夏麵館 (活@KCC) (已結業)

我跟男朋友除左喜歡食西餐同日本野之外，其實都仲幾喜歡食上海菜，早陣子去左葵涌試婚紗，試完婚紗就順便去附近食飯先走～係附近搵到呢一座有好多食店的大廈，雖然呢間連鎖式的餐廳已經開左幾耐，不過都係第一次試～晚飯時間人流都算幾多，好彩2個人等位都唔算太耐～我地一人叫左個套餐，之後再加左少少野食，份量真係幾多，我地兩個有D眼闊肚窄，差D食唔哂～賽螃蟹 配 晚市客飯 $78呢個賽螃蟹主要以蛋白及蟹肉煮成，加入左少量蔥花及紅椒煮成，味道唔咸唔淡，伴飯一齊食就更加開胃，蟹肉份量都唔少，不過就唔係太食得出蟹的鮮味！三鮮豆腐羹跟套餐有這一小碗的三鮮豆腐羹，入面除左有豆腐之外，仲有蝦肉、火華火腿同一些瓜菜，食落口口感十足，味道幾清，唔會太重口味，不錯！紅油抄手 $38兩個不太吃辣的人叫了紅油抄手，它們的紅油抄手不算太辣，有香辣味，所以唔太食得辣的我們都食得到，皮薄餡料多，口感豐富！夏味燻蛋 （2隻）$22這個燻蛋是上海菜的秘製燻蛋，醃得好入味，唔會太咸，入面蛋黃不生熟，蛋味十足！油菜（套餐+$12）有菜有肉才是健康的一餐，套餐可以加HK$12有一碟油菜，可以自行加上豉油，油菜沒有特別調味炒煮的，所以加上豉油

無聊走到葵興來探朋友，叫她帶我吃好西，但她沒什麼頭緒，帶我到葵興ICC。讓我在那裡見到我的飯堂夏麵館，二話不說我走去拎位了。 反倒是朋友原來從未食過夏麵館，我當然樂於推介。我們點了手拍青瓜和炒菜心。外點了嫩雞煨麵和唐芹鮮肉水餃，再點了2杯豆漿。 青瓜新鮮爽脆，份量也多。菜心清炒油不多，感覺健康。豆漿不太甜，而且豆味濃，好飲!! 想不到煨麵的份量這麼巨型，大大一碗，入面好足料，好多菜粒。我一向欣賞湯底是奶白色的清湯，雞肉嫩滑，麵也嫩滑彈牙，成個配搭好啱我口味，所以食開都係佢。 水餃也是大大粒的好巨型，雖然只有6粒，但滿滿的紫菜絲和雞蛋絲。水餃足料，啖啖肉。湯底是清湯，感覺清新不肥膩。 因為份量太多，食完主菜基本上已經好飽，但見甜品吸引，都再點了個酒釀丸子。果然無令人失望，桂花味好香，丸子煙韌，熱辣辣好暖胃。 這裏價錢不貴，食物又好食，所以常常都向朋友推介。

很久沒有吃上海菜, 跟朋友在葵芳行完街, 決定到附近新開的夏麵館走一躺! 兩名為食女孩子, 點了許多菜! 最讚是兩道魚, 先是熱燻魚, 熱哄哄又脆的外皮已是香口之選, 魚肉雖乾身, 卻啖啖肉! 最正是惹味醬汁! 糖醋魚也是頂瓜瓜! 甜酸程度剛好, 鬆脆陫皮配嫩魚肉, 送飯一流! 青菜煨麵亦不錯, 清甜魚湯, 令人愛上, 還有棉而不削既麵條, 好食! 其他食物如酸辣湯, 紅油炒手及小籠包也有其風味! 高力豆沙皮薄, 面脆又重蛋白, 豆沙充足, 甜度剛好, 推介! 整體感覺有家常上海菜的味道和心思, 值得一家人或朋友相聚用餐之選!

