大公雞 (已結業)

垃圾飯，鹽酥雞細嚿加當食炸粉啦，滷肉飯個汁真係心照，隻蛋見到咁樣真係完全唔敢食，千祈唔好諗住係同台灣有關既菜色，啲飯硬既，完全同台式一啲關係都拉唔上，加埋杯凍檸茶，63蚊，大家當63蚊黎飲杯凍檸茶啦

咁啱過嚟呢邊做嘢，所以就嚟咗呢間位於KCC Life嘅台灣餐廳，一嚟到就超快有得入座啦！見到隔籬枱嗰啲炸雞扒肉燥飯🍚，覺得超吸引！但係最後都嗌咗一樣完全唔係台灣口味嘅海鮮勝瓜湯飯😂🍲不過出奇地食落又OK喎，雖然啲料唔係好足，但係個湯都叫做清甜😋🥳唔會覺得飲完之後好口乾，有落味精咁！朋友就嗌咗一個半筋半牛肉麵，望落都唔差，朋友話啲筋都煮得幾淋，不過我自己就覺得個湯底睇落唔係好濃！🤔望下餐牌見到佢午市都有一啲港式嘅麵飯，雖然感覺好多選擇，但係就會令人覺得佢唔係咁正宗了🥺so far正正常常醫肚啦！不過今次試過就算哈哈

平時好少去葵興，原來近年葵興開咗D新商場，亦開咗好多食店。呢日就來到葵興鐵路站附近的KCC1商場試下呢間台菜餐廳。餐廳門面比較細，但入到去就發現原來有好多座位，亦有落地大玻璃感覺光猛。呢度食物款式種類有好多，除咗常見的台式飯麵之外，亦有咖哩飯/意粉、淮山撈麵、手工大水餃，而小食類更多達20幾種，價錢亦非常親民。❇️四寶手工麵(雞中翼、牛筋、牛腩、大腸) $65每款食品都夠入味，當中牛筋做得非常淋，湯底味道濃郁，手工麵係闊條麵，爽口彈牙，以呢個價錢來講的確幾抵食❇️宜蘭海鮮湯飯(海蝦、魷魚、魚柳、蠔仔) $55大大碗而且材料都幾多，湯底鮮甜但飲完唔會覺得口渴，另外亦加上絲瓜粒，整體味道清新，健康之選！❇️大東鹽鬚雞扒 $42外皮炸得酥脆，入面肉質嫩滑而且好入味，唔會過油，份量亦都多❇️椒鹽魷魚鬚 $42魷魚鬚亦係外脆內軟，椒鹽味唔太重但都食到魷魚的香味，肉質唔韌容易咬開，配上喼汁點來食中和返少少油膩感。❇️凍蜂蜜百香果茶 (加$8)❇️凍柑桔蜜 (加$8)兩杯飲品都大大杯，而且唔會太甜，入口清新✅成餐價錢唔貴亦食得好飽，抵食之選！

台灣紅燒牛肉麵牛肉份量足料，大概有4大片，咬落有嚼勁和口感，不會太肥膩，也不致於太乾柴，另外，麵款用左扁粗麵，幾有咬口，再配搭上淡淡的紅燒牛肉湯底，可一試～鹽酥雞球滷肉飯滷肉滷得幾入味，唔會好死鹹，而且用左半肥瘦碎豬肉，口感咬落好鬆軟，淋上滷肉汁，配上白飯，整體剛剛好！仙草奶茶奶茶甜度剛剛好，有淡淡的茶香，配上口感嫩嫩滑滑的仙草～椒鹽魷魚鬚呢款椒鹽魷魚鬚炸到幾酥脆，炸粉唔會太過厚，簿簿一層包住魷魚鬚，咬落魷魚唔會好韌，好香口的一款小食～

