大使餐館

營業中

休息中

晚餐一家岀嚟晚餐，人哋介紹大使餐廳啲嘢食唔錯，一於決定試下今次食咗個生炒骨同燒鵝，食唔到燒腩仔因為一早俾人訂曬，下次一定要食。仲有其他餸菜都唔錯，環境幹淨企理，仲有免費泊車

一家三口來晚餐，揸車過來商場停車場免費泊車。點了生炒骨，外脆內軟，軟骨有咬口，甜酸度適中。啫啫時菜煲，選了菜心，新鮮熱辣，仲有蝦乾。最後，還有炒貴刁，推介之選，炒得夠乾身，有鑊氣。呢度帶小朋友來最好不過，有好多Thomas火車玩。

一星期總有一次會喺呢間餐廳食下午茶, 價錢唔算貴, 食物質素亦幾好. 最重要係佢哋好歡迎小朋友, 仲有兩套Thomas火車俾小朋友玩, 大人就可以安心食飯. 老闆, 老闆娘同伙計都好好服務, 一啲都無嫌我哋麻煩.餐廳日日都有8款午餐選擇, 下午茶時段會平啲, 但分量唔會將貨就價.今日食嘅咸魚肉餅幾好味, 分量亦夠. 至於味菜鮮魷, 如果鮮魷可以多返啲就大滿足喇. 

母親節尚有一周，一家四口提早慶祝，在元朗加州花園享受了一頓價廉味美的母親節餐。雖為套餐，但亦頗令人稱心，食物包括：燒鵝（例牌）、翡翠珊瑚花姿片、頂湖上素齋菜、瑤柱疍白炒飯、紅運團圓，四位用收費$398。大兒子喜歡吃素，對齋菜的評論是「OK喇」。次子表示，炒飯「有咬口」、軟硬適中。最重要的是，母親節主角，對這餐讚不絕口，她自栩她提議另加「欖菜肉鬆四季豆」乃明智之擧，即暗示套餐份量不足。另外，她説：此店似人手略嫌不足，但卻用心招呼。總的來說，以人均$150（連啤酒及小費）而言，此店食品的賣相與食味算不錯。其中，翡翠珊瑚花姿片，蔬菜翠綠，花姿片控制得爽脆肉嫰；燒鵝色澤油亮，皮脆肉滑，味道甘香；炒飯颜色雖清淡，但炒得乾身不油膩，瑤柱份量亦算有交代。至於飯後甜品「紅運團圓」，紅綠黃三色賣相至佳，甜度適中。編輯先生/女士：我是open rice的經常使用者，每當約人吃飯找地方苦無頭緒便想起你們。我完全沒有寫食評的經驗，今次一時興起投稿，只是因為：1）想表示一下對你們網站的支持；2）這家我偶然光顧、在住處附近的店子確是值得一讚。上次的稿件你們不接納，於是我按你們的建議加上「食相」和「味道」的描述，也

今日學校放假 係屋企冇野做 去左會所做gym 係gym房比我聽到 有個丫伯係到講廣場果邊有間餐廳啲野幾好味 反正我又未食野 做完gym又餓餓地 又懶得出元朗食 就去左試曄 一去發現超多人 大概一點半左右 想搵個自閉位都冇 為由同人答枱 平身叫左個梅菜扣肉飯 點知賣曬 個男侍應就推薦我食燒"我鳥" 話燒得好wo 咁我就試下 點左個"我鳥 "脾飯 等左差唔多15分鐘 對於一個"我鳥"脾飯 15分鐘 應該係我等得最耐嘅一個 其實我都有啲等到唔耐煩 但係見到佢賣相咁吸引 同本身都旺場 就原諒佢 一咬落去 就feel到隻"我鳥"好香 好正 好快食曬 可能係"我鳥"脾嘅關係 我覺得偏肥左小小 但係整體算唔錯 又唔係算太貴 "我鳥"脾飯7十幾蚊 下次要帶埋丫媽去 食成隻 唔洗我自己埋單haha

今天中午放假又走一轉(大便)餐館😹😹😹，本來想試試椒鹽鮮魷的，因為上次👂周邊枱吃飯D人說非常好吃，想想試一下都無礙。點知去到大使餐館見到有午餐叫又是下午優惠時間，雖然心想下午茶時間都成五十大元。（其實$49,凍飲加$2)都幾貴，不過又有D肚子肚餓所以order了今天的3號餐，豉油皇龍鬚炒麪加熱啡。熱啡到先，未飲先聞到濃濃的咖啡味👍👍👍，喝了😋😋😋，跟著炒麪來了，待應哥哥未到我枱，我已聞到陣陣香味，跟著肚子響起 ，不經不覺已吃掉半碟，此次是我吃炒麵以來沒有加任何調味料 跟著再喝餘下的半☕️，居然比熱辣辣飲有更好的感覺，嗒落有咖啡的餘香 哈哈更抵是，餘下的麵加了$2外賣合外帶，今晚再吃 😁😁😁唯一可惜還是沒有試到椒鹽鮮魷！ 下次有時間一定要再去試  

