多味美 (已結業)

突然好想食牛筋菜飯而且是熔熔地的牛筋菜飯先想起這間執左...沙田想找到類似的牛筋菜飯很難最多大圍的鍋貼大王算半間可惜它只有紅燒牛肉無牛筋而且做唔到多味美那種菜飯有甜味

  呢間充滿人情味嘅餐廳食佐十幾年 由細食到大 每次都食排骨菜飯 外賣好 堂食又好 水準一直都保持得好好！排骨菜飯 - 好鐘意啲飯加佐豉油，好多菜(好似係小堂菜，有時食到菜頭，幾甜好好味)  排骨真係花佐好多功夫，食落口好林好夠味，但又唔係好heavy個種味精味，真係抵讚!  食佐咁多年，真係好唔捨得佢被迫關閉，有時search下第一城有咩食評，m記/其他大型連鎖店食評竟然多過呢種街坊店鋪，真係覺得好可惜...   $43連飲品/例湯 (以前食都係$20幾，轉佐收購商之後乜都變哂), 02/08/2015 就會關閉，希望日後可以食番呢種味道，希望更多人支持街坊餐廳。

今日Lunch同同事隨意選左間茶餐廳食飯，估唔到有意外驚喜。我地每人叫左一碗豬扒菜飯，個豬扒無骨的，炸得岩岩好，有d脆，啖啖肉，d汁又甜甜地，配上菜飯，飯唔會太軟，好好味，賣單好似HKD40 定HKD45，仲有野飲，正

今天下午和朋友試了「多味美」的「上海排骨菜飯」。我們叫咗一樣的排骨菜飯套餐$40（另加一）「排骨」賣相不錯！上枱時係暖暖的。食落感覺比一般上海排骨淋身，排骨硽料味道幾特別！上面的醬料黏黏、甜甜的（可能加入了蜜糖之類）都夠入味、有肉汁，但沒有脆的感覺。味道都可以。（飯上面有甜豉油）「菜飯」比較失色，菜比例都幾多， 飯比較濕，一擗擗的。跟餐飮品可以揀：綠茶／ 紅茶／蜜桃茶，原來係＂康師傅＂的冰紅茶！∩_∩另叫咗一碗的「酸辣湯」$15，反而個「酸辣湯」味道不錯喎！有豆腐、筍、雞蛋、菇等，但沒有太多肉絲。味道不錯！酸辣度恰當。

9-5-2014(Fri)冇帶飯返工,因男同事EN須要請我食,咁我就同女同事TF, EC, PL, CC同YC一齊出街食,由於時間關係,我o地去到第一城分兩批人等兩間食肆,當然呢間係其中一間,我同TF, EC, PL o黎呢間,o黎到都唔多人,而且有6人枱,即叫返CC同YC過o黎食.我o地睇睇menu,午餐係$36.00港式飯冇乜興趣,就睇上海菜飯,我揀$41.00o既獅子球菜飯,而佢o地5個都清一式要$38.00o既上海排骨菜飯,而菜飯餐送紙包飲品,係康師傅冰紅茶同綠茶,我同CC,YC要冰紅茶同綠茶,其他要冰綠茶.落完單,最快到o既緊係紙包飲品,然後5個上海排骨菜飯即到,佢o地o既係一碗過就OK,幫佢o地影吓相.然後我o既獅子球菜飯到o黎,我o既就分開上,菜就係白菜,食落,飯同菜o既軟硬度o岩o岩好,不過有啲乾同唔多夠甜味,須要撈汁食.而大大個獅子球呢,豬肉好鬆,味道要靠食到醋味o既汁,而伴菜除o左有白菜外,重有冬菇同筍,前兩樣都正常冇問題,但筍就唔係爽係腍o既.唔知我係咪太肚餓,o係有汁之下我食晒所有o野.而上海排骨菜飯呢?個個都彈,我話我嗅到件豬扒幾香喎,YC同PL嫌啲飯乾(雖然

