夏捌月 (已結業)

要去夏八月吃晚飯, 最好七點前到, 否則要等位, 所以我們今晚六點半就到了,  餐廳內還有三張台, 環境 : 店舖不算大, 不論坐哪裡都是逼, 而且冷氣太凍, 我女要著晒兩件外套才頂得住, 但冷氣太凍, 食物來到唔係十五分鐘吃晒的話,就已經變冰凍.招呼 :  一般般, 一女侍應過來落單, 我們在問焗飯及意大利飯, 用的米是否有分別, 他說沒有, 都是同一樣的米飯, 我們聽完正準備落單, 他突然走了去處理其他事, 再回來同我們寫野, 好奇怪.食物 : 牛扒好食, 但七成熟已經係全熟(可能塊扒比較薄身),  德國咸豬手好食, 但物如其名, 真的好咸, 及, 有味精, 而且味精有點重手, 我到差不多十二點都仍是口渴.飲品:  朱古力/奶茶/咖啡 都是樽仔裝, 雪到凍晒,不會因為加冰會得淡口.價錢: 所有食物都是單點的, 要加錢配為套餐, 也沒有份量少一點的兒童餐.  平均每人約150-180, 唔算便宜.總結:算是可以, 但不算超值好食.

我認為一間餐廳除左要好食之外，服務質素亦好重要！一年前去過呢度食 覺得佈置靚 食物平靚正所以今日3個大人加1個一歲BB去食飯等左30分鐘左右，終於等到位！由於2人限聚令 侍應比左一張6人長枱要求我地四個人隔住坐 唔可以坐中間位置當時我只問左句：BB應該可以坐中間，因佢根本未識得自己坐但侍應態度很惡劣 先是不出聲兼黑面，再堅持要我的一歲BB隔開坐，稱BB也是人，所以要隔開坐！我當時解釋BB是不受限聚令所影響的，但換來的是更差的態度和回應當然我也沒有進一步對話，但之後無論落單/上菜等等亦非常不友善另外，食物質素亦下降，食物只是微暖。完全同之前係差得遠！疫情下人人都唔可以好好享受美食，但仲要受到職員無理對待，實在感到失望！

阿仔係元朗上話劇班，落堂係附近食lunch。元朗周圍都係人，但要排隊嘅餐廳其實唔太多，呢間係其中一間。我地都等左差唔多15分鐘，等到阿仔差啲訓著，但見咁多人排隊冇奶油唔試下呀。餐廳入面有啲迫，但大家都好守秩序，見我有bb車都讓一讓位俾我摺起架車放埋一邊因為客人同侍應態度好，所以食都食得舒服啲，開心啲菠菜雞肉意大利飯我好滿意！以前食開嘅意大利飯總係覺得啲飯有啲硬，幾難咬開，但呢個飯淋啲，岩我心水，更岩阿仔心水，佢就算眼訓都食左好多，證明好好食。雜扒拼意粉大件夾抵食！配菜都多薯條配黑松露醬即刻覺得高級左咁熱天氣，飲朱古力奶真係好爽皮搵日再去懲罰呢間餐廳！

成日經過都見到呢間排長龍，亦聽聞過好多人話呢間好抵食。同區價位差唔多嘅港式西餐，味道都一般，而且服務態度幾差，坐得又唔舒服。呢間價錢相宜，但份量就好大份。餐湯係普通港式西餐罐頭湯，勝在可以加錢變做酥皮湯。但係酥皮唔叫做好熱，亦都唔係我鍾意食嘅質感，比較淋。男朋友叫咗個鐵板雜扒餐，有牛扒司華力腸吉列魚柳，仲有大量薯條。黑椒汁味道同平時嘅差唔多，牛扒好淋，唔會太韌！魚柳都好脆。我自己叫左個軟殼蟹蟹膏意大利飯，軟殼蟹係原隻上，超超超大隻。飯嘅份量係超級多，比平時嘅意大利飯多一倍😂😂 兩個人食都食唔曬，但蟹膏味唔算太重，味道普普通通。不過不失。最欣賞係佢嘅樽仔奶茶咖啡朱古力，味道幾好，好香好滑。

