壹火鍋

營業中

休息中

唔知有冇人同我一樣，收工之後乜餐廳都閂哂，冇啖好食🙂‍↔️近排係收工唔知食乜好之際路過兆萬求其入左間放題又幾抵食！/坐低先揀左個雞煲，雞件都幾多而且夠哂嫩，入面仲有多款香料令味道更加提升，配埋蒜頭，一啖肉一啖蒜就最正🫶🫶🫶/食完雞煲加湯打邊爐，用雞煲既汁打邊爐真係世一❤️ 和牛既油花都好靚，好重牛味，加埋個湯底唔洗再有仼何醬都好夠味/海鮮勁生猛，一上枱蝦同鮑魚都仲識郁，新鮮又鮮甜，款式多到可以一次食個夠😋/雪糕都係一個放題既靈魂，為一個放題做個好好既收尾🍨

好耐冇食雞煲喇上次食完呢間食過翻尋味😋決定同男朋友再黎多次最中意佢哋一set 有雞煲 有火鍋 有海鮮 有刺身😍一次就食到勁多種類-🥢海鮮有蝦，蠔，鮑魚，帶子，蜆，聖子等等。隻蝦仲超新鮮，隻腳係咁郁🤣 蠔都好飽滿，不過記得落海鮮要留意住時間！整耐左就會好柴🥢和牛最中意佢呢到可以仼食和牛，有SRF和牛肉眼，安格斯牛小排，封門柳等，牛味濃，油脂豐富😋🥢雞煲淨係雞煲都已經有好多款，又有芝士，有九層塔，有重慶等。辣度由BB到大辣🌶️ 唔係好食得辣，個人覺得BB辣就啱啱好喇🔥-打邊爐既食材種類都好多加上多款刺身仼食一次過滿足你幾個願望😚

好耐無係旺角搵食, 今日難得出去, 行完一大輪街去左兆萬update下有咩食每位$209，食足2個鐘，湯底好多款，有雞煲有中式湯底仲有鴛鴦鍋，大熱天熱就揀左個清清地既冬瑤卜卜蜆鍋，消暑得黎又有鮮味本身食物選擇都唔少,但原來仲可以按個人需要額外逐個項目加野,鮑魚海鮮船每位加$50就有齊新鮮鮑魚和海蝦🦐新鮮到仲識郁好生猛。跟住仲有珊瑚蚌， 帶子、龍躉、蟶子，大蜆同生蠔，樣樣都大大隻😍然後又可以每位加$50任食刺身, 任食但一D都唔差，全部厚切好甜美，三文魚、甜蝦、油甘魚，樣樣都新鮮。最後推薦加埋既仲有個和牛拼盤，同樣係每位加$50既任食牛小排、封門柳、牛板腱、牛肉眼及牛肩胛，全部都勁濃肉味，質感柔軟🥰。牛小排油脂好夠，封門柳口感軟滑，無限追加真係好抵食。最後加咗咁多嘢連埋+10%，都係$400內，性價比高！

之前已黎過，今次係帶隊再去encore 哈哈~ 上次經驗很不錯, 今次再來當然係要同朋友分享仍然深深念念呢個冬瓜瑤柱卜卜蜆煲, 貪佢個湯底清新, 胡椒味好搭, 而且瑤柱好甜, 蜆既份量超多, 值得再試今次一樣加晒所有自選項目, 樣樣都好抵食, 海鮮船非常出色，值得追加。 海鮮非常生猛，海蝦同鮑魚上枱都仲係郁郁貢, 帶子生蠔都大大隻極尚肥牛拼盤一如既往質素不俗，有srf和牛肉，封門柳同牛小排等等， 選擇多，肉味濃，嫩滑高質部份火鍋食材同調味料會放喺自助吧位置，醬料好講究，搭配唔同既美食都有得撈~刺身同樣唔錯，全部厚切，叫幾舊都回本。油甘魚特別好味，香油脂，其他貝類同樣很好依然值得一試再試，同伴都食得好滿意，下次黎旺角想再食火鍋都會再黎~

