夏捌月 (已結業)

第一眼望落材料看似簡單，但食落覺得真係唔錯😝首先，意粉的黑松露味好夠就算個底汁係忌廉汁的情況下，陣味都係好出眾意粉食落口好creamy，個忌廉汁令到成個感覺好軟綿綿 再加埋煙肉火腿一齊食，成個感覺好好味簡簡單單的材料已經做到好滿足的感覺😋

餐湯+蒜蓉包蒜蓉包熱辣辣整出黎係最好食白湯係粟米湯 啲粟米粒好食但佢個紅湯都幾好飲 又足料又有少少辣味 板燒鑊仔牛柳每次黎都必點但啲薯條就要睇彩數因為有時會炸得好好有時會好乾翻炸咁但今次就正常發揮而個牛柳呢~ 每次都做得好好好嫰滑!紐約客牛排呢個我覺得overcooked左因為好硬....瓶仔朱古力呢個都係我每次必點因為真係好好飲!! 飲之前自己搖多幾下朱古力 同 奶既比例似係一半一半..可以有朱古力味之餘仲做到好細滑!!!

今咩打完波又周圍去揾嘢食醫肚喇周圍都好多人排隊等嘢食，依間夏捌月都唔例外，不過因為我同朋友都未食過，所以我地就決定就排下依間餐廳喇！Lunch嗰menu都幾吸引，同埋Lunch時間叫嘢食係會自動升級做set，非常抵食咁因為佢自重升級咗做set，就送咗嗰餐湯同埋一塊蒜蓉包。餐湯有得揀忌廉湯同羅宋湯，咁嗰湯就正正常常咁啦，包都係。咁我自己就叫咗嗰咸金沙蟹肉炒飯（$62），佢個炒飯唔錯，可能係因為本人都幾鍾意食咸蛋，同埋依個飯嘅蟹肉都幾多，所以對我嚟講都唔錯。但美中不足就係嗰味道唔係好夠跟住佢個奶茶係樽裝奶茶，咁就要加$8。嗰味道唔會話太甜，味道係啱啱好嘅。除咗奶茶，重有樽裝嘅朱古力同咖啡，都好似幾正，如果下次去可能都會試下！

跟同事午餐，去了這間位於元朗的夏捌月。準備入門時，被告知要人齊才能入，且態度很差 （但我們已到了4人，第5位去了拍車）。及後由於有一群遠處跑來的學生（但他們也是有幾位在後面慢慢走）以致我們最後要分台坐！食物算低食及味道不錯，份量也可以，有湯、主食+飲品，烤大啡菇薄燒牛肉漢堡包配炸薯條，薯條及漢堡都有點油，洋蔥厚切豬排香脆、不錯。我叫的5成熟紐約客蒜泥牛排，變了well done，好硬，另外一位同事點的鍋仔牛柳則由7成熟變了五成熟，估計是下錯單了。全程除了服務態度不太好，及點餐時有搞錯，其餘可以。

服務態度差劣？難怪這麼多人如此評論！以往午膳時間經過這家餐廳，都有一條少少的長龍，就一直很好奇到底這家餐廳有什麼吸引力！？因此，今天就決定一試！剛抵餐廳時，食客不多，還空著幾張枱，一推開門，話都未説，侍應就好老遠處叫(似擔心其他食客聽不到的)”齊人先可入座”，我本想説我們已到大半數，其中一人在泊車，話都未説，那侍應又叫道 “齊人先可入座，麻煩出去等”。嘩！那種差劣的態度，當下就令我們所有人都憤怒💢！明白繁忙時段比較多人比較忙，對侍應來說有點壓力煩躁是理解的，但作為服務業，不應把個人情緒轉至到客人身上。 並首先，你若覺得煩厭，為何不聰明一點在門外貼上”齊人入座，請在門外等候安排座位” ? 單是服務這點，尚未用膳已大大扣分！食物方面，還尚算可以的，但上餐湯時，就感覺好像掉給你一樣的，然後心想說 “吃吧！”! 一間餐廳，環境再美，食物再好，單是一個服務員的態度都足以趕走食客。此刻，我替廚房𥚃的師傅辛苦，用心良苦煮的食物(食物算是可以的），就因那服務員的咀臉令人不想再來！要再來嗎？ 不了！我為何要貼錢買難受？

