壽司郎 (新都會廣場)

營業中

休息中

手機上預約左17:30-18:45時段，早左五分鐘簽到，諗住睇下有冇得早入座，原來都係要等到搭半先安排。唔緊要啦，都好過要等過百張。😅冬至之後，壽司郎又轉左餐牌，新餐牌都幾吸引有魷魚鬚天婦羅，海松食貝，油甘魚做特價咁。重點係平。 本人去壽司郎只係專攻$12/$17壽司🍣，因為已經有齊自己想食嘅款式，選擇亦都好多元化。 油甘魚響壽司郎水準一直保持好好，入口肥美甘香。海松食貝同吞拿就麻麻地，都係特價貨。蝦三食好抵食 $17有三件，水準新鮮。限時出現嘅元貝都有鮮味大隻$12兩隻 抵玩天婦羅，一直都係行平靚正路線，魷魚鬚都只係$17，不妨一試。雪糕芭菲，真係每次都會叫嘅野實在太夾太好食😋。$32 係有點違背原則，但甜品另計啦。 結果，十五碟食物都只係$256 抵食👍🏼

><星期日10點3,4嚟到 蛇餅已經打咗兩行好彩喺第一輪都入到去食唔知係每間分店供應嘅壽司有d唔同定係關魚生供貨期時 好似menu選擇有唔同油甘魚 蝦三味就必點嘅玉子燒都ok鰻魚有d多刺海膽唔太腥 可接受試咗冷製茶碗蒸 又唔錯喎 面頭係高湯啫喱 蒸蛋餡料都豐富嘅蜜瓜雪葩個器皿幾得意 甜得嚟唔假今次衝着究極巴斯克烤芝士蛋糕而嚟面頭焦糖層微脆 芝士蛋糕柔軟綿滑 好食><><><><><><><><><><><壽司郎葵芳興芳路223號新都會廣場1樓176-177號舖

11月2日起開售【全国うまいもん市】睇到都流晒口水🤤🤤🤤知道又出新嘢 作為壽司郎粉絲嘅我梗係要嚟捧場🤤🤤🤤襯新聞話晏少少打8號風球 今早10:30am就過嚟食啦🤤-三陸產炙燒喜之次第一次食喜之次魚肉質細嫩 口感又嫩又滑夾起魚肉又不易鬆散 值得一試-極上海膽海苔包-雪花和牛雙味-海螺雙味-三文魚腩(二貫)-醬烤日本產帆立貝-松葉蟹軍艦-豬骨拉麵-炸雞軟骨(有黑椒)-黃金脆薯-卡達拉娜-提子味雪葩🍇 $12唔少得試呢款新口味雪葩🤤味道似雪凍提子果汁咁 冰爽清甜

預備打風的早上，因為打風影響了放假行程，最後想食轉壽司郎，因為平時什麼時間都久等，估今天應該冇人嘛！1100去到，都等左十幾分鐘，因為頭輪已滿。今次是第二次光顧這分店，第一次因食物質素而感失望。點了鰹魚、劍魚、吞拿魚，感覺都算新鮮，劍魚既大又味正。鰹魚有一小點腥，不過肉質不錯。天婦羅，幾好吖。熱又脆，不是硬硬的。外層的粉調得好，有兩隻蝦、兩片甜甜的南瓜👍🏻、一大隻開邊菇，不過，菇有點怪，質地少少霉，天婦羅$27，非常抵。海膽性價比高，吃了原隻帆立貝廿多元一粒，厚厚肉質鮮，一粒就已滿足了。成餐二人共花三百八十多元。這價錢正常，性價比高。我最不滿就是杯梅酒，係一大杯來，但飲完都仲有大半杯冰，即是實際酒不多，飲起來也淡了。但今次食物整體質素比上次好。兩個人食飽飽，埋單三百八，抵👍🏻

