增煇大排檔 & 增煇藝廚

營業中

休息中

呢排喜歡小炒, 所以今日就到增輝. 點左8餸一湯, 沒有加一收費, 六個人每人$200 西班牙黑毛豬叉燒$188 - 推介呢個叉燒汁沾滿全全件叉燒, 夠味又夠林, 好香肉味🐖鎮江金沙骨$128 - 自己比較喜歡京滬味的糖醋骨🍖鬼馬油炸鬼$93，蝦膠加油條，好香口不過有點乾金銀蛋肉鬆浸豆苗$148 - 皮蛋肉碎份量夠, 咸蛋黃可以多一點🥬黃金焗鮮魷$148 - 魷魚大件夠爽脆, 如果多一點咸蛋黃味就更好🦑客家釀豆腐$128 - 魚肉可以厚一點 🐟半隻脆皮柞子雞$208 - 雞脆皮, 但雞肉略有點乾蝦多士$83 -  即叫即炸, 外脆內軟同埋有8件都抵食豆腐魚雲湯$108 - 唔腥好鮮味, 仲有好多魚豆腐, 自己好中意魚湯, 所以本人推介呢個每碟餸菜式都大碟可以4-8人都合適, 店員誠意地不斷推介海鮮或在不在菜譜上的菜式, 朋友就點了推介的西班牙黑毛豬叉燒, 很不錯夠林夠味, 可以再試. 沒有加一, 食物味道份量都合適, 可以再試其他菜式

深水埗一向都有很多出名的大排檔，今次就選擇了米芝蓮必比登推介的增輝試試，想不到未到晚飯時間，人流都開始那麼多，幸好一進去就已有座位，店員還有禮接待及推介，傳菜也快及熱辣辣，價錢合理🤩① 黃金鮮魷每條鮮魷都沾滿咸蛋黃，金金黃黃， 味道濃郁，彈牙爽口，不會太乾身，用來送飯一留呀🦑② 椒鹽九肚魚鋪滿勁多炸蒜的九肚魚，炸得剛剛好，外脆內滑，味道超惹味🐟③ 季節限定啫啫芥蘭平時吃啫啫雞煲就吃得多，今次就試了限定推介的芥蘭煲，味道咸咸香香，條條爽脆，夠哂鑊氣🥬④薯仔牛柳粒薯仔牛柳粒是店員推介給我們的，味道竟然有驚喜，每粒薯仔都有脆邊位，還帶有蜜糖甜味，超好味，另牛柳粒容易入口，份量都尚算多🐮🥔𖤥  增輝大排檔 & 增輝藝廚深水埗石硤尾街31-33號地舖

終於等到一大班人去食大排檔喇～🍻多人就可以叫多啲菜式試，今次叫得都唔算多，不過整體食物質素又唔算好好，睇下下次再唔再黎試下啦⏸🌟招牌炸子雞🌟其他菜式上哂都未黎，催職員又話生炸要等耐啲，上到枱味道一般，過熟肉質變un🌟豉汁蒸鱔🌟鱔不嬲教喜愛，不過不失🌟花枝釀皮蛋🌟本身唔食皮蛋，所以淨係食左個炸花枝，外皮都鬆脆既～🌟胡椒豬肚花甲湯🌟最出色係個花甲，大大隻，有肉質，飲完碗湯再叫個炒花甲😋🌟椒鹽魷魚🌟🌟招牌黑豚肉叉燒🌟

呢間係深水埗其中一間出名嘅大排檔, 佢出名嘅係胡椒豬肚湯。去到才發現原來佢話佢最出名嘅係新鮮豉油雞，個價錢要200蚊半隻， 都真係幾貴。但食完之後又唔覺得真係好好味。豬肚湯就好辣，如果唔係好食辣嘅人就要考慮下係咪真係叫啦，但係嗰個辣味同胡椒豬肚去濕嘅功能應該真係幾強勁。另外我哋叫咗個焗魚腸，佢唔似平時街邊食嗰啲淨係得陳皮味同蛋， 真係有啲魚腸嘅香味，我反而覺得呢味菜先係佢最出色嘅一道菜。下次再試下佢其他菜。

疫情期間我就冇去，唔知道而家係點。但係本人係絕對唔會再去！！！喺OpenRice睇到呢間，覺得真係要留言，以免其他人好似我咁樣。回想起當時3個人去食，買單嘅時候嚇親，一共3500百幾蚊，冇睇錯，係三千幾蚊。最貴嗰度餸係避風塘炒蟹，同其他正路嘅大排檔餸，簡直係難以置信呢一張單冇每一道餸係幾錢嘅，只有一個總價。大家真係要去，真係要問清楚價錢先食。特別係海鮮嘅款式。講真三個人三千幾蚊就唔使喺呢度食啦。請大家留意

