夏麵館 (荷里活廣場)

營業中

休息中

呢間野真係難食到一個點🤮完全冇一樣野係入到口😡小籠包隻隻穿窿漏晒汁😕雲吞水餃啲皮超厚🙄炒麵好咸，擔擔麵又冇味🤷🏻‍♀️豆沙鍋餅完全貨不對版🙄服務態度直頭係世界級差💩請埋啲咁嘅員工真係不得了🙄惡劣態度到極致😡絕對冇下次💀

突然想吃擔擔麵, 本來想去黃大仙既詠藜園. 但唔想在太陽下行去, 唯有搭地鐵去荷里活廣場1樓的夏麵館. 叫咗份排骨擔擔麵, 鍋貼, 四喜烤夫, 嫩菜煨雞麵, 高力豆沙. 先講個擔擔麵, 湯底是正常, 但花生少咗啲, 都係詠藜園既擔擔麵有特色啲. 鍋貼個皮就唔太脆, 失色. 嫩菜煨雞麵就好大碗, 但啲雞唔太嫩, 湯味唔太濃, 給之前在美孚小店吃嗰間煨雞麵比下去. 高力豆沙就又是正正常常, 冇咩特別. 好彩個烤夫爭氣, 夠汁, 入味, 細碟唔夠食, 秒殺! 仲叫多二客回家孝敬家人. 其實之前有去過其他分店, 印象OK, 但今次疫後再來, 感覺水準差了, 而且人手不足, 侍應都應接不暇. 整體來說, 有少少失望, 味道普通, 勝在唔洗排隊.

下晝去咗荷里活廣場嘅滬菜夏麵館食嘢，因為我之前食過幾次，印象都幾好，所以又想再去試下啦。我叫咗一份排骨擔擔面，味道真係好夠滬派風味，湯底濃郁又夠花生味，令到整個麵都好香，一個字正🤌🏻。不過最令我驚喜嘅係佢哋嘅價錢，80蚊內搞掂，仲包埋飲品同一個小食，真係好抵食！🤩另外，我都試咗佢哋嘅小籠包，咬落去啖啖肉汁，真係好鮮美。而且佢哋嘅皮又唔會太厚，好好啃。整體嚟講，我覺得夏麵館嘅食物質素唔錯同都好抵食。下次如果再去荷里活廣場，我一定會再嚟食！✨

有料，可以將每一樣嘢都整到咁難食。首先，係個上海醬鴨！難食到癲，啲醬一pat pat，啲鴨勁多碎骨，完全食唔落。幾經努力之下，剩返大半兜。其次，個桂花紅燒肉，真係中咗伏，同個上海醬鴨係一樣嘅醬。我頂你，一樣難食。個擔擔麵，正正常常，啲湯稀嘅掛唔住啲麵。跟住就到呢一個極品鮮肉鍋貼！第一次食鍋貼，食到個皮完全咬唔掂，成舊粉，要將啲肉撩出嚟食，舊肉呢就一就成舊粉團咁。成餐飯就係個可樂正常，講真，呢餐飯差到咁，即係嘥埋個可樂！

2人餐，湯得酸辣湯同三鮮豆腐湯選擇，我地問可唔可以轉做咸肉豆腐湯，佢地唔比轉🥲🥲冇計，照叫三鮮湯。鎮江水晶肉，前菜黎講算唔錯，幾好。四喜烤夫，好食👍好快就清哂。水煮牛肉，選左小辣，我覺得幾惹味，牛肉份量都幾多，入面又有粉絲，唔錯👍瑤柱蛋白炒飯，炒得香，夠乾身，料幾足，滿意。甜品叫左高力豆沙，ok既，又熱又香，食落唔會太甜。但入面豆沙唔多，如果可以多番啲，會好推薦。另外，二人餐係2前菜1主食1炒麵/飯，如果係2主食1前菜，感覺會好啲。

新年時節遇到咁嘅惡劣員工第一次寫食評，坐低後叫夥記冇人理你，啱啱坐低未叫嘢嘅情形下見隔離有張大小小臺想轉檯，有位女員工已經好冇禮貌話出面有人等緊唔畀轉，見佢態度咁惡劣都唔想坐低影響心情食嘢，起身就走到收銀處見一位唔同裝束嘅女士，問佢經理喺邊想投訴嗰位員工態度問題，嗰個女員工即刻彈出嚟好大聲呼喝嘅態度，話你要轉檯出去再排過隊先入嚟，當時全間餐廳都聽到佢呼喝，所有客人都望過來，新年流流唔想再同呢啲小人爭拗走咗，之後打咗去佢寫字樓投訴，睇過之前啲食評都有人講餐廳員工態度惡劣，定係鑽石山呢一間餐廳由上而下嘅員工都係咁樣做？ 當時員工呼喝客人情形下唔明餐廳冇一個高級啲嘅員工或經理出嚟了解或調停，有得呢位員工放肆，未食過一間咁差態度嘅餐廳，希望佢公司重視客人反映嘅意見。

