大利清湯腩 (已搬遷) 新店位置

After watching SO GOOD, my family and I went there with much expectation. But all of us got disappointed with the brisket there. The 40-dollar bowl was just one half of what we saw on TV, though it tasted okay. The noodles were really bad, with briskets together with some other meat being served as well - feeling being cheated Definitely won't go there again!!!

係演藝睇完舞台劇, 山長水遠又落雨行過去試亞(穌)之前介紹既正鋪4個人叫左一碟咖哩腩同清湯雙腩, 上枱既賣相真麻麻, 食落重麻麻 !!個湯可以掛, 唔覺有咩勁, D腩好似湯渣又痴牙, 我亞媽整既咖哩&牛腩一定好食過佢, 如俾佢知我用八十五蚊食兩碗咁既野一定鬧爆我 !! 呢間野冇野好推介 !!! 唔覺得有咩好食,勁失望 !!

昨晚點了腩粗和腩汁蘿蔔，並無驚喜，製作有點粗糙：- 湯底偏咸，不能當上湯飲- 牛腩件件不同部位，好似食剩放埋一碗，從未見過如此賣相- 有些牛腩非常“鞋”- 蘿蔔苦及有渣，未“淋”身。如無靚蘿蔔，不如暫停供應啦！食神話齋，一字記子曰，用心呀！

其實我係住附近.就更加知道呢間野d牛腩有幾臭.日日傳出黎果陣味, 臭到不知. 重點係: 你幫襯過就知有幾難食.最近因為阿蘇既關係, 終於多左人食... 咁果陣味先好左d... 唔再係一d好"壓"臭既牛味而之前食過....成兜麵係一大陣amonia味....我真係唔明點解阿蘇可以介紹得佢出口....食九記好過啦 = =

我諗真係好多人睇完呀蘇之後就黎呢間野食...全港最好食既牛腩..食完之後....只可以講.....呀蘇效應真係好勁!!!但....名過其實-.-一去到要等位 有位之後要等成10分鐘..一枱平時坐6個人既枱..係呢度坐9個人...要好迫咁食..叫左金錢肚牛腩河 同 牛根牛腩米 各28蚊一碗金錢肚最好食 不過又唔係咁特別姐..湯都食得出唔係味精湯...不過...都唔係話好特別..唔知係我唔識食定點....d牛腩....好鞋...全部都係肉...好難食!!!值得一提.....呢間野都幾Dirty...=.=不過可能因為呀蘇講得太誇張...攪到對呢間野期望過高...其實應該同一般既麵店無咩分別...

清湯有味精, 牛腩不錯, 但沒有特別滑和香, 與其他地方的牛腩相比, 不甚特出, 加上價錢頗貴, 可試可不試

家住中環多年, 因為中環有好多出名的清湯腩店舖, 所以細細個已經好鍾意食腩上星期睇阿蘇介紹大利, 其實十幾年前細細個時已經試過, 個時食過一千零一次, 記憶係佢碗粉入面有埋一粒粒八角好重口味好難食, 所以自此BLACKLIST左佢.個晚阿蘇形容到佢天上有地下無咁, 心諗可能已經改左整法可能有新口味喎,去到嚇死我, 居然要排隊, 都算啦.等左幾個字入座, 等佢碗腩河都要成10分鐘, 個晚阿蘇明明話佢啲腩唔係剩係得肉, 係肉連根連肥肉, 出面其他店個啲就全部都係肉, 呢度啲先係極品, 但我面前個碗正正就係100%全肉, 真係有冇掛羊頭得咁緊要呀??咁都要食架, 照哽啦咁, 一咬落口真係俾佢激死, 人地清湯腩係淋, 易入口, 冇渣家MA, 佢個啲腩係硬同有渣架, 個種口感同我食開嘅清湯腩真係差好遠好遠.個粉亦係我食過都幾低水準嘅粉, 同個腩一樣都係硬嘅最後不能不提佢個湯, 咩唔飲係你損失, 我覺得飲左先係我損失囉, 一啲都唔好飲, 得個清字, 牛味欠奉, 咁嘅質素好心唔好攞出嚟獻醜總結, 牛腩 , 粉, 同湯佢都唔合格, 中環九記係10分的話, 佢真係只值3分, 仲要賣$26蚊一碗, 真係

睇完阿蘇介紹.... ..特登走去食D 河粉好"鞋".... 好鬼渣, 牛腩亦好普通, 無乜特別, D 湯重話唔飲係損失WOR,.... 得個咸字,..... 把鬼阿蘇介紹過唔止一次, 每次都講到鬼死咁好食, D 湯又話點好飲...... 真係名不符實 LOR,

