfoodinstagram #相機先食 #吃貨日記 #hkfoodblog #hkfoodbloggers #foodphotography #香港美食

$35依家只係會買到一個兩餸飯，不過今次就發現原來呢個價錢仲可以買到好味嘅上海菜🥳上次朋友話喺荃灣食咗呢間生煎包幾次都覺得唔錯，於是決定同佢一齊試吓係咪真係咁高質🤤呢度最出名就係佢嘅招牌生煎包 ($12/2隻)真心幾好食，店員都有提醒話小心咬出嚟嘅時候會爆曬啲湯汁🤫雖然影相影咗好耐，但係咬落去仍然係熱辣辣，大家食嘅時候記得小心辣親個口🫢一咬落去就有好豐富嘅湯汁湧入口，嗰種肉香味喺口腔停留好耐🥰同埋個包唔會做得太厚身，個底又煎得夠脆，真心推介👍🏻午市套餐會送一個跟餐小食，揀咗紅油拌餃子🥟就比較惹味一啲，唔算好辣🌶辣汁同餃子嘅肉味都平衡得唔錯，不過肉汁就冇生煎包咁豐富，所以比較鍾意生煎包😋主菜揀咗京蔥牛肉菜飯 ($55)🍚京蔥牛肉都炒得幾有鑊氣🤪而且份量都算幾多，牛肉都大大塊，所以都幾抵🤑菜飯唔會癡笠笠，仍然保留到飯嘅口感🤤呢個價錢來講真心冇乜投訴🥳其實午市套餐仲會送餐飲，最後揀咗凍豆漿 (+$2)，就正正常常豆漿😂咁點解枱面上面會有四隻生煎包呢😛其實係因為會員迎新優惠任何惠顧送兩隻生煎包👹同朋友兩個人食咗咁多嘢都覺得食得算飽肚👍🏻人均$34.5咋🥳同一個兩餸飯差唔多價錢咁我會想食呢一個多

期望會有店鋪管理者看到，對於貴店沒仇恨，只是恨鐵不成鋼。食評如下 :上海粗炒，濕，無炒過，糊狀，面條全是碎條，長度全在一隻手指長度，完全無味道，不是不夠味，係無味。落單到提取只是5分鐘，不是炒場時間都可以整到咁？我不是第一次光顧， 偶然失水準是常事，但過到人過到自己，自己炒完碟面，出不出得街，比不比到客人自己心知，明知唔得仍比客人，就唔好做廚。疫情下，可能大廚病左，請左替工唔出奇，但過到人過到自己，3月19號，晚市7點半。請管理層見到，比翻D食物相當日既廚師睇下，佢自己食不食？過不過到佢自己。外賣有差異不是理由，我在這店外賣20次以上。希望會有改善，疫情生意差是客觀事實，自己再這樣粗作濫製，就祝你好運了。

常常行過荃灣，都見到很多人排隊。 今日終於經過堅信號，可惜已時6pm不能堂食，唯有買它的招牌生煎包返屋企試下。 可能拿外賣到回家已過了25分鐘，他們所出的生煎包已變硬了。包底夠厚，外皮薄，煎到底金黃香脆。 雖然凍了，但一咬開個包，肉汁仲會噴出嚟，裏面既豬肉亦非常新鮮及超有肉味。另外，還叫了孜然雞翼。外皮炸到金黃香脆，可惜由於是外賣。 店主已好貼心用錫紙紙袋袋住，但雞翼已凍晒及外皮已硬到不行。 幸好入面的雞肉仲好嫩滑，雞翼再陪上孜然味，絕配！ 下次再食生煎包，建議在堂食。外賣真係唔得。

最近都少左出街食，有時懶得自己煮去買個外賣都係唔錯既選擇，呢間堅信號主要係食上海菜，可以上網嗌定先，去到直接攞就走得，幾方便。我諗都好多人食過呢間la，價錢唔貴選擇又多，而家外賣自取單點既項目仲有85折，好抵食！1⃣️生煎包（4個）（$37）呢間最招牌既一定係佢地既生煎包！生煎包即使係外賣都仲keep到好好食！外皮煎得好夠脆，入面爆汁🤩好正。  2⃣️灌湯小籠包（4個）（$33） 呢個小籠包就普通啲，比較細粒，外皮唔會太乾，咬開一樣好多汁😋  3⃣️蜜椒雞扒菜飯（$50）幾欣賞呢度外賣既包裝全部都係將飯同餸分開。雞扒既醬汁好多，甜甜地，雞扒都幾大份。  4⃣️上海排骨湯麵（$51）湯同麵係分開裝既，啲麵唔會浸淋曬👍上海排骨幾厚，不過可能因為外賣關係，層皮偏濕淋🙈  5⃣️芝麻醬五彩冷麵（$50） 有雞絲、甘筍絲、青瓜絲、火腿絲，伴上大量麻醬，夠撈曬成個麵，食落味道豐富而且伴隨食材爽脆口感，唔錯😄  6⃣️外婆紅燒肉菜飯（$50） 紅燒肉切粒狀，半肥瘦，食落都幾入味，配飯食一流！ 

疫情爆得好勁，六點後又冇得堂食，今日去荃灣食【堅信號生煎皇】嘅外賣自取。相入面夠兩個人食，總共一百蚊都唔洗，今次叫咗：晚市套餐－古法扣豬手菜飯（$56）豬手大舊過其他同類型餐廳，份量仲要多！豬手勁軟腍入味，滷汁調得好好，有八角同少少陳皮嘅甘香，用嚟撈菜飯真係食到停唔到口。套餐送前菜，揀咗茄子，另外加$2轉配豆漿，再加$12有生煎包（必點！）。小編食生煎包食到噴汁，毫不誇張😂外賣都仲噴汁，堂食一定好好味，而且多肉餡，正！紅油水餃六隻（$32）食落就係紅油抄手，不過皮係水餃皮，辣度適中。都唔錯，不過我再揀會嘅話揀多份生煎包🤣生煎包太好味！提下大家，用手機係店舖前掃QR code，部分套餐有85折優惠添！今次小編想食豬手套餐就冇用到85折啦～下次再用啦😋！