多美意餅屋 (已搬遷) 新店位置

上朋友屋企食飯，當然不能兩手揈揈。正好經過佐敦，所以就先去烘培老店，送上四件小蛋糕俾大家公諸同好，分甘同味啦。😎🍋檸檬芝士🧀⭐️⭐️⭐️⭐️檸檬味幾香同清新，中和了芝士的飽膩。整 體濃郁香滑，不錯。🍵抹茶柚子（新出）⭐️⭐️見有新出嘅蛋糕，當然要一試啦。不過個綠茶、柚子味道同樣唔突出，甚至有少少假。我哋一次覺得只係普普通通。🫐藍莓乳酪⭐️⭐️⭐️食咗幾件芝士蛋糕，當然要一款清新少少，所以就要咗藍莓乳酪。藍莓微酸帶甜，配埋乳酪都幾香滑，可以一試。🥭芒果慕絲⭐️⭐️⭐️⭐️除咗面頭有芒果外入面嘅mousse都充滿濃郁芒果味，整體幾香。朋友們一致最喜歡呢款。🤣

因前輩介紹而來。正常排隊想買東西, 但當輪到自已，職員竟幫後面的顧客袋面包，問都唔問我要些甚麼。我忍唔住說我排先，而且我係買tart和拿破崙。真太過份。後者的旦糕部份好乾，像已被放了很久。唔再幫襯，因售餅員無禮貌和高傲。就算食物再好，服務態度卻冷和差，都無意思。

少有咁足料嘅芝士方包!!!喺poly讀到Year3, 已經係呢間店嘅常客。呢度比起隔離The One Bakery包點水準較平均, 無論袋裝定個裝包質地都一樣。The One 個裝粉團乾咗啲, 餡好少(有機會再寫)。但呢度有餡款就少啲, 袋裝包亦冇The One咁重身。但講到芝士包, 一定幫襯多美意!!!8塊包塊塊都如圖所示卷滿芝士碎! 面頭烘過嘅芝士碎更加香濃包面煙韌, 包身軟熟有面粉香~一條8塊左右, 厚切, 掌心咁大塊

女友birthday.. 訂左呢個蛋糕..這間餅屋真真不得了. 比大酒店的更好，好在蛋糕沒有那份膩，較清較爽，唔係咁飽肚。我訂依個又靚又好味... 真係好好味架..巧克力皮就過得去平時d cake我食少少..呢個我食左四份一裡面有3層, 有多種新鮮水果..值得一試 .. 餅屋沒有結業

今年生日男友特登去左多美意訂左款monchhichi蛋糕比我, 賣相唔駛講啦, 超級靚啦! 味道都唔差, monchhichi啲頭髮係一舊硬朱古力黎, 切之前要最好拿走佢, 以便切開, 蛋糕芯揀左雜果料, monchhichi塊面都係一層軟既朱古力黎, 味道唔錯家! 總括黎講呢款蛋糕好食! 呢款蛋糕最少要磅半, $170一磅, 所以呢款蛋糕要$255記住每次訂完蛋糕要留番張單呀, 下次再買時有九折家!

上課想買點吃的 , 被它門外吸引了 , 進內看個究竟結果買了....軟豬仔包 $3出爐時是暖暖的 但因攤涼了稍稍翻熱---熱熱的 而且真的好軟啊比海綿蛋糕還是鬆軟不過因為這樣子 吃幾口全都進了肚子甜甜的 如果愛吃軟軟的朋友會愛吧!我還是愛硬的 哈

家人訂生日蛋糕予外父賀壽，慕名幫襯佐敦柯士甸道107-109號「多美意餅屋」，豈料中伏。：八百幾蚊一個三磅立體皇冠造型蛋糕，係，造型係靚，但味道仲差過美心西餅一截，皇冠皮嘅朱古力質素被狠批差過新年雜嘜朱古力金幣，我吃一口也即時吐出來。蛋糕味道認真一般而且毫不鬆軟。結論係呢間係模型舖而非餅店，諸位小心矣。

為了做身體檢查，餓了12小時。當離開位於佐敦的診所便箭步往多美意。一直慕名此餅店的蛋糕，因為在香港區返工，放工時已差不多全店沽清。進門後已被麵包香吸引，但件裝蛋糕就唔多選擇，只有New York Cheesecake， Blueberry Yogurt Cake，結果選擇New York Cheesecake。Cheesecake很標準，芝士滑，軟硬適中，唔太甜，餅底脆身，好味。我亦買了甚少在麵包店出現的合桃提子麥包做早餐。其他麵包店多數是合桃提子法包，但法包擺耐咗會變得較韌，而這裡用的是麥包，因此完全沒有這個情況。第二日食都仍然好香，好軟熟。加上餡料足，合桃新鮮脆口，好此包者必吃。