有朋自遠方來，帶朋友去食地道野，今次選擇左增輝廚藝，叫咗個脆皮雞，楊州炒飯，鹽焗花螺，鬼馬油炸鬼，胡椒豬肚花甲湯。蒜蓉白菜仔，個脆皮雞炸到啱啱好皮脆肉滑，楊州炒飯多咗少少油，但係都好食，鬼馬油炸鬼炸到非常之翠朋友好鍾意食，呢度嘅推介係胡椒豬肚花甲湯，呢次我叫佢小胡椒，飲落唔太辣。連小朋友都可以飲，，鹽焗花螺，簡直係每次你必叫嘅一個餸。另外叫咗杯菠蘿冰，佢真係用新鮮菠蘿去整嘅菠蘿冰非常之好飲，整體上朋友非常之滿意，今次嘅晚飯

一大班朋友敘舊食飯，諗住揀間米芝連實冇死。但食完之後真係好質疑佢米芝連呢個名銜係點黎😇首先，一上到去就係咁sell啲菜式，我地表示唔感興趣就即刻皺晒眉頭，開始唔耐煩咁。之後全程都係黑口黑面，皺眉頭。其次，上菜時間慢，食到極冇心機。第三，漏單。食到尾聲我地見個菜都未到就請職員幫我地睇下係咪漏咗，口講話幫我地睇，過多十幾分鐘之後走黎我地張枱前面嗌對講機，問我地個菜有冇整到，問完再同我地講「你地睇到啦，我幫你地問咗啦」（又係黑口黑面），極奇怪。跟住大家可以一齊黎欣賞下啲餸菜：1. 砵仔焗魚腸有啲腥，我食唔到腥嘢所以我唔鐘意，有食到腥嘅朋友話可接受2. 豉油王鵝腸一啲都唔入味，白烚完淋啲豉油都濃味過佢，下面伴碟啲芽菜連汁都冇多滴，淡茂茂。3. Wasabi京蔥炒肥牛賣相都唔吸引，肥牛好似凍肉鋪啲平價肥牛，京蔥有好多都唔夠熟，食落好辣，整體都唔好食4.豉油雞呢個算係最好食，雞肉嫩滑，但價錢要$406，略貴整體：價錢貴，同質素唔成正比。服務態度差，比錢買難受。唔會再幫襯

每年冬天都去唔同大排檔搵好味羊腩煲, 稱得上馳名羊腩煲, 深水埗區應該有增煇同小菜王, 個人就比較偏心增煇, 佢係真正羊腩去哂骨, 炆到羊腩極之軟稔, 啖啖肉食得過癮, 每舊都有皮有肉, 調味平衡到藥材味同醬料鹹味收得5百幾蚊, 份量合理, 3個人食足夠而且有跟唐生菜, 配料有齊枝竹、冬菇、冬筍、馬蹄, 做到真雙冬羊腩煲,  腐乳醬就普通D但我覺得咁樣就夠題外話, 呢到冇青島飲, 啤酒選擇同其他大排檔有D唔同

男友住係深水埗，話年輕時經常同朋友黎增輝食宵夜，佢好少主動講有咩好食，但就好推薦我黎呢度試下炸榴槤同獅蚶，咁就試下有幾好食🙈⭐️潮州生醃獅蚶 $148當日嚟到已經最後一份，因為都宵夜時間，我係第一次食，有驚艷嘅感覺🤣 每一粒都好Juicy，加埋個汁真係停唔到口，建議如果着淺色衫嘅真係要小心啲開殼，如果唔係一個唔小心就好似被血濺到咁😂⭐️冰火脆榴槤 $98男朋友強烈推介要食，嗰個口感真係好特別，入面榴槤好似雪糕咁⭐️薑蔥撈魚皮 $88個人覺得味道有少少淡，最鍾意食係佢上面啲花生，個魚皮都好脆，男朋友話一定要薑蔥魚皮一齊食，個人覺得一般啦🙈⭐️梅菜扣肉　$98成晚冇食過肉，見到呢個真係忍唔住，呢個等咗大概15-20分鐘，一嚟到賣相超吸引，扣肉嘅肥瘦比例啱啱好，真係要多個飯先對得住個餸🔥 必食😎如果可以下次真係想一個人食晒一兜獅蚶啊🙈