某陣子突然勁想食西多所以呢日去完威記探病之後就去左第一城間do re mi度食tea!!以前中學在第一城放學就會去呢度食tea!!doremi 的熱奶茶一直都是很好飲的我個friend之前話飲慣左港島區的奶茶會飲唔慣新界o個d 哈哈但係doremi呢度d熱奶茶是可以媲美港島區的都是用黑白淡奶呢!西多的話佢上的時候已經有一大舊溶緊的牛油然後再自己落糖漿咁入面有好多花生醬~~!!同埋都幾大舊呢度d西多同熱奶茶真係冇得頂不過就肥到爆囉................算啦食得就唔好講呢d衰野喇

今晚因為太夜收工，好累，連向街食都唔想，於是去買飯盒返屋企食。之前都向度食過晚飯，今晚就買外賣。我揀左上海排骨飯，這店買飯盒送1包紙包飲品，我等左5分鐘有喇！一打開飯盒，好多好大件排骨，多多見唔到飯上海排骨係我地平時食果種豬扒，我先試排骨，炸得好香，唔似我平時向其他店食到的炸豬，這塊排骨香脆丶不鞋口而又不會又乾硬的。飯可以揀菜飯或白飯，我個人喜歡菜飯佢的飯粒不會太淋或乾曬，很多菜撈成菜飯，比白飯好食

成個第一城就只有一間上海餐館，見店面都好似企企理理，就入去試下喇。餐牌上面都有好多選擇，而且有套餐。我點了2人餐：1湯3小菜2白飯，有約十幾款小菜供選擇，我當然選了上海排骨丶麻婆豆腐丶味菜牛柳絲。例湯係青紅蘿蔔湯，飲落冇口乾，應該少味精，至於味道方面，當然冇自己煲的咁好，但比一般茶餐廳的好好多。上海排骨有2大塊，係大塊，仲要炸得香脆而不太油和乾，有五香南乳的味，正，不過都幾熱氣！哈哈！麻婆豆腐真係好好食，豆腐滑有豆味，肉碎丶炸菜粒丶冬菇粒都好好味，辣味適中，非常適合撈飯。味菜牛柳絲都好好食，不過同前2者相比，就較遜色。白飯煮得唔錯，如果喜歡食菜飯，可以加錢轉菜飯，不過如果撈麻婆豆腐就咁白飯已經好夠。

之前食過佢個菜飯都ok, 咁啱未諗到食乜, 而行過又有卡位, 所以再試多次...........佢呢度主打都係菜飯, 因為周圍都貼滿菜飯的menu, 有成11款咁多............反而冇其他晚餐可選, 一係選小菜套餐, 但又好似唔係好抵, 所以都係叫2個菜飯........... 排骨菜飯排骨其實即係豬扒, 佢d豬扒炸過, 好脆口, 又夠厚身, 唔錯~但d飯依然係冇飯香, d菜又好似焗咗好耐咁, 淡哂色, 同埋唔夠多汁~ 煄魚菜飯 煄魚有1大1細, 好多骨, 而且有少少腥, 又係凍的, 麻麻地~ 可樂 佢個菜飯套餐只係包紙包飯品或者例湯, 但支裝汽水只係加1蚊, 所以我地2個都加錢轉可樂, 貪佢夠哂汽~

原本對呢間餐廳有少少失望, 但經過今次之後, 又有少少改觀.................原本諗住叫個2人套餐, 但睇極都極唔啱佢d小菜, 因為套餐果d全部都係超普通, 响屋企都煮到的餸, 出得街食梗係食d平時屋企唔會煮果d啦~~ 所以決定分開散叫, 但睇睇下又好似好貴, 最終都係叫咗1個小菜+1個菜飯........... 豬扒菜飯呢個係佢地的招牌菜之一, 久仰大名, 今日終於試到.................個豬扒都係唔錯, 好有味, 又好林, 而且都算大塊, 但可惜佢個菜飯d飯爛咗d, 而d菜又好似焗咗好耐咁, 變變地黃................但總括都唔錯, 下次要記得叫佢多汁先~~ 佢呢個唔係餐, 冇包飲品, 不過都有個湯送, 今次叫咗個中湯, 都OK, 唔會好重味精味, 都似係真材實料去煲~~ 鮮腐竹班腩煲上枱果陣都仲火山爆發緊, 熱辣辣, 而且佢又超多汁, 開頭食果好正, 但一凍咗就會唔好食, 因為好杰, 成PET嘢咁, 而且越食越鹹~~平時茶餐廳都係用炸支竹去煮, 但佢呢度係用鮮腐竹, 會冇咁油膩, 值得一讚~~至於D班腩, 舊舊都好肥美, 亦都唔會粉漿厚過

