大利美食中心 (已結業)

熟食中心內有冷氣 不怕太熱惟氣氛非常熱鬧傾偈時常要repeat 兩三次最喜歡當中的燒肉燒肉皮好脆 而白肉地方不會膩切得不會太大舊亦方便進食京都豬扒亦不錯 酸酸甜甜大大碟 有男士在必定夠食配啤酒佐食 更加開胃

在一個大熱天時上來一試午市套餐, 大概坐7 成左右, 大利午餐套餐款式唔算多,兩張紙睇晒, 我們叫了一個燒鵝瀨粉同乾炒排骨河, 兩個同樣都是28蚊, 以呢個價位只能在剩鋪買外賣飯盒吧, 這裡有冷氣位坐, 空間感大, 雖然大多是麻甩, 不過食煙的人唔多, 反而自攜罐裝啤酒上來嘆嘅叔父就都有幾個, 燒鵝瀨粉的燒鵝雖然皮已經唔脆皮但鵝香是有的惜當日是鵝上裝, 肉質少嚡都属於正常, 瀨粉係粗身嗰隻,口感麻麻, 湯味精唔多似滾水, 但酸梅醬一定要問才會有! 乾炒骨河絕對係油光滿面, 對上一輩來講這是一個標準, 骨就是骨多肉少又是另一個標準, 芽菜係有嘅, 反而辣椒醬係跟來的但我倆不吃辣椒醬浪費了, 整體而言, 價位是無敵了,比保安道還有再下一成, 尤其是對長輩來講這裡才是合理嘅價位! 不過味道同質量不能有太高期望始終那是會直接反映到食物上, 環境這裡比茶餐廳優勝亦可能是賣點之一,

這是在北河街街市樓上最大檔嘅大排檔, 曾幾何時佢試過在荔枝角道開地鋪,可能鋪太大,租金太高,最終唔做地鋪，繼續以北河街街市三樓熟食中心作為大本營, 是夜四個人到場, 由手扶梯上進場約19:30 坐咗大槪三成客人, 兩檔熟食檔嘅員工己已經在入口紮定馬拉客, 場面有點似以前在深圳或者廣州, 明顯"大利"嘅員工人多勢眾, 而另一檔在比較入面嘅"亞金七號"只得一個亞姐在這裡打拚, 有點令本人佩服的是呢個亞姐以一敵眾, 雖然賽果好明顯亞金七號係弱勢的一方, 但那位亞姐並沒有因為自己勢孤力弱而輕易放棄, 她完全沒有放棄每一個機會，盡管機會渺茫, 但本人亦見到有兩個起初來到坐落於"大利"枱的客人被佢拉咗過去"七號"而那兩個客人是先頭部隊, 十多分鐘後來齊是十個人, 所以從這裡看到的是"永不放棄"嘅態度, 即使亞姐處於下風同弱勢但仍然堅守崗位, 心裡實在不得不佩服那份"打不死精神", 這又令我忽然想起細個讀聖經裡的大衛挑戰歌利亞嘅故事, 不過我估計那位亞姐可能係老闆娘都唔出奇, 因為只有背負住咁重責任的人才可能企呢個咁難企嘅位置,  講返當晚食物, 碟碟份量好足, 燒鵝半隻 $190 燒鵝脆皮, 肉質

😀 今早甫開工時，突然有幾位同事“吹鷄”，想晚上來個飯局！我便提議到上次食燒鵝的“大利”，晚上7點半收工後，一行六人乘搭港鐵，在深水埗站的C2出口，步行5分鐘左右便已到場！埋位後，先來半隻燒鵝，皮脆肉滑，保持水準！跟著整碟白灼鵝腸，拌上芽菜來同食頗為爽口！有同事一口氣，點咗幾個小菜：腰果炒雞丁、蒜茸白菜仔及煎蠔餅，全部都OK！尤其是蠔餅，煎得香脆又足料，不過要趁熱食才好味！反而後來的豉椒炒蜆及沙拉骨，可能落調味粉較重，食剩咗頗多！最後的揚州炒飯都幾大碟！師父炒的手勢很好，唔係太多“剩油”！估計全晚眾人“隊咗”約10支生力左右！埋單計數：$775。大利有個較好的習慣 - 通常都唔收零頭，最後以$770成交！值得一讚……👍👍👍！

😀 是晚本人與1位朋友，2人共享半隻燒鵝；上碟時鵝皮還保持爽脆，鵝肉夠厚有小小肥膏！果碟椒鹽九肚魚都幾惹味，有軟骨但唔難消化！另外的海味粉絲雜菜煲，都算幾足料！湯底亦不太鹹！連同2枝生力、2個白飯，埋單共收$387！還可接受吧！有空可以值得一試……👍👍👍！