今日行完outlet，就到了鄰近的KCC商場吃晚飯。行到八樓，發現一家十分旺場的滬菜店，立刻入內試試看。這兒的晚市客飯十分經濟實惠，有湯羹、小菜及白飯。而且小菜有七款選擇，只是$60-$88，十分抵食！酸辣湯（跟餐）真是酸香辛辣，辣度十足，十分醒胃。三鮮豆腐羹（跟餐）真足料，有齊雞肉、豆腐、蝦仁和金華火腿等。湯身稠度適中，味道清爽而鮮美。韮黃炒鱔絲$88炒鱔絲夠哂鑊氣，完全體現了上海菜濃油赤醬的韻味。鱔絲肥美濃香，肉質嫩口，沒有半點腥味。加上爽嫩韮黃和香醬，十分惹味，醬濃而不咸，好下飯。賽螃蟹$78這賽螃蟹份量十足，口感嫩滑，還有爽口蝦仁和菜頭粒粒增加囗感，不錯。為了吃得平衡一點，加了油菜+$12。這芥蘭是白灼的，完全走油，感覺健康。蟹粉小籠包$38（2件）這小籠包的皮雖然唔太薄，但饀料有足料蟹粉，加上肉餡的湯汁，充滿蟹粉的鮮味。熱檸檬柚子蜜$14天氣有點乾，點了檸檬柚子蜜潤一下。這柚子蜜味道酸酸甜甜的，加上檸檬的清香，感覺滋潤又幫助消化。薑茶湯圓$32這薑茶薑味濃郁，濃而不太辣。芝麻湯圓小巧，一口一粒。湯圓皮軟滑透薄，芝麻饀香濃幼滑，好吃。酒醸丸子$30這酒釀丸子煙煙韌韌，充滿濃濃的

前工廈改裝、今年開幕、近屋企... Why not蒜香四季豆  (涼菜)四季豆清甜脆綠，口感爽脆，蒜香味突出。鮮肉小籠包上枱時外型飽滿。夾起包頂皮不易穿破。食落口即 "爆汁"。湯汁非常燙熱，小心，小心。韮黃炒蛋表面感覺有點 Overcooked, 幸好內裡嫩滑。韮黃份量夠多，啖啖爽脆。椒鹽豬排骨豬肉肥瘦比例尚算適中。配合炸蒜、辣椒、香蔥同食，惹味無比。桂花拉糕上海菜中我最喜愛的甜品。口感QQ 的，彈彈的，軟糯的。配合桂花糖漿同食，基本上我一個人可以 KO 四件。窗邊卡位有居高臨下城市夜景，建議預先訂座。

今晚收工和同事一起食晚飯，喺公司附近有間餐館 食上海嘢，價錢都好經濟我倆點了一個套餐。韭黃炒鱔絲$88，如要菜飯可加$5，豆漿加$6，跟餐還有一個三鮮豆腐羹，蟹粉小籠包四個$70，炸饅頭$28，夏味燻蛋2隻$22，茶介每位$4。一碟韭黃炒鱔絲，份量都不少，香味都幾濃郁，鱔絲都爽口，但稍為偏甜，菜飯做得都不錯，唔會濕隻隻，一碗三鮮豆腐羹味道不俗，有金華火腿點綴 口感甘香，有大大隻鮮蝦，豆腐頗滑，整體都不錯。一籠蟹粉小籠包，不過不失，味道都幾蜜味，稍嫌汁液少一啲，好可惜有一只皮破了流失湯汁。一份炸饅頭，呢個做得唔錯，金黃亮麗，外皮鬆化得很，包心軟綿綿，非常好吃。餐館做嘅燻蛋都幾有水準，味道調較恰當，流心嘅蛋黃，非常軟滑，整體價錢跟質素都不過不失。仲加左杯豆漿~

