塩玉居酒屋 (已結業)

友人帶我來吃好西，一坐低，鄰座是日本人，立即對餐廳有期望。蔥吞拿魚腩薄脆，呢個組合幾新鮮，上面係吞拿魚，下面係米通，五洗沾醬汁，味道恰如其分！芝麻雞翼，外皮好正，雞肉嫩滑，不錯！燒雞翼，燒雞皮。免治雞肉，好味道，內有滿滿雞肉和軟骨，沾上雞蛋，口感更滑溜軟骨控既我，當然要試埋雞胸軟骨！係出面餐廳較小見呢個軟骨好爽脆，伴有小小雞肉。燒五花腩。汁燒牛肩肉溫泉蛋石鍋飯！牛肉不um，飯香，若多小小醬汁更好！

今日放工同同事去左銅鑼灣係登龍街搵食揀左間居酒屋上到去係小店格局有居酒屋特色既壽司吧叫左呢D野食蔥吞拿魚腩薄脆: 厚厚既一層吞拿魚腩蓉+蔥鋪係面, 一入口魚腩蓉同米通超夾一口炸雞: 炸雞外皮好脆, 雞肉都好嫩滑, 食唔停口辣味松葉蟹蓋海膽石鍋飯: 呢個好出色, 松葉蟹蓋入面有蟹膏, 海膽, 蟹肉, 仲有蟹籽, 食入面仲加左八爪魚粒, 口感超豐富同滿足, 真係試難忘仲叫左一D串燒: 燒雞翼, 燒雞皮,免冶雞肉, 燒黑豚五花腩, 燒雞軟骨, 雞胸軟骨: 佢既串燒水準好好, 佢每燒好一串就立即上枱, 可以食到岩岩燒好熱辣辣既味道, 其中一定要叫免冶雞肉, 入面仲有雞軟骨, 仲配左一隻生蛋做醬汁, 好想食多串Btw，餐廳侍應好有禮貌又好好服務，好抵讚

自製長週末的最後一個晚上，到了食肆林立的登龍街覓食，選擇了一家樓上居酒屋一進店便恍如置身日本之中，精心的裝潢及壁畫充滿親切感先來一份葱吞拿魚腩薄脆以炸得香脆的米通配以吞拿魚腩，入口層次感豐富每次去大排檔必點的辣酒煮花螺竟然在居酒屋內發現，果然必有一番風味汁燒牛肩肉溫泉蛋石鍋飯，多汁的牛肉，真的是讓人一口接著一口吃不停燒日本雞尾外皮燒得香脆，入口無膻味！月見自家製免治雞肉，生雞蛋黃混和日式醬油，鹹度剛好，雞肉棒啖啖肉燒日本黑豚五花腩燒到脆口，口感不會太油膩，肉的部分亦不會太乾，調味恰到好處燒雞軟骨香脆又有嚼勁燒鴨舌皮脆舌心爽口香蔥蒜牛肉汁同配料混合得好好，帶出牛肉香味紫蘇葉雞皮蝦卷燒過的雞皮沒有油膩的感覺，裡面的蝦很大隻很爽口燒翠肉瓜很新鮮，燒烤後還保持着多汁美味離開時還可掛上願望，希望所有都成真

位於銅鑼灣既日本野，呢間野都算幾高級，廚房放左係出面，廚師衣著整齊，比人一種好企理既感覺，而且裝修算唔錯，睇落都幾高級，對得住個價錢喇。前菜有吞拿魚脆脆，兩者混合黎食又真係幾唔錯嫁wor原來壽司都算幾新鮮，魚生同飯既比例幾好，唔會謝舊飯太大or太細舊。魚生厚切口感唔錯，睇落都幾乾淨新鮮，色澤望落都okay。三文魚鮨，新鮮滾熱辣，似係岩岩焗出黎，食落三文魚味幾濃郁，d魚鯩都清得幾乾淨，無乜腥味。串燒方面，雖然粉就落得有少少不足，唔似大陸果d咁惹味，咁樣就比較健康一啲，但肉入面醃得都夠味，所以食落都幾正，唔錯。而且串串都幾大舊肉。最後食到個雞肝有d特別，就係佢係半生熟既，特別問左員工，佢話雞肝日本運黎，所以半生熟都安全食用。

