多美意餅屋 (已搬遷) 新店位置

三文治不是白麵包，而是一件長條形既包，有幾片青瓜和tomato，很健康，蛋沙律上面有一片片熟蛋，大件得可以當lunch。這裡有很多款三文治，而且都很足料的，所以$15一個不算貴。我試過很多款，蛋沙律是新款的，也是最棒的！！

入左polyu 先知道這間店的存在，以前試過佢地既mini tart，十分美味！今次買件new work cheesecake 送俾自己，$16 only，比一般餅店的平。餅底唔會散，脆脆地，好得！同tart既餅底一樣咁好味，這間店製餅底有一手！cream cheese非常滑！又唔會好漏！但好有芝士味，好正！$16有咁既質素，去邊度搵？！我覺得雪櫃裡面既cake 全部都好食，即使有d我未試過。認同下面有位食家講話朱古力冬甩好好味！下次一定要試試佢地既曲奇！

六件迷你撻仔有雜果,栗子及朱古力, 每款兩件~ 自己最喜歡的是朱古力味, 有點兒像一粒truffle放上蛋撻皮, 朱古力慕絲既香滑又不太甜, 很好, 一口氣可連吃幾個~ 雜果tart都做得不錯, 雖然墊底的吉士比較杰身, 但仍是香濃滑溜, 叫人愛不釋手呢~ 至於栗子慕絲, 還是稍甜了點~這間小店水準不錯, 價錢又合理, 怪不得我由大學開始幫襯到現在~

好少行去柯士甸道, 但經過時總會入多美意打個轉, 買d麵包食. 今次買左個朱古力酥, 酥皮夠酥脆, 而且朱古力份量十足, 價錢亦好相宜, 係抵食之選.俾錢期間, 有客人黎拎訂左o既三盒杏仁酥條, 女店員話呢款酥條好受歡迎好好味, 等我下次都買一盒.

今日路經此地，醒起以前呢度d cake唔錯，見口淡淡就入去買件食..除咗cakes之外，呢度仲有甜鹹麵包及曲奇賣。聽講佢哋嘅曲奇亦相當有名，不過今日乜都唔諗，只係專攻cake一款。本來已經夾咗件blueberry muffin，但見到凍櫃入面件士多啤梨卷蛋賣相相當吸引，就放棄件muffin揀佢。要成十蚊件，比一般連鎖店貴，不過卻係值嘅 --- 卷蛋嘅質感幾鬆軟，絕對冇香精嗰種可怕嘅味道；士多啤梨頗酸，係完全expect到嘅(只係十蚊件，唔通俾日本靚士多啤梨你食咩?)；cream嘅份量幾多，啱晒我口味。再加上卷蛋面放咗一D糖霜，令口感更好。相當唔錯...

以我自己食左十幾年doughnuts既經驗,多美意既朱古力doughnut可以話係no.1!佢既doughnut炸得鬆軟但絕對唔會覺得油淋淋,加埋個朱古力,甜味好!真係好好味~P.S.咁好味既朱古力doughnut只須$5,無得頂!

住左係jordan十年以上都會定期黎呢度買包食but最鍾意都係佢\地既mini tart有6款有chocolate mousse 雜果x 2 strawberrymango 栗子hk$20/6 如果遲過3點鍾去買既話多數都係會得返雜果2款同strawberry最好味既本人覺得係chocolate mousse佢\個面有朱古力粉鋪滿哂係度放落口最初有d苦苦地食落去好soft 好creamy 但係又唔會覺得好漏個撻皮好脆唔會淋chichi咁亦都有好多人預早黎呢度買birthday cake想要買既話最好預訂因為好多款都係俾人要哂遲左d都冇得食

好想食中東包...點知因為銷路欠佳所以停產。何解一個比Little Mermaid、Le Bon Pain、Das Gute 等做得出色、做得老字號既中東包會落得如斯下場？知音人真的那麼少嗎？抑或是我口味乖僻兼怪雞？取而代之，係五穀提子包...經過15-20 分鐘之冷縮夾熱脹既車程同路程之後，個包依然係微暖兼微軟，仲好多合桃（唔係「溢版」），正。其他常年產品如豬仔包（軟豬）、藍莓乳酪包等均推介；只是因我要戒口才齋食健康包。健怡包...尤其是中東包，唯獨你是不可取替。