蟹粉小籠包有蟹殼 嫩菜煨雞麵好少雞 菜比較多 其他食物ok 第一次食呢間 還好 希望下次食小籠包沒有蟹殼 外賣自取好快拎到 15分鐘就有 唔洗點等 在openrice叫外賣好方便 又有優惠。

一年一度 #大閘蟹 季節又嚟到，身為 #為食貓 嘅一眾，又點能夠放過😚 不過呢排公私兩忙，只好辛苦大家，就我過嚟東九嘅 夏麵館 集合，試吓佢哋新出嘅「江蘇清水大閘蟹宴」。未夠七點，餐廳已經一早坐滿八成客人，似乎大家都同我哋一樣，過嚟湊吓熱鬧🥳 由於係期間限定，套餐都以二人為起點（$598/2人份，茶芥加一另計），可惜我哋只得三個人，唯有叫個二人餐，加錢要多兩隻 #大閘蟹 同 #蟹粉小籠包，以免重演眼闊肚窄咁浪費😅 可能係太好生意嘅關係，師傅似乎一早已經準備好食物比客人，我哋落單唔夠5分鐘，套餐裡面嘅 #精裝五小碟（鎮江水晶肉、虎皮素鵝、糖醋小排、雞絲粉皮、蒜香四季豆）、#黑醋話梅肉、#蟹粉扒菜心 已經先後上枱😅 五小碟屬於一個冷盤菜式，各款食物嘅味道都唔錯，而我就鍾意佢哋個 #四季豆，啖啖蒜蓉香味，啱晒我胃口🤤 不過個黑醋話梅肉，同埋個蟹粉扒菜心，就真係有啲令人失望🤔  話梅肉嘅口感話我知，似乎未夠熟😅 而個菜心都係凍嘅，師傅只係將啲 #蟹粉 鋪上菜面就直接上枱😅 好在同阿姐講完之後，佢主動話幫我哋拎碟話梅肉入去炒過… 算佢啦😅 之後再上嘅係 #蟹粉小籠包，算係最新

早幾日10齋日…所以我要在當天整天持素…碰巧我老友當天常食肉…所以就特別揀咗間有佢食佢自己嘅肉…又有我嘅素食嘅餐廳我叫咗呢個素鵝…又真係炸得好香脆鬆化..裏面有少少金菇和木耳絲…的確真係好好味….連我朋友都食埋一份最緊要我唔夠喉…額外再叫多碟素鵝食😁😁😁我再叫多咗碗陽春面…店員知道我食素就配咗一個比較清嘅素湯…當然又真係冇乜味不過好彩有素鵝配搭….都總算食咗一餐豐富嘅午餐我老友就是佢最鍾意食嘅肉餃麵…

好耐之前食過太子嗰間 冇話點出色但係食物普遍都較為正常 隔咗咁耐第一次喺荷里活呢一間分店食 叫咗個上海粗炒 我可以話我未食過咁難食嘅 就算普通街邊賣豆漿嗰啲細店仔或者茶餐廳都好食過佢 個味道係直情有啲奇怪 都唔同平時啲上海粗炒嘅味道 淨係食到老抽烏冬 另外嗌五小碟拼盤 個豬手唔好食 鎮江肴肉麻麻地 最過份應該係糖醋骨， 乾到咬唔入 我真係好想叫個老闆自己試下 呢個係今餐最難入口嘅一樣嘢。。炸卷嗰個唔錯。最正常係個酸辣湯 七十幾蚊可以有四五碗。唯一讚嘅就係佢嘅雞絲粉皮 呢個係好食嘅 因為個粉皮 夠薄夠軟。

好耐之前食過夏麵館, 印象幾好, 又想再食。叫左午餐2個小籠包, 嫩雞煨麵, 豆漿。小籠包皮比較厚, 肉有啲鞋, 味道就幾好。嫩雞煨麵雞唔嫩, 但個湯味道幾好, 好大碗。$62再加一, 食物質素未好到想再食。同埋啲待應阿姐好多都對客人呼呼喝喝, 唔太有禮貌。

