大叻越南牛肉粉餐廳 (海灣街)

營業中

休息中

Lunch又跟同事去四周圍搵好嘢食，呢間近太古坊的越南餐廳一到lunch就超爆滿兼要等好耐先有位，之前都比佢人潮嚇怕冇食到，今次特登早啲出去食，終於食到啦！其實佢嘅位置有點隔攝唔易搵，喺鰂魚涌近太古坊附近的一條小巷內，店舖採半開放嘅形式，室內不算好多位，在門口擺放咗好多張圓枱又有帳篷咁樣真的有d似大排檔，環境絕對稱不上舒適，但只要是好味的食物人們往往就係不在乎佢嘅位置同環境，大家無論點都會衝過去搵食。講返佢最出名嘅炭燒雞扒/豬扒飯，我見大部份人都係叫兩樣野， 雖然都有小部分人點其他牛肉湯河湯檬等等，但既然個個都揀得呢樣嘢就一定係有佢原因，於是我都揀咗炭燒雞扒飯($50連飲品)，有同事就揀咗炭燒豬扒咁我哋可以交換嘗試。上菜嘅時候炭燒雞扒嘅外型真係相當之吸引，份量連我都覺得足夠，雞扒大大塊，會幫你切開一件件，離遠都聞到嗰浸炭香的味道，呢個香味冇得呃，外皮烤得有少少焦，掃埋個黃金醬汁，睇見都想食😋食落更是無敵👍雞扒本身己經醃好入味，啲雞肉嫰滑多汁，加上燒到d雞油咇曬出來令其非常juicy, 不會因為炭燒而太乾，成件事啱啱好！真係好考廚師嘅功夫！白飯上面加有蔥油，配合雞扒同菜一齊食惹味又滿足😋

記得第一次老公帶我去光顧鰂魚涌嘅大叻時，我真係有d抗拒，轉入巷仔第一眼就見到一架綠色垃圾車，完全想像唔到入面有食肆⋯大叻就喺巷仔盡頭，裝修都幾簡陋，但老公不斷話：「真係好食嫁，信我啦！」我唯有信佢啦。食過一次之後，真係返尋味！之後都光顧過好幾次。我最鍾意食炭燒雞扒飯，好香嘅炭燒味，皮仲有d脆，雞扒份量好多，雞扒底下仲有椰菜絲墊底。白飯口感差d，乾左d硬左d，最好淋上佢秘製嘅豉油。炭燒豬扒都唔錯，好鬆化，又係充滿炭香👍🏻叫一人餐會附埋越南春卷咬落非常酥脆，入面充滿芋頭絲，好香口！除左炭燒扒之外，另一推介係蕃茄濃湯牛坑腩河粉。蕃薯湯底好濃郁，牛坑腩炆到好腍，紅蘿蔔吸收哂湯底嘅濃郁香味，又夠腍。馬拉盞炒通菜牛油果軟殼蟹米紙卷，牛油果唔多，不過軟殼蟹都好大塊，仲有包住米粉、生菜、紅蘿蔔絲、青瓜絲、羅勒葉，非常足料，好大卷，見到都飽😂軟殼蟹炸到酥脆，如果牛油果多d就好喇⋯

朋友推介呢一間　所以就試下午餐一去到撞正午餐時間　好多人排隊等左15分鐘 可以坐低 ~ 叫左個香茅豬扒飯好大碟 豬扒食落口感不錯 哈哈 有食叉燒的感覺　不太"UN" 價錢好合理 只是地方比較迫夾同埋係後行環境不是太好~

想食呢間除非你好早去啦，仲要齊人喎！吾係嘅話，麻煩你等下啦…… 雖然好多人，但都吾算等得耐，流動都，係快，嘅。因為大多數人都係食碟頭飯。加上起得快，又坐得吾舒服。食完就好走。想吹水就吾該去第二到今次食炭燒鷄。嘩！一放上枱已經俾個賣相吸引！俾鷄睇上去就覺得嫩滑，仲有少少鷄油。個皮望落都好脆口咁真係好味道，好野味，肉質真係嫩，仲彈牙。真係食停吾到口……！！飯面有啲脆撲撲嘅蒜片。加分！如果你吾鍾意，叫佢走蒜都得。吾怪得日日都咁多人排住隊等幫襯！

大叻出名食炭燒豬扒，不過仍想一試我鐘意食的生牛肉河。呢度放午飯時間一如既往都係好多人等，論服務佢完全係無，本身已經無期望架啦，但估唔到我叫一杯熱水叫左三四次，等左好耐都無，當我再問返個呀姐，佢竟然話「無呀，問入面廚房啦！」聽到都燥底。個粉終於黎到，d生牛肉幾薄身，唔韌，以平價餐廳來講算幾高質。不過個湯底好咸，無咩越南風味。河粉就普普通通。唔明點解咁多人等位。生牛肉河 ($46): 3/5另外，同事點了炭燒豬頸肉飯 ($52)

As a big fans of viet food, this restaurant always is my first choice ! Cheap and delicious for all the foods😋 Coming here with mum and I order grilled chicken rice. The chicken is so big and really nice! Very juicy and the skin is grilled which so yummy. As for the viet chicken noodle, the portion is so big!! A lot of veggies there and taste very transitional 🙏🏻🙏🏻 will be better if they put some tomato 🍅 The lemon tea is fine