我食過呢間餅店既曲奇同芝麻包曲奇有好多種..我食過覺得最好味既係有d花生o係面既..下1面好鬆趣既我唔知佢叫咩名...但真係好好味唔餓都可以食倒好多仲有一款咸既餅..係紐型既..都唔錯仲有個芝麻包都好味...唔覺唔覺就食哂價錢都okay...可以接受因為佢有返咁好食...比普通餅店貴返d都係有佢既價值

最初係大學同學介紹我去幫襯DOMIE CAKE SHOP，因為好近我地大學(買早餐好方便)，而且試過之後發覺真係同一般既大集團餅店有好大分別，用料靚D，新鮮D，而且生日蛋糕款可以自己揀，所以每逢同學生日都會去訂蛋糕。特別推介: 栗子蛋糕---個餅底超好食!!! tiramisu---個人至愛!!!

呢款包係第二度見唔到,覺得幾新奇,所以買一條試下…一打開袋已經聞到少少柚味,不過食落唔大柚味,只係久不久食到一粒粒柚子,個包係甜甜地既,但係我嫌佢唔夠鬆軟,又或者可以話係夠軟唔軟鬆,而且唔夠乾爽,令人有少少heavy既感覺,不過大致上算唔錯!

近日見倒多美意餅屋出了一D小饅頭﹐又經店內職員推介﹐所以買了幾個。有驚喜wor﹗味道有芝士﹐紅豆﹐紫菜三款。個饅頭煙煙韌韌﹐好好趙頭﹐又唔甜﹐又底食($5 三個)﹐做小食或宵夜一流﹗其實這店既西餅麵包一向都有文華餅店既質數﹐又平好多.

Stumbled across this shop few years ago, tried the very rare Meringue, which is crisp, just rightly sweet and most importantly not sticking to your teeth. Haven't had such good Meringue anywhere else in HK!You guess right, and I have been a regular customer ever since.ps. their Guava mousse cake is one of the most creative and original too.~

琴日收工經過多美意,入去行下睇下有咩好野,黃昏時候仲有好多唔同款色又特別既包,什麼芒果乳酪包,藍啤梨乳酪包,芝士蛋糕,藍莓鬆餅,朱古力號角,柚子蜜方包,芝士包…應有盡有!可惜,聽講最好味最受歡迎既提子包已經售罄…我就被好多一盒盒包裝好靚既曲奇吸引住,有好多款,包括普通牛油花形曲奇,朱古力曲奇,杏片曲奇,紐紐曲奇,同埋好特別既黑白芝麻曲奇!每一盒都用絲帶好,而且三十幾蚊有幾十塊,我覺得送俾人都得,因為好精緻!我最後揀左普通牛油花形曲奇,返去同屋企人分享,大家都覺得好味,牛油味濃,夠香夠脆,同車厘哥夫曲奇既味道好似,但係比車乾淨,因為無餅碎,好整潔,亦唔易食”寫”,一大盒夠幾個人分!Good!仲有,店員好親切好有禮,問佢問題都笑住細心答,又會offer客人致電預留包餅蛋糕,值得嘉許!

買o左個特價o既chocolate danish酥($5) for my sister, 佢不嬲都like 食ga, 佢話都好食ar, 又夠多chocolate, d 酥又鬆化, 我都見個outlook 唔錯ga~另外有d $60 一pound o既cookies, 我竟然見到我好好好like 的蛋白餅ar!! 其實我feel 係似糖多d, 我一直都係o係馬莎買ga ja, 估唔到呢度竟然有, inside 有d杏仁粒, 好好食, 又脆脆o地o甘, 最好係唔會太甜ar ma, 好好味!!!!另外o個木cookies有一種係有杏仁o既都好好!個老d o既阿組幾好禮貌!i'll be back!~