上網做o左d資料搜集得知呢間餅店有得order特色蛋糕所以放工就即刻飛撲過去尖咀訂蛋糕款式同味道都有好多唔同選擇但係某d款式最少要order 3至4磅原本打算訂個b-duck俾友人慶生但係最少都要4磅所以唯額外加$30蚊o係蛋糕隔離加o左迷你b-duck俾佢個蛋糕o係生日飯局時候上場大家都好surprise一個無士多啤梨味o既士多啤梨型蛋糕fit哂我其中一個對士多啤梨敏感o既朋友仔內裡o既chocolate truffle cake幾好食唯獨是佢外層個icing 太甜不過....食個款都抵*

罌粟籽芝麻扭紋酥: domie的丹麥酥雖然不是主打, 也比不上某些貴價名店的名氣, 不過這扭紋酥卻是我喜愛的口味呢! 這個酥很鬆化, 很脆, 表面的poppy seed及sesame亦增添了不少香口, 咬下去口感更佳呢! : 紅豆栗子包: 很地道的日本麵包, 紅豆及栗子蓉份量很足, 佈滿麵包內, 其甜度剛剛好, 不會覺得很膩的感覺, 兩者是一個頗搭配的口味! 加拿大煙肉芝士包: 其實只是普通的一個煙肉芝士包啦, 不能算出色, 但由於本身麵包做得很鬆軟, 而且加熱後的芝士熔化了, 吃上來也不算很差啦! 提子五穀包: size很小, 想健康及喜歡輕怡的話, 可以一試..

多美意的蛋糕與麵包真是有質素的, 因本人至少一星期光顧一次, 但在上星期發生此事情後真是要重新考慮是否仍是多美意的粉絲. 事源一月份真是個好日子, 大部份朋友及家人都生日, 我在1月11日就向多美意訂左2個蛋糕, 因為之前我都在此有訂蛋糕有底單, 所以就可以訂蛋糕有9折了,當日訂的蛋糕分別是會在1月16日拎同1月21日拎, 每兩個蛋糕當然也有9折.到了昨天我又到多美意訂蛋糕, 而此蛋糕是要在1月17日拎的, 我就同店員講之前訂了兩個蛋糕有單的是否有9折, 我拎回1張1月16日的底單給他, 他在廚房內找回1月16日他們留底的單講此單已用在1月21日的訂單, 因我手上沒有帶1月21日的訂單, 便同店員講1月21日的底單現在不在我手上, 可在1月16日拎蛋糕時給他再做回折扣, 該店員就回覆你向1月17日拎蛋糕時給我1月21日我給你折扣. 我付了訂金後, 該店員就對我講下次你唔好咁插單就唔會咁亂, 我即時反應當然回覆我係突然要訂蛋糕又諗起你多美意先來訂, 我唔係想來插單令到咁混亂. 此店員即時只是笑口沒有回覆, 當我踏出此餅店後心想為何賞識你餅店而且重要一星期訂三個蛋糕也要有此服務態度對待.

今天行過佐敦,見之前的食評推介這裏的中東咖喱包,於是專程走過去一試.裏面賣的麵包的種很多,但蛋糕就很少,可能是太晚的關係吧,那時巳是五時半,好像芝士蛋糕,就只剩下十二分之一小件,其他都是預訂了的生日蛋糕之類,想試他們的芒果慕絲蛋糕也沒有 .我快速地找到想要的中東咖喱包,六元一個,都算合理.味道呢,有一點辣,好香咖喱味,包就像麥記豬柳蛋漢堡的質地,但比較軟,加在一起吃,好像在印度餐廳吃薄餅點咖喱一樣,無太特別的地方.同類型的麵包,我覺得咖喱肉包配炸包比較夾一點呢,這種包在很多的麵包店都有得賣.

每次黎到必買中東包~因為係隔一個星期供應...所以未必次次都有得買架~咁岩今次黎到冇我鍾意食既三色豆中東包~只有咖哩雜菜中東包~好過冇....:當然照買啦~食前用微波爐訂熱...餡料有洋蔥, 紅蘿蔔, 椰菜, 薯仔, 仲有我唔鍾意既芹菜~咖哩汁食杰身~因為過稀會整濕麵包~變得唔好食~控制得剛剛好~其實餡料唔多~包既味道來自咖哩汁..當然如果包既質感好,,,,,就算冇汁都好食架啦~麵包較粗糙,有口感~似食緊粗麥包...係我鍾意既質感....呢個包好飽肚~用黎做lunch絕對冇問題~~今次仲買左半磅麥包...呢度既麥包較細塊~但切得厚身~一樣軟熟有麥味.....

買左三豆中東包同一半既芝士包三豆中東包:包身好香,可能加左香草, 而入面都有好多豆,同個包好夾芝士包麵包皮有好多cheese, 令整個包都變得好濃好香 而且包入面亦有好多cheese,下次一定買成個!唯一缺點就是欠缺麵包店應有既溫暖行左入去都唔覺係麵包店,冇果種新鮮出爐既感覺

$5。3個。芝士QQ波：幾香，都ok有芝士味喎。(7:30pm去到，得番呢一個ja，幸運)$5。3個。紅豆QQ波：雖然紅豆味不出，但能咬到的紅豆都是沙沙的質感。不錯！P.S：此店的麻糬波波較別店的易咬，沒太大的煙un口感。