塚田農場 (已結業)

🥘 二人美人鍋套餐 🫕之前聽聞塚田農場個美人鍋好出名，今次慕名而來當然嘢試吓佢嘅signature啦😋 嘢食都幾豐富，佢嘅火鍋湯底整得好食😋 👍佢個二人美人鍋套餐包括🥗 美人鍋蔬菜🥬🫕 自選2款火鍋湯底 - 骨膠原湯、壽喜燒湯🐥 自選2款免治雞肉 - 芝麻、粟米🌽🥩 自選2款肉類 - 肥牛、雞肉配豚腩肉🍤 自選1款一品料理 - 天婦羅盛合🍣 四色刺身盛合🍚 自選2款飯或麵 - 日本雞蛋雜炊、烏冬🍜🍹 自助飲品吧

一行四人去咗塚田農場，叫咗一個骨膠原火鍋兩人套餐，一個壽喜燒牛肉套餐再加多一碟豚肉，另外每人再加咗個自助前菜飲品甜品，大家都食得好開心。雖然火鍋上菜比較慢，不過因為前菜飲品係自助嘅，大家先玩一輪、食一輪，咁就唔係好覺，其實等咗20分鐘都未見到個火鍋。嗰日係週六，所以餐廳限定食90分鐘。我哋話火鍋來得太慢，食唔切，餐廳都比多咗時間我哋，算做合理。骨膠原火鍋湯底係一碟好似啫喱嘅嘢，食落去湯味俾我預計濃郁，肉涮完之後唔使加火鍋調味料都夠味。座位闊落，坐得比好多自助火鍋餐廳都舒服。蔬菜都唔少，唔夠嘅仲可以去自助吧攞沙律菜、粟米加入火鍋。米飯都好食，用日本珍珠米。

一打開個鰻魚滑蛋飯，充滿驚嚇四塊鰻魚，多碎骨，又硬又咸個滑蛋仲出事，出晒水，好似水浸咁究竟有咩技術先可以做到水浸鰻魚滑蛋？最後講吓個湯，已經谷鬼氣冇影相得返三份一都係睇圖最實際你憑乜嘢收98？

係唔同時段食過餐廳既唔同餐，性價比最高應該係平日lunch, 唔使加$38都包salad bar, 不過有時夜晚想食salad 同飲野都會照加salad bar. 今次再encore 朴葉味噌牛柳定食，因為佢賣相吸引，鄉土料理風味濃厚，好似係日本高山地區圍住火爐燒野食咁😂可以一次過滿足晒打卡、烤肉&食三個願望。牛柳切成薄片好快熟，冇特別調味，主要係靠菇同蔥帶出肉既鮮味，加埋日式伴菜，佐飯之選。上次同今次同枱叫定食，不過冇share 食，味道都係唔錯既。因為自助落餐，都冇乜service, 不過見佢salad bar refill 都幾快，菜、甜點就快冇都即刻refill, 甜點refill左唔同味，味道不過不失，都會食完再拎，當然唔可以同五星酒店比較。飲品算幾多款，冷、熱、自家製都有。以前食過美人鍋同美人框御膳，都係幾好食，可以再encore 。

好多小蚊滋 飛嚟飛去。 食物一般 今次食咗個美人鍋嘅二人餐， 沙律bar 得一種沙律同兩款蛋糕， 牛肉得幾片， 同 一個細小嘅魚滑， 非 唔抵食。 見到啲侍應 執枱嘅時候數曬啲食物落地 仲有好多小蚊子飛嚟飛去 食物一般唔緊要但係希望佢哋能夠注重衛生

𝓗𝓸𝓽𝓹𝓸𝓽 𝓫𝓻𝓲𝓷𝓰 𝓮𝓿𝓮𝓻𝔂𝓸𝓷𝓮 𝓽𝓸 𝓽𝓱𝓮 𝓽𝓪𝓫𝓵𝓮 Semi lunch buffet (salad, dessert &drinks buffet and one main course )美人鍋套餐1️⃣壽喜燒湯底，用了宮崎縣走地雞嘅骨膠原 以固體啫喱形式奉上 湯底濃郁2️⃣明太子芝士免治雞肉 3️⃣芝麻免治雞肉新鮮手製肉丸，芝士令口感有拉絲感覺 加上明太子口感豐富4️⃣雞肉&豚腩肉雞肉嫩滑，豚腩肉切成薄片，好快煮熟5️⃣蔬菜盛合蔬菜種類 有生菜、娃娃菜、青瓜、南瓜、粟米、青厘茄、菇類，色彩鮮艷 大量食物纖維6️⃣日本羽衣麵爽口彈牙，似寬版刀削麵 個人覺得比烏冬好味

