大丼家 (已結業)

This is a great option for lunch if you are working in the area as they serve big portions.Tried the curry which was better than expected, it was the usual Japanese style curry sauce topped with thinly sliced grilled beef.The Grilled teriyaki chicken impressed me because the teriyaki sauce was light and not too cloyingly sweet.It was worth paying for because it was diced chicken thigh meat that was springy.To summarize, it is like Yosxxxxa but better.

筲箕灣開咗間新嘅餐廳，平時經過都見到佢大排長龍，一直未有機會試下，今日路經此地， 可能係啱啱放工嘅時間，冇咩人龍就去試下啦! 環境都幾寬敞，燈光光猛， 用具整潔衛生。 啲雞用鹽醃過後鹹鹹地再配埋啲黑椒汁， 好惹味， 雞肉都好嫩滑，雖然飯唔係用珍珠米， 但係食到一粒一粒，唔會有爛嘅感覺。 牛肉唔會太韌， 有咬口，唔會有牛羶味，芝士嘅份量啱啱好，唔會太多，所以冇蓋過牛肉嘅味道。 呢兩款飯都可以睇到餐廳好細心，有照顧到客人嘅需要，將食材切成細份， 好適合老中青食， 抵讚

自此舖新開張至今，每日都係排長龍，今晚20:30去到一個人即刻有位，仲以為執到啦，點知一坐下來，望到對面個「超少型」嘅咖哩湯烏冬丶蕃茄芝士海鮮湯飯，再望埋鄰枱「乾柴冇汁」嘅牛肉飯之後，已經心知不妙，在冇乜其他選擇下唯有叫個黑咖哩芝士漢堡飯啦，其求能讓這個少女子有飽肚的感覺吧！但好可惜，我依然中伏，咖哩好稀，味道很淡又冇乜料，漢堡外層炸得很乾，睇見都冇胃口，味道唔知點解勁似福麵味粉，以$56有杯飲物來說都是「物非所值」。服務又差，明顯員工訓練不足，見佢地背脊多過見様，枱面，地方清潔欠奉。總括而言，一定冇下次！

諗住筲箕灣懶得開一間呢啲日式野，滿心歡喜入叫左碗辛辣雞湯叉燒拉麵，湯冇辣味麵完全冇味，叉燒..唔識講。總結 垃圾，第一次去亦是最後一次呢啲咁嘅食物比＄30都嫌多！

本人認為價錢不算平而和份量不多。尤其是拉麵，真的不足夠本人食。其餘兩款都算是足夠我同座的人吃吧。味道本人覺得普通，沒有什麼特別之處。座位還算可以，員工態度也可以。

新開冇耐，一直都鍾意食日本野，見佢個樣靚靚仔仔咁， 試下冇壞外賣盒打開，其實賣相望落都ok, 只係份量有點細，女仔仲ok, 男仔應該唔夠飽叫左原祖燒牛肉飯同燒雞飯， 先講燒牛肉， 點牛肉好乾，又韌， 又油， 又唔夠味，個飯又冇咩汁， 完全冇燒汁味， 最好味應該係配菜腌蘿蔔， 唔會再試燒雞飯， 打開飯盒第一時間覺得有點怪， 因為點雞切到好細粒， 係雞丁。。haha, 不過點雞算有味， 但似滷水雞多過燒雞， 不過味道都ok, 但點飯一樣又係冇咩汁， 有點乾冇咩味順帶一提個奶茶反而几好飲

見新開和老公入去試下先， 滿懷希望食個魚生丼， 點知所有魚生欠奉，咁就叫左個 特濃豬骨湯叉燒拉麵，老公就叫左個黑椒燒雞飯， 拉麵嚟到嚇咗一跳得一塊叉燒 咁就價值64蚊，湯5香，無咩猪骨味，d麵質好差，塊叉燒還算可以，如果尼就個價錢黎講绝對5會再食，至於個黑椒燒雞飯係$48不太差，味道同飯係合格，然後叫左3個小食, 炸雞軟骨 ，唐揚魷魚鬚，烤雞皮串，味道亦大太出色，尤其烤雞皮串，炸得太過火，好似食緊薯片，係無味嘅薯片， 最離譜係嗰杯凍檸茶一啲都冇茶味 淡茂茂 所以建議大家去食嘢嘅時候千祈唔好飲凍檸茶， 今次消費合共200蚊， 冇話抵唔抵嘅， 始終都係第一次食， 最值得一讚嘅就係收銀嗰位 妹妹仔， 好有禮貌又好笑容

