壹號冰室 (喜盈商場) (已結業)

-壹號冰室-📍長沙灣.下午茶時間經過見到menu都幾抵食，不過選擇就唔算多。.Weekend的Teatime時段好多人，要搭枱坐得較迫夾。.蝦子鮮蝦雲吞麵 ($39)賣相好清淡本身冇乜期望，但食落去味道都不錯。.雲吞麵好彈牙，沒有鹼水味，反而帶一陣蛋香。.蝦餃都好足料，用上大大隻爽口大蝦，皮都夠薄，不過皺褶嘅位置因為比較厚，粉感比較重。.椰汁涼粉冰另加$8配一杯椰汁涼粉冰，涼粉份量好多，成杯飲品，椰汁同涼粉都冇乜味，。.

星期日到這間餐廳午膳，餐廳地方大，但坐位與坐位之間距離比較近，今次叫了一個雞扒和全日餐，質素都算OK，份量方面充夠，味道方面，豬潤比較老，應該是煮的時間耐咗。炒蛋就好D，味道唔錯。

第一次光顧，不知今次是否意外，但沒有下次了牛肉呢？平時我光顧其他餐廳嘅鹹牛三文治都唔會少肉到咁嘅地步$33，不如我去便利店買仲好，都只係十幾蚊今餐食黎食去都係飽同蕃茄，兩件三文治都係咁嘅情況，肉呢大佬？雖然味道正常（白面包同蕃茄嘅味道），檸茶都算可以，但唔係咁做生意吧還是店家擔心客人健康，所以唔比我食禁多鹹食！？！食到一半都忍唔住停手影相打食評$33銀碼細，唔應該咁樣欺負食客吧希望今次只係我不幸！

晚間無堂食，迫住要買外賣。計過如果在6:00 pm 點外賣自取，會好抵。我點咗個焗豬意粉餐。總值$37。個焗豬意粉好足料。好似晚餐份量。豬扒及意粉比例好恰當。豬扒肉質上等貨。好美味。食落好彈牙。意粉好高準。好開胃。個人建議可以係6:00 pm前點外賣。當下午茶兼九折。

個廚房識吾識煮嘢架！收人地40蚊個茶餐，垃圾到。味又吾得，個豬扒包片豬扒乾過豬肉乾，個包又皺。個烏冬痴線，撈左嘢？！ 快啲換廚房啦！咁貴裝修浪費曬！吾該諗清楚回樣做一間茶餐廳先出黎做生意

今日去開附近同屋企揾左間冰室簡單食個晚飯～餐牌選擇好多 有常餐 扒餐 麵餐都有～價錢都尚算合理，扒餐都係百幾蚊左右～我就唔想食咁多澱粉質所以叫左個扒餐Menu上就冇話會有薯菜/飯/意粉 但幅圖係有薯條的 但落單時店員有問要邊樣～ 咁就照揀 但最後發現叫飯/意粉都會有薯條😵‍💫 所以⋯其實係好混亂的⋯問完個店員都唔係好知發生咩事( ･᷄ὢ･᷅ )叫左個西冷都係普通牛扒口感味道雖然等左好耐但最後都覺得塊牛扒唔係好夠熱唯一覺得值得嘅係餐嗰個多士係丹麥多士好香牛油味幾好食😋

行過拎張外賣紙返屋企諗住夜啲叫外賣見到款式都多嘅，中西式，日式定食，粉麵都有見到外賣紙上有海南雞飯，仲要寫住無骨，係吸引嘅最鍾意啖啖肉，滑嘟嘟嘅海南雞點知黎到有骨不特止，仲要無乜肉打落去投訴，竟然話「無話係無骨呀，你張菜單舊既」舊嘅無update咁成疊放喺度做咩？講返隻雞，雞皮一啲都唔好食雞肉又唔嫩，飯只係白飯可以一讚係個醬油幾好味，係杰身會掛喺雞肉上嗰隻雖然有跟湯，但$68真係超唔值寧願食白切雞飯好過，平一半

叫左外賣！2個茄汁焗豬扒飯！一個魷魚炒西蘭花！先講豬扒飯，不太好食，味道偏淡，💰60一個豬扒飯野飲都無跟一杯！西蘭花先係重點，魷魚超級腥，搞到西蘭花都腥臭！一d火候都無！真的好難食！勉強食幾舊西蘭花就吃唔落了，咩胃口都無曬😩

平時都係食午市套餐，今日午市有黑椒牛扒，但因為特別肚餓，於是點了鐵板牛柳餐。以份量計，真係幾驚人，兩塊牛柳，跟洋蔥汁，又湯又意粉。牛柳叫了五成熟，切落去中間帶紅色，口感偏腍，但仍然有牛肉味，以$108價錢，尚算超值