約朋友去傾偈最啱去打邊爐，兩個鐘慢慢傾慢慢食，叫咗個雞煲，份量唔算多，過下癮OK。食完雞煲就可以叫侍應加水打邊爐。啲牛都幾新鮮，有油花。加左和牛，都係每人$50，好抵，都好新鮮。仲可以另外加選擇刺身同埋海鮮。材料好多選擇，有牛丸，芝士丸等等，仲有唔同種類嘅菜。可以同朋友慢慢傾計幾好。嘢飲方面都好多選擇，有茶、可樂，仲有啤酒，如果唔凍仲有暖嘅。仲有酒放咗喺冰筒上面可以斟，但就要同侍應生講，一蚊一杯，超級抵。

2小時限時打邊爐，每人加$50就可以任食刺身，再加$50可以任食貴牛，再加$50可以有個海鮮拼盤，兩個人加晒所有都係$790，豐儉由人，唔係硬性要求加，幾好。加咗佢就會比張紙你，每次叫都係填紙，叫店員幫你落單，其他普通牛就可以用手機落單。 海鮮好新鮮，啲蝦送到上枱都仲郁緊，刺身唔錯，值得可以試吓，叫幾舊都回本。油甘魚特別好味，香油脂，水準都唔錯。一坐低就可以揀雞煲或者湯底，我哋揀咗雞煲，叫咗個麻辣味嘅，花椒味幾香，雞都幾嫩滑，蒜同埋洋蔥係必食。跟住就叫店員加湯，然後就可以開始打邊爐啦。手切封門柳同牛板建好好食，好濃嘅牛味，唔洗煮太耐。用QR code落單可以叫魚，魚既種類都多。另外就可以出去拎菜、丸同埋醬汁，我覺得如果唔加都有好多材料可以食，但加咗就豪華啲。最後仲會有甜品，唔同雪糕同埋雪條揀，真係好唔錯。夜晚時間都好迫，而且佢後面有一間大房可以俾人聚會，可以提早預約定。

最近心癢癢有啲想打邊爐，所以今日收工就捉埋個個老死同事一齊去打邊爐。晚飯時間都逐漸多人，坐低無耐就已經要排隊等位。餐廳唔同時段唔同收費，我哋嗰個時段入座就每位 $209，如果想食刺身每位加 $50，想食海鮮船每位加 $50，想無限追加牛每位加 $50，價錢豐儉由人，全部都想食 😋 所以我哋就全部加晒佢。部份火鍋食材及調味料會放喺自助吧位置，顧客可以自取。海鮮船估唔到咁豐富，有魚、蝦、蜆、帶子、鮑魚、生蠔、蟶子、珊瑚蚌等等。生蠔超級大隻好肥美，鮑魚又係大大隻，蟶子同珊瑚蚌就超鮮甜，呢隻海鮮船真係冇得輸。刺身亦相當新鮮，入口時無出現未解凍好硬嘅情況而且好甜好多汁。無限追加牛就有好幾款靚野可任叫，另外再叫咗鵝腸同魷魚鬚都好正，魷魚鬚大大條又爽口，而且落單冇耐食物就好快已經送上。

今日陪朋友仔喺兆萬睇玩具，睇到咁上下就順便喺度食埋飯，係兆萬揀咗陣就決定幫襯壹火鍋。餐廳衛生方面做得唔錯，打邊爐嘅食物都有用蓋冚住，部份食物亦可以透過手機落單非常方便。飲品方面雖然得兩個雪櫃，不過麻雀雖小，但五臟俱全，好多唔同種類嘅飲品都有，而且仲有啤酒添。叫咗清湯蘿蔔牛尾湯底，湯底味道清甜而且仲有牛尾肉食。另外加錢嘅海鮮船相當豐富，有魚片、帶子、鮑魚、生蠔、海蝦、大蜆、象拔蚌、珊瑚蚌。魚片超厚切，入口軟嫩多汁，而其他海鮮都非常高質，呢個海鮮船真係值回票價，最衰只可以購一次。幾款牛肉都相當唔錯，雪花紋幾靚，牛味夠濃郁，所以都叫咗好多轉。