有時工作需要都會去開葵興工廠區自從開左KCC之後多左好多餐廳今日就黎到大公雞裝修簡單，有落地大玻璃對住街景又有非常之闊落好坐的卡位方便朋友相聚傾計有台式飯類、麵食、手工水餃、小吃及多種台式特飲任君選擇而且晚市仲同午市餐牌價錢一樣十分親民 //四寶手工麵 $65//$65有齊雞中翼，牛筋，牛腩，大腸抵到爛滷得夠入味牛筋牛腩夠淋湯底滷水味濃郁手工麵麵底好彈牙而且掛汁呢個價錢有呢個份量同味道，相當高質 //香香雞扒肉燥撈麵 $55//雞扒外層炸至金黃酥脆雞肉仍然保持肉質嫩滑多汁雞扒分開上很好，可以保持雞扒外脆內軟的口感而餐廳亦十分細心地將雞扒切開一件件方便食客肉燥同麵撈勻一起食香菇肉燥味道夠香麵質軟硬度剛好不錯 //寶島鹽酥雞 $42//鹽酥雞是食台灣菜必點鹽酥雞炸得非常之香脆大大粒而且仲充滿椒鹽味雞肉仍然保持嫩滑亦鎖住肉汁口感外脆內軟是令人食唔停口的小食//肉鬆手抓餅(兩件) $32//另一款小食叫左手抓餅，呢個有驚喜熱辣辣嘅手抓餅上面加左肉鬆同沙律醬有趣的是擺碟是會攤開塊餅俾你自己包起放入口估唔到入口幾香幾特別原來沙律醬配上鹹香的肉鬆之後沙律醬口感幾甜又是一個不錯的小食 //珍珠奶茶 (

呢間餐廳位於KCC商場底層,呢度食物選擇都好多下,仲要價錢好抵,我地叫左一份半筋牛肉麵,牛腩好軟淋,好厚肉,大大份,而且價錢好抵食,親民價格即叫即整既食物,牛肉份量好多,牛筋好味道,好有骨膠原,湯底牛肉味濃郁,仲有配菜同紅蘿蔔,麵條轉左刀削麵,麵條粗身彈牙D,另一碗我地叫左四寶牛肉麵入面有豬大腸大大片,加埋仲有2隻雞翼,滷水味濃,仲有牛𦟌好入味,我轉左淮山麵,麵條健康D,仲有叫左一份小食鹽酥排骨,排骨大大塊外脆內軟,小編推介熱入黑糖薑茶暖胃健康。

平時都冇寫開，但今次真係難食到要入尼寫😵‍💫😵‍💫..諗住快搵間野食lunch，行過見到呢間就上openrice 睇吓啲comments，見到多好評就入嚟食，叫咗碗紅燒牛肉麵同凍珍珠奶茶，點知就賴嘢～..碗牛肉麵明明寫住紅燒，嚟到一滴紅燒都冇，同埋可能因為放咗啲榨菜喺牛肉下面，所以個湯淨係有榨菜味，好差。麵又太淋，牛肉麵嘅麵底應該要有咬口，而牛肉就普通偏鞋，冇咩特別。..杯珍珠奶茶都好難飲，奶茶底係似港式奶茶，茶味濃啲冇咁甜，但偏酸囉。珍珠係煙靭，但無味。完全唔明點解啲人會話好食😐

台式排骨肉燥撈麵排骨好大塊，而且已經斬件🥰炸到淺黃色，唔會太燶☺️肉燥麵係用咗淮山麵，比較健康，由於無湯，麵餅經過我一度影相之後會黐埋晒一齊🙈所以就揀加咗牛肉麵湯再撈埋一齊😂寶島鹽酥雞鹽酥雞size 比較細🤏🏻，似雞丁/雞米花多啲，略嫌有啲細，不過味道都唔錯嘅，有啤酒送埋就一流🍺椒鹽魷魚鬚魷魚鬚椒鹽味唔太重，但炸的岩岩好，加上配有喼汁，有啲大牌檔feel，似港式風味🤪台灣紅燒牛肉麵面嘅質地有啲似厚身啲嘅河粉，唔算彈牙，偏冧，牛展大約有5塊，炆得幾好😊