本來想食餐廳今日冇開，所以跳入壹號，見餐牌都有幾多啱食嘅嘢，心大心細之後點咗牛柳及丅骨扒，以為個餐冇飯跟，點知原來可以揀飯，意粉及薯菜。先上湯及牛油多士，多士係厚多，牛油已搽好上面。再上鐵板，汁另上，鐵板上已配有薯角及菜，牛柳兩件。眼見牛柳好似過熟，砌開後其實都係要求的五成熟，廚房掌握得準成，牛柳肉質比預期好，斬稔有肉味。T骨略嫌太肥，但就牛味濃，比起牛柳，肉質較有咬口。跟餐的意粉加上白汁，味道好。反而牛扒汁就冇乜味道。整體來說也是一頓比預期理想的午餐。

嗰日我非常之繁忙，又去到呢間1號冰室。佢附近都可以停下車都算方便。門口就係巴士站都可以。今日嚟到我唔係講笑佢嗰個魚頭腩做得幾好，所以我才特意寫過食評鼓勵下佢！中湯有料好飲，講真嘅我係呢幾附近都好熟。佢嘅食物水平應該高過附近嘅茶餐廳！支竹入味，豆腐好味，頭魚腩也好精彩，先撲粉炸香才放入煲炆！幾廿蚊都食到啲功夫仔！凍檸檬茶嗰條form都係好好，嗰種甜好靚唔知有乜秘訣，當然走去問沖茶師傅沖茶師傅都未必同你講，因為！呢啲通常係廚師嘅生命一部份！努力好食經過可以試吓

服務幾好，食物餐差差不多兩個幾月無出街食野，今日都系搵間新新地茶餐廳食個早餐。9點幾去到都幾多位，位同位之間都幾寬鬆，加埋擋板，都算防疫做得吾錯。坐低即刻有三杯水，老人家想飲熱的，後來分開又拿一杯洗野，毫無問題，吾錯香茅豬扒即食麵餐（$36）4分- -叫餐時夥計主動問要吾要切開上，另外我要求要用碟另上，一樣OK，一流服務； 豬扒來到熱到辣口，幾好味，系香茅味吾夠，公仔麵要爽真系幾爽，麵底應該係吾錯，因為可以維持左一段時間都爽。俄羅斯牛肉螺絲粉餐（$36）3分- 牛肉普通啦！無乜肉味，-櫻花蝦吾香但蛋炒得幾滑魚蛋魚片頭米線（$34）2分-魚蛋份量比較少，魚皮頭覺得系細到應該叫魚片，米線比較淋，咖啡吾夠香檸檬水檸檬味道比較奇怪

午餐68元龍蝦焗飯，十分抵食，食材、汁液、烹調、賣相均與餐廳無異。龍蝦當然是細碼，只有一條蝦柳，膏卻多，混和焗飯十分滋味。是海鮮焗飯，有青口、蟹柳和炸魚柳。快餐偶有妙品，曾嚐焗蝦仁飯，有餐廳水平，蝦大而鮮。下午茶的乾炒牛河試出厨房功夫。鑊氣充足，豪不油膩。牛肉質素一般，間中會嚡而無味。牛腩撈麵拌魚湯，重點是魚湯，重胡椒味不腥，內有兩雲吞。雲吞和牛腩是將貨就價，無言以對。有一件牛根，很有誠意。40元包飲品，平。

遠看似小白屋，雅緻的新餐廳 。可惜貼滿海報，像心急如焚地告訴途人，是一間廉價的街坊冰室，是包羅萬有的新式冰室，恨不得把中日歐食品都擠進內。面積所限，格局仍似尋常的茶餐廳，卻能體會努力營造淺色木材為主題的日式餐廳感覺。價格很街坊的，40元有大碟焗粟米魚柳飯，送到檯上。紅盤黃粟，再次喚起西餐廳的感覺。魚柳很厚重，伴以其他餐廳少用的粟米汁，不咸，突出健康主題。飯底重，故嫌汁液少，焗得不通誘。寧願少點米飯，多點滋味。此店有龍躉焗飯和魚湯麵線供應，多魚多健康清新。餐單厚厚像食經，環球食品均有代表。日本鰻魚和東南亞粉麵和海南雞飯是亞洲代表，中國菜有順德魚湯和廣東粉麵。西餐包括美式鐵板餐和意式燴意粉。嚐了號稱秘製的豬扒包。表面看有澳葡風味，入口包皮香脆。特色是有大量黑椒粒，大大加大了香辣度。部份人未必能接受其乾辛感覺。豬扒的薄度和質感似澳門著名扒包。33元偏平。最特別是配蛋白杏仁茶，香味一般，份量充足，很能配合健康主題。配焗飯的咖啡亦顯示誠意，十分濃香，勝於一般貨色。