今晚要通宵開工，係深水埗找地方食完飯開工，由於大家冇乜提議，我話不如去我去開食下午飯嘅北河街街市嘅熟食檔丫，於是我哋一行三人去北河街街市熟食檔進發！我地午飯去開果間晚上冇開，於是試下去大利美食中心，點左一碟生炒骨，恙蔥魚雲煲，芥蘭炒牛肉。生炒骨大碟脆口，甜酸適中，整體香口好味。恙蔥魚雲煲，魚雲份量多，爆恙同蒜好香口，好好食。芥蘭炒牛肉，牛肉份量不少，芥蘭爽脆，有獲氣。整體好有大排擋水準，抵食夾大件，獲氣十足！價錢合宜，晚市可以一試啊！

難得同娘親撐枱腳，而佢又提議黎呢度食，咁梗係順佢意思啦。對上一次黎呢度已經唔記得係幾時了。淨係記得炸大腸好好食，環境好嘈，唔乾淨。今日重遊，桃花依舊，但食嘅係羊腩煲。呢個已經係細羊腩，但我地兩口子係絕對食唔晒嘅，所以娘親未食就要左個飯盒裝走一半拎走👍媽媽永遠是對的。而味道都可以，羊肉炆得好腍。竹筍只有幾舊，不過一定要食👍而我地都覺得煲野咸左啲，要溝淡少少佢。之後再要左一籃雜菜。就咁簡簡單單一餐，埋單要$312，收銀啊姐就齊頭收$310。

老公帶我去北河街街市楼上的美食中心食晚饭，地方是干浄的，但很多人吸煙，还好通风不錯，感觉不到煙味。我们要了胡椒豬手，65元一大碟，8一9件，很入味很林，老公说不及他上次来吃的好，上次的胡椒味更重；其他叫了蒜蓉白菜和生炆班头腩，白菜很多油很咸；班头腩竟然是南乳炆的，没有枝竹，但有很多燒肉，我不喜欢，所以没怎样吃。 加2支啤酒共236埋單！

<男人的浪漫 - 北河街大利>老實講這兒連我也不常來，現場有如北京霧霾。全場九成九是上了年紀的男士，吞雲吐霧，嘈吵程度過百分貝。地方亦污糟，入夜廁所到處嘔吐物。但麻甩就是無有怕，一大班人聚會總想來這等地方。談談近況，食飽就搖搖骰盅，嘩哈哈大叫大嚷又一晚。這兒出品份量足，夠鑊氣，價錢平，點的全是佐酒之物。椒鹽做得出色，一啖啤一啖餸那感覺挺豪情。計番一班老友相識已十多年，難得大家都無穿無爛，新年前例必一聚，值得多酌兩杯！飲勝！我的佬味濃FB: smallsmallsmalllin

第一次來深水埗市政晚飯，想不到第一個感覺是-好嘈！哈哈，但全院滿座，真的很有兒時吃街邊大排檔的熱鬧氣氛！叫了小炒必吃的豉椒炒蜆，滿滿一大盤，看了已經很想吃！好野味，豆豉足，不似其他只見青椒不見豆鼓！吃不停口！燒鵝，點了例牌，想不到也不少，油脂夠，皮香，吃下去有回甘！但可惜不夠熱，扣了不少分數！炆斑頭腩，反倒不錯，頭腩走了油，但還滑，炆得入味，特別一讚是吸了魚汁精華的枝竹，一流！雖然真的很嘈吵，整晚談天都要嗌破喉嚨，但這種氣氛真的在現今香港很少見了！

個多星期前曾吃過大利，但只得3人叫的菜式不多，今次約足共14人再試試大利其他菜式。14人於晚上7:30到達，不需等位伙記安排一張大檯剛好夠坐，今次點了很多菜：1. 羊腩煲 - 到大利主角就是這煲羊腩煲，支竹/馬蹄/冬菇/薑/蔥等，羊肉很稔入味，一流水準，食完大煲還再叫多一個細煲，必食。2. 黑椒牛柳粒 - 用大量洋蔥/青椒一起炒，黑椒味不太出，整體味不錯，但可惜牛肉醃得過頭，無口感比較差。3. 臘味炒介蘭 - 冬天傳統菜，介蘭當灶夠爽無渣，配以臘肉/臘腸/潤腸一起炒，夠入味好好吃。4. 豉椒炒蜆 - 豉椒味不夠濃但蜆肉剛熟有口感，但底部的蜆有沙。5. 燒鵝 - 又是這裡的另一款招牌菜，皮薄兼脆，鵝肉不肥嫩滑有鵝味，好食。6. 椒鹽鮮魷 - 統傳菜，脆漿不厚脆卜卜，鮮魷仍保留肉汁夠嫩，好食。7. 避風塘茄子 - 看上去像炸蠔，脆漿比較厚但是脆卜卜兼有濃濃的椒鹽味，茄子肉嫩夠稔又入味，好食。8. 黃金蝦 - 上菜時看到蛋黃不多，但入口鹹蛋黃味道十足，蝦肉亦彈牙夠新鮮，不錯。9. 豉椒鵝腸 - 傳統菜，但這歎就比較失色，豉椒味夠重但鵝腸有點過熟所以韌。10.炸大腸 - 這款直頭令人失望，大腸

