多賀野 (新城市廣場一期)

營業中

休息中

一個人食lunch時間經過沙田新城市，就選擇左拉麵🍜，因爲快。入到去檯面已經有餐具，而店員好快送一杯熱茶。打開餐牌發現拉麵選擇多，反而沾麵就比較多湯底選擇。最後揀左醬油拉麵，多蔥。🌟多賀野醬油拉麵 $128拉麵跟一塊紫菜、一隻溏心蛋、蔥、叉燒。配菜相對比較少。個人認為湯底偏淡，唔夠濃郁，食唔出醬油味。麵身都較硬，而溫度就啱啱好。個碗仲係好熱，保到溫。總括而言，價錢偏貴。128仲要加埋一。連配菜都冇乜，而味道又好一般。份量又唔算大。呢個價錢我相信午餐有更多好好既選擇。

今日我女話想去沙田新城市廣場行街，又想食日本拉麵，於是搵下搵下見到「多賀野」。還記得第一次食「多賀野」係2年前的 K11 Musea ，兩間食物水準都一樣，環境一樣舒服。

星期日下午三點零左右黎到，唔洗等位可以直入胡麻豆腐沙律～正常日式煎餃子～普通粟國塩味拉麵（上）多賀野醬油拉麵（下）拉麵唔係用平時嘅拉麵，食落似係蕎麥麵。拉麵煮得唔錯，拉麵無粉漿痴住，爽口彈牙無黏口感叉燒肥瘦適中，雖然唔係入口即化，但都唔會乾柴嚡熠熠。叉燒輕輕火炙過，食落更為香口老公話兩款湯底都唔係佢杯茶，不過兩個湯底比較，佢覺得塩味湯底好過醬油湯底。但我同老公剛好相反，我就覺得醬油相對好啲。可能我味蕾比較遲鈍，食到塩味湯底只有咸味，唔係好食到其他味道，個人覺得好單調老公話食拉麵未試過唔想飲埋個湯底

2021年11月25日出過一份食評。今次又再出。兩份食評之間我都幫襯過兩，三次。再去幫襯原因係因為佢哋肯改變。之前話佢啲嘢食唔夠熱。 再比機會佢果然有驚喜。而家啲嘢食熱辣辣特別個湯底。食物熱辣辣就令到味道很突出。佢哋嘅味道真係唔錯㗎。鹽味拉麵: 叉燒係肥咗d，好彩個湯夠熱辣辣。但叉燒都係瘦少少會好d喔。隻蛋唔錯，好軟喔。醬油拉麵: 勁熱嘅湯，好幸福。叉燒都係肥咗少少。雞蛋好入味。熱辣辣餃子，煎得脆脆的，好味道喔。以上總數成為 345元。10月21日前嗰次係食以下食物，10月7日。都係熱辣辣 醬油拉麵。證明佢真係好味啦，成日都叫呢款。熱辣辣脆皮銀雪魚定食， 忘記價錢。呢個好熱又脆又滑。影遲咗。看他的員工工作時很有壓力。希望公司都能明白對他們好一點，體諒多一點，相信他會便自然為公司努力。公司文化培養得好真係唔容易，但是重要的。

近年沙田新城市廣場引進很多優質食肆，今期進註的新餐廳就是～～東京名店連續4年入選東京米芝蓮指南推介「MICHELIN TOKYO」Tabelog 全日本拉麵大獎👍🏻餐廳裝修格局用上日本風和中華的風格，暖色木系配上日本式圓形白色燈籠。《極上蟹皇沾麵》🍜熱辣辣香噴噴的蟹皇沾麵很吸引，拉麵口應軟硬適中輕輕取一扎沾上蟹皇湯汁非常鮮甜香濃，沒有油膩感覺而乳白色魚湯和蟹肉一起煮味道很夾。最後拉麵已吃完但還有湯汁如果不想浪費，可以叫店員加少許上湯，那就是一碗蟹皇湯整碗喝光，另一吃法就是加多一個白飯，將白飯倒進蟹皇汁上也可以做出一碗美味撈飯。《芝麻辛辣廣島蠔冷麵》🦪 「期間限定」不想吃熱湯麵還有冷麵選擇，這個期間限定廣島蠔冷麵就最適合不過，香煎廣島蠔很鮮甜大隻又飽滿，配上辛辣京蔥絲一起吃有醒胃感覺。《兒童餐配迷你塩味叉燒拉麵 》🍱(魚餅、餃子、士多啤梨窩夫、益力多)兒童餐的份量也很多而且非常豐富，看到每枱有小朋友的都會點這個餐，魚餅和餃子炸得很香脆，吃完還有士多啤梨窩夫做甜品，真的連大人看見都心心眼。