是日居酒屋晚餐，叫左林林總總既串燒，好豐富。人均$400左右。蔥吞拿魚腩薄脆（$68），上啲青檸汁，軟腍既蔥拖羅配脆口既餅底係個既開胃既前菜。辣酒煮花螺（$98），用竹籤挑，口感彈牙有咬口，唔算辣。燒日本黑豚五花腩（$42），腩位油脂令肉質鮮嫩可口。燒日本雞尾（$25），雞尾包食得多，真雞尾第一次食，原來係肥肉比較多，入口較油。燒日本雞腎（$28），爽口唔硬，正！燒雞心（$32），都係爽口派。燒翠玉瓜（$22），上面有啲木魚絲配照燒醬，蔬菜平衡下。燒秋葵（$22），幾抵食啊有四條。燒青芥牛柳（$58），呢個好juicy，牛味保存得好好。燒京都豆腐（$30），外面脆脆地，熱辣辣。燒鴨舌（$38），食串燒較少見到既野。燒日本雞肝（$32），口感似鵝肝。雞胸軟骨（$38），平時都係食雞軟骨多，原來雞胸軟骨都咁正。蒲燒鰻魚石鍋飯（$198），熱辣辣黎到，鰻魚係軟腍，切開一小塊，醬汁比較鹹同重味，配飯食一流。呢度平日夜晚唔算人多，燈光半暗，傾計一流架。

今晚同BB去左銅鑼灣一間上樓嘅塩玉居酒屋,上到去感覺幾放鬆😘😘，燈色偏暗,係到傾計飲酒都係一個唔錯既選擇。落單時職員介紹向我地介紹秋刀魚，正值季節下會好好味.👍🏻👍🏻咁我地點左一份黎試下食果然好好食，魚味好重，油份又岩岩好，正！👍🏻老公佢就開左支酒,我地就兩個人一齊少少浪漫味咁撐個枱腳🥰🥰餐廳個氣氛實在太適合喇。雖然餐廳感覺好浪漫不過都不失日本風味，然後佢有啲小食 我點左份枝豆 傾計送酒蹅食又係唔錯既感覺,😍😍整體今晚嘅環境同食物都好好，下次要再黎過。🤘🏻👍🏻👍🏻 #塩玉居酒屋 #居酒屋 #日本野#吃貨#銅鑼灣#吃好西

再一次黎到永光中心樓上嘅 塩玉居酒屋，餐廳食物種類都比較多，主推壽司、燒物同埋酒~我對壽司特別鐘愛，細細份又精緻的美食，可以點好多唔同款式嘅壽司，試到好多口味~係塩玉居酒屋食過嘅壽司入面，我想推介呢三款：葱吞拿魚腩薄脆係招牌菜之一，厚厚的呑拿魚腩蓉係個面度，下面的米脆選用的是日本的米通，好鬆脆！咬落下兩種口感的融合，好特別，矛盾卻又好相宜，好過癮~味道鹹淡適中，因為吞拿魚蓉下面有一層明太子沙律沙律醬，所以不用另外蘸醬都已經夠味，很開胃~左口魚左口魚的表皮有用火燒過，火焰燒過的肉食落口會更加香口小小，脂肪量比其他做法可能較高，但係因為只是微微燒過，所以魚的整體都還是軟滑質感，咬落爽口。牛油果軟殼蟹卷綠綠黃黃額牛油果鋪係面，牛油果上面又鋪咗紅卜卜的蟹子，中間心包住軟殼蟹。牛油果軟殼蟹卷的賣相我好喜歡，紅綠撞色，令到壽司望落好開胃~yum！而口感，新鮮牛油果好creamy，軟殼蟹又好香脆，“軟硬兼施”，又係一款刺激味蕾嘅壽司， 唔錯！