已經食過幾次，呢度嘅雞煲幾好食，啲雞肉好嫩滑，非常入味。雖然之後用嚟放湯，個湯底未必好味，但係可以自己加配料，整一個好好味嘅湯底。佢可以追加嘅所謂靚牛肉，試咗第一碟，相信你都知道可以唔使追加，本身嘅肥牛已經好好味。其他可以點嘅配料，例如五花腩肉，墨魚滑，蝦滑，全部都水準OK，基本上唔需要再加錢再追加其他嘢，不過今次見大家推薦海鮮船，好奇心之下都叫咗一次。不過我就非常之唔好彩，當時鮑魚賣晒，佢同我轉咗帶子，但係帶子非常之薄，亦都唔係好新鮮，所以望到海鮮船嘅時候，不期然感到非常失落。如果嚟呢間我會推薦嘅係出面可以自己夾嘅魚腐、炸墨魚條、粟米同蟹柳，雖然好簡單嘅食物，但係用嚟打邊爐真係好好食。

今日同老婆行完旺角Aeon後，去斜對面嘅兆南中心睇下有咩食😋，見到間叫壹火鍋 嘅火鍋放題店🥘，明碼實價按時段收費🥰。好似而家呢個時間每位都只係$209，就可以食足2️⃣個鐘，一於就去試下先。精選湯底分3️⃣大類，麻辣雞煲皇、中日鴛鴦鍋和中式湯底，共有2️⃣0️⃣款可選，真係總有一款會啱你😂。我哋今日揀咗個海大蝦麻辣雞煲(BB辣)。店員上煲時會留低計時器，方便控制煮雞的時間🧭，雞件🐓煮熟後肉質非常嫩滑，海蝦🦐口感彈牙，加上洋蔥、蒜、薑、辣椒及芫茜，味道十分香辣野味🤤。鮑魚海鮮船 (一次性) 每位+$50海鮮種類多又夠新鮮🥰，鮑魚和海蝦🦐口感彈牙，珊瑚片脆口，帶子、龍躉魚片、蟶子及蜆味道鮮甜，生蠔大隻口感creamy😍。刺身 (無限追加) 每位+$50三文魚、甜蝦、馬刀貝、鮑魚片及榮螺片等，新鮮味美😋。和牛拼盤 (無限追加) 每位+$50牛小排、封門柳、牛板腱、牛肉眼及牛肩胛，全部都肉味香，質感柔軟🥰。牛小排🐂油脂更香，口感更軟滑，可以無限追加真係抵食，我地encore了好多次🤤。其他火鍋食材，可以透過QR code📱追加，亦可在自助區自行選取蔬菜、丸類、醬料、麵食、飲品及雪糕等。講真一開頭真係無抱太大

火鍋店位於旺角兆萬中心，地理位置方便，啱曬一班朋友聚腳。海鮮船非常之出色，好值得追加去食。 海鮮非常之生猛， 蝦有四隻，仲見到佢啲腳仔度郁下郁下。鮑魚帶子生蠔各兩隻， 鮑魚大大隻啲肉勁厚身，煮熟咗之後好爽口，唔會話好韌。 另外仲有啲魚肉同蚌肉， 每位都只係加50蚊，好抵食。極尚肥牛拼盤，有srf和牛肉，封門柳同牛小排等等， 選擇幾多，質素不俗。醬料自助吧嘅選擇非常之多， 我自己攞咗啲皇後醬再溝啲蔥油同蒜蓉， 配上肉類嚟食可以帶出肉類油脂嘅香味，非常之惹味。甜品方面，有coco berry嘅海鹽味同雲呢拿味雪糕，另外仲有啲韓國嘅雪條。 cocoberry嘅海鹽味雪糕入口鹹鹹地，後韻又帶些少甜味，幾特別。雖然甜品種類比較少，但整體仍然瑕不掩瑜， 值得嚟食。