Had an early lunch on a weekend to find out that this place has started to serve breakfast. That will be another trip.Lots of choices on their lunch menu All sets have a choice of a cream based soup or borsch soup which comes full of vegetables.They serve garlic toast but unfortnately it was cold .For the mains chose a pasta dishSauce was really tasty, creamy with a kick from the chile, lots of yummy prawns included.The other main we tried was the mixed grill, which included pork chop, chicken

第一次黎呢度食見仲有早餐就當然叫個豐富早餐當係Brunch La~今次叫左吉列豬扒加牛油多士，另外加左份滑蛋成份早餐都好大份呀！豬扒好大份，有d 脂肪～另外滑蛋雖然要加錢，但都好大份，又滑下次再試下其他先，仲有好多配搭想試

之前嚟呢間餐廳食過兩三次，試過意粉同羊扒，覺得好好食，今次再嚟食晚市，點知差咗好多，令人非常失望。今次叫咗紐西蘭牛柳10安士($158)，叫五成熟佢俾咗七成熟有多，而且舊肉好厚，但完全冇肉味，要靠點曬成兜洋蔥汁先有啲味道，真心難食。男朋友叫咗元貝配炸魚柳炸豬扒($118)，魚柳同茶餐廳冇分別，舊豬扒切唔開，仲好似冇醃咁一啲味都冇。不過餐湯同檸檬茶幾好飲，但主食就好難食，呢個價錢真係一啲都唔值，寧願食番Anna，冇下次。

今日約朋友落元朗食午餐, 因早前已食過, 今次再嚟encore。價錢由$49-$64另需加一。午餐包蒜蓉包、餐湯、主菜、飲品。蒜蓉多士多士脆口,有微微蒜蓉香。羅宋湯味濃、微辣、不是罐頭湯黑松露火腿煙肉意粉 $54味道濃郁一上枱就聞到好香,意粉有咬口,醬汁濃厚滑身,掛滿每條意粉,每吃一啖都有黑松露香,好味紐約客牛排配薯條 $64試咗友人一口,牛扒煎得香,中間肉汁仍保留鮮味,薯條炸得香脆,內裏軟綿綿配上黑椒汁很好吃。凍檸茶甜度適中又有茶味,凍飲+$3

本身約左朋友食同區既日本野，但因為疫情下餐廳堂食既位置數量大幅下降。間日本餐廳起碼要等2 個鐘以上。由於肚餓既關係就周圍行下見到呢間有空位就入左黎食。呢間餐廳好評什多，所以都無考慮太多就直接入黎食，餐牌既野食種類唔少，我同朋友都一齊叫左炸軟殼蟹拼牛仔柳埋單都係$144 一個人套餐包左餐湯，一塊蒜蓉包同一杯野飲，我叫左羅宋湯，好足料味道亦好夠唔會好似一般餐廳好水既感覺，主菜既軟殼蟹大過我手掌，即刻炸出黎好鬼熱，牛仔柳我選左5 成熟，唔會太硬啱啱好整體黎講cp值唔錯可以一試返或返轉頭再食既餐廳

夏捌月既Lunch Set好抵食, 包餐湯🥣飲品🥤蒜蓉包🍞餐湯: 忌廉湯/紅湯可選擇蒜蓉包: 外脆內軟再加上蒜蓉&牛油, 好好味😋😋🥂🥂🥂🥂🥂🥂🥂🥂🥂🥂忌廉汁煙三文魚意粉每條意粉都沾左汁, 但唔會好creamy😋😋😋煙三文魚既數量都唔會太少👍🏻👍🏻🥂🥂🥂🥂🥂🥂🥂🥂🥂🥂雜扒拼薯菜雜扒(豬扒,雞扒,牛扒,煙肉)份量好足, 又大塊好有口感, 味道唔會太咸,再加上一粒粒既黑椒汁, 好正好惹味😍😍薯條熱辣辣脆卜卜☺️☺️Lunch用呢個價錢食到高質既野, 真係好抵食！值得懲罰!!!🙊🙊🙊

