多味美 (已結業)

  呢間充滿人情味嘅餐廳食佐十幾年 由細食到大 每次都食排骨菜飯 外賣好 堂食又好 水準一直都保持得好好！排骨菜飯 - 好鐘意啲飯加佐豉油，好多菜(好似係小堂菜，有時食到菜頭，幾甜好好味)  排骨真係花佐好多功夫，食落口好林好夠味，但又唔係好heavy個種味精味，真係抵讚!  食佐咁多年，真係好唔捨得佢被迫關閉，有時search下第一城有咩食評，m記/其他大型連鎖店食評竟然多過呢種街坊店鋪，真係覺得好可惜...   $43連飲品/例湯 (以前食都係$20幾，轉佐收購商之後乜都變哂), 02/08/2015 就會關閉，希望日後可以食番呢種味道，希望更多人支持街坊餐廳。