好耐都冇食火鍋啦，擇日不如撞日！今日就咗旺角壹火鍋食雞煲火鍋任食放題🤩 佢每個時段嘅價錢都唔同，我哋喺6:30-9:00去，平均每人都係$200左右，人頭加$50就可以有海鮮船/刺身/牛嘅拼盤，小朋友先做選擇，我全部都要加😍佢哋嘅海鮮船有好多我最愛嘅嘢，例如帶子、鮑魚、蝦、蠔🦪、蚌😋 仲有刺身船，有希靈魚、三文魚🍣、玉子燒、甜蝦！媽呀，實在太豐富啦🤤 而牛嘅拼盤有安格斯牛、封門柳，和牛等等🐂除咗呢d，你地都可以用QR code落單、任叫任點🫣 咁多選擇，我相信個餐廳一定可以滿足到你和你小朋友嘅所有口味🥰唔知你哋有冇試過呢一間火鍋呢？ 你哋可以同我分享吓你哋嘅感受同心得啊🩷

發現旺角有一間cp值極高又有高質海鮮的火鍋放題 海鮮船 +$50/位 份量按每人計，有生蠔、鮑魚、蟶子、龍躉魚片、桂花蚌、帆立貝、大蜆 有好多高級海鮮，而且都清洗處理好，貝殼類沒有沙，海鮮都很生猛，味道鮮甜 極上和牛拼盤 +$50/位(任食) 個人覺得還蠻值得加錢任吃的，入座已經會送一大盤，因為覺得很多款式，而且每款都肉質細嫩，牛肉味濃，所以加錢任吃，之後追加的都很好吃，有保持水準，個人建議點牛肩胛 刺身 +$50/位(任食) 點了好幾款，有大大一盤，也放得很整齊，吃起來很新鮮很滿足了  火鍋湯底 本來想點雞煲，但因為有太多食材想吃所以選了湯底可以多吃看看不同食物，外面的火鍋配料已經夠多，沒想到原來還有下單的配料 甜品 有很多香港製造的雪糕雪條雪米糍，我也試了好多款，個人比較喜歡雪條，有比較特別的口味 

上次同朋友來壹火鍋， 原來現時做緊限時優惠❗️店員說現凡惠顧2位或以上，即送極上肥牛拼盤一份！我們三人幫襯特別開心🥳我們一齊打邊爐又心思思想食吓剌身，便加$40，升級了可以無限追加新鮮美味嘅刺身呢！ 極吸引喔！我們選了雞湯底，原來會分開雞上， 因雞實在新鮮嫩滑！餐廳環境舒服夠空間感，讓我們食得舒服，傾計都可以大聲少少唔怕嘈到人😆總結來說，我們都覺得價錢公道，而且食物新鮮，火鍋湯底同配料選擇都夠多， 下次仍會幫襯的！

日本返黎第一餐緊係食返個港式火鍋放題🍲精選湯底分三大類 共有20款🍲麻辣雞煲皇🍲中日鴛鴦鍋🍲中式湯底揀咗花雕醉雞湯底好足料又滋補紅棗 馬蹄 雪耳 圓肉 蟲草花 薑片 重點緊係醉雞🐔🦑刺身料理 +$50/位無限追加冰鎮新鮮八爪魚🐙鮑魚片 馬刀貝🐟鯛魚 榮螺片🐚🦪鮑魚海鮮船 +$50/位生猛到啲蝦仲識跳🦐大小蜆 帶子 珊瑚蚌 魚片 生蠔🦪同我最愛嘅鮑魚 有海水鮮味淥完仲係爽口🐮和牛+$50/位主打6款不同肥瘦軟硬程度個人覺得牛板腱同安格斯牛小排 牛味濃口感最好🥩安格斯牛小排🐮極上牛板腱 🥩手切封門柳🐮SRF和牛肉眼🥩嚴選牛肩胛🐮一口肥牛粒🍦甜品🍨雪糕-沖繩鹽 芒果 朱古力 雲呢拿 士多啤梨🍡雪條-榴槤 椰子 黑糯米🍫柚子雪米糍 仲有韓國朱古力脆皮埋單每位$400內 食到咁多款超滿足😌