多美意餅屋 (已搬遷) 新店位置

今朝晨早出外景, 都幾辛苦反正黎到九龍, 梗係要黎闊別多年而被食友再次提起既店子 比我遇到剛出爐, 真開心 紅豆栗子飽 $8 : 酥皮外層也不覺油膩,紅豆與栗子分佈平均, 不覺甜又好味藍梅Muffin $8 : 藍梅漿頗多, 酸酸味味, 好耐無食過咁好味既Muffin 柚子麵包 $8 :買比　大舊做早餐, 一打開袋子, 香味撲鼻, 質地鬆軟, 抵 最衰唔就腳, 真係好想試下 Cake ~

從泰樂廚吃完雞飯走出來，欲思吃些甜食。想起多美意的小卷蛋，口水不期然流了出來吃過幾次這兒的卷蛋，上次遇到的是士多啤梨作餡的，今次吃到的是栗子味。這是太座的摯愛，下次有機會要買件給她試試小小的一份roll cake要賣成十元，比東海堂的生果卷蛋還要貴，可是有些理由的 ---- 這兒的蛋糕外層做得鬆軟有致，沒有那些可厭的香精味，在蛋糕面頭滲上了適量的糖霜，甜度又提升了一個層次；栗子蓉是塞得滿滿的，滑度很不錯，唯一不太對勁的便是栗子味不算十分濃。不過只是一個十大洋的小小卷蛋，有這樣的水平已是挺不差了.....每次總覺吃過些甜食後，一頓飯才算叫做功德圓滿。相信各位甜魔也有同感吧

呢間麵飽舖係十年前發現, 之後間唔中經過都要買d野, 起山林道行行下, 諗起佢, 就順便過黎睇下有咩新野, 點知見到有款對我黎講好新口味既方飽~"柚子蜜飽", 佢無平時既方飽咁大片, 但係厚切既, 有分半份or一份, 我要左半份$6, 另外半份麥飽$4, 半份有4片....仲有見到大大粒既紅豆QQ...$5/3粒, 其實仲有芝士味, 不過我覺得太普遍, 出面好多地方都有, 買完即試左個QQ先喇, 新鮮熱辣架, 好多紅豆起入面, 真係好正, 佢唔似出面既麵飽舖咁整到好un, 但又唔會軟得黎唔似QQ, 同其他地方真係有分別, 而且大粒架....我上到車, 即時拎左片柚子蜜飽黎試, 嘩....好味呀, 好軟熟, 有少少既柚子味, 甜甜地再試埋麥飽喇, 佢個皮好似法飽咁脆脆地, 但又唔係勁硬果隻, 飽身都係好軟熟架.....cake果度都有好多款, 但呢排唔想食咁多甜野, 所以忍住無買...

落開TST, 排住呢度既麵包~所以專登行過黎佐敦呢條街~除左掛住她的味道~仲因為鍾意她的裝修…圓拱形用黑色雲石建成的門口…夠特別又有古典的感覺.加上入面的麵包櫃設計特別~係圓柱體, 櫃門由左至右拉開.另外包款每星期有唔同架,好似我原本想買雜豆中東包~原來要下星期先有.今次只買了一個紅豆栗子酥做聽日既早餐店員教用焗爐焗一焗可回復香酥效果~但我只用左微波爐將佢叮熱.說是紅豆栗子酥其實只係在麵包上面舖左一層格仔酥皮,賣相靚~見到入面既紅豆好似好吸引呢…雖然隔左一日, 麵包仍然軟熟, 仲以為呢個包入面有栗子蓉, 然後面層舖紅豆,點知一搣開,見唔到d餡就有少少失望喇…原來係將已混合既紅豆栗子 卷o係外層.不過都好味道…但如果多d餡當然更理想啦~哈哈~紅豆栗子蓉唔會過甜, 包都幾大個~包既密度唔低~所以個包都夠飽…以呢個價錢抵食~見到佢有件裝既cake都好吸引~$10/件~下次一定要試下先~

我預備咗甜品架，不過大嚿太飽食唔落lu...淨係食咗D mini tart，我要拎返兩件蛋糕返屋企，留返第二日食囉mini tart一定要打電話去預留架，如果唔係到下晝時間去就一定買唔到架喇！我覺得粟子撻同朱古力撻都好好食呀！本身唔太鍾意食朱古力甜品嘅我都對呢度嘅朱古力撻讚賞呢！講返兩件cake先，blueberry yogurt cake我已經係第二次食架喇，酸酸咪咪唔會漏！至於blueberry cheese cake係我第一次試，嘩，原來仲好食過blueberry yogurt架！掂！講到呢度，我而家最期待下星期同大嚿去食Yamm嘅desserts tea buffet呀！