平民茶餐廳最好味首推排骨菜飯 (其實就係豬扒菜飯), "林" 得來又入味.其次係醉雞菜飯. 而佢的菜飯中, 菜的比例亦唔少. 牛筋係"林", 但係唔夠入味, 試過2次之後冇再食過.至於其他的就真係睇運氣....

原本都唔係幾想去呢間食, 但見佢大把位, 又唔想行咁遠, 所以又走咗入嚟食, 點知.....................上次食過d西式茶餐唔好食, 今次醒目唔叫果d, 叫粉麵果類, 但今次同上次都係不相伯仲, 可以話係仲衰過之前tim~~~ 牛腩麵原本係叫粗麵, 佢話冇, 同係得冷麵同幼麵, 咁是旦啦~~ 話要冷麵, 但果d其實係上海/南京果類幼麵..............開頭食d麵都OK, 食食下d麵已經林到不知所謂, 一pat嘢咁, 所以都冇食哂...............d牛腩瘦到柴咁, 好易攝牙縫, 要好小心咁咬, 又冇乜味, 唔似新鮮牛腩lor~~~個湯有色冇味, 只係整色整水............... 牛筋麵麵同湯的情況同上牛筋簡直不知所謂, 我都唔知係食牛筋定係食牛毛, 每舊牛筋都好多條牛毛, 搞到d麵都有牛毛, 可以睇到我地簡咗幾多條毛出嚟, 食呢碗麵直係嘥哂我d精神, 要金精火眼睇清楚有冇牛毛先放入口.................. 熱奶茶好飲過上次, 茶味濃咗 熱檸茶d茶唔錯, 濃得嚟唔會苦澀今次真係最後一次, 就算周圍冇位, 我寧願

我每個星期曰都會去食早餐。餐廳環境不錯，等位時間不算太耐，5分鐘都OK la!鐘情於沙嗲牛肉米，好正!D沙嗲牛肉寐冧的，不太spicy，老少皆吃得。米線入味，不過不失，OOKK!但人手不足，出貨有D慢。

路經沙田, 想找個晚飯吃, 因為很多地方都滿了, 看到這家店人不多, 感覺上是乾淨的, 所以進來吃了。這裡人不多, 有很多位置可以選, 而且菜式也多, 不少都是想吃的。雖然只是間普通茶餐廳, 但它的菜式不錯, 真的有水準。菜, 肉, 海鮮都很好吃, 味道, 賣相都不是隨隨便便的那種茶餐廳,。 而且覺得是比較健康的選擇。但是它的湯飲起來味精很多, 還是吃飯菜比較好。價錢也適中的, 服務也不錯, 如果是在附近的話, 真的不防一試呀。

昨天去第一城探朋友，朋友說這裡的菜飯幾好食，晚飯決定來解決～叫了一個膳糊菜飯套餐，一個蝦仁扒豆腐跟菜飯。膳糊菜飯很快到了，膳糊中的牙菜很好食，＂林＂身又全吸收了獻汁，獻汁很惹味，最重要不會太油膩～　膳就不過不失啦，這個價錢算ok的！菜飯較我預期的差，我比較喜歡多菜的菜飯，有咬口之餘又健康些，但這裡略嫌少菜，飯就ok, 軟硬適中！蝦仁扒豆腐是患病或減肥中的人士首選，不論蝦還是豆腐都是沒有味道的，配合菜飯清清地ok，好過食粥～阿姐服務認真一般，問她蝦仁扒豆腐有沒有飯跟飲品送，她回答話假期梗係冇啦，想飲要另叫架，問加幾多＄，佢話加＄8，我話Ok 啦，要可樂，她就話唔係呀，剩係飯咋，邊有咁抵ar!