今日同朋友講開在葵涌區 原來有一個地方有多間食肆，佢個位置在工廠大廈附近，日間會繁忙些，有簇新嘅裝修，我哋晚上到嚟食晚飯，環境好幽靜舒適，好啱我鍾意靜靜地食嘢嘅人，餐牌上嘅價錢都幾實惠。我哋點了香辣牛腩麵$60 川辣口水雞麵$60酸辣湯一位$28宋嫂鮮魚羹一位$30豆沙鍋餅半份$12檸檬柚子蜜$14伯伯酸梅湯$14茶位$4 @1位牛腩麵真係幾香辣，牛腩都有好多件，軟腍腍牛香濃郁，麵質都頗為爽口，湯底都幾濃郁。佢嘅酸辣口水雞麵，鍾意食重口味嘅朋友就啱曬，一碟酸辣雞份量都唔少，肉質煙煙韌韌，雞皮好嫩滑，整碟嘅雞油辣味夠曬充足。酸辣湯質素一般般，鍾意濃郁味嘅就會鍾意。另一個宋嫂鮮魚羹，呢個我就比較喜愛，湯底好綿滑，魚香四溢，肉質幼嫩，材料好豐富。甜品豆沙鍋餅都係一般般 勝在即叫即製，熱騰騰上枱，都不失口感。有兩杯飲品，檸檬柚子蜜 配搭得頗清新幽香，潤澤蜜甜。餐廳自家製伯伯酸梅湯，獨特配方，又另一感受，當食飽飽過後都係一個唔錯嘅選擇。

一早到葵興上完training要找地方醫肚，附近有座KCC，食肆淋立，朋友話食-夏麵館，因為想食上海菜。餐廳位於8/F，裝潢簡潔，面積大，店員服務親切。晚餐有二人/四人套餐，人均只需百幾蚊，幾抵，餐牌紙上由小菜到甜點都有得選擇，另有一人套餐，選擇多元化。我地叫左一人套餐：三鮮豆腐羹川味口水雞 (跟飯) ($78)汽水(+$6)半份豆沙窩餅(+12)豆腐羹都係名符其名-鮮，有豆腐、蝦肉、金華火腿，完全沒味精。口水雞除左浸在紅油上，仲有好多蒜蓉、辣醬、芫茜蓋住，川辣味好濃，好正！ 豆沙窩餅煎到夠香口，咬入口feel到豆沙蓉流出黎！另外叫散叫：上海擔擔麵($46)出乎意料之外大碗，湯底係濃厚gei花生醬味。麵條幼細。

細個嗰陣成日去葵場行街食嘢，人大左就少左意欲同人逼。想舒舒服服行下街，累就坐低食下嘢休息一下，發現新去處-KCC。呢度既食肆都有不少選擇，旁邊又有outlet。今次係KCC入面既夏麵館食晚飯。先看看餐牌，印滿兩邊A4紙的餐單有不少選擇：涼菜、小菜、麵食、飯類、湯羹、蔬菜和飲品等，睇的人眼花撩亂啊！這裡令人驚喜的是：價格平民；份量過人；味道超群。性價比很不錯呢！我和男友都很喜歡食上海菜，去不少餐廳都差不多點五個菜才剛飽，但這裡卻多得吃不完。先說說涼菜：自選涼菜五小碟ᴴᴷ$103推介人少少但又眼寬肚窄既朋友仔，一次過滿足五個想食既涼菜。我倆點了：開洋拍青瓜、雞絲粉皮、鎮江水晶肉、美味海蜇和糖醋小排，食物整體味道都不錯，特別喜歡小排，甜酸味適中，肉質不韌。看看份量真的不少，都堆成小山丘似的！因為男友係蛋怪🥚，無蛋不歡。見到有夏味燻蛋ᴴᴷ$13一隻，就毫不猶疑的tick了。這個蛋真的很棒，淡淡的煙燻味襯托出蛋黃濃郁的味道，橙黃色的蛋黃是流芯的。男友大愛。再來一客蟹粉小籠包ᴴᴷ$38（2粒）外型著實不太討好，咬開裡面滿滿的湯汁，有淡淡的蟹鮮味，肉球裡也有幾絲蟹肉，味道不過不失。另外，我地仲叫了一

