士多冰室

營業中

休息中

雖然開左業一年左右，但好多Youtuber有介紹過，最出名就係大大隻炸髀。星期六終於搵到時間去試佢嘅下午茶。UFO大髀配薯條 $46餐廳人氣之作就一定要試，即叫即炸，我地等左大概兩個字先上枱。雞髀厚肉位置已經劏開，方便炸到熟，亦因為劏開左，所以望落大隻D。可惜雞髀炸過龍，炸到非常硬脆、好界口、而且毫無肉汁可言😑，如果呢個炸髀係廳嘅signature，咁我覺得完全唔合格🤦，我只係食左半隻，都已經比佢界損左上顎….而且D肉乾硬到咬到牙軟。😣高層西多士 $38西多由三塊麵包組成，一層夾花生醬，另一層就夾柑橘類嘅果醬，食落好似陳皮味😂。呢度嘅西多士係加煉奶，而非糖漿，整體食落甜度可以接受，而且又有蛋香，又夠厚，不過果層果醬如果可以比客人揀要番花生醬就更好，因為我地都麻麻呢股陳皮味😅吉列魚薯條 $40吉列魚大大件，炸到好脆、好乾身；魚肉仲好多汁，不過有少少腥🤔，點果個偏酸嘅千島醬食會比較好。熱咖啡偏重奶味，咖啡唔夠香，如果以茶餐廳沖出嚟嘅水準嚟講，呢個唔合格。我唔知餐廳平時咩水準，但以我星期六下午5點半嘅食物質素嚟評價嘅話，炸髀實在不可一、不可再。

今日同班(林寶車主老友聚完準備揸返跑馬地 途中肚餓 於是打比我秘書ADA Wong問佢北區有冇好食早餐 她回覆我：聯和墟士多茶記早餐不錯 於是我由鹿頸揸去聯和墟士多⋯⋯早上8:30已經有90%入座率‼️‼️果然出倉坐低叫個靚早、凍奶茶先，5至8分鐘便到了 滑旦好出色 只係出前一丁無麻油跟⋯⋯奇怪D LAW🤨🤨🤨🤨其他都合格以上的下次喺ADA度過夜後車埋佢嚟食啦 之後仲可以港車北上同她買包包、勞力士啦

士多冰室，好野嚟㗎！早餐沙爹牛麵或者豬扒麵值得一試！多士加錢可以轉奶醬多，麵包夠新鮮非常鬆軟！奶茶非常之正，茶味夠濃奶夠滑，奶同茶嘅比例恰到好處，每次食野必點之選！熱飲仲可以加$3就加大，非常之抵飲！

士多冰室聯興街21號地舖餐廳環境都算闊落, 但卡位坐椅同枱之間好近, 同男朋友二人坐低都一齊撞到. 服務都唔錯, 唯食物質素一般. 𓌉◯𓇋 咖哩吉列豬扒飯 $60飯量剛好, 賣相唔錯. 咖哩汁唔辣, 但較為淡味. 豬扒薄身, 炸粉分佈唔平均, 唔太出色. 𓌉◯𓇋 海南雞飯 $68醬汁幾香, 送飯不錯. 可惜雞肉無味, 用冰鮮雞. 𓌉◯𓇋 跟餐羅宋湯有薯仔 蕃茄, 味道唔差 好開胃, 但實在太辣. 食物🤰 ■ ■ □ □ □環境🤰 ■ ■ ■ □ □性價比🤰 ■ ■ □ □ □

今日經過之前媒體報導過嘅士多冰室，終於唔使點排隊之餘門口又有位泊車🥸，可以試吓傳說中嘅大大大髀香蔥碳水化合物🥳，點左餐大概十分鐘左右就到，畢竟要炸，時間上都尚算快，上到檯時堅係嚇一跳😳，隻髀大過我隻手，睇落可能食唔晒🤣炸髀表面相對有一定的酥脆感，皮都幾脆，但食落有些微油膩，不過唔太影響味道。味道就略鹹，點埋個蔥油其實真係過鹹，可能咁大隻，要醃得入味唔過龍會有少許難度，或者醃少小小時間加少許淮鹽會好D，不過咁大隻炸起上黎都冇過火就實在難能可貴，冇燶冇生血，亦保留到雞肉香味，整體上唔差嘅。飯相對就較為平淡，白飯攞，不過佢都粒粒分明，去貨都算快，所以冇千年白飯咁淋晒，另外有多隻蛋食吓都幾唔錯。而飯餐價格在該區域算是抵食的，相對於品質和口感，好啱價，畢竟佢個份量同質素係對得個價錢，我地入去果陣見到有著住D工業裝備既叔叔都食緊呢隻炸髀，見佢地埋單果陣都係食唔晒，所以性價比絕對合格啦。而整體不過不失既，佢都係一間茶記黎既啫，唔係咩特色餐廳，住附近過黎食餐便飯就梗係冇所謂啦，但外區就真係唔好特別黎潮聖，呢頭馬路窄，車位少，驚你地黎到冇位泊車，泊好都仲要排一大輪隊先有得食。咁啱經過又唔趕時間咪入黎食野

—同喺馬草壟嘅南屋仔有關聯?!見門面有幅南屋仔嘅壁畫大大大脾香蔥碳水化合物($52)即叫即炸 所以一坐低就要嗌如果唔係同行嘅人食晒走得自己都未有得食🤣用咗美極定醬油醃?!入味唔會太鹹雞肉係嫩滑有汁 𠝹開咗都大塊蔥油撈飯好正 太陽燶邊蛋都有水準吾熟吾食查餐($48)火腿煎太陽蛋配牛油厚多士 厚多士微脆 食落鬆軟有厚度 蘸蛋汁食👍🏻秘製叉燒通粉叉燒正正常常 有段日子冇食通粉感覺個通粉較幼長幾啱口味蔥油雞扒撈丁丁($48)———————————————————士多冰室粉嶺聯和墟聯興街21號地舖