路過午餐一入到有位女侍應要求我地兩人坐到大枱最入，坐下後另一位又要求我地坐另一邊雙人座。坐低後，侍應隨手放一堆餐具，亂亂的，餐紙眼見掉下不管，照將餐具放下未清潔的枱上，隨後先補番餐紙..感覺很髒。枱還未清潔，想要求清潔，卻以為我地點餐。清潔好一兩下，明顯我地都未睇餐牌，又話即係未點得餐住？想要求杯水..（洗洗餐具)..侍應雖沒拒絕，卻以 “俾d時間我”回應..感覺好似我地非常有求要佢。後來有位女仕入來想進餐 當時3點10分 侍應跟其他同事在進餐 一邊食一邊跟該女仕講 “我地3半落場” 女士想回頭離開 侍應再講 “你可以照食到搭半” 女仕好有禮貌說不用了 費是阻住你地就走了。作為食客，入得普通餐廳預左不是星級待遇，但呢間餐廳的侍應連普通禮貌都沒有。不會再光顧。

朋友慶祝生日，女士談心，西餐就最適合不過！夏捌月之前都來過幾次，係正朗屏站樓下，非常方便，仲好適合女仕傾計！點了一個兩份主菜同一個飯加23蚊有餐湯凍飲！是日餐湯，酥皮蘑菇湯，還不錯，！寶雲酥烤焗羊扒羊架比一層麵包糠包住，皮烤得酥脆，有少許羊羶味，肉嫩😋M5澳洲和牛西冷，重牛味，七成熟剛剛好！用紫薯蓉做底比較少，不過很健康👍無糖檸檬烏龍十分清香！樽仔奶茶亦有茶檔水準！店員服務好好，落單，傳菜，收錢都係同一個人，但都會笑容滿面！讚👍食物份量足，午餐抵食，晚餐一樣抵食！

屬於無肉不歡者既隱世小店。夏捌月呢個你唔講以為係中菜廳既名其實係一間十分精緻既西餐cafe。店面唔算太少但坐無虛席。周打魚湯足料而且飲得出係廚房親自調開，絕對唔係大手入貨既白湯底。燒春雞三字:嫩，脆，香，滑。配番餐廳秘製酸甜醬十分開胃。牛三味亦令愛肉者欲罷不能，滿足於品嘗各短個部位，牛味濃郁，而且份量絕對足夠。

朋友之前介紹過夏捌月，一路都想試下，終於經過就入去試下。去到五點幾，已經係晚市時間。我叫咗嗰蟹肉蟹膏意粉加錢轉餐。意粉嘅口感係我最愛嘅al dente。蟹膏味濃郁，每條意粉都食到嗰sauce。其實我都幾中意佢嗰味，我覺得幾鮮，不過我媽咪話有啲腥。另外，蟹肉唔多，間中都搵到少少嘅。睇落嗰份量好似好細碟咁，但係我最後都係食唔哂，食到最後有少少膩。餐湯 羅宋湯料足，有啖啖牛肉香味，湯濃，茄膏味都幾重。蒜蓉包好食，好脆！蒜蓉同牛油味都好香！

係元朗尋覓美食，一直都想試試依間夏捌月🤔今日終於去完南生圍單車遊之後 出翻黎市中心就決定試下嚕😚一直都係蟹肉蟹膏迷既我 當然一定會嗌蟹肉蟹膏意大利飯🤤🤤🤤🤤都唔錯幾好食 蟹膏味都幾突出幾鮮味 係蟹肉略厭少左啲 但整體黎講都不錯的👍🏻👍🏻 但可能蟹膏的關係 食食下有點滯 所以有人share一齊食會好小小🤔🤔另外仲嗌左個扒餐食 份量都okay 薯格幾好食 味道就正正常常冇咩特別🤔總括而言， 雖然價錢係偏貴左小小 但係份量味道整體都不錯 下次可以再黎食😋