今日又揸架车去揾嘢食喇。一行四人，都是喜欢吃中餐菜式的，我便谂起元朗加洲花园商埸有一间餐馆，我工作时曾在此用过餐，给我印象都几好，首先有个超大停车埸，可免费停车三个钟，而步行去餐厅就不需两分钟。谂了一阵便驱车直入喇。到达餐厅，态度亲切的待应己挥手招待我们喇。环境好舒适，我们点了豉汁蒸猪颈肉，味道调较洽到好处，再用包仔豆腐塾底，令食这度菜式时，真正赏到豉汁的味道。另一度小炒是胜瓜花枝片，胜瓜不会太淋，但又唔会唔熟，花枝片控制得爽脆肉嫩，再配适量云耳和甜椒，是完美组合。跟住就是土尤蒸肉饼，肉质松软，阵阵土尤香味，随著蒸气上升。最后是我的至爱肉丝炒麺，麺底脆囗而不过火，茨头浓度适中。真是值得推介。是日真是大满足。

最近公私兩忙，終於有時間把二月寫了一半的食評草稿埋尾。踏入農曆正月，便忙於新年團拜和各類飯局聚會，正巧舊上司二月生日，於是同事們便約了大家一同入舊上司家團拜聚會，到晚飯時間，一行十三個大人和十個小童，於是選擇到他家附近一間中菜餐廳食晚餐，聽聞這間餐廳上年轉了新老闆，加上報紙作家Kelly Chu 也有提起評價不錯，於是選擇了這間餐廳食晚飯。到達餐廳，環境唔錯，一排大窗，透光度高，地方寬敞，座位距離不會太貼近，聊天時，私穩度高，老闆親切地推介菜式給我們，服務也不錯，食物水準平均，尤其喜歡牠們的燒鵝，皮脆肉嫩，味道甘香，花蟹大蜆雞煲，味道濃郁，配合埋薯粉，完美組合，免加一 , 還有糖水送下次一定再光顧，試下牠們其他菜式。

一行四人黎到大使餐館食晚飯。嗌左一個細嘅例湯 一人一碗 份量岩岩好但係似乎有少少味精飲完湯 黎左個燒鵝同咖哩牛腩煲 份量味道都唔錯 (可能大家都肚餓 唔記得左影返張相🙈)黎左頭兩個餸之後 大家就坐左係度等...等呀等...電視由東張西望播到愛回家 我地都未有下一道菜食 無得回家...之後有個疑似經理嘅哥哥行埋黎 原來佢都發覺我地停左手好耐 下一道菜都未黎自動自覺幫我地問左廚房 原來漏左單😮雖然張單大意地漏左 但係有細心嘅經理自發跟返張單 催廚房 都叫補返獲 白菜仔炒豬頸肉 都幾有鑊氣👍🏻雲耳蒸雞 幾香 不過不失 平日相對少人 唔洗等位 坐得舒服免加一 仲有糖水送 都係就腳唔錯嘅選擇😉

今晩又來到大使餐館食飯喇，同太太點了兩個㷛仔，鯪魚球豆腐㷛，另一個是奇味雞㷛，我想分享一下令我好回味的奇味雞㷛吧待應放在餐桌前，聞到的氣味己是香氣濃郁，其配菜用了紫洋蔥，洋蔥，唐芹，另外㷛內還放了各式香料，最令我回味的就是雞件嫩滑而入味，雞湯(汁)還可以用來撈飯，甚致可以打邊爐。值得推介

昨晚老公生日，奶奶說出街吃飯，好就去試試＂大便餐館＂ 入到餐館內環境幾好，比一般餐館舒適！跟著老公叫了一個水煮🐟頭鍋，奶奶叫了一隻炸子🐔，哥哥叫了㰖菜肉鬆四季豆，妹妹妹叫椒鹽豆腐。首先水煮魚頭鍋出場未吃先飄來陣陣香味，令人感到食慾大增。我當然先人一歩夾了來吃，首先感覺辣度尚可接受（可能老公點了少辣)，跟著有一種麻的感覺，非常這是我初次吃水煮魚有麻的感覺真是非常一路吃一路有麻的感覺，正炸子🐔如果再脆皮少少就更perfect啦！其他兩味，比一般酒樓吃的少油少少，可惜太飽了吃不到送的糖水，下次一定要再去試試！