未試過夏麵館， 星期日即興去食下。位於鑽石山龍蟠街3號荷里活廣場1樓173A號舖。 大約8點45分到，唔使等位。 餐牌上的菜式不算多， 我們點了三鮮炒年糕$68、 老上海炒麵$70、 鮮肉鍋貼$36、 鮮肉小籠包$38、 牛肉生煎包$30、 凍豆漿$15、凍酸梅湯$15。 ▫️鮮肉鍋貼🥟 ～ 鍋貼一貼有三隻，味道正常。 ▫️鮮肉小籠包🥠 ～ 小籠包的皮太厚。 ▫️牛肉生煎包🫓 ～ 原先我是點原味生煎包， 但來了牛肉生煎包， 跟店員說的時候她的態度有點惡劣， 我都不想與她計較了。 講返牛肉生煎包的味道， 牛肉餡死死實實， 不太好吃。 ▫️三鮮炒年糕🧈 ～ 味道清清地， 年糕煙煙韌韌。 ▫️老上海炒麵🍝 ～ 蔬菜菇菌份量正常， 但炒得不夠鑊氣，偏油。 ▫️凍豆漿🥤 ～ 凍豆漿都幾大杯，味道正常。 ▫️凍酸梅湯🥤 ～ 點了兩杯酸梅湯， 一杯有很多冰，一杯沒有冰，很趣怪。 整體味道普通， 勝在不用排隊。

之前見有人食，好似唔錯，今日去鑽石山一於試吓啦。黑金蟹粉撈麵個面似係墨汁意粉，個人覺得用呢個意粉麻麻哋，好似好無誠意，因為我來上海餐廳冇諗過去食意粉，不過個蟹粉唔錯小籠包不過不失，都多汁，皮都薄紅油抄手塊皮好大塊，佢個汁係甜嘅，唔啱食！bad豬扒菜飯，正正常常，菜飯幾香炸銀絲卷唔掂，入邊銀絲一嚿嚿，個皮又唔脆，bad泡椒鳳爪，唔錯，不會太辣，有葱頭有蒜粒，i like it但係之後好頸渴，唔會再去食，之後兩個小朋友都同我講話要飲水

講咗好耐，話要陪mammy去食 #小籠包，今日終於夾好時晨，可惜天氣麻麻，只好喺附近搵食😏 Mammy提議近近地去 夏麵館，食飽仲可以搵我幫手去超市入貨😅 難得佢唔使我揸主意，我當然唔會say No啦☺️ 嚟到門口，服務員最擔心就係我哋有無 #針卡，同埋有無Do到 #安心出行😅 不過以我經驗，佢哋個 #針卡scanner 準成度認真麻麻，好多時都搞到啲客發哂忟憎都搞唔掂… 睇嚟 #腦細 真係要考慮投資吓🤭 搞完一輪，我哋終於可以坐抵，望望餐牌，估唔到星期日佢哋都仲有做下午茶餐，除咗 #主食 湯麵/炒飯、#飲品，仲可以加錢要 #小食。唔好以為下午茶餐份量唔多，其實佢啲湯麵都幾巨型吓㗎😏 所以我哋只係叫咗碗 #鮮蟹粉黃魚片麵、#豆漿、#小籠包 食住先，無謂浪費吖嘛🤭 先上枱嘅係熱辣辣嘅 #小籠包，咬落去啖啖肉汁，真係好好味呀🤤 之後再嚟嘅當然係呢餐嘅主角 #鮮蟹粉黃魚片麵 ！賣相就夠哂吸引👀 不過第一啖食落口，啲黃魚片有輕微腥腥地嘅感覺😝 而且湯底都比較淡😅 不過當Mammy加咗啲 #豆瓣醬 落去又變得另一番風味🤤 成個口感都變得鮮味好多，加埋啲 #蟹粉 一齊食… 我終於明白咩叫做 #齒頰留

平時喺鑽石山基本上試晒佢出名嘅餐廳，今日就試吓呢一間有好多唔同連鎖餐廳嘅夏面館！其實不嬲對連鎖餐廳唔會有好大嘅要求，今次嗌咗佢嘅午市自選套餐，揀咗手拍黃瓜，川味口水雞麵，同埋一杯熱豆漿！手帕黃瓜嘅辣到對於香港人嚟講適中，酸味亦都唔會太過酸，唔錯！另外川味口水雞麵真係好惹味，食完一啖會再想食一啖，面嘅質感都好爽，唔會林啤啤！熱豆漿就基本啦，冇乜特別！最後埋單$100樓下，都覺得幾抵食，推薦！❤️👌🏻