壹碗壹碟 (已結業)

今日係東大街搵嘢食，行咗一個圈後決定去壹碗壹碟食個車仔麵。當時中午12點，店內只得一位客人，我就入去坐底。 舖頭用QR code手機落單，我揀咗豬骨湯、米粉、魚腐、魚肉春卷和魚皮餃。老實講味道有啲淡，或者下次揀其他湯底。不過魚肉春卷都幾好味

上手是川婆婆，聽聞老闆不開心，所以將其改頭換面，變成呢間壹碗壹麵就是正正常常的車仔麵，但老實講，我真係好唔鍾意電子落單，尤其要我dl app個種，好彩佢都只係嘟QR code. 老闆是有心的香港人，員工禮貌也好好，我男人還沒來到，也不想霸住佢張枱，但佢話唔緊要，後面唔係好多人等，所以我就坐左入去先!因為是我不太好，懶所以都隔左一段時間，但叫我印象深刻既係佢有“冰豆腐”! 呢個見到即叫，仲好好食添啊！索哂個湯汁!但印象中並唔算太大碗，男生們可能要加底或係東大街再搵下野食啦～

難得過海同朋友嚟到東大街搵食，諗住見係網店幫襯下啦，一開始喺門口就比張紙我叫我睇住先，到確認入去食啦，個店員收緊錢冇示意叫我停低等佢定自己搵位坐。咁咪自己招呼自己坐低左，先走埋嚟問你幾位，又要你搬枱，明明都冇乜人，又唔係繁忙時段......都忍佢到寫好張紙啦，叫佢埋哩落單，又話要用我哋自己Apps落！嘩！你老闆黃店都唔係咁呀，你睇人哋龍門冰室d夥計忙過你10陪啦，姐姐仔你d態度有冇咁差？入口單俾返我哋，但都碗野上枱又掉轉黎擺想點呢？又唔係特別好食，呢個價錢中規中矩，碗粉麵都算大碗嘅，但d餸都係例牌嗰啲選擇。我嗰碗椒積雞扒粉絲，塊雞扒都頗辣， 唔乾唔鞋，但除咗辣，其實只有炸蒜味。咁碗麵跟幾條菜芯都算係有誠意嘅，早知都唔使特登叫多一碟菜，飲品都係紙包或者罐裝汽水，冇乜特別所以冇嗌到。朋友碗咖喱撈睇落就一般啦，個咖喱汁好杰， 所以又要跟碗豬骨湯俾你撈佢？咁點解唔正正經經整個咖喱湯呢？食食吓又有蚊係咁撲埋嗰塊雞扒度，一句到尾：冇下次！Closerice

東大街不嬲都多平價食店呢間簡直性價比高一入到去就有好多大家嘅新寵 - 消毒搓手液同口罩,可以比大家有需要嘅時候買店面嘅位唔多,但唔會坐得好迫叫左個三餸麵,有娃娃菜,冰豆腐,年糕再配粉絲食得好清,上面白色嘅係蒜蓉!好鮮甜!同埋都睇到佢粉量好足男朋友叫左椒麻雞拉麵,配菜有幾條菜心,佢叫左多蒜所以好大pat蒜!滿足哂最中意食蒜嘅人!!雞醃得幾好味同埋最重要唔鞋加$29多個手拍青瓜,大大條絕不欺場,唯一不足係未算好入味去開東大街真係不妨試下佢

Very nice new take on 車仔麵. Large portions and clean interior. Decor is modern and stylish. The ordering system uses a QR code and is intuitive to use. I'm happy this shop has opened and will definitely be returning.I ordered their standard bowl with curry sauce, chicken, and 豆腐泡. The curry was just spicy enough to add flavour without being overwhelming. The soup also comes with fresh choi sam as well. Big serving, totally worth it.

以前中學已經成日食佢嘅外賣(川婆婆)要用紙落單。😉 食到而家轉做壹碗壹碟，已經興掃QR Code落單。🤧 不過而家冇咗紅薯細粉，有少少嘅唔開心。--🍜 三餸粉麵 HK$35三餸，我揀咗魚腐、蟹子丸、豬紅。🤪 我會叫佢蒜辣粉，因為佢係少少麻辣嗰種，另外加上蒜。最近唔係好想食咁辣，所以點咗少辣，感覺有少少嘅麻，而且蒜好香。🤭 食開辣嘅我表示，下次都係食返中辣或者大辣，另外一定再多蒜。表示個人好重口味。😂