夜首爾

營業中

休息中

夜首爾比較出名係韓燒（調味牛肋骨超級正🫣），但我心入面最鐘意嘅都係鮑魚粥！🌟鮑魚粥$130粥底軟綿又暖胃，有唔少切碎嘅鮑魚肉（有咬口！），最重要嘅係鮑魚肝，中餐永遠會嫌棄佢，但日/韓料理就識得將佢活用，令到菜式嘅鮮味⬆️⬆️⬆️。🌟海鮮煎餅$150口感外脆內軟，尤其係邊位真係超脆。啖啖都係魷魚勁足料。幾鍾意佢冇其他韓式餐廳嘅煎餅咁油膩。🌟白灼八爪魚 $350之前食過辣炒八爪魚覺得好惹味，今次試吓清淡啲嘅白灼八爪魚。呢款係凍食嘅。八爪魚過完冷河好彈牙。加埋啲蔬菜、生果類似係沙律咁。🌟Cheeky peach $55酒精濃度低，好香嘅桃味超啱女仔。

今日突然好想食韓國嘢，朋友提議食依家喺尖沙咀最出名嘅韓國嘢辣牛腸章魚鍋一上枱就已經聞到一陣濃郁嘅香味。牛腸煮得剛好，口感滑嫩，帶有一點嚼勁，配上原隻鮮嫩嘅章魚，味道更加出色。店主喺我哋面前追將章魚剪開細細塊，方便食用🫶🏻辣味適中，唔會太辣，但足夠刺激味蕾。配搭嘅醬汁又酸又辣，完全提升咗整體味道，非常開胃。辣海鮮豆腐鍋鍋底嘅湯底非常濃郁，海鮮新鮮，蝦、魚片同貝類都煮得剛好，豆腐吸滿咗湯汁，軟滑得嚟又有味。整個鍋嘅辣味都好有層次，唔會單調。加埋啲蔬菜，更加令整碗鍋充滿營養，實在係個人嘅最愛。辣拌冷麵食親韓國嘢都嗌嘅，亦都係我最期待嘅。麵條彈牙，配上特製嘅辣醬，味道好惹味，清爽又帶有辣味，完美解膩。上面仲有新鮮嘅蔬菜，口感豐富，令我食得毫無負擔。總括而言，今日呢頓晚飯真係好滿意。每一道菜都好有特色，辣味十足但唔會過火，餐廳嘅氣氛亦都好舒服，絕對值得再嚟！

朋友生日飯食到一肚氣，第二次幫襯驚覺所以侍應已經變晒菲律賓姐姐態度極差，叫左過千韓牛都無幫手燒過，態度零分😡第一次去個陣都仲係有人幫手燒，態度良好所以先會再帶朋友尼食，同個姐姐講拎調味料佢一野拍落枱面，叫左十次都無人尼，態度十分惡劣，我認為忙絕對唔係服務態度差既籍口🤬🤬🤬🤬冷麵無味，煎餅軟lumlum，無人執枱，你主打韓國人開店都無用食物服務態度原全不正確😤😤😤 不會再光顧 👎👎👎👎

-今天和朋友試這間位於尖沙咀在遊客訪港必到的韓國人主理餐廳！🦀🫶🏻被門口的醬油蟹吸引到，內裡環境空間大及舒服，適合和朋友聊天及聚餐！小菜有9碟，很開胃，且美食真的很正宗且吃得十分滿足！💌✨-我們點了：🌟醬油蟹完全能還完在韓國的味道！🦀✨醬油蟹是由韓國延坪島直送的，🤎難怪味道非常鮮甜，肉可以直接被一口吸溜了進去，而且沒有什麼腥味的！非常推薦來試試的！👍🏻👍🏻.🌟 烤牛腸/牛胃一直很想念在韓國吃到的烤牛腸味道😍，職員會給你燒和整好，不用動手便吃到美食超方便的！！🫶🏻🫶🏻牛胃烤得滋滋冒油，油花滿滿的牛腸一口下去直接在嘴裡爆開，再配上紫菜飯和小菜，太幸福了！😭😭-📍夜首爾 Seoul Night Korean Restaurant ◻️ G/F & 1/F, 13-15 Prat Ave, Tsim Sha Tsui