大丼家取大當家諧音，新開幾星期有唔少人幫襯，價錢唔貴，一心以為試得過，點知係大伏！所有item嘅通病係：1）細份唔抵食2）唔夠熱最伏係拉麵...先玩個找不同？粟米同菜都離奇失蹤。份量少得可憐，碗本身就好細好淺，湯都蓋唔過啲麵。溏心蛋變實心蛋，一望就知唔入流。湯底？飲落只似昆布湯加辣油，辣味不痛不癢，而且稀到水咁，公仔麵味精粉湯底都好過佢。加少少錢都食到味千喇，呢碗麵嘅質素同味千嘅差距明顯大於十幾蚊...睇圖你覺得一客有幾多隻？幾大隻？餃子皮又硬又油...三隻一口餃子。咖哩飯唔平平無奇，但亦唔平。咖喱味唔香，只係似豉油。炸皮太厚，麵包糠好少，所以唔鬆化。算係比較好食，但唔值$52。蕃茄湯幾濃。烏冬都唔粉，少少黏韌。海鮮雖多但唔新鮮，而且全部係白灼味。湯唔夠熱，芝士上枱都只係啱啱溶到。唔知遲啲會唔會進步，但餐廳位比較迫，食物份量少，員工唔夠服務普通，恐怕唔係咁易改善。

買左個咖哩豬排飯外賣 失望 份量好少 唔夠熱 咖哩汁唔夠 薯仔好似都無料 塊豬排還可以 男士食我認為未必飽 56蚊加3雞凍飲共59 得罪講句 呢個價錢係筲箕灣實在有太多太多其他更加優勝的選擇

見筲箕灣開了間日本料理，於是和朋友一起去試一下本來打算當午餐，但它休息，下午5:30才開。所以一入門，裏面不多人，有八成坐位是空的。門口旁邊是接待處，本以為會有人問一下:「小姐幾多位呢？」結果並没有。員工們大多是二十多歲的年輕人，他們堆在一起，看了我們一眼，無動於衷。有另一個小姐隨後我們進來，她卻被正常地款待。這不公平吧？我們雖然年紀對他們來説還小，但我們好歹也是中三學生！我們叫了一個原祖燒牛肉飯、一個香辣燒牛肉飯、外加一個芝士年糕，隨餐附送兩杯奶茶。等了一兩分鐘吧，奶茶先上來了。奶茶呢，不得不説是這裏全部菜色最好的。但奶味重了點。10分我給7.5分。芝士年糕，你可以想像一下是牛奶味的麻糬波波。思義不明的附着配菜，苦的。10分我給5分。我叫的原祖燒牛肉飯配有一朵西蘭花、一堆椰菜和一片胡蘿蔔作為配菜。畢竟是配菜，我也没什麽好的打算，但至少要熟吧？那個胡蘿蔔味道、口感方面都很正常，而西蘭花是硬的，根本就是還未熟！一堆椰菜，理所當然地，苦的。飯呢，正常。作為重頭戲的牛肉偏乾，硬，一層油花飄啊飄啊~~我覺得它不值46這個價錢。4分吧。而朋友叫的香辣燒牛肉飯，配菜除了椰菜之外全都一様。她的飯中間

6月16日 晚上 9點05分 買外賣 元祖燒牛肉飯 ， 等到 9點30分 還沒有得取， 我在門口等足 25分鐘， 見住店員將個外賣在店內攞來攞去 成10分鐘 又無出來叫號碼 之後店員仲要開左盒飯自己食， 跟著我入去問收銀員仲有幾耐先有外賣攞 佢竟然同我講話頭先叫過號碼( 我全程係門口睇住) , 而問題係我當佢叫過號碼無人攞， 咁點解店員會自己食左盒飯而唔係放在收銀櫃， 而之前其他人嘅外賣佢又識放係櫃位等人返黎攞， 呢間野啲人思維好有問題。 原本我好期待有新餐廳開幕有新野食， 但係咁樣做餐廳嘅 啲食物幾好食我都唔會幫襯。