☞ 葵涌 大公雞 ☜———————————————有啲港式感覺嘅台式餐廳🙈———————————————◊ 四寶手工麵+珍珠奶茶 ($65+15) ◊個麵有雞中翼、牛筋、牛腩同大腸，每樣野都有用滷水滷過，全部都好入味。湯底咸度適中，手工麵口感都唔錯。珍珠奶茶茶味好出，珍珠煙韌彈牙🤪美味程度: ㊣㊣㊣㊣/5◊ 安平蚵仔肉碎湯飯+奶蓋綠茶 ($55+15) ◊湯飯食落去熱辣辣，啖啖肉碎同蝦米。湯底充滿蚵仔嘅鮮味同節瓜嘅甜味。蚵仔食落去都幾新鮮，唔會有腥味。奶蓋綠茶嘅奶蓋唔係芝士嗰種，奶味香甜，配綠茶整體都唔會太漏😋美味程度: ㊣㊣㊣㊣/5◊ 椒鹽魷魚鬚 ($42) ◊外皮咬落酥脆但唔會太乾，魷魚鬚食落有鮮味，都好彈牙😆美味程度: ㊣㊣㊣㊣.5/5◊ 椒鹽雞中翼 ($42) ◊望落去好普通，但係咬落去都好酥脆，入面都充滿肉汁😍美味程度: ㊣㊣㊣㊣.5/5———————————————📍:大公雞葵涌葵昌路72至76號Life@KCC1樓101和103號舖#為食豬在葵涌 #葵涌美食#foodblog #台灣菜 #牛肉麵 #泡飯 #炸雞翼 #炸魷魚鬚 #香港美食 #香港餐廳

自從無喺葵興返工已經無再踏足KCC🙃 今日黎到大公雞🐓一定要食返佢嘅 士林半筋半腩麵 ，係我見過最足料嘅牛肉麵，不得不說牛腩同牛筋都非常出色，牛腩軟腍又入味，煮得啱啱好，唔會過熟。牛筋好似啫喱質地，非常滑溜。麵條就煮得淋左少少。西門町鹽酥雞扒小腸飯 賣相一般，味道方面，鹽酥雞稍為遜色少少🤏肉鬆手抓餅（兩件）熱辣辣嘅手抓餅上面加左肉鬆同沙律醬，估唔到入口更香，配上鹹香嘅肉鬆都幾夾！肉燥西生菜🥬 爽脆清甜嘅生菜淋上肉燥汁特別惹味！飲品方面都有唔少選擇，今次試左金桔檸檬🍋 酸酸甜甜啱曬夏天珍珠奶茶🧋都係咁大杯😍

❤️四寶手工麵雞中翼、牛筋、牛腩、大腸一次過滿足四個願望！牛筋煮得夠腍，黏口有骨膠原😋👍🏻。大腸有少少肥膏，肥美又邪惡🤤。手工麵軟硬適中有口感～❤️菜餃粟米餃子麵粟米餃子內有粒粒甜粟米🌽，食落有口感。❤️椒鹽雞中翼（6隻）熱辣辣，香脆可口。❤️肉鬆手抓餅（2件）除了肉鬆還有沙律醬。包住黎食很有口感。肉鬆甜甜的，手抓餅煙煙韌韌微脆很好吃😋。❤️我同朋友都各自加左$15嗌特飲：「凍仙草奶茶」和「凍珍珠奶茶」。我和朋友互分仙草和珍珠。仙草十分滑溜，珍珠十分軟淰彈牙，不錯👍🏻！還要讚的是奶茶茶十分香濃，奶又滑～

🔸 台灣紅燒牛肉麵 $60牛肉麵嘅牛肉係用厚切嘅牛展，炆得好透夠軟冧，牛肉有大四塊。配菜有脆口嘅紅蘿蔔、小唐菜同埋頗多潮州酸菜粒。麵係用淮山麵，係闊條麵，淮山麵煙煙靭靭，食起滑口，偏淡。湯底味道唔會過濃，大大碗麵，食得飽👍🏻味道：6/10性價比：7/10🔸脆炸大腸 $42炸大腸啲豬腸洗得好乾淨，炸得啱啱好，食落香脆，配上酸辣汁，十分惹味。有兩三件較大件嘅就肥一點，用一啲菠蘿粒墊底。味道：7/10性價比：8/10🔸 西門町鹽酥雞扒小腸飯 $60炸雞件多數附有雞皮，雞油被炸透之後，脆卜卜好香好惹味。香腸仔係撈埋一啲切得薄薄嘅蒜片，香腸就係用台南大腸包小腸嗰啲似臘腸嘅腸仔，切得好薄，味甜。味道：6/10性價比：6/10▪️奶蓋朱古力 $15▪️珍珠奶茶 $15🔹環境：卡位幾好坐，好闊落。呢間小店有一排落地玻璃座位，望正葵興地鐵站同外面交通迴旋處，觀景開揚 坐得舒適👍🏻🤩餐廳除咗台式料理，仲有茶餐廳款式嘅粉麵飯提供。🗣毋須加一服務費-人均消費：～$60-整體味道：6/10性價比：7/10