多款午餐今日又唔知食咩好😣日日諗食午餐好煩今日突然醒起好內冇去夏捌月😆我D掛住佢個鑊仔牛柳😋😋😋除左鑊仔牛枊重有好多款午餐提供👍🏻你哋睇下餐牌就知😆如果有選擇困難症都幾頭痛😅😅😅我都係叫左我最喜愛牛柳❤️❤️❤️侍應會問你幾成熟 ? 5，6，7 成選擇😋我要 5成 👍🏻 配飯黑椒汁😋可選擇薯菜或意粉👍🏻點解我會鍾意食佢牛柳，因為冇淹肉粉味🙈有肉汁👍🏻👍🏻👍🏻重有餐湯麵包😋飲品餐湯有紅湯同白湯選擇😊飲品都係例牌冬O T 😆其實佢地出名樽仔奶茶，咖啡同朱古力😋有興趣可以去試下👍🏻👍🏻👍🏻

晚市去，完全無人，叫了焗飯所以等了好一陣子，因無其他人要serve的關係，全部侍應像監視我們一樣。吃到中段終於有三個人到，總算無咁大壓力。我朋友吃完，我還在吃，侍應前來收我朋友的碗，示意了不用。未幾，另一侍應又想來收，唔明點解要咁趕。之後第三次再想來收碗，我叫埋單，叫侍應放低後，另一侍應一直瞪住我像要催我埋單，我望實她都要繼續望，完全沒尷尬的感覺，直到我們離開。食物是不錯但過程一點都不舒適，如侍應很空閒可考慮看看此食評改善下。

今日下午同男友慶祝拍拖兩週年紀念日😝😝然後男友就介紹左呢間係元朗性價比超高既餐廳食lunch!😋我叫左個菠菜雞肉意大利麵一食落口好creamy啲意粉夾住啲菠菜一齊食感覺好清新，本身大食既我，份量都幾多下一個人食完都覺得好滿足另外男友叫左個焗芝士吉列雙併侍應擺上台既時候我嘩左一聲！因為真係超級多芝士係到同埋個吉列炸物炸得好脆下！😍😍吉列雙併分別有吉列魚柳同吉列豬扒😋見到男友呢個餐咁我食，我都忍唔住夾左好多件肉食下，炸得太香口啦😝😝呢到所有lunchset都會包餐飲，忌廉/羅宋湯同蒜蓉包，每個大概$50-70不等，唔洗加一，個人認為值得一試性價比超高

唔死心多嘗一次另一間夏捌月，嘉城對面較方便，午市人一樣多，服務生一樣兩個好忙，不過沒走來問我仲要唔要，坐得舒服點。今次試牛，唯一不滿是五成就沒有，做過九成熟給我，算吧！這個價不要難為人，樽仔奶茶合格不太甜，餐湯好味好多，跟餐包那邊沒有！這次二人埋單$143, 下次路經也會再來飲吓奶茶😋

晚餐澳洲M7和牛扒餐$3985成熟拎到出黎近乎全熟！好靭同有渣和牛點會係咁？仲要有4分1筋同肥膏⋯過熟以致難切又難咬!————————————-牛肩冇貨，侍應推介美國西冷$238仲正！A4紙咁薄⋯⋯d意粉份量多到覺得只係想Balance番個性價比而堆左咁多上去，仲要放左pat茄膏係面？個配搭⋯⋯牛扒過量黑椒撒係面，只係食到黑椒味！—————————————非一般難食同低質。咁樣都成7xx蚊埋單？個人認為食outback好過食佢！點解會俾人捧到上天唯一可取只係個酥皮紅湯，味道夠濃，酥皮夠香脆！