室內環境大座位多，枱與枱之間空間寬闊，坐得舒服。見到晚餐時間員工好少，可能因為人手不足所以服務方面唔抱期望。網上見到塚田出名美人鍋，但我哋試左和牛壽喜燒同照燒雞御膳，只係一般港式日本料理。食物方面 - 日本產照燒雞御膳︰份量夠多，大件雞扒肉質嫩滑又帶點雞油香。雞皮加上照燒汁，燒後脆口而且微甜唔會過咸，配日本珍珠飯變成飯盜賊。珍珠飯時間控制幾好，軟硬度適中，煙煙韌韌。御膳附上豐富多款配菜︰麵豉湯、冷豆腐、蜜豆甘荀、酸醋漬菜及醃酸瓜，全部都好夾雞扒味道。冷日本豆腐，嫩滑又有點硬度，混合醬汁及漬物，加上雞肉下飯，十分開胃。性價比高，用心製作而且份量極足，基本上女生係食唔晒。九州和牛壽喜燒鍋燒烏冬御膳︰和牛份量一般，可接受，但肉味唔夠，牛質似打邊爐肥牛，冠名為九州和牛有遺和感。壽喜燒鍋比較似涮涮鍋，全部食材(包括烏冬、大量蔬菜) 一鑊熟。壽喜燒汁好甜，烏冬麵質算彈牙，吸收所有甜湯汁後感覺奇怪。附送剌身粒御飯︰甜蛋、青瓜份量多過剌身粒，食落就唔太豐富。港式剌身飯水準，十分普通，志在飽肚，御膳睇落比較抵食。總結︰公平說，無食美人鍋，試唔到餐廳主打食品，個人推介照燒雞御膳。和牛壽喜燒就可免則免，依個

塚田農場嘅美人鍋就出名喇，唔知定食又如何呢？Lunch點任何一款定食都包岀面既buffet位，有啲沙律同兩款蛋糕，呢個位其實有啲hea，可以唔食🫣不過最緊要有多款飲品❤️❤️有咖啡，茶包，果汁，幾款特調茶，汽水，總有一款啱你嘅！南蠻炸雞定食$98雞件雖然唔脆，但味道好，份量多👍🏻美人框飯御膳$168有兩個飯(糯米飯)一個小食，一個豆腐/沙律對我嚟講就飽到上心口😂味道都唔錯～其實計埋飲品任飲嚟講，又比想像中性價比高喎👍🏻

1）牛肉壽喜燒鍋燒烏冬御膳（配日本溫泉蛋）$108熱辣辣既牛肉壽喜燒加埋日本温泉蛋汁 仲有煙韌既烏冬 仲有碗迷你既魚生飯 呢個價錢有咁豐富既晚餐係算唔錯👍🏻2）美人框飯御膳 $168 包括：配菜 - 刺身沙律 主食（自選兩款）- i. 蟹肉三文魚籽框飯 ii. 三文魚框飯 小食 - 天婦羅呢款美人御膳除咗有一份刺身沙律，主食就係五選一 （蒲燒鰻魚框飯、三文魚框飯、蟹肉三文魚籽框飯、牛肉時雨煮框飯、照燒雞框飯）仲可以小食三選一 （南蠻炸雞、照燒三文魚、天婦羅）tim!3)迷你抹茶餡蜜芭菲 $38呢款咁好味既芭菲入面有抹茶雪糕、抹茶蕨餅、丸子、栗子🌰配埋紅豆🫘，抹茶既香味加上唔會好甜既紅豆永遠都係絕配無得輸架👍🏻📍 塚田農場 (觀塘)觀塘觀塘道418號創紀之城五期(apm)3樓L3-L13號舖📞：35963909