老媽子話唔煮飯，我二話不說就同老媽子講去食羊腩煲因為舊年食過好食，老媽子亦都話好。得兩個人叫野唔得多所以叫多個朋友一齊，3個人7點鐘去到都已經坐左好多人不過仍然有位。大利位於市政大樓裡街市樓上，大排檔型式，空間非常之大，日間有其他店舖營業，晚市就由大利用盡整個場。叫菜，1. 羊腩煲(細) - 大量枝竹配合薑/蔥/冬菇等配料，保持水準超好吃，不可不食。2. 燒鵝(例牌) - 皮薄肉嫩夠入味，好吃，但叫例牌較多是骨。3. 味菜鵝腸 - 鵝腸爽脆入味，味菜亦不太熟仍爽口也不會太鹹，好吃。4. 西洋菜 - 羊腩煲無菜跟需要另叫，西洋菜當灶夠嫩夠滑加上羊腩汁，好吃。另叫了啤酒及汽水。放眼食客大部份是街坊及工友，街市大排檔之環境衛生當然談不上，有潔癖朋友不會喜歡，但小菜水準極高。 

寫食評不得不提提我地一班兄弟工友最近聚會既主場 --- 大利美食中心地點在北河街街市上兩層既熟食中心，地方大，樓底高，極有風味而又唔怕日曬雨淋既大排檔。食物相宜，碟頭大，$40-$60就有個餸，不少都做得十分出色﹗鹽水豬手拼雞腳餐前小吃，大大碟四五個麻甩佬都夠食，鹹鹹煮得夠腍，勝在原汁原味﹗小炒王炒得雖然唔太夠乾，不過份量足，韭菜韭王炒得香脆，配以蝦乾菜甫等，惹味，送酒一流﹗椒鹽雞中翼炸得外脆內軟，火喉掌握得好，味濃送啤酒很過癮﹗椒鹽腰果拼雞軟骨次次來吃都必叫，又是佐酒之物，腰果炸得卜卜脆，灑上淮鹽，惹味﹗芥蘭炒牛肉牛肉香軟不韌，夠鑊氣﹗燒鵝半隻也很夠份量，係嫌佢凍左之後會太油﹗這兒的炒飯炒麵炒米都做得很乾身，極有鑊氣，又夠大碟，要推介﹗最緊要當然係啤酒平啦﹗$16支青島，半打半打咁叫，可以開懷唱飲，此店亦有骰盅供應，故晚上猜妹之聲不絕﹗而醉薰薰既麻甩佬亦會飄來飄去，去廁所時要小心一點了﹗唔飲酒我估每人一百蚊都必食到飽，抵飲抵食，這就是兄弟班的主場了﹗

上星期某個中午，因為要跟老爸到旺角辦點事兒，而他又對大牌檔情愛獨鍾，所以我們到北河街街市用餐。　環境是有點髒(從前見過小蟑螂)，不過這也是大牌檔的特色吧對於不能容忍髒環境的人，這裡不是一個好地方啊午飯「碟頭飯」比較便宜:3金銀蛋白菜(走肉) $40賣相不錯:3蛋好大塊>w<白菜跟蛋的味道很協調，菜很清甜，這個不錯:3腰果蝦仁 $55西芹炒得不錯，不過蝦不夠新鮮，不夠爽體形亦不夠大腰果亦不夠脆．．．以前的腰果跟蝦比較脆，可能只是當天的質素差了一點吧如果以這個價錢到別的大牌檔吃，應該會吃到脆脆的腰果跟大蝦吧我對這碟的評價有一點保留哦:3熱騰騰的 白飯 $77大元的白飯似乎已成正價?這裡的7大元還滿大碗的:3對於這種環境，我是沒有意見的啦~食物質素是最重要的，當然環境也很緊要．．不過外出吃飯，不就是「眼不見為乾淨」嗎？

搭車成日都經過見到好似幾多人幫親，今晚又諗唔到食乜，咁就專成試下好唔好味啦.... 入到大門口見到裡面都幾多人，個 waiter話你幾位呀 - 2位坐隔離鋪啦。跟進就帶左我地到隔兩間的鋪位，嘩! 一入到去都真係幾唔得，地下仲有灘水...... 睇下餐牌 - d菜都唔係平喎，普通的菜大約 $48起。本來我地想叫左薑蔥生蠔煲同豆豉鯪魚炒油麥菜加一白飯已經要差唔多$180。但係又唔係真係好飽囉....... 講番d食物，由於 waiter話最近d本地蠔唔係好靚所以佢地彩用筒蠔。個煲裏面有6隻蠔，都算肥美個汁都幾好味。而個油麥菜就普普通通啦，唔難食但又唔係好好食，我諗係因為佢只係將d鯪魚切到好大舊(一開三)，所以d菜唔係好入味。Overall Speaking, 佢d食物都 OK但係環境及價錢有待改善。