今日朋友生日,就帶佢地食日本料理,呢間聽聞好抵又好食既日本料就係,塩玉居酒屋,7個人去,間餐廳唔貴,又抵食,仲要甘多人食,應該仲抵食!重點係又好食,賣相又見得人.不過銅鑼灣晚上真係周圍都好多人,我地去個晚都唔少人,好彩我地醒一早book左姐!食日本料理最緊要係個次序,先食生冷,後食熟食;先食淡後食濃.所以我地第一就叫左生食先既,魚生,壽司啦,蝦,馬糞海膽,鯖魚刺生帶子…樣樣都好新鮮,好鮮甜,D朋友個個都讚不絕口!次後食埋D熟食就已經好飽啦,我地都有飲到清酒,因為佢太多款啦忍唔住要揀番支飲弄下,仲要有人生日要開心下既!成餐飯好滿足!

早幾個月前都試過這間居酒屋😊♥️今晚收工,自己一個晚餐😣突然想起塩玉居酒屋因為食評好就試下啦!環境唔錯,唔會太嘈,服務可以野食唔會等好耐😳😆食日本野離不開魚生,一品料理,燒物同揚物, 但今次一個人食,所以無得叫甘多,裝修係靚既,都好抵下,我食左個豚肉干,好多豚肉干好容易整到好硬,但呢間唔會,好好呀! 🍣🍱魚生都好新鮮,😋😛🍙🍙🍙飯團唔會太實,唔會太酸,唔錯,而且呢間日本餐廳有好多款日本清酒🍶價錢合理,所以叫左支飲下,放縱下,嘻嘻

銅鑼灣登龍街居酒屋一試, 永遠抵擋唔住日本野既誘惑，今次來到塩玉居酒屋試試 刺身拼盤: 肥美鮮嫩粉紅既 toro 一擺入口即融, 脂肪同魚肉既比例恰到好處, 仲有大大隻鮮甜既大蝦, 肉質彈牙清爽 香蔥蒜牛肉: 蔥蒜味融入左係juicy既牛肉入面, 嫩口既質感 牛油果軟殼蟹卷物: 係面頭撒上大量既蟹籽, 軟殼蟹炸過之後香酥,越咬越香 蔥吞拿魚腩卷: 吞拿魚腩加左蔥之後,味道更加突出,甚至係變得與眾不同 燒玉子燒: 來到居酒屋點可以唔食玉子燒架!大大件 蛋香十足, 甜味居多,調味得好好

好耐無食日本野架啦! 收左工來到呢間登龍街既居酒屋食好野,餐廳門口有一幅祝福牆, 掛左好多唔同食客既祝福,一打開佢既menu 就知道係一間好有質素既餐廳,餐廳menu 設計得好有質感!肥美三文魚腩 畫上靚靚既紋路,每一塊都好大塊,入口即融,加埋wasabi仲正,lam lam 琍!靚到好似係模型既 “特上壽司拼盤” 值得一讚,師傅整到每舊都精緻,魚肉既色澤鮮豔,就算係壽司飯都粒粒分別,好特別既蔥吞拿魚腩薄脆,原先以為餅底係芝麻整成,原來係米通,好新奇!上面擦上厚厚地一層吞拿魚腩,加埋小小蔥提味!

第一次黎塩玉居酒屋，第一感覺係，好多酒，成個櫃都係酒~因為日本酒嘅外貌真係幾好，唔中意飲酒都同朋友一齊叫咗支飲🥰🥰 咁飲酒，一定要order伴酒菜嘅—串燒！塩玉嘅串燒真的不錯，真心可以試！有兩款必須推介：手工免治雞肉串呢個雞肉串幾得意，第一次見有跟埋個生蛋黃醬油汁。雞肉串好有口感，入口幾滑，點埋個醬油蛋汁就更加無敵，雞肉同加埋蛋香，味道濃做 更加好味！而且雞肉中間有d爽脆嘅口感，口感好豐富😋-豚肉蘆筍串豚肉蘆筍串用薄切嘅豚肉卷起身，包住中間嘅蘆筍。豚肉火候燒得岩岩好，唔會太乾口，薄薄地好入味，中間嘅蘆筍亦好新鮮，兩樣夾埋一齊食，口感非常好！😍