好少去葵興，唔知有咩好食。走咗過去「Life@KCC」行下，喺商場 1 樓搵到間「大公雞」台式料理，喺門口睇咗餐牌，價錢都幾經濟，即管試下。原來入面環境唔錯，開揚光猛，而且睇得出店主喺設計上都花咗唔少心思，木系裝潢、落地大玻璃、大水煲吊燈，感覺 Homey 舒適。先揀兩款士林小食，點了椒鹽魷魚鬚 ($42) 同 肉鬆手抓餅 ($32)。魷魚鬚粗壯爽口，炸漿厚薄適中，惹味之餘亦很香脆。手抓餅同樣吸引，兩大塊，面頭放了些肉鬆和沙律醬，餅皮酥香又唔油膩，夾埋啲餡料食，鹹鹹甜甜，口感不俗，值得一試。台南香腸滷肉飯 ($60)  香腸煎得啱啱好，外皮帶少少焦香，食落多汁又有咬口。滷肉油份夠醬油味足，醬汁非常香濃，加上入味嘅滷蛋，用嚟送飯一流。另外呢碟台北麻醬雞絲撈麵 ($55)  味道亦唔錯，麵條選用淮山麵，麵質富彈性、筋道足，雞絲爽口嫩滑，青瓜絲同紅蘿蔔絲切得夠幼細，配麻醬十分之夾。飲品揀咗仙草奶茶 (+$15) 仙草滑捋捋，有甘草香氣；奶茶濃淡得宜，入口唔會死甜，同仙草簡直係絕配！杯蜂蜜百香果茶 (+$8)  亦非常正，酸甜清爽，消暑解渴！

第一次嚟KCC，原來都幾多嘢食～朋友揀咗間台灣小店探店🧐 餐廳有好多唔同嘅選擇，撈麵，滷肉飯，湯麵同各式各樣嘅台灣小食，飲品都有😊而且價錢都幾抵食🌸鹽酥雞滷肉飯💰60滷肉飯份量好大仲有半隻雞蛋添，滷肉碎剛剛好唔會太油膩亦唔多肥豬肉😀。 餐廳好細心將鹽酥雞粒分開另上，咁樣就唔會影響兩款食物嘅味道和口感.鹽酥雞粒係一口size細細，揸到卜卜脆，唔太鹹，食落又方便.🌸 台灣紅燒牛肉麵💰60湯底不是太濃，偏清甜～牛腱炆得入味軟糯，麵條係扁板麵,食落有Q彈咁，而且都算掛湯🌸花枝丸💰42花枝丸熱辣辣嘅脆皮，內裏夠彈牙🌸台灣香蒜小香腸💰42甜甜嘅小香腸，一啖香腸一啖蒜頭～味道辣辣地，香口惹味飲品方面叫左金桔檸檬同黑糖薑茶～推薦金桔檸檬，唔算太甜，金桔味濃，唔錯👍

葵興入面原來有個靚靚商場行入一樓會有好多餐廳價錢都好相宜晚市主食都係50-60蚊番工或附近住都會覺得好抵鹽酥雞魯肉飯大大碗！魯肉份量好多味道偏甜 好開胃鹽酥雞係粒狀既 好香口台式排骨肉燥撈麵一樣份量大到食唔哂准山麵浸透肉燥汁鹹鹹甜甜幾好味肉鬆手抓餅香炸餃子小食我地叫左呢兩個一樣份量大又好邪惡手抓餅加甜甜既肉鬆蛋黃醬飽肚記得趁熱食 凍左會變硬餃子亦炸到香脆珍珠奶茶/仙草奶茶跟餐價錢只係15蚊杯但係大大杯又足料味道唔算出色只係正常奶茶超級抵食既台灣菜