係一個好入好入嘅位當其他餐廳都排曬長龍果陣 揀呢間就岩拉麵選擇唔多 menu都比較簡單覺得佢個兒童餐幾吸引 可惜超左齡🥹🌶️無辣不歡嘅我 揀咗芝麻辛辣拉麵 $138餐牌形容係擔擔麵風味我就覺得唔太似~ 因為無乜花生味(不過都係有花生成份架! 過敏者請避開)湯底好濃郁果仁香味間唔中食中D芝麻粒 滿口芝麻香 正叉燒好大塊 無豬腥味🐷煮到稔曬+肥膏 口感棒棒的如果有埋溏心蛋就好~~🫡

一直都想試下這米之蓮拉麵，星期日早上下午1:30戈趁等位的人不太多，便一行2人試吓，店內裝修充滿日本風味，坐4人卡位，中間有厚實的木間食同間左，增加私隱度，叫左鰻魚飯定同極上蟹皇拉麵及煎餃子。鰻魚飯先上，跟餐有沙律、麵豉湯，賣相精緻，味道可以，跟著到煎餃，煎餃肉汁多，煎得香口，跟著到主角極上蟹皇沾麵另有蟹肉和蟹膏另上，沾麵的湯很濃，麵質彈牙，唯麵湯不夠熱，只是溫暖，仲有一隻炸軟殼蟹，一分為二，味道普通，店務員服務不錯，有keep住加水，呢樣有加分，有機會下次會試下其他拉麵。

因為muses 見過有依間店成日好多人排隊，知道沙田開左間，但一直未有機會食，今晚正好兩位小朋友都唔跟我地食，我地可以撐枱腳！我地叫左一碗湯麵一碗冷撈麵仲叫左支日本汽水，因為叫埋野飲，小食就可以半價叫一款！湯麵，係我喜歡既種類，湯清唔油唔太咸，就算食完個麵飲左半碗湯都無「喝」喉！冷麵係配煎蠔，我先生比較喜歡食冷麵，我試左佢一啖，第一口感即刻回味番，20年前迴轉壽司剛傳入香港，大家都會去果間食（唔記得咩名），我當時最喜歡佢有個類似中華冷都但係辣汁既，自從果間野執左後都無食番果個味道，今晚依個冷麵真係食到記憶番哂來！小食我叫左個炸豆腐，果款豆腐都係我喜歡的口味，就係簿簿一層炸粉鬆鬆地包住豆腐炸，再上汁面頭加木魚絲（忘記映相）我覺得依間可以再食，試下其喺款式最後走果時發現店鋪近埋牆既枱都有個趟門係枱上，如果四位埋來佢會打開成為四人枱，兩人時佢會關埋 就變成兩張二人枱，依個設計我又要加佢分

這家店是日本過江龍😳曾連續四年獲得東京米芝蓮美譽🏆店內設有屏風間格環境充滿日本風味🎏 極上蟹皇沾麵🦀🍜 $188湯底濃郁，軟殼蟹🦀炸得略為乾，附上一小碟蟹膏及蟹肉一起品嚐頓時令蟹味昇華😋，蟹膏可以自行調配，喜愛吃蟹的我將蟹膏全部加入湯底雖則濃郁但略為鹹了一點，要喝一口清茶🍵來解膩😂拉麵質感煙韌彈牙且份量十足，此外有溏心蛋、乾筍及紫菜配襯辛辣沾麵🌶🐷🍜 $158除了辛辣口感還會感覺到麻麻辣辣，第一次吃麻辣沾麵很特別😳，刺激味蕾越吃越上癮🤣，還有2片厚切叉燒表面微微燒炙，肥瘦適中，還有溏心蛋、乾筍及紫菜，當中溏心蛋非常流心🤤蛋香濃郁😋讚讚桌子上放了一塊牌子講解沾麵食法，好貼心，用餐時間只有60分鐘，上菜速度快及店員服務友善，不過以一碗拉麵要百多元，價錢略為貴🤑，拉麵控的朋友可以不妨一試

有好一段時間完全迷上吃拉麵，總是會找不同的拉麵店尋找心目中的味道；現在雖然沒有像那時候這麼瘋狂，不過還是會不時去吃不同地區開設小店或連鎖店的拉麵啊！這次就到訪在沙田區來說也算是比較新開業的日本過江龍拉麵店豚鴨沾麵 $168這次來吃個特別點，來試試店家這個豚鴨沾麵，因為坊間比較少見以鴨肉做主角的湯底，店家就是其中一家聽說這個豚鴨湯是在豚骨湯以外再用上5斤鴨肉連皮一同熬製，再加入大量的蔥段跟幾件鴨肉丁粒，湯頭蠻甜的，比較特別，鴨味豚肉均吃到啊但又不會太濃郁，加上店家細心地把湯頭以小爐頭盛載著一直以小蠟燭加熱保持溫度，也許是這個緣故湯頭沒有半點羶味至於拉麵，沒有軟硬度也沒有粗幼度之分，是一種屬於比較粗身，有勁道有嚼勁的那種，完全是個人偏好的那一款～ 麵條沒有因為淥熟後變得黏性高，反之一夾就可以輕鬆地散開再沾湯汁，入口也不會覺得放太久而變太硬，就是剛好那種！根據店家官方資料介紹，拉麵是每硬新鮮製作，當中採用四種日本專業麵粉搓成麵團，再根據當日溫度跟濕度調整水份以保持口感；拉麵中亦加入小麥粒粒，故此入口帶淡淡麥香～ 至於其他配菜，有齊豚肉叉燒、筍、紫菜跟溏心蛋，就有齊這幾款已經是滿分了！個人堅持