朋友幫忙排隊，不過平日下晝4:30pm 其實唔使點等。整體感覺都好嘅，講啲特別好食同最難食嘅：天婦羅：粉唔會太厚，食材保留到原有味道，廿幾蚊有咁嘅質素算係咁。火炙吞拿魚腩：夠肥，火炙得剛剛好。焦糖芝士蛋糕：個蛋糕太凍所以好硬，味道係好嘅，好濃芝士味。應該放喺度10分鐘後先食。火炙八爪魚：呢個真係非常難食，火炙得好求其，八爪魚唔硬唔軟中間一pad嘢咁。雖然話就話限時一個鐘，但過咗鐘出面人好多都冇催我哋走。反正喺日本唔會食壽司郎，喺香港食一次都無妨。

壽司郎分店越開越多終於有間近自己嘅而且唔駛排到天荒地老由拎飛到入座一個鐘內搞掂葵芳分店嘅座位都好舒服嚟過兩次都有卡位坐🤭坐低即刻叫嘢食啦壽司到達嘅速度都好快落單兩三分鐘就送到過嚟⬇️特上海饅幾乎食親壽司都會叫饅魚壽司壽司郎嘅特上海饅魚肉厚身，油脂豐富唔錯唔錯⬇️海膽呢件一嚟到見到海膽嘅顏色唔係咁鮮艷本來擔心食落會有腥味點知喜出望外，好鮮甜之前都聽過啲壽司師傅話日本嘅海膽係唔靚仔但食落味道好濃郁，我諗就係呢種⬇️螢光魷魚軍艦呢個都好推介👍🏻👍🏻👍🏻魷魚好入味又爽口，我平時好怕食韌嘅嘢呢個完全無問題，非常好另外仲有幾樣我成日必叫嘅大拖羅、帆立貝、松葉蟹肉蟹膏軍艦、碟魚裙邊、鹽燒赤海蝦、吞拿魚腩軍艦全部都無失準今次仲試埋⬇️茶碗蒸夠滑有蛋香，入面有蝦、帶子、冬菇、雞肉食完大滿足，搞到食唔落甜品兩個人都食咗咁多碟呀⬇️⬇️⬇️🤭

壽司郎係香港勢如破竹，分店就快18區，對食客就講都好，的確等既時間係少左，食物質素黎講我個心覺人依個價錢就黎都叫做可以接受，款式定期有更新，我叫左好幾款，都合格，飯既味度，軟硬度，魚生既新鮮度，有一樣野就係店舖既清潔度都好緊要，特別係食日本野，因為好多時都會直接同左日本比較,貝類係先最中意食既刺身，帶子都keep 到好大粒，食落口有一種貝類既甜味，壽司郎有一樣最好就係三文魚腩係平過三文魚所以次次都要食返佢幾碟，總括嚟講食物係OK 的，只係一直都係用餐時間60分鐘，個人會比較緊張D

壽司郎係香港開業已經有一段時間，而間間分店都大排長龍，壽司郎除咗Walk in仲可以係壽司郎APP網上預約，而家網上預約比以前容易，亦因為一個月前預咗約，今晚就同老公食壽司🍣門口真係好多人亦停咗walkin ，網上訂位要先自己去登記，夠時間就會叫入座，壽司郎有回轉壽司，可以自己揀鍾意邊碟拎邊碟，亦可以自己落單，壽司好快就會送到🥢🥢壽司郎壽司上的魚生夠大塊，而且切得好靚，唔會好薄，魚生夠新鮮好好味，仲有好多款式選擇，而炸物方面亦炸得好脆，唔會太油淋淋，而且會提供不同醬汁選擇👍🏻特別推介：極上厚切長鰭大吞拿魚腩$12，魚油味好香，不過就有啲根，我個人就鍾意有啲筋咬吓