唔講都唔知葵興呢邊工廠區開左個新商場，突登過來呢邊食飯，睇下有咩好嘢食🤭🤭最後揀左夏麵館可能商場仲未興旺，星期六7點來到都唔洗等位，仲有卡位俾我地坐食物係自己畫落紙到，點完交俾店員，佢幫我地再覆單一次，擔心漏單，好細心晚飯套餐有湯，有小菜，有飯，仲有飲品朋友揀左酸辣湯，佢話夠酸夠辣而且見到入面都足料跟餐+$6要左杯凍豆漿，朋友説豆味好重，叫我一定要讚套餐要左川味口水雞，+$5轉菜飯口水雞只有面頭放既辣醬係辣，底下加左麻醬，雞夠嫩夠凍，而且套餐來講，份量好多，有2層架回鍋肉每一片椰菜同肉都掛上汁，好惹味，回鍋肉切得好薄，唔算好肥濃湯蕃茄煮勝瓜蕃茄同勝瓜都係我鐘意食既嘢唯獨個湯有d怪，以為白色係魚湯，但飲落去好重奶味蟹粉小籠包個皮唔算厚，入面d湯汁好正，熱辣辣，一淡食落去蟹粉味岀晒來另外有客原味既小籠包，話係送俾我地，我都聽唔清楚因為咩而送，但有得食就唔理喇，原味都唔差，但個皮明顯比蟹粉既厚最後朋友忍唔住叫左呢個飯後甜品，太邪惡喇佢一路食我一路嗅到陣榴槤味🙊🙊來到係暖昱昱，入面個餡唔算好多，但朋友讚係好食

今日放工約左個舊同事食飯,因為大家都係附近工作,又中意食上海野,咁就去試下夏麵館啦。我地點左兩個晚餐,叫左個賽螃蟹同口水雞,另外加多左生煎包,小籠包同埋豆沙鍋餅,個餐仲有埋酸辣湯,真係好抵食。酸辣湯好足料,夠辣,如果食唔到辣既可以揀另一款豆腐湯架~賽螃蟹入面既蝦仁好爽甜,食之前一定要加少少醋,咁先可以令個味道更加似蟹。口水雞值得一讚,由其是佢既麻醬底,辣得黎有陣陣芝麻香味,絕對係必點既菜式。生煎包有芝麻係底一齊煎,脆卜卜,好香又味。小籠包好多肉汁勁JUICY最後食埋甜品豆沙鍋餅,熱辣辣即叫即整架~晚餐1SET先$75,加埋咁多野埋單都係二百幾,真係超值~

夏面館喺各區都有好多分店，咁啱攞到張優惠券，就決定要去試吓。晚市有二人套餐，但係我哋就選擇單點，可以叫自己鍾意食嘅菜式，唔使限住個選擇。麻婆豆腐我嘅至愛之一，豆腐非常之嫩滑，肉末都好入味，個汁都幾岩我口味，夠香夠麻，不過個芡汁打得太杰，搞到有少少一嚿嚿咁樣，雖然味道冇乜大影響，但就可以改善下既～炸豬扒擔擔麵豬扒炸得幾香，夏面館啲面食都真係勁大碗，可以兩個人嚟食，當然啦餸就唔夠兩個人食嘅擔擔面都有好濃郁嘅花生味，不過我就唔係特別鍾意擔擔麵，因為食得來始終都係會濟。酒釀桂花小丸子呢款甜品我都好鍾意食～有香濃嘅酒味同埋棉密嘅小丸子^-^