去韓國返嚟之後 對韓國料理念念不忘 ， 朋友約我食飯我即刻提議去尖沙咀食韓國嘢😂，經過寶勒巷見到一間都好大間嘅韓國料理,  入到店內環境舒適乾淨， 服務員有禮貌。 前菜一嚟到好驚喜， 係有八個前菜,每一度前菜都係好有誠意好美味👍牛肉雜菜炒粉絲： 炒粉絲配料好豐富 牛肉份量都多， 味道啱啱好 ， 粉絲口感煙韌彈牙👍海鮮大醬湯： 濃郁嘅大醬湯 除咗豆腐瓜菜外加入咗唔少嘅海鮮， 令到大醬湯更鮮味，撈飯一流👍海鮮煎餅： 用鐵板上食嘅時候熱辣辣 ，呢款真係要大推， 煎得邊皮好香脆， 配料豐富， 加上佢嘅特製醬汁甘香惹味👍泡菜辣炒豚肉： 份量大碟， 肉片肥瘦均勻，每一片都沾滿醬汁夠惹味非常，加上酸辣嘅泡菜 爽脆又開胃👍。

剛由濟州島回來，路過尖沙咀這間韓式餐廳，不由自主進去，讓歡樂的韓國之旅繼續延續⋯在濟州島食燒肉最多，今次試下韓式火鍋、煎餅及石鍋飯，都是在濟州島沒有食到的，這里由韓國人主理，當然不能錯過。食之前，有八碟餐前小食。非常豐富，泡菜、薯仔、海帶、翠肉瓜、蛋餅、芽菜、茄子和涼粉。韓國人的餐前小食都是細細碟各式其式，非常入味開啓食慾。牛肉蘑菇火鍋：$380：份量比想像中大盤，感覺是3-4人份量。上面鋪滿薄切牛肉。另外還有大量配菜，例如：雞脾菇、蘑菇、金針菇、豆腐、羅白、娃娃菜⋯火鍋底湯味道濃郁，食材與湯底融合，非常豐富。海鮮煎餅 ： $150海鮮煎餅以其酥脆的外皮和豐富的內餡給我留下深刻印象。每一口都能感受到香脆味道。口感層次分明。豚肉石鍋拌飯：$130豚肉石鍋拌飯是朋友的至愛，石鍋的熱度讓米飯底部形成了香脆的鍋巴，將米飯拌勻食味道更突出。午餐設有套餐更多選擇。

收工約咗老婆去尖沙咀行街順便試吓呢間出名韓國菜老婆之前都講咗好想食吓醬油蟹🦀咁我哋就去咗位於寶勒巷#夜首爾店內嘅裝修都好有韓國嘅風格店內基本上工作人員都係韓國人睇咗餐牌經過一輪嘅選擇分別揀咗老婆最愛嘅醬油蟹一隻香煎蠔餅餅、海鮮大醬湯、冷麵餐前送咗八碟韓國嘅小菜先食🦀醬油蟹蟹是韓国延坪島直送香港原汁原味大大隻特別鮮美蟹黃特別多入口鮮甜🥣海鮮大醬湯配白飯份量都可以，口感濃郁有蜆.蝦同豆腐幾多种配菜🌮香煎蠔餅三塊厚厚嘅蠔餅口感松軟特別香唔會油膩滿足👍🥣冷麵夠大碗😄有咬口 兩個人足夠食📍 夜首爾 尖沙咀寶勒巷13-15號寶力大廈地舖

今次黎到寶勒巷搵食，想食韓國燒烤牛肉，但午市搵唔到韓國燒烤～ 最後決定牛肉飯都好啦～就行左入去夜首爾～ 地方睇黎都好大～只有1枱客人，明白的～始終尖沙咀成街成行都係食店～始終都好難做既🤪我叫左鐵板烤牛肉 Hkd85 跟左6個前茶 1個湯 1個飯 1壺茶～ 其實味道都幾好既～ 牛肉份量都幾多架～ 不過就牛肉唔夠滑，有點鞋颯颯～ 所以相比起連鎖店既吉xx既牛～ 就應該差左小小咁囉～ 如果85蚊，午市要加一，就不如選擇返其他就好了～ 午市就有點貴了～ 但如果想坐得寛闊都可以考慮呢度既

話說朋友一路都想試呢間餐廳，尋日終於去左。坐低問侍應推介，菲律賓人講英文嘅…當下心已經為之一沉，韓國野食梗係想韓國人地道整啦…叫左個兩人餐，有泡菜湯、燒魚、五花腩、五穀飯再加左一個燉牛肉…成堆韓式前菜已經冇樣好食（呢下已經嚇親）泡菜湯係杰到，畢唔到兩碗正常湯，仲係好咸五花腩冇味，唔好食 (食左一舊唔想再食）唯一食得落嘅係燒魚，只係因為相比冇咁難食，絕對唔係好食。坐低2 個幾鐘，個菲律賓中女係冇意識冇打算幫我地添茶…唔係貴嘅但性價比低到一個點，真係嚇親，韓國菜都可以整得咁難食會 blacklist … 大家真係去嘅請期望管理