晚飯時段同朋友去試試..出名了..自然大排長龍!! 6點幾7點過去..全場爆棚..不過等了一陣就有枱..坐正門口張枱!!收銀阿姐..樓面..以至廚房的阿叔..全部都極無禮貌!!唔該叫聲阿姐落單..無人睬你..廚房的哥哥只會瓜瓜嘈!!生意好梗係無停手架啦, 咁都唔滿意?!客人叫落單唔係食飯應該做的嗎? 無辦法..出名了..唔憂做..你可以唔食!! 叫了淨腩..腩粗加墨丸河! 墨丸河好快就上左枱..其餘的..等了10分鐘!!等左咁耐..依然好聲氣同阿姐講未到..佢一於好少理你!! 好普通的清湯腩..不見得好出色!! 咁O既味道加上極差的服務態度..都唔明點解可以大排長龍!!小插曲..好多客人走入去睇下有無位..阿叔係咁話無位..係出面等!!叫人係出面等..但又無籌攞..簡單講句..你行快兩步就霸到位!! 另一個哥哥仔叫左外賣..轉頭番黎攞..但無左張飛..收銀阿姐呱呱嘈話張飛比左你啦!! 洗唔洗咁嘮嘈呀!! 總括黎講..咁O既服務態度簡直差極!!永遠都唔會再幫襯!!

夫君愛食清湯腩，見呀蘇講到好似超好食咁，就決定去試下。我地14:00去到，好多人，要排隊，排左大約10分鐘就有位喇，服務員既服務態度只屬一般，我地叫左清湯腩河、咖喱牛腩河，腩汁蘿蔔.. ...等等。清湯腩河 - d牛腩有肉味，但係唔太淰，好<痴>牙，普通好味，個所謂清湯偏咸，河粉無乜味咖喱牛腩河 - 個咖喱汁都算唔錯既，可惜d咖喱腩唔得呢，d腩好似用d頭頭尾尾既牛腩去整咁，d肉<鞋>口，好乾腩汁蘿蔔 - d蘿蔔10舊有3舊係苦既，又唔入味我地覺得九記同清姐牛腩好食過佢好多，唔會有下次。

今日因為得閒, 所以有時間專程跑到彎仔, 一試早幾日前3色台飲食節目推介的清湯腩. 當我們兩人到達時, 看見全店滿座, 不過都只係等了10分鐘就有台.坐下來, 我們便叫了一個淨食清湯腩和兩個淨河粉及一個淨湯. 當食品送到台上時, 真係令我們嚇一跳. 因為, 這個淨食清湯腩真係 "大", $40 元一碗, 還有的是, 這個清湯腩有些菜心在牛腩下面, 所以好一個清湯腩, 我們一人只是食了4件.再講一下個湯, 一飲一下, 我便立即不再飲第二口, 因為味精很多, 根本並不如名人所說什麼好飲, 又是另一個失望. $5 元至於那一個十分普通的河粉, 我懋在灣仔區的任何一間普通麵店都可以食到, 而湯也是他們的味精湯吧. $10 元 x 2 = 20而係我們進食其間, 有其他食客都和我們一樣, 覺得被那名人騙了.如果大家有去過大埔群記和中環九記食牛腩, 你們便知道什麼叫好食吧!此店真係以後都不用再去了.

星期六中午試吓清湯牛腩面,聽人講話好好食.我叫了一碗牛坑腩面,食完了覺得沒有特別好食,所謂清湯只是少少咸味的水。$24一碗我覺得太貴唔值,不會再幫嚫！

叫了碗26蚊的"牛坑腩河",阿姐話單照落,盡量俾,結果都算有2舊頗肥的腩!"唔飲湯就係你嘅損失"是這店的名句!!所以先試一試這個湯,無油的清湯,很鮮甜頗濃牛骨味,湯不知有沒有味精,但腩汁一定有;這個湯男士多喝會上火,看阿蘇介紹時老闆自已說的,因用很多牛骨熬出來,早上最清,越熬越濃越易上火,注意!!!怪不得我當晚全晚起痰;廋牛腩不算太淋,黐牙,口感差,牛肉味一般;肥腩有咬口,不黐牙,算肥美!10蚊腩汁蘿白又甜又淋又無渣,正!!凍飲加6蚊!

又到灣仔午膳, 同事提議到大利, 但我先問: d 牛腩係爽定係腍架? 因各人口味不同, 有d鍾意爽, 有d就鍾意腍, 我就是後者未到繁忙時間, 一坐下望望餐牌, 有咖哩, 有清湯, 同事話咖哩都幾辣, 都係清湯穩陣d!叫咗個清湯腩伊, d 啊姐招呼都幾客氣! 很快便有得食, 一口咬落, 果然好腍, 有牛味, good! 三扒兩撥就吃完, 見到牆上告示寫著什麽: 唔飲d湯就是損失! 連忙把湯喝下去! 哈! 真係幾好味!以不到三＋元的價錢, 吃到有水準的清湯及牛腩, 朋友, 你還奢望什麽?

路過幾次，記憶中好像是有上過報紙、有食家介紹過的。沒去求證，反正招牌已寫明：賣牛南的就對了。進去後看餐牌：咦？$26一碗清湯腩河，好像貴了一點吧？無妨，且看看水準。牛腩：牛味還有一點點，不過肉質很硬、黐牙、但看下去又不是很瘦而已呀…湯：如果不是肚子餓的走進去，應該是沒啥味道的吧？清，幸好也不是加了很多味精。河粉：幼身，但米漿下太多，沒有河粉的滑和輕。吃了半碗，算了。$26＝．＝" 好像樓下的魚旦粉比它還要更抵。早知返樓下食…