葵涌最新開左KCC，令到原本無咩野食既葵涌多左唔少選擇。其中呢間夏麵館就真係唔錯既選擇。佢有兩人餐都幾抵，不過朋友唔鐘意食麵，我地就選擇左散叫啦。花雕醉雞：醉雞既酒味頗濃，雞肉分量勁足。不過肉質有點韌，可惜了！夏麵館晚餐有套餐點，價錢都係散叫加十蚊，但就有埋湯，仲可以加錢點甜品。我地就點了兩個晚餐分別試了兩個湯、兩個主菜和兩個甜點。酸辣湯：酸酸地當中又有少少辣味道都幾唔錯。三鮮豆腐羹：豆腐羹味道幾鮮，而且當中既料都唔少，豆腐又好滑。麻婆豆腐：夏麵館的麻婆豆腐真係做到入口豆腐清，慢慢有種令舌頭麻麻地既辣浸出黎。唔會只得個死辣，做得幾好！✨推薦✨賽螃蟹：呢個菜就真係做得幾唔錯啦，蝦過了凍河食落口好彈牙，而且仲大大粒。蛋白又足又滑，而且感應加左少少咸蛋白，食落有少少咸香。呢個菜清清淡淡，送飯真係一流呀！我地都差唔多食曬。高力豆沙：蛋香炸至脹卜卜，內面包住豆沙，有d似食緊泡芙，軟軟綿綿。豆沙窩餅：外層係普通既中式煎餅，內住同樣包住豆沙，外酥內脆軟綿綿。同樣都係豆沙甜點但兩種既口感各有不同，幾好味！夏麵館每款菜分量都好多，而且味道都唔錯，價錢又唔貴。值得再黎食。

今晚在荔枝角完成半天的工作坊，，全場企足四小時，用盡全身能量，肚子餓得不得了。友人有車，由他發辦，去了葵涌KCC的夏麵館開飯。裝修風格行簡約路線。先來一客小籠包，新鮮熱燙，皮薄湯汁鮮美。自選涼拌五小碟 - 虎皮素鵝、海蜇、鎮江水晶肉、糖醋小排、夏伯伯涼拌茄子。味道各有特色，尤其欣賞素鵝以春卷造型呈現，小巧精緻。酸辣湯：味道香濃酸辣味道比例適中，湯裡的材料很豐富，如果湯再熱燙一點，味道應會更出色。韭黃炒鱔絲 - 入口非常熱燙，火候十足。黃鱔彈牙入味沒有泥味，韭黃鮮嫩，調味適中，符合上海菜濃油赤醬的特色。川味口水雞 - 麻醬辣油醬油其他配料混合的醬汁味濃，口水雞件份量足，食得過癮。甜品點了高力豆沙，製成品在製作過程時沒有加入過多的麵粉在打起的蛋白裡，所以離開油鑊一會就開始慢慢收縮變小，但咬下第一口時仍有白煙，不太甜，同糖霜撒面加分，個人口味覺得比用砂糖更為細緻，不會一口砂糖硬梆梆，廚師手工出色。

今日去左接朋友放工，之後係附近食餐晚飯。葵興現在多了個新商場，我都是第一次來，呢個商場主要是食肆，種類都不少今次同朋友決定食夏麵館，因為見到佢個套餐好抵食由於係平日既關係，所以不用等位做入座了呢個二人套餐好抵食，所以決定點呢款，一黎價錢合理，食物又多，而且又唔洗再諗想食咩。夠曬方便酸辣湯，味道好濃郁，又酸又辣夠曬地道而且入面材料都不少呢碗相當清點，有兩款湯羹口味各有不同呢款入面有好多又滑既豆腐粒粒，好好味。而且仲有蝦仁粒、瓜粒，食起來口味不錯，口感又有咬口不錯我一向都好鍾意食雞絲粉皮，因為我好鍾意隻麻醬，黏黏的好惹味。粉皮又薄又透，配上了麻醬食好滋味雞絲灑上了芝麻，吃起來帶點點凍好開胃豆角脆卜卜，混入了蒜蓉及少少辣椒來炒，令豆角更為惹味呢窩擔擔麵份量不少，原鍋端上，賣相很吸引而且鍋內的麵食都不少，醬汁好地道，而且都辣的，所以令麵都吸入了辣味，吃起來都相當刺激，超滋味。呢鍋麵盡量快吃，否則會變得杰身，熱食時最為滋味呢款糖醋魚柳我都超喜歡的，因為酸酸甜甜超惹味佢既感覺有點似咕嚕肉，但今次是魚塊炸魚塊外皮脆身，但沾上了醬汁後，會變得腍身，中間部分有嗉啖的魚肉正。這是好開胃的一道菜今晚我地除了