我向來好欣賞此餅店, 她們做出來的蛋糕,西餅,曲奇和麵包都各具特色, 酒店水準, 街坊價錢。早前突然好懷念她們的曲奇餅, 肉卷和軟芝士蛋糕, 特意前去一趟。很可惜當日沒有肉卷和軟芝士蛋糕, 但買到杏仁酥和隨意選擇了幾個麵包作為老公和我第二朝的早餐。杏仁酥: 這裡的杏仁酥出色得很, 杏仁酥不會很甜, 小巧的一口便可放入咀裡, 餅底焗出很多層, 所以極之酥脆, 她們的曲奇絕不比坊間遜色, 只是這裡不太出名而已。軟豬仔包: 以前已經很喜歡這店出品的軟豬仔包, 由其早上新鮮出爐時, 外面還脆, 內裡軟腍腍, 十分鬆軟和有很香的奶味, 非常優質的軟豬仔包, 而且別處是找不到的。這款包清清地, 是我以前減肥首選。忌廉芝士包: 這款是新嘗試, 知道老公鍾意食芝士, 特意買俾佢做早餐, 佢話芝士好多和忌廉很夾, 麵包少少甜, 很好吃。咖哩牛肉中東包: 這款亦是老公的早餐, 包身質感頗粗糙, 內裡牛肉不會很辣, 味道亦頗討好不俗。如果屋企附近有她的分店就好啦

之前在 openrice 看到多美意有好多好好的食評，於是想一試..... 因為姐姐生日，所以我訂了個 New York Cheese Cake 加鮮什果，嘩！嘩！嘩！真係超好味呀..... 士多啤梨、芒果&藍莓..... 好新鮮..... 又甜，蛋糕又香..... 又滑..... 又軟，總之就係好好味啦！！！下次真係要試下這裏的麵包&曲奇。而且一定會再來這裏買蛋糕，因為實在係得呀！是次消費：New York Cheese Cake 加鮮什果 $160（一磅裝）

佢地既麵包超軟熟，切餅$20件，tiramisu$22，仲有mini tart$24有6個，曲奇餅約$30上下，芝士飽$14條，係其中一款熱賣飽，紫菜肉鬆飽$6，大大個又勁多肉鬆，抵食，蛋糕款式又有創意，仲可以自己拎款去整。http://www.domiecake.com/本來想逐樣介紹邊樣好味，但係太多勒，有興趣既自己落去揀啦！d阿姐好好禮貌，見過有客人寸爆，但佢地都好好心機解釋。收工時間好多款都冇貨，但係可以當天打電話留架～～佢已經成為我既飽餅舖首選

吃完米線去尖沙咀，知道柯士甸道有一間麵包舖不錯，於是走去看看。但因為剛才吃得太飽，雖然麵包好香，但是真的吃不下，可是一場來到怎能空手而回！見到有一包包的雜錦曲奇餅，於是買了來吃。一包有六塊不同的餅，各有特別之處，唯一相同是每塊都好香。小包雜錦曲奇餅的好處是可試不同款式，好吃的可買大包裝點定慢慢吃。而我覺得最好吃的是其中一款酥餅，好香麥味，每層都好脆。下次會試其他麵包及買一包大的酥餅吃。

tried their mini tarts $4/pc. Had chocolate, chestnut, and lemon cheesecake cubes. ($12)The lemon cheesecake cube tasted really fake. Couldn't stand it after one bit, had to threw it away. The chestnut is alright and the chocolate truffle tart just didnt taste right. I only had the tart and chucked away the truffle.So sadly, I end up paying $12 for a mini tart.No next time..sorry

24 July 2008 多美意啲CAKE真係又平又好味呀!! 拍得住酒店級水準, 但係價錢就平酒店好多啦! 買幾件　cake 返屋企 Daddy 慶祝生日，因為買成個一磅裝的蛋糕又怕食唔哂，咁咪買D散件的 cake 囉! 款式又多D又可以試到唔同味道，不過依間餅店啲生意好好架，放工去到有好多款都無哂，咁我就試吓打電話去問問可唔可以電話訂咗之後先去攞! 心諗多數都無架啦因為你買過幾件餅點同你留呀，但係我估錯啦店員好好服務，問我想要邊款佢會幫我留呀! 咁啲服務態度真係非常 good!! 　佢 D cake 啲價錢真係底架，一件拿破倫都只係 $10, 其他款 new york cheese & chocolate cake 都係 $20 件, 係咪好底呀! 你哋睇吓張相D cake 唔細件架! 味道唔錯最好係唔甜!

芝士方包雖然$7只有4片，但每天中午都新鮮出爐，雖然只是普通芝士，但落足料，麵包又鬆軟，很好吃。另外一定要試小店的朱古力donut，炸起來卻不油不膩，古力味香濃，水準之作。小店不一定比連鎖店差。

今晚7:00面包已不多, 想食的芝士餅及卷餅亦已賣哂了, 惟有買個藍梅鬆餅啦, $6一個不算貴, 個鬆餅的質感比較實, 沒有Mrs. Field那些咁鬆軟, 但食落都ok, 內裡有好多藍梅醬, 以這價錢食得過啦.

終於有機會詆它的紅豆卷了, 因已是晚上7時, 店內的包包與西餅已所剩無幾, 好在仲有一件紅豆卷, 即買, $10一件, 都ok不算貴, 內裡有紅豆cream 加小粒的紅豆, 好滑, 蛋糕亦好鬆軟, 卷蛋外面加上糖霜, 好好味, 總之食完真係有好幸福的感覺, 推介!

1. 藍啤梨鬆餅$6 ~ 一般啦,得果幾pet藍莓醬2. 罌粟子丹麥包$6 ~ 久不久一次都OK,因為黏笠笠3. 蕃茄香草包$5 ~ 胡椒味很重,亦完全蓋過香草味4. 五穀提子包$5 ~ 樣貌似scone,但質地完全是麵包