好耐之前都幫襯過呢間餐廳 不過係元朗另一間分店既晚市 用餐體驗非常好 所以諗住佢教育路開新店就試下食個lunch 睇下食物同服務係咪都係有保持可能因為好抵食既關係 所以假日下午一點多仍然有好多客人係門口到等位 最後都等左一陣先入到餐廳入到餐廳 見到鋪面唔算話好大 但係就比較暗d 由出面入到去會有少少既唔適應 但過左一陣都幾好 可能暗暗地食飯會比較好食d首先佢會比個餐湯同埋蒜蓉包比你 有紅白湯揀 我揀左紅 佢地既紅湯飲落好似有少少辣辣地既感覺 幾開胃 同埋唔會話好咸 都幾人中意飲 至於個包就熱辣辣 應該餐廳會不斷保溫 你唔會食到凍冰冰既蒜蓉包加分食完個包同餐湯之後 就上左個主菜 我叫左鑊仔牛柳7成熟配薯菜 牛柳都唔錯 以呢個價錢食到仲有少少牛味既 都算係咁 又唔會話好韌入唔到口 但d薯條就麻麻地 所以就無食哂d薯條呢到餐飲最特別係可以叫佢既樽仔系列 叫左一支樽仔朱古力 好濃既朱古力味 又唔會因爲有冰 所以就溝稀左 好好味服務態度就不過不失 但感覺上之前舊店可能老闆既關係 覺得服務比較好

💛支持黃色經濟圈💛某日喺元朗行完街搵餐廳醫肚，想食意粉，就揀咗呢間港式西餐廳😀餐廳位於熱鬧嘅教育路，位置唔難搵，但裝潢行黑色風格有啲唔起眼，第1次去唔小心大頭蝦行過咗🤣當日去嘅時候接近下午茶時間，客人唔多，坐得頗寬鬆👍🏻嗌咗一個lunch set，包括：1份餐包+1份主食+1杯飲料餐包係1塊烘多士，味道正常，香口鬆脆👌🏻主食我叫咗 黑松露火腿煙肉意粉😋份量對普通女生嚟講，絕對足夠👍🏻擺上枱聞到黑松露嘅香味，淨係影咗一張就即刻開餐喇！如圖所見，火腿同煙肉都好足料，由頭食到尾每啖意粉亦有滿滿嘅黑松露醬汁👍🏻以港式西餐廳嚟講，再考慮埋價錢，我好滿意呢個意粉😋如果喺元朗諗唔到食咩，呢間餐廳會係一個好選擇，因為佢餐牌真係有好多菜式！

嗱我都醒目！知道呢d日子好多人！咁未早d去食，6點咁早去到，d品質！諗住點都唔會因多而亂！不過味道不過不失唔講！入到去！嘩… 見到個情人節餐唔係好抵！就單點一塊牛柳268， 薄到點唔在講！總之呢到就勁後悔！點解呢要七成熟！咁嘅厚度應該用五成熟都搞掂，最令人唔開心嘅居然仲要有三份一係肥膏🙄 仲有兩杯紅豆冰😒奶水佔四份一，紅豆小到又細粒😟仲係額外畀成20蚊一杯😏 老實講反而另叫一個百零蚊個雜扒餐，嗰塊咁嘅牛肉仲好食過用268蚊買嘅牛肉紙好食😢噢賣葛💔之前幾次都唔係咁！真係輸晒😔

有咁多like，加上地圖加持嚟試下。如標題，係一間西式快餐:1. Sauce就係白汁，黑椒汁，洋蔥汁果啲任你揀;2. 拼埋意粉薯菜快速上碟；3. 嘢飲麻麻，都係快餐質素。整體味道正常嘅，算唔上好食，也不是難食，價錢會比一般正常西餐廳平20~30蚊吧。平時經過都見幾多人光顧。個人而言則不是首選😅。

餐廳環境一般，不算太特別餐廳食物可選種類繁多適合一家大細及朋友聚餐不太見意成為拍拖初次約會餐廳但適合已穩定交往情侶晚飯餐廳下次會試試其他菜式飯可以有改善空間整體來說不錯期待下次再食過