大喜屋 (已結業)

晏晝忽然同朋友諗住食個放題 行過尖沙咀發現好似好耐無食過大喜屋，就決定幫襯下啦💪💪因為得兩個人嘅關係同埋未算太肚餓，所以都係就住黎叫野食，份量都係每樣一兩件為主👍三文魚腩壽司有驚喜，油脂部分飽滿，入口勁滿足，正🤤西班牙風乾火腿壽司幾特別，本身以為會好奇怪，點知出到黎個效果又唔錯，唔會過鹹，有蔥花同沙律醬調調味呢個吞拿魚蓉軍艦我同我朋友都好鍾意，用料好豐富，吞拿魚蓉夠順口不起渣，encore 左兩次👍火炙左口魚裙邊又係有驚喜，火炙燒得啱啱好，配上少少燒汁襯托左左口魚刺身嘅鮮味芝士鰻魚軍艦又係encore 左兩次，大塊鰻魚同壽司入面芝士塊令個味道更有層次刺身方面冇叫太多，三文魚，帶子，虎蝦同甜蝦標準均為水準之中。熟食方面，燒羊架如果唔嫌太飽既話值得encore ，肉質鮮嫩厚實，羊控必試👍👍呢碟黑糖燒和牛肉片都係我同朋友覺得係我地叫嘅熟食入面最好食嘅，牛肉片薄切得黎保留到口感，配上黑糖燒汁好惹味，我地encore 左一碟🤤我地仲有叫其他炸物，天婦羅等等，味道係預期之中，不太特別。 總括黎講，呢次放題食物種類算多，上菜速度快，食物水準keep 到唔會參差，坐位環境坐得闊落舒適，會再黎食👍

最近做野比較忙，為左獎勵下自己，決定要食餐好既！放題黎講，大喜屋不嬲都係最出名，上次試過尖沙咀另一邊戈間，今次就試下呢間啦😍雖然係平日，但就到6點個陣，樓下已經好多人係度排隊。會有個侍應係樓下問你既訂座編號，之後就會比張座位紙你，上到去就即刻入座👍🏻想讚呢點因為服務好有效率👍🏻👍🏻入到去環境都ok, 一般放題環境都會比較迫，呢度座位都闊落👍🏻 如果四個人黎仲會有卡位坐～睇下圖先☺️一坐低就去左雪櫃揀野飲，都算幾多野揀。叫叫下野食先發現，原來仲有特飲可以叫😛好驚喜，野飲真係算好多選擇呀！首先緊係叫左d主打先，就係壽司同刺身啦。刺身都幾新鮮，特別係帶子同赤貝，食落好鮮甜。魚方面，最好食係劍魚腩，一咬落去魚油香出曬黎。壽司同手卷方面，極力推薦海膽手卷！估唔到海膽味又幾濃～壽司佢好既地方係全部都細細粒，唔會企圖用飯極飽你😏大家不坊盡情叫。熟食都幾唔錯，最欣賞係個榴蓮波波炸物🤤🤤榴蓮味好香！唔係間間放題都有呢個嫁！食完生冷野為左暖下胃就叫左個蟹粥，估唔到都唔差，食落幾鮮甜。甜品有我最愛既煙un野，麻糬波波同大福～用呢兩個作結真係perfect😄😄侍應見你差唔多食完仲會比個雪糕紙你😆每人可以揀一杯m

大喜屋放題一向品質不錯，每次來都必點一大堆刺身、壽司、天婦羅、串燒，每樣都不會因為放題而「求其」。這次用餐體驗也很好，餐廳靚，坐得闊落，服務員態度也很親切，而且上菜速度不徐不疾，食完一輪先上下一輪，不會一次過上曬一大堆。這次有幾個菜特別喜歡～黑糖燒牛肉最喜歡黑糖燒牛肉，一碟四片，牛肉好嫩而且肉味濃～幾驚喜。西京黃花魚魚的質感比較結實，像是醃製過，味道帶甜，配沙律醬食鹹甜平衡，忍唔住食左兩碟☺️甜蝦、虎蝦刺身兩款蝦刺身都好新鮮，甜蝦鮮甜，虎蝦爽口。其他刺身都好ok！帶子都好爽～鰻魚芝士卷呢個絕對係喜愛芝士同鰻魚嘅人必點推介～芝士香濃，鰻魚冇骨、鬆軟、冇腥味，加上鰻魚汁，成個口感同味道好夾，好滿足～炸物、串燒都熱辣辣 好味雪糕有哈根、Movenpick、homemade，今個月有海鹽牛奶home made雪糕🍦好滑好有奶味好creamy 又唔太甜～好味啊～整體黎講，大喜屋lunch 放題性價比都幾高，食物質素真係唔錯，好多菜式都幾出色，坐得舒服，上菜速度適中，值得encore！