份屬石硤尾街路邊小炒、三大旺丁大排檔之一，與「受民生所愛」同樣有咪諸連推介食肆加持，同時餐牌亦印有彩頁有關蔡瀾先生介紹專題。平素多吃的是砵仔魚腸蒸蛋，今趟稍為改動要了順德魚腸煎蛋$98，相對砵仔蒸就欠缺油炸鬼點綴，魚腸處理得乾淨無腥臭味，反而覺得份量不足，因蛋皮比薄罉稍厚一半。同樣份量偏小就是金不換炒花甲$128，花甲只一千零一隻閉合不開，用金不換炒自是別於一般豉椒多了份泰式香草味道。腦細指明點干燒伊麵$93，那種兜亂炒與酒樓沒兩樣，韮黃菇菌不多，也許調味也用了美極，都是香港酒樓那種熟悉之味。孜然豬串骨$128也就是少量凍肉舖、燒烤場、烤肉店提供的那種豬仔骨，因肉質雖彈牙但奇厚難熟而過熟肉質又易霉，以致成為食肆一般也不多採用之食材。咬了一條，又出現肉心未熟情況，只能整碟退回着店家再翻煮。約莫15分鐘後反而是端來一碟全新5支骨來有點意外，此碟總算全熟而且孜然味還較濃烈。與附近同類型中式小菜來說，裝潢相對光猛乾淨企理，小菜館式格局。

大排檔格局但價錢貴，味道普普通通不在話下最重要係去大排檔，梗係要啤一啤，啤酒又收得貴，但又唔凍🥵，大聲D講嘢又唔得知你旺，要訂位都唔緊要，仲要落訂先肯定位比你！態度影真麻麻

今次嚟試連續5年登上米芝連嘅增輝廚藝🤓 訂咗8:15pm位 等咗7、8分鐘就入座 今次揀啲餸菜唔會喺屋企特登整😆 舖頭滿座 雖然本身話要等30-40分鐘 不過最後等咗15分鐘就開始上菜😃🫘椒盬豆腐 $78豆腐切得大片 椒盬蒜味淡 要襯喼汁先有啲味😕 一般酒樓嘅椒盬豆腐粒比較好🫢🐖鎮江金沙骨 $128肉好淋 間唔中有油脂 不過唔會太肥👍🏻 可惜汁唔夠醋味🥲 🥬啫啫白菜 $83呢個比較普通 唔夠鑊氣🙃 原本諗住叫啫啫通菜 不過無唒…🐽脆皮炸大腸 $128薄脆皮🔥 油脂分佈較多 有罨味 菠蘿墊底 唔酸但甜 可以解膩😙🐟砵仔焗魚腸 $88最推薦呢道菜😋 油炸鬼面 好脆 魚腸份量多 唔腥🫰🏻 啲蛋焗得啱啱好🐚油鹽水花甲 $118花甲每隻都開 無沙粒 幾新鮮😯 粉絲唔硬 吸咗花甲啲鮮味 湯底清唔會太鹹

第一次嚟一間增輝大排檔，宜家已經上左樓係室內，亦都有室外，視乎你想要咩風味每次點餸職員都會提醒要等30分鐘左右，因為實在太多人，不過大部分都會係30分鐘內到嘅，不過可以唔好咁惡好dd😅🤣有好多嘢都已經賣哂，所以如果想食，記住一早預訂推介蜜汁燒鱔，黃金魚皮都好好食，勁想encore🤤但係炒麵就覺得佢好濕，冇乜獲氣咁，整體都ok, 記得book位呀💜●‿●💜🏡：👍🏻👍🏻👍🏻😋：👅👅👅👅💵：大約200一位🚶🏻‍♀️：🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #美食 #cafe #推介

有晚一行七人，夜晚11點半諗住去增輝食宵夜，有個後生嘅哥仔同我哋落單，一路落單個哥仔已經係咁Sale又龍蝦，又蒸魚，蟹…又話出面唔會咁整，係佢哋呢度先食到。已經講咗我哋都只係嚟食個宵夜，唔駛海鮮盛宴喇。但都仲Keep住Sale，你要Sale其實冇問題，但最串係，落到咁上下，叫佢覆單嘅時候，佢覆覆吓冇啦啦話「錯晒，唔會咁叫囉」，嘩經典啊，食咗三十幾年飯，第一次叫菜都可以俾人話錯。去增輝食飯前，記住考個牌先好落單叫菜。。。

今日，7:30pm打電話，打足30分鐘鐘。唔聽電話仲未夠，落單又要落錯哂D野！生炒牛肉飯寫成生炒臘味糯米飯！西蘭花炒帶子，要等二十分鐘後先話無！期間，我一直在門外等，要我走入去先肯講無帶子（買哂）。跟住，我見佢地樓面又把個菠蘿生炒骨落錯單，我見少咗個餸，我舉手要埋啤錢！最後，居然啤我發現櫃面收銀小姐落錯單，寫咗生炒臘味糯米飯，你話嬲唔嬲，過陣時已經8:30分，（我係7:52pm落單）。唔止咁，個穿白衣黑褲個樓面，又話我一個人企係度唔方便，又要求我企佢出去，最後，我連生炒飯都等唔到，要退錢走人！一間滿以為炒嘢有鑊氣，就可以連基本服務都提供唔到，禮貌野不單止，出錯單，又要漏單！食飯要於係外買盒超過40分鐘！今時今日呢個種服務態度，單直不知所為！