食物質素差，等得耐，落錯單。講明先，員工係冇問題嘅，有禮貌，係個類似老闆嘅女人好大問題！第一，兩個人坐低，但俾一杯水？有趣！第二，食咗部分食物後，仲有嘢未到等咗好耐，就同佢講我話等咗好耐，睇佢係咪落漏單，但佢居然覆我：‘’煮緊架喇，唔想俾啲生雞翼你食。‘’喂，咁就梗架啦，但講真，嘩，你做茶餐廳一定係逐隻雞翼煎啦！25分鐘喇等咗！第三，至於個羅宋湯烏冬，個湯底係一啲都唔熱，叫佢換，佢拎轉身（我哋坐廚房出菜位旁）大聲問廚房：‘喂，你個湯唔熱嘅？’5秒後拎返出嚟叫我試下得唔得，結果係一樣！哦，原來俾戲。以為佢換個新嘅俾你？好難喇。

踏單車入到粉嶺行行吓見到藍屋仔估唔到嚟呢度開咗間餐廳叫咗個招牌雞髀餐完全唔係藍屋食嘅野份量係一樣個雞皮係好韌用刀係切唔開真係好難食👎🏻👎🏻👎🏻👎🏻👎🏻普通一間快餐店應該好過佢冇下次超中伏

大約下午三點左右一次喺街外經過，見到裏邊有人食緊下午茶餐，發覺件西多士非常吸精，有三層高！……令到我直接入去嘗試。味道真不錯，下午茶餐跟一杯飲品，令到我晚飯也可以唔食。

星期日早上11am 左右經過士多冰室，難得唔使等位，就入去食早餐，點了沙嗲牛肉出前一丁、多士雙熟蛋、熱鴛鴦。整體來說，這頓早餐還算不錯。首先說一下沙嗲牛肉丁麵，牛肉很嫩滑，冇鬆肉粉味，沙嗲醬汁味道也不錯，麵質口感適中，最重要是選出前一丁不用加錢😏多士是厚多士，有兩半塊，外脆內軟；雙熟蛋夠熟（本人不吃生蛋）；熱鴛鴦茶和咖啡的比例恰到好處，喝得舒服。總的來說，這家茶餐廳的早餐還算不錯，價格也實惠（$38）。如果想吃一頓簡單的港式早餐，這是一個不錯的選擇😀

今日天氣晴朗🌼出門歎早餐，懶豬豬不想舟車勞頓近近地選擇聯和墟😗。見此間無人問津的米線店變左士多冰室，竟然要排隊，有點驚訝！排了五分鐘，餐廳人山人海，新餐廳果然吸精。🤣餐廳裝修保留住米線鋪裝修，沒有大變動，所以大多是大枱，客人需要搭枱，而且仲要搭滿人，加上枱、座位都很稠密，坐得好迫，不太舒服。幸好，餐廳門口打開，比較通風一點，否則人多空氣不流通，容易傳播病菌！餐廳可能新開業，侍應是用手寫落單，有欠效率。🔥安排座位的侍應美女中氣十足，好多時由鋪前大叫到鋪後，叫同事執枱又排座位，但餐廳空間感細，令環境好嘈吵煩悶😪🙈。上菜速度有點不協調，我地的通粉食完，還要追問2次火腿炒蛋才上枱。全程眼見都有些客人追單，出餐可能有點混亂，希望日後要留意。講講下食物上枱，熱咖啡是好味👍☕️，咖啡味香濃易入口，與奶比例恰到好處又夠熱！❤推介。涷奶茶，茶味溫和，味道都算不錯。👇⛔️⛔️✖️✖️完全唔鍾意D落單紙與食物接觸😤，仲要放低係客人面前，張紙仲係隻雞蛋夾住。呢D係食肆衛生意識既問題，落單紙 唔好擺 碟上面或者放係D食物度，希望下次有改進‼️‼️色力長早餐-羅宋湯雞翼通粉，炸雞翼2隻，香脆可口。羅宋湯底味道好味，不會好濃好杰

士多冰室--聯和墟街坊覓食之下午茶巨髀地址位於: 粉嶺聯和墟聯興街21號地舖前身是米線店時間約五時，店內有幾位客人，有卡位、有數張圓桌子，餐廳樓底高、面積不少，裝修簡潔、光猛明亮。下午茶餐時間由2:30PM開始冰室的茶餐選擇點餐: 炸大髀沙律配熱奶茶少奶，店員說炸髀要等15-20分鐘，奶茶先來用上透明玻璃杯，天氣寒冷，兩手剛好取暖，茶色看得出少奶，茶味濃，合格一邊喝奶茶，一邊看著旁邊的食客也是吃著大髀下午茶餐，狀甚滋味。我的炸髀上桌，眼睛先來個大滿足，雞髀好大隻而且雞髀有𠝹開了再炸，顯得特別大隻，叫巨髀也不失為過，雞髀也許用豉油醃製過，色澤較深，雞皮看來香脆，但有點炸過火和油膩，我沒有吃雞肉外層有點過火有點乾，內裏雞肉倒是肉嫩，也有醃製過的味道，巨髀賣相吸引，份量大，味道反而未達高分。跟餐的沙律，材料有蛋、薯仔、蘋果，配上蛋黃沙律醬，味道不會太酸，合口味埋單:$46環境乾淨企理，店員服務不錯，大大隻雞髀算是有誠意，但火喉可控制得更好一點新開業，一試無妨