又嚟到鰂魚涌飯堂推介時間越南嘢我有兩間心水，一間係堂食，一間係外賣店今次介紹堂食店長期大叻都有一大群人係出面等，係人山人海果隻門口都有幾張枱坐有得揀嘅話我哋都會選擇坐門口食因為坐係舖頭裡面食完番公司會有人以為啱啱果個鐘都係大叻做每次我都個叫呢個雞絲扎肉濛粉，清清哋最啱午飯食，食完都啱啱夠飽同時我都會老點我d飯腳叫呢個炭燒雞扒飯呢個雞扒味道真係只應天上有燒烤味好似置身大尾督一樣番工時間都可以燒嘢食😂😂，真係幾爽

每次經過大叻都比佢個陣好香既炭燒味吸引住，所以每日放lunch時間呢度都好多人，今次決定買外賣拎上公司食。都係一如既往叫左炭燒雞扒飯，雞扒大大件，醃得好入味，而且食唔到陣雪藏味。值得一讚既係佢既甜豉油同蔥油，撈飯食真係一流！雞扒同飯既份量都好夠，唔怕食唔飽！

如果不是同朋友一齊嚟， 不得知道此處有一餐廳， 炭燒香茅雞扒飯， 是如此的出色。所謂碳燒雞扒， 真的有蜜糖味， 而且熱到入心， 雞肉滑漊。 它的蔥油亦都炸過， 而不太油膩，有熱力， 撈埋白飯香口 。 做食物就是這小小的差異， 把食材原有的味道， 以至是配菜， 發揮得淋漓盡致， 只不過是普通不再普通的雞扒飯， 一吃落口已經大讚不絕， 難怪經常大排長龍。

每逢到左食晏時候 呢間餐廳門口一定大排長龍 因為佢實在價廉物美 我就最鍾意食炭燒豬扒飯 豬扒好多汁 燒完一d都唔乾 配上蔥油撈飯 十分惹味建議大家如果想去試既話 最好係12:30就開始去等位

鰂魚涌有好多越式餐廳，大叻雖然位於一條唔起眼嘅巷仔，但午市時間必定人頭湧湧，試過要等半個鐘先有位，好誇張。雞扒好大塊，上碟時已切好方便食。雞扒係用炭烤嘅，好惹味，平時唔識雞皮嘅我都會忍唔住食少少，雞肉嫩滑juicy，蔥油非常之香，配飯一流$48配熱飲，喺鰂魚涌來講算抵食！

好耐冇食過越南野 今日膽粗粗咁去去鰂魚涌可能係我路痴既問題 同烈日當空問題搵左起碼15分鐘 差d 熱暈左在條火熱街上原來佢地在一條後行入面真係眼大睇過龍唔講咁多入左去先講！！冇什麼人以為大鑊了點知最後真係大鑊我相信這裡野食係唔差但要我等一碗坑腩等左半個鐘再加上唔係好多人既時候個人忍耐力已經都頂點我老闆都食完碗野都未到仲有我係好有禮貌問左3次點解仲未來佢地你推我我推你之後仲慘收工一堆人來食佢地上左飯我碗野都仲未到我接受唔到所以我都唔想點評價當我同間野有緣無份完

午飯時間的鰂魚涌，到處也人頭湧湧。這間大叻越南餐廳，雖然位於巷仔內，但也人客不絕，隨時要等上20至30分鐘才能入內，認真誇張。店內環境頗擠迫及嘈吵，但服務尚算可以。Lunch set很多選擇，有湯粉類，撈檬，及飯類。叫了出名的炭烤豬扒飯，一上枱已嚇一跳，因為真的很大碟，豬扒差不多有10件，應該是兩塊大豬扒砌出來的，男士們也應該夠食。豬扒炭燒得很香，醬汁亦很美味，份量亦很足夠，如不介意地道feel及等位的，整體來說是不錯的一個午飯選擇。

到左食晏時間 大叻通常都好多人等位 今日係星期五更加唔例外 如果多人都好難有位 等左約三個字 終於到我地 今次都係食返我既至愛 炭燒雞扒飯 雞扒滑留多汁 加上白飯配有蔥油 好快就食哂lu

咁岩同同事黎開呢頭，原本打算去食泰式茶餐廳，點知拉左閘話搬遷，最後黎左呢間食，呢間位置好隱閉，明明openrice寫話海灣街9-11號，但原來有條巷要行入去，果度仲有個牌寫住海灣街寫住11-x號，以為唔係，點知原來多人到喊果間就係，因為正值午餐時間，所以要等位，冷氣位要等，翻枱都算快，但仍然好多人，天氣又熱，等太耐，最後頂唔順坐露天位算午餐有set,同同事分別叫左雞中翼撈檬$46同碳燒豬頸肉飯$52，飲品就叫左三色冰$6同凍檸茶$3，埋單$107，飽到喊啊，但環境就真係麻麻，多人之餘通道又窄，唔算好乾淨，而個阿姐做野都算醒，又要叫人入位又要落單埋單，都算話頭醒尾