壽司郎每月都會推出新品，今個月就有蟹肉忌廉可樂餅，一於去試下啦😬😬❣️蟹肉忌廉可樂餅 $17新鮮熱辣辣炸起，外皮超級酥脆，但內餡就偏重忌廉味，唔係好食到蟹肉嘅味道，如果成嚿食晒都幾滯吓🥸🥸👅好味度：7.5（10分滿分）壽司郎嘅每月新品都會有驚喜，其他壽司質素都唔錯，但都係要睇分店質素，葵芳分店算係環境乾淨同大嘅分店，排隊都唔算要排好耐，拎左飛再行一陣街就入得，值得再encore嘅一間分店😆😆

壽司郎每月一試炙燒三文魚腹壽司三文魚微微燒過，帶出油脂嘅感覺，加埋啲蔥薑，令三文魚有另一種風味味噌茄子壽司香港限定茄子炸過，都幾油，味噌醬亦都食唔到個味道北海道帆立貝壽司帆立貝鮮味，夠厚身，鮮甜美味，不過有啲沙螺片壽司爽口，不過冇咩鮮味忌廉蟹餅味道幾好，有少少海鮮味，忌廉夠潔身，炸得極鬆脆吞拿魚蓉壽司吞拿魚凍份量很多，不過冇咩味道白身大吞拿魚壽司都有少少吞拿魚味，但係唔算太肥美炙燒金目鯛壽司呢個雖然係黑色碟，即係$27 ，不過係最好食嘅一件，魚肉嫩滑，炙燒之後香味好出雙墨魚壽司熟嘅好食過生嘅，因為醬汁味道幾好，生嗰個俾紫蘇葉遮蓋左啲味道天婦羅柱背壽司細細粒，炸完再放入壽司，呢個應該分開做小食，會更加好白鳥貝壽司肉質爽脆，夠滑身，有少少鮮味

終於排到壽司郎🍣啦～每次經過都見到好多人排隊就懶得排😫一直都未試過！今日閒日放假又落雨都唔知去邊好！排壽司郎🍣最好！13:38排⏳⏳14:22入場🥳✨醬燒日本產帆立貝賣相真係大大粒，厚切，表面少少灸燒過的痕跡，食落又好鮮甜❤️吾食生的我都忍吾住食晒一碟🫢✨灸燒芝士三文魚薄薄嘅三文魚微微灸燒完配香濃嘅芝士🧀，入口鹹鹹地甜甜地帶點灸燒香味😚真係超正💯，最後食咗兩碟😋✨海膽海苔包好多人都好怕海膽一唔新鮮就好難食，但係壽司郎嘅海膽真係好新鮮、好甜！入口即溶🤤好味到食咗兩碟😋✨極上鰻魚勁大嚿、勁鮮甜、多汁。忍唔住食咗三碟😋✨赤蝦🦐、帶子新鮮又大嚿✨期間限定松板牛個人對呢款不太喜好 肉質口感麻麻 ✨期間限定忌廉炸蟹餅🦀一啲都食唔到蟹，但係就超多忌廉。外皮係炸得幾香脆，但餡料真係剩係食得出忌廉，扣晒分。✨炸薯條🍟見到好多人推介，即炸幼身長薯條帶點鹽味幾好食😋。✨炸蝦天婦羅拼盤入面有兩舊冬菇🍄好大舊，炸得岩岩好，冬菇口感軟滑。兩隻蝦🍤比較細隻，不過都新鮮彈牙。一舊南瓜🎃冇甜味🥲✨炸蝦牛油果卷一碟有三舊，但偏向細舊，牛油果入口即溶。因為太細舊到試唔出有咩味。✨抹茶蕨餅芭菲$32💚本身覺得有少少貴，份量一個

