夏捌月 (已結業)

今日兩公婆系元朗夏捌月撐檯腳点左兩個午餐🍴🍽羅宋湯~好多蔬菜配料'夠濃郁🤗🤗雜扒拼薯菜~有薄牛扒'朱扒'雞扒'煙肉各一，味道正常，薯條熱辣辣脆卜卜🤗🤗黑椒汁惹味忌廉湯~有蘑菇,香滑🤗🤗雞扒拼司華力腸意粉~黑椒汁惹味司華力腸，雞扒味道正常意粉太軟'麻麻🙁跟餐蒜蓉包~香脆惹味🍞凍檸茶~正常環境舒適，食物🤗🤗，價錢平民

今日假期滿街都是人，午餐時間唔知食咩好，偶然經過夏捌月就入嚟試試，呢間餐廳其實係元朗都好有名氣，一直都想試但無機會。講返午餐，有好多選擇，平均49至66不等。我叫左招牌菜-夏捌月雜扒(豬扒，雞扒，薄牛扒，煙肉)分量非常足夠，又大塊，味道唔太咸，黑椒汁個人認為好出色，唔似一般嘅汁，粒粒黑椒仲食到，有驚喜。薯條好新鮮，驚喜在伴菜西蘭花都有味及好細心咁唔太生又保持適當硬度，老人家都可以輕鬆進食，呢啲睇出好細心。另外餐湯唔係例湯之餘啲渣好靚及羅宋湯好好飲，最好係跟餐一片蒜蓉多士，整片香脆內軟再加上塗滿蒜蓉牛油，看得出非常用心做每一個細節，難怪夏捌月在區內打響名堂，兼長期客滿。最後跟餐飲品熱咖啡睇相就知正無需多加說明。

前兩天要到元朗拎返之前訂咗既物品，既然嚟到元朗咁多好嘢食嘅地方，當然不能去一去就返屋企，記得之前偶然行過這一間餐廳，就一行人去試下~午餐選擇多，而且價錢10分相宜大概三四點，不算太多人，不竟過了午餐時間，點了黑松露燴飯，鑊仔牛柳，鐵板雜扒和芝士焗肉醬飯，全部都好好味沒有失望而回最值得一提的是加$18轉酥皮白湯，嚟到的時候看到金黃色的酥皮，已經知值回票價，［討厭有部份西餐廳，酥皮還沒有焗起就拿給客人］

之前食過幾次夏捌月的晚餐，尤其係咸豬手🐷🤟🏻🤟🏻、牛排🐮🐮🐮、脆薯格（必點），都食到心滿意足😋😋😋，價錢又抵👍🏾👍🏾👍🏾，比傳統西餐更正👍🏻👍🏻👍🏻。今日中午，難得路經元朗，決定試下夏捌月的午餐。午餐套餐選擇多，心大心細，又想食牛，又想食雞，又想食腸，於是叫左份雜扒意粉。餐湯正👍🏻👍🏻，白湯唔會一舊舊，亦唔會水汪汪，非常足料，配埋薯蓉飽，一流。雜扒意粉的意粉好正，唔係Hea 你，有白汁煮過，雜扒唔差，但未及晚市咁驚喜，扒屬一般。侍應服務都好好👍🏻👍🏻

睇到雜誌介紹呢間“窮人恩物”，身為草根梗係要去見下世面價錢接受到！但係佢地個午餐menu確實贏晒！除左lunch menu，仲有其他menu，鐵板餐、沙律......，我諗更挑剔既都有一個啱食啩試左個豬扒司華力腸鐵板，肉質唔錯，份量都好足！忌廉湯雖然只係火腿粟米，但非常足料，比起高貴的連鎖餐廳更落本！餐廳空間唔太大，枱與枱相隔近。要齊人才可入座，因我未人老闆每次叫枱前都會問一聲我人齊未，人齊即入，服務加分落單侍應都好有禮貌

今日去咗呢間餐廳食晏叫🎈夏捌月🎈， 完全因為他的名字很台灣 ，所以就決定入去試一試， 原來不是台灣菜的 ，是食西餐的， 茶餐廳那種西餐 ，價錢都算合理。👌店位於元朗教育路， 午餐都要排一陣隊，👌 餐廳座位有一點點擠迫， 但還是可以的 餐牌琳瑯滿目， 全部都是賣套餐， 包餐湯麵包咖啡茶， 有平有貴，任君選擇。今天我點了一個✨黑椒龍利柳飯套餐$49✨， 配忌廉湯麵包， 湯和麵包一般一般 ，湯夠熱。但這個黑椒龍利柳就很惹味👏， 雖然是黑椒汁但不太辣 ，跟飯很配， 很快就食了一碟， 食多咗都不覺。😋唯有多做運動看見鄰桌食鐵板餐， 份量也很豐富💪， 下次有機會試一試鐵板餐， 還有看見其他食客有飲凍奶茶，都是入瓶裝已雪好那種，原汁原味，👏