今日我和嫲嫲去了沙田新城市日式餐廳「多賀野」食飯，點了銀鱈魚西京燒定食$208和芝麻辛辣拉麵$138。嫲嫲愛吃辣，品嚐芝麻辛辣拉麵🍜。濃濃的湯底拉麵，帶有芝麻香，配上辛辣口味，頂層再加上長蔥絲，賣相已經相當吸睛，味道也不錯。但略嫌鹹了一點，令味道層次感減退不少。至於叉燒方便，肥瘦適中，入口嫩滑，不得不讚！我就最愛吃銀鱈魚定食，入口滑嘟嘟的銀鱈魚，煎得剛剛好，有少少燶燶地，味道香口，再配上沙律醬，更加提升滑嘟嘟的口感，以沙律醬為配醬，完全襯得起主菜的銀鱈魚。下次再光顧的時候，必試「沾麵」！

晚上行完街，同男朋友遊了新城市地下一轉，最後選擇左多賀野食拉麵😋員工見我地一袋二袋，好好地提供了雜物籃給我們擺放👍🏻愛試新嘢的我好快就選了芝麻辛辣廣島蠔冷麵，男友就選最出名的招牌醬油拉麵，怕唔夠仲叫了黑胡椒炸雞。兩碗麵好快落枱，男友邊食邊話好好味，湯底有東京醬油拉麵的風味，性價比高，麵質煙靭十足！至於冷麵，首先隻蠔十分新鮮，醬汁好獨特又麻又香，冷麵不會過淋，軟硬適中。而炸雞是即叫即炸，外脆內juicy ，加上黑胡椒醬，真的完美配搭。

聞說係米芝蓮拉麵店，專程去試下。一碗拉麵平均都要百多元，偏貴的價位。平時最鐘意食塩味拉麵，鐘意個湯個種清帶鹹鮮味又唔會好似豬骨湯咁膩。於是點了粟國塩味湯拉麵，配料有兩片大叉燒，一隻溏心蛋，一片紫菜同筍，配幼拉麵。先飲淡湯，湯底湯清鹹香帶鰹魚味，純個人喜好唔鍾意鰹魚味咁出，變咗唔似塩味湯，麵質軟硬度適中亦都食都微微麥香，叉燒面有火炙既焦香，但失敗既地方叉燒無咩調味，加上塩味湯底唔濃蓋唔過豬肉的雪味，肉邊皮位有咬口，溏心蛋味道正常。筍就做得唔錯唔會好臭，而且爽脆。整體係正常發揮，唔會話好食到想食多次，無驚喜。

兩年前係k11 musea 食過，果時仲吹奏到好勁好多人排隊，都有去食過！但果時都冇咩問題 , 各方面都還好， 但隔咗咁耐喺新城市呢度食就出現問題!嗰日我仲要排隊等位先食到大約15至20分鐘😌😌滿心歡喜期待食沾麵，當佢出嘅時候真係好失望!嗰碗湯已經用嗰啲好細嘅蠟燭去座熱，諗住佢會keep 到溫度，點知第一啖放入口已經係低於常溫！一d 都唔熱！我仲帶咗朋友去食仲要講到佢好好食咁,搞到我顏面何存😌😌本身以為剩係得我哋嗰枱嘅湯放涼咗， 點知都聽到隔離枱講話啲湯係凍嘅, 相反熱嘅拉麵就好食好多😌😌講到攞晒獎咁樣但竟然有呢一個問題，我覺得有啲唔能夠接受!😡另外我哋有叫到炸雞食,今次呢一個就熱嘅, 完全無問題！😌😌但我期待嘅係食碗沾麵而唔係個炸雞囉，真心令我覺得好失望，唔敢再去食！

本身Happy Friday就想食個拉麵到lunch去到沙田就諗住試吓呢間日式拉麵入到去環境好闊落，而且每個位都有一對木門窗隔住，如果你係買個人一枱，就可以打開個窗食但如果係自己一個去食，就會關埋個窗私隱度極高，自己食都可以好Relax佢既menu 選擇唔算多而我就要左個醬油叉燒拉麵同一個日式炸豆腐小食佢既麵底唔係平時食既拉麵底，佢食落去有啲似蕎麥麵，而且佢兩塊叉燒好大塊同厚身仲配埋啲生蔥蒜同醃咗嘅筍，味道太夾啦。叉燒唔會好喊，再配味個湯就岩岩好而佢既炸豆腐係內滑外脆架，份量都唔係細。佢面頭鋪左啲木魚，再係底到淋左啲甜甜地既湯汁⋯⋯我食食下就食晒啦而且服務員好貼心同好友善。下次絕對要返黎再食過❤️