APM呢間舖頭好似乜都有得食，有邊爐、烤肉、咖哩飯、烏冬、丼飯、便當，睇到有選擇困難🤣🤣，最後揀咗煎花魚便當。我以為自己好鍾意食魚，接受到啲煎魚嘅味道，但今次令我味蕾感到衝擊，有難以想像嘅味道同口感。燒花魚御膳🐟2.5/5 $138有麵豉湯、前菜、蘿蔔泥醬油、豆腐，煎魚都幾大條，份量幾好，但味道比較重，鹹鮮味好明顯，小編完全食唔到落口，覺得味道好腥好怪好重油脂，要刻意呑落口😓😓。但b🐷試左幾啖就話係正常魚味，偏向鹹鮮味多啲，佢就接受到，覺得唔錯。真係各花入各眼，每個人口味唔同🙁🙁，我都唔好意思再食落去。後尾google先發現花魚重點在優雅油脂香氣與濃厚的鮮味，原來係小編唔識欣賞😳😳。炸池魚咖喱蛋包飯🍛 3.5/5 $138又係有同樣既前菜小食，賣相精緻，炸池魚炸粉厚薄適中，魚肉唔會炸得過火，保持濕潤嘅肉質，啖啖肉咬落去無骨🤭😊，咖哩汁濃度啱啱好，唔會太浠掛唔到汁，又唔會太濃送唔到飯，蛋包飯加左洋蔥粒去炒，提升口感同層次😳😳。地點:位於APM Statbucks上一層3樓既舖頭。環境:平日6點晚市無乜客人，可以坐大枱舒舒服服又自在，卡位幾大，私隱度好高，自助吧有飲品沙律嗰啲幾精緻😳。價錢

所謂鹿兒島天然豚肉厚切豬扒吉列定食，連加一$218，真心差。嗰件吉列豬扒超級難食，椰菜絲係苦嘅，配菜嗰件豆腐，提啲侍應，先記得拎俾我，另外配菜嗰幾片三文魚，完全失踪。

我叫左壽喜燒湯底，算叫做正常發揮，亦加錢叫左牛肉，但牛肉質素普通，份量又偏少，不過最失敗係地面枱面周圍都油林林，感覺好唔舒服，我係第一次係商場餐廳感覺到地面枱面油林林，後來有其他客人入來坐附近亦有同樣感覺，證明唔只我個位，周圍都係咁，加上服務態度普通，所以成件事感覺CP值低。雖然價錢唔係話極貴，但成件事配合起來就有點失望，我見有日本人youtuber介紹過，諗住應該唔差，點知大失所望，希望會有改善！

Lunch 燒肉set 真係好正上次同事帶完我去食lunch見隔離枱食燒肉覺得好正，今次有同事生日決定再去我個set 有牛有豬$98好好味，醬料都係自助，有我最鍾意既蒜片定食包湯，飯，小食豬肉半肥瘦，燒到好脆又濃邊牛肉又靚同事果set 牛小排牛柳粒$128牛肉又靚又厚身，好抵食包飲品，沙律，甜品，醬料全部自助，不用加錢飲品款式好多，果茶汽水，熱花茶甜品得2款蛋糕但吾好食我地4個人一人一set 好正，好開心好想再去多次

好彩無點燒肉套餐,隔離枱幾枱同時燒肉,大煙到進入仙境一樣,煙薰味道極濃！！敗筆,要加$38先有自助飲品沙律吧,如3人不可加一份,一定要跟人數加,即是要加$114,所謂沙律吧,都係得沙律菜,飲品係盒裝飲品或罐裝汽水,又或者係一杯杯果汁！唔抵！用餐限90分鐘,如要傾吓偈食嘢就不太適合吧！

呢一日約咗舊朋友聚舊食飯，朋友住响九龍東，而且又要比較忙，所以就下佢 去 apm 搵嘢食，可能因為假期嘅關係， 所以到處都好多人，嚟一間舖頭都要等幾張枱㗎，算等得少囉，呢間係一間日式火鍋店，係一人一鍋嘅，我哋嗌咗一個美人鍋 2 人套餐，我就揀咗鍾意嘅番茄湯底，朋友就揀咗另外一個壽喜燒湯底，佢話越食越鹹，美人鍋有一盤擺得好靚嘅素菜，然後肉方面可以揀豬肉或者牛肉，咁兩個人梗係揀一盤豬肉一半牛肉啦，另外又有雞肉鯇滑，有唔同嘅味道，例如粟米同芝麻等，另外仲會有一個天婦羅，兩個人加埋大概五百蚊左右，你話好唔好食呢…我覺得就中規中矩，尤其個湯底，開頭嘅時候都幾好，但係加咗湯之後，就越嚟越失去咗原本嘅味道啦，整體嚟講，仲有提升空間。