經常係元朗論壇睇到好多朋友推介✨夏捌月✨，今日終於食到了😊平時午飯時間永遠有條長🐉等位，今日路過竟然只得兩個人等緊，馬上埋去攞飛仔🔖。餐廳唔算大，座位較迫，侍應的步伐非常快😅呢到午餐牌非常多種類，有選擇困難嘅我要d時間先決定到食乜嘢🤣午餐包括餐湯、一片蒜蓉包及餐飲☕️，可揀配🍚、🍝或薯菜🥔🔸脆皮煎雞扒 大過👋掌，扒如其名，果然是脆皮，雖然已淋上燒汁但皮仍是脆脆的，雞肉剛好、嫩滑👍🏻🔸香煎龍脷柳有兩塊龍脷配黑椒汁，飯的份量好多，但都食晒😉這裏有加一服務費的，平均每個餐約$55，西餐算平宜👌🏻

今日晚上與我另一半到這間餐廳食飯，點了一個M7澳洲和牛及德國豬手餐，食物味道不錯，分量亦相當足夠，餐廳侍應員服務也可以接受，合共埋單六百多元，但結帳時侍應表示只收現金，不接受信用卡或EPS結帳，剛好銀包未夠現金要到店外銀行取錢，情況比較尷尬，如果大家到這間餐廳食飯就要留意這一點。

今次去教育路夏捌月食西餐， 之前食過晚餐，覺得唔錯，所以今次去食午餐去呢度坐位比較迫，不過而家一般餐廳都係咁，可以接受 牆身插圖好有色彩我就好鍾意嘞午餐也有多種選擇芝士吉列雙拼雙拼係吉列魚柳、吉列豬扒跟意大利粉配咖哩汁，豬扒同魚柳個粉漿做得非常出色，薄薄地一層，食落香口，唔會太油 ，意大利粉也不錯吃，唔係淋patpat嗰隻，咖哩汁也非常鍾意，唔會太多椰漿，羅宋湯味道濃沃，啱曬我條脷香煎龍脷柳龍脷柳煎得表面鬆脆，帶有鹹香，薯條炸得金黃，非常好味如果想食西餐， 呢度也是一個好選擇

呢一間係我第二次黎啱啱呢個星期日懶煮飯，叫左個仔落街搵食。唔知食乜好我話不如去食牛扒。就記起呢一間夏捌月。其實我最唔喜歡佢太暗，可能情侶就會好好情調，不過我一心入黎食嘢就覺得唔係幾好。座位都比較迫，不過依家一般餐廳都係咁㗎啦！都可以容忍嘅。終於入正題啦! 講番佢啲食物水準都算中上。今日我唔係好肚餓就叫咗個黑松露白汁鵝肝飯個名好似係咁上下, 入口味道唔錯，黑松露味很重，但係塊鵝肝就麻麻，有少少好似食緊刺身咁。呢度有少少失望。另外我個仔叫咗一份紐西蘭牛柳餐。望落去塊扒都好厚。我問佢好唔好食，佢話都OK。所以我叫左一份外賣俾我老公。總括嚟講食物水準唔差可以再來

經常想試試的餐廳，可是又總等不到位置。這天終於 有機會吃到了。午餐的餐牌選擇非常多，花多眼亂。有選擇困難症的我決定試試店員推薦，他們最近新推出的鐵板餐。我選擇了的鐵板餐的配搭是煎雞扒配意粉，配黑椒汁。跟餐還有餐湯及飲品。熱騰騰的鐵板餐一到，想不到價錢只是55hkd，份量卻相當不少。除了一大塊雞扒，還有司華力腸。雞扒跟司華力腸的外皮都煎得很脆口，裡面的肉質依然滑溜。這個價錢有這樣的質素，我覺得性價比相當高。