今日1朝早要去葵芳見工，見完工睇睇電話，只係11:30，於是即刻衝去新都會廣場壽司郎拎飛先～衝到過去拎左張飛要等成36張😱，咁唯有諗住去下廁所先，點知去完個廁所返到去已經去左20張飛，所以等左10分鐘到就可以入座～入到去，我冇諗過佢俾左卡位我🤭，搞到我唔係咁好意思😳😳😳😳唔諗咁多，即刻叫野食，今日叫左：1. 三文魚🍣2. 真調魚3. 帆立貝 x 24. 茄子壽司🍆5. 粟米軍艦🌽6. 麵豉蜆肉湯🥣真調其實我係第1次食，食落去都幾新鮮，唔算太腥，怕腥既朋友可以一試三文魚🍣同帆立貝都係比出面新鮮，正宗啖啖肉，同出面個d係爭少少。所以帆立貝最後都叫多左1件食 (真係好鍾意食帆立貝😍)粟米軍艦🌽係我既軍艦至愛，d人話小朋友推介，其實都唔係，呢到個個沙津醬唔算多，所以食落去未至於成口都係，栗米就普普通通，冇咩特別，重有就係塊紫菜好脆，軍艦因此係我心目中加分喇😍壽司方面想推介下茄子壽司🍆，大家都會覺得好奇怪，2樣野應該係唔夾既，點解重叫？咁你地就錯曬，我想講壽司郎個茄子真係超好食，雖然油左少少，但係食落去好林，會係想1食再食，其實擺左落個飯到1D都唔漏，真係岩岩好，呢個真係推介，大家下次要試下呀～

八月啱啱開始，見到壽司郎有八月限定，當然要試下啦～趁宜家返工仲可以hea hea地，即興約fd去食下。四點九到葵芳，拎飛排隊二十分鐘左右就可以入得～.炙燒三文魚腹 $12炙燒完後的三文魚口感比較軟熟。.特盛蔥花吞拿魚軍艦 $12普通 冇乜特別。.雪花和牛雙味 $39兩款和牛上面的點綴唔同，一款係類似wasabi嘅醬，辣味比wasabi更甚。一款係類似啫喱。.極上厚切長鰭大吞拿魚腩 $12新鮮 好味！.蜂蜜牛油卡達拉娜 $22呢個真係好好味～ 必試！上層焦糖下面牛油，甜鹹相宜。.蟹肉忌廉可樂餅 $17熱辣辣忌廉餅，冇乜試到有可樂味，入面有少少蟹肉。.食完d限定已經六七成飽。但都要食下常規食物～.茶碗蒸真係次次去都必食。再試下個國民回憶-蜜瓜味雪葩。唔經唔覺一個鐘用餐時間就到了～間唔中試下壽司郎都幾開心，下次想試下新開嘅居酒屋！

食咗幾日壽司郎🍣🤣，原先諗住過一排先再食， 點知星期六經過新都會廣場， 又即興去拎咗張飛🤭， 然後就行街， 大約兩個鐘頭回來即刻有得食，絕對是我預料的等候時間😆👍🏻。 每次都點期間限定的食物， 今次推介針魚壽司，口感肉質柔韌😋。 另外必點帆立貝壽司， 大大粒好甜美。 不過對大拖羅壽司就有點失望，魚油花紋已經唔算靚， 入口沒有即化的效果。 我最喜歡的甜品是白桃味芭菲🍨， 香軟的北海道雪糕配甜美的白桃，推介。 每次到壽司郎都食到停唔到口， 總比其他的迴轉壽司食得多😚。

唔知大家有冇覺得壽司郎嘅質素差咗🥹 雖然味道都OK，但係性價比低咗好多💁🏻‍♀️ 邊上等嘅時間亦都短咗好多😂 曾經試過五點已經唔俾再攞飛🥲 到現加喺非繁忙時間最少等20分鐘至45分鐘，值唔值得等就見仁見智啦😏 我喺呢度定係介紹啲我覺得值得食嘅😂卡達拉娜 $22 - 焦糖燉蛋，超級好食，我每次都食到兩碟😆花之戀 $17 - 少啲沙律醬會更加好極上海膽海苔包 $27 - 呢個價錢食到呢個質素算係咁🥳醬烤日本產帆立貝 $22 - 大大件帆立貝☺️蟹柳天婦羅🍤$12 - 我就咁食佢舊天婦羅，點埋沙律醬一流😝