大利美食中心 (已結業)

😀 今早甫開工時，突然有幾位同事“吹鷄”，想晚上來個飯局！我便提議到上次食燒鵝的“大利”，晚上7點半收工後，一行六人乘搭港鐵，在深水埗站的C2出口，步行5分鐘左右便已到場！埋位後，先來半隻燒鵝，皮脆肉滑，保持水準！跟著整碟白灼鵝腸，拌上芽菜來同食頗為爽口！有同事一口氣，點咗幾個小菜：腰果炒雞丁、蒜茸白菜仔及煎蠔餅，全部都OK！尤其是蠔餅，煎得香脆又足料，不過要趁熱食才好味！反而後來的豉椒炒蜆及沙拉骨，可能落調味粉較重，食剩咗頗多！最後的揚州炒飯都幾大碟！師父炒的手勢很好，唔係太多“剩油”！估計全晚眾人“隊咗”約10支生力左右！埋單計數：$775。大利有個較好的習慣 - 通常都唔收零頭，最後以$770成交！值得一讚……👍👍👍！