掛住傳統韓國菜但又未有時間飛✈️不如過嚟尖沙咀試吓依間地道正宗韓國菜先 🇰🇷🇰🇷🥢小編今次lunch time 嚟到主要想食生牛肉同煎餅 味道都非常滿意😌生牛肉拌飯🥩粉嫩生牛肉拌唔同配菜 🥒🥕再加生雞蛋一齊食🥚滋味爆棚 🤩海鮮煎餅🦐非常香脆同足料 😊食落停唔到口😛😋: ⭐️⭐️⭐️💰:⭐️⭐️⭐️夜首爾 (尖沙咀)尖沙咀寶勒巷13-15號寶力大廈地舖

本來果一晚打算係食寶勒巷人氣泰菜Soi 29, 不過人龍實在太長所以同朋友打退堂鼓, 臨時望下openrice睇下附近有咩好食, 見到呢間夜首爾評分好高, 所以行去望下, 見個格局唔錯而且都好多客, 所以二話不說問店長有冇位, 好彩有四人枱而且仲畀左個獨立房我地，我估係冇晒枱先畀個房我地( 果晚係星期五晚peak hour )。叫左個薄切五花腩、調味牛肋骨(韓式長切法)、韓式豬手、辣炒年糕，當然唔少得醬油蟹。醬油蟹兩隻$460，其實同首爾食一樣價，我仲以為香港食一定會貴過韓國食，不過D 蟹膏就唔及我係首爾韓女士食既咁多。辣炒年糕非常好味，好煙UN味道亦唔會太辣，個牛肋骨肉質冇得輸。唯一係叫錯左薄切五花腩，應該係要叫厚切，因為佢地唔知點解畀左一個只有圓周邊有孔既鐵板我地，正常應該係一個連正中位置都有孔既鐵板先係最正統，所以個五花腩接觸唔到火所以燒極都唔靚，仲要出水，希望店舖注意下。價錢唔係平，但整體食物都係合格既。

夜晚堂食 安排咗坐係下邊嗰層梳化位置坐咗一陣 隔籬枱已經發現有隻細曱甴喺度爬已經即刻叫侍應 一開始佢地都有即時處理再過多一陣梳化位置再出現曱甴食物已經嚟咗一半，所以無奈之下要求調枱坐返去中間 同侍應示意要調枱，佢哋都冇應 最後係自己搬位（當晚大概有6至7枱客 完全唔係繁忙狀態）搬位後 過一陣枱同凳係有兩至三隻細曱甴 🪳同埋其他不知名嘅蟲 完全接受唔到衛生環境勁差 同侍應反應完全冇理我哋（仲以為韓國人 但有啲係識聽識講 都無理）當晚至少有三枱客見到呢個情況韓國菜仲要咁多冷盤 衛生環境咁差好彩冇食物中毒！

第一次寫食評，因為想話俾大家知呢間食店有老鼠橫行，而店員係置之不理！😤每當諗起要食韓燒呢間都會係首選幫襯過好多次。話說，最近一次嘅光顧係安排坐係近廚房嘅枱。在點餐嘅時候就見到米奇嘅足跡，於是乎就告知店員此事，但店員嘅反應係出奇地冷淡，淨係示意我哋驚就坐遠啲。完全冇諗過處理隻米奇。見到咁嘅情況，咁梗係走人啦！ 隨後立即上OpenRice睇吓呢間嘅食評，睇吓啲人通常係投訴啲乜嘢，跟住一睇就發現原來之前有人出過post話呢度有老鼠，即係基本上呢間嘢有鼠患！🤢🤢🤢夜首爾，不了！！ 🤮🤮🤮

先不論食物質素，本身都唔算特別好食，但多收客人錢真係太過分！食完埋單俾張單$11xx，結果碌卡出嚟張單竟然收咗$12xx，以後唔會再幫襯🙄大家會嚟試嘅話一定一定一定要睇清楚埋單最後收咗幾多錢，唔好成為我哋下一個受害者😭

叫咗三個main dish，埋單$500，好夠食！要讚個牛肋骨真係好lum好好味呀前菜好多款式，幾好食海鮮煎餅一般，比較油，無咩餡個豚肉石鍋拌飯唔錯 配料足 好味好味服務又ok，無負評講到咁worse，又肯換梳發位俾我哋