IG: hkfood_detective#元朗 真喺一個美食特區， 成個元朗嘅地舖都喺同食食食， 各式各樣的菜色都可以喺元朗揾到， 上至千幾蚊落樓嘅高級壽司店， 下至三蚊一碗嘅街邊香滑豆花都有， 簡直喺我哋美食偵探嘅福音！#夏捌月 喺肥仔偵探不時同屋企人去食既西餐， 佢哋嘅菜色實而不華， 不會賣弄標奇立異嘅味道同賣相， 切切實實咁煮一道樸實但味道很好的菜色， 啱哂帶唔太能接受太新穎fusion菜/西餐嘅老一輩去食。 呢個烤焗寶雲酥羊扒， 唔好睇個樣冇咩特別， 一食塊羊就食出師父嘅功架， 入口温度適中，骨同肉一撕扯就能分離， 不用吹灰之力就能整塊肉品嘗。 肉質柔軟而不痴牙， 香草味道不會過重而喧賓奪主，廚師挑選食材極為細心， 羊扒的脂肪與肉的比例不會太過失衡， 卻又能煎出羊讓人垂涎三尺的酥味。 重點喺價錢亦都非常之咁平民價， 性價比高！！！夏捌月元朗元朗教育路54-56號順發大樓地下D號流口水指數

這間餐廳價錢中等，合理，但服務質素非常差，見到店員玩電話，我舉手想要熱水，都要等她玩完電話才拿過來😩今日叫咗個牛柳配薯菜，$66 午餐，另有加一！牛柳肉質好林身，但是一啲牛肉味都冇😩洋蔥汁太甜，薯條炸到唔夠乾身全部油，失敗！份量不多

早排同屋企人出外食飯，呀媽點名要食呢間！仲要係指明教育路店😂睇黎呢間野俘虜左唔少師奶既心❤️·🥩美國特級牛肉眼💰HKD238細佬揀既👆🏻👆🏻（好識食）煎得好靚，揀左5成又煎到剛剛好！靚既牛扒，的確係加唔洗加啲咩調味都已經好好食🥩🍽 揀左伴薯格！又熱又香脆（我偷食左兩塊🙊）·蟹肉蟹膏意大利飯💰HKD108我揀既👆🏻👆🏻👆🏻👆🏻煮得好香！蟹肉蟹膏十分足料，濃濃既忌廉汁（？）啖啖都係邪惡🙈而且仲有好多三色椒粒燴埋一齊，感覺上會無咁膩，但最好係同家人share，太大個啦食極都未完🤣·真·香煎銀鱈魚扒拼鮑魚配忍廉汁💰HKD168呀媽揀既👆🏻👆🏻👆🏻佢揀左配意粉都好啲啲，事關銀鱈魚扒雖然煎得幾香，但太細件🙊配上一隻鮑魚仔，性價比上面無我地食既菜式咁抵食🙈·德國咸豬手配蜜糖芥末汁💰HKD158呀爸揀既👆🏻👆🏻👆🏻呢個真係製作需時！要等返幾個字先上碟🐷💪🏻🐷💪🏻但係個皮炸到好脆，啲肉依然夠嫩，唔會炸完之後乾爭爭！呀爸讚到唔停口🙈大份到我地一人食兩舊，佢都仲係夠食🤣·除左呀媽果個銀鱈魚扒不太滿意之外，大家對其他菜式都幾滿意👍🏻👍🏻元朗牛可以繼續考慮呢間🍽

星期五晚 一早就book定枱 以免要等好耐先有得食一入到呢間餐廳 雖然地方唔係好大但係佈置就好有心思同格調見到網上面咁多人推薦 蟹肉蟹膏意大利飯 我哋都唔執輸一坐低就即刻叫返個 另外仲加多廿蚊升級做餐 其中個湯仲加多$18 轉做酥皮湯等咗大概10分鐘之後 酥皮湯同埋蒜蓉包就到喇 蒜蓉包不過不失 但係加多$18蚊既酥皮湯實在令人失望😞個酥皮完全唔脆 更加唔好話一督落去會有鬆化既效果！ 建議大家實在唔好嘥錢加酥皮湯！！ 跟住上菜就係蟹肉蟹膏意大利飯一見到個樣就知道不得了金黃色既飯 加埋好香既蟹肉味一食落口 勁creamy 勁濃郁！ 好似每粒飯都比啲蟹膏包住咁！ 正呀👍🏻 最後我地仲額外加左個芝士薯格一上到枱就知道冇揀錯啲薯格熱辣辣 而且超級香脆就咁食已經好正 再加埋底既蕃茄芝士醬簡直就係邪惡又令人無法抗拒既食物呀！值得一提既係 佢地下面果啲唔似係普通蕃茄醬而係似加左鮮茄做出黎既醬 係特別鮮味架*不過我地就冇問到餐廳詳細既資料*整體黎講 除左酥皮湯比較令人失望之外其他既食物都做得好好 👍🏻