貴！係OpenRice 訂位已經有85折扣！埋單都肉赤呀！因為地點&地方！食物質素尚可，但我要是俾這個價錢，選擇亦有很多！當天私家房有煙客🚬，攪到成個店都好大煙味🤬。開咗窗都成身煙味！成店只有兩個侍應！食物都上得快。必食：呑拿魚蓉薄脆 $68/件黑松露甜蝦卷 $58 有六小件蛋黃天婦羅👍🏻👍🏻炸三蟹卷（有蟹子，蟹膏，蟹肉）😋其餘orders：一夜干尤魚，炸豆腐，燒豆腐，煙肉芝士年糕，枝豆，雞翼，燒飯團🍙，左右魚邊壽司，雞肉棒&煙肉蘆筍卷可以skip:天婦羅拼盤....脆漿太硬又實，又細碟！煎韭菜餃子 ...有6隻，餃子餡料都豐富，但餃子皮太硬！魚生拼盤 ....$568有7款，份量可以多少少囉！原條魚刺身....$380，新鮮但切工&擺工可以有進步空間。吞拿魚蓉小卷.....$68 只有六小小小件（女仔手指公size)因為corkage fee要成$150 支, 所以叫咗幾杯啤酒同兩支sake.

「我只能永遠讀著對白，讀著我給妳的傷害」，成日話唔好係人地傷口灑鹽，咁唔好比佢有傷口咪得囉！不過灑係食物到又唔同講法喎，鹽絕對係同食物無可割席既一部份，而今次呢間以"鹽"做主打既「塩玉居酒屋」令我大開眼界。老闆兼大廚既黃師傅經常飛到去日本搜羅超過二十幾種調味鹽，可以因應唔同口味用係前菜、串燒同清酒上，一個主菜有唔同食法，真係估你唔到！👇📌葱吞拿魚腩薄脆 - $68👉呢個招牌前菜一定要試，薄脆係用上日本既脆米米通。面頭上塗上一層厚厚既葱吞拿，咬落米脆相當鬆脆，索索聲就梗咖啦。配合埋吞拿魚蓉，軟綿既質感，夾埋一齊食，做到濃淡之間既味蕾衝擊，唔錯。📌日本空運直送壽司拼盤 - $388👉以八款由大廚每日精心挑選，新鮮空運到港既壽司拼盤，當中包括排名不分先後，由「墨魚」、「醋青魚」、「三文魚」、「牡丹蝦」、「油甘魚」、「左口魚邊」、「吞拿魚腩」、「北海道帶子」組成。當中最印象深刻係牡丹蝦，口感軟綸帶彈性，鮮甜多汁再加埋濃郁蝦膏，的確要大讚！📌自選串燒拼盤 -▪ 牛脷 - $48▪ 雞心 - $32▪ 雞翼 - $38▪ 雞胸軟骨 - $38▪ 日本雞肝 - $32▪ 日本雞腎 - $

蔥吞拿魚腩薄脆 ($68/件)吞拿魚味道鮮甜，口感細滑，配合脆脆嘅米通，出奇地夾燒日本雞肝 ($32)外層微脆有焦香，入面好滑燒雞軟骨 ($38)香脆有嚼勁燒雞皮 ($25)薄又脆，入口唔油膩燒雞腎 ($28)口感好爽脆燒雞心 ($32)肉質彈牙燒牛舌 ($48)好薄，一啲都唔韌燒香蔥蒜牛肉 ($62)好厚身但唔韌，一咬開啲肉汁必晒出嚟，蒜味夠晒濃黑豚露筍卷 ($46)露筍爽脆，外面嘅黑豚肉滑溜燒京都豆腐 ($30)外脆內軟和牛雲丹 ($238)紫菜包住香滑海膽及油份充足嘅和牛，成口油嗰種口感好正啊！蛋黃天婦羅 ($38/件)蛋黃好香，仲要一切開啲蛋汁流晒出嚟，超高水準嘅一道菜！南瓜天婦羅 ($58)最後食返個南瓜天婦羅，有啲菜懶係健康咁~ 哈哈！蕨餅比較似啫喱狀，唔係我最愛嗰種~ 不過送嘅就唔緊要啦