The missus was having a craving so we booked a table to treat ourselves, seating was just as decent as nothing much has changed, however they seem to have added extra seats and the gap between tables is considerablely narrower. Had plenty of sashimi the salmon was especially decent, thick cuts and with a slight creamy sensation. Grilled lamb was just as good.I would skip the grilled beef next time as this time the served portions were a bit fatty for my taste. overall good experiance.

朋友来港三个月都没有去吃放题，要走之前一拍即合，在工作日的中午预定了四人位一起去吃。午餐时段比晚餐时段稍优惠些，订位也比较容易。除了哈根达斯每人限点一份外，其余的食物都是不限量的，寿司和手卷不要点太多，因为真的吃很少就会有饱腹感，烧物和刺身都是心头好，点了一份又一份，好像香港很少有吃羊肉的地方，在这里又点了几分羊鞍，味道也很纯正，没有膻味，马卡龙软软的很好吃，梅酒也很好喝，朋友说烧酒的后劲有些大。

原本無諗過食放題，不過因為去交錢搞到一肚氣，決定去食餐好既！行過大喜屋就去食！佢lunch放題係12:00-15:00，三小時的。因為我地成1點半先到，得返個半鐘食，其實係好趕😂😂我地去到叫左好多野食，壽司、手卷、天婦羅、串燒、炸物。基本上質素唔錯，不過由於我地得個半鐘，所以食得好趕，而由於太多人去食，基本上食物要4/5個字先出到。建議大家時間太短唔好去食。佢雖然限時到3點，不過見我地黎得遲，都無趕走我地，同堆最後cut單前都問我地有冇野未到，服務算唔錯👍🏼👍🏼值得再去

食物很新鲜，也很快就把食物送到。是个很好的选择。只是有一点需要改善。。。我叫了1份烤番薯仔， 可是服务员却把它送到别的客人桌子上。之后服务员说会补烤1 份给我，谁知道等了10分钟，他又送到别人去了。最后都不用等了。（因为已经是last order了)希望下次光临时会有所改善

好彩預先book位，行到去尖沙咀文遜大廈樓下，已經有一條長長嘅的人龍等電梯上去，全部都係同我一樣訂左放題餐廳「大喜屋」，侍應也不忘為每一個客人登記確認訂枱，可見餐廳職員好有效率。上去一看，平日的晚上都座無虛席，果然是全場爆滿，看來我們沒有選錯，而且侍應也友善地招呼我們進去坐好，欣賞他們。即使如此繁忙都仍然熱情招呼每一個客人👍🏻服務不錯！食物種類繁多，所有熱門的日式美食都有供應，應有盡有，食品選擇過關。👍🏻 每一張點菜紙都係圖文並茂，彩色影印，見到食物嘅圖片已經流晒口水。「刺身拼盤」一上來，朋友們的相機立刻出動，因爲刺身擺得非常美，看上去也很新鮮吸引，影相「呃like 」一流。可見每一款刺身到肥美鮮甜，甜蝦刺身係我最愛，當然唔少得一口氣叫十多隻，這價錢來說絕對物超所值！👍🏻🤤熱食質素也不錯，芝麻和鹽燒雞翼都很香脆，還有非常值得一試的「特色壽司」，十分香的鵝肝帶子壽司、入口即溶嘅左口魚壽司以及特長嘅芝士蟹棒壽司，仲要係我最鍾意食嘅火炙系列，好滿足。👍🏻🤤此外，通常我吃放題很少會叫「蟹粥」，怕太飽，😝 但我看見很多枱客人都有叫，而且粥看上去質感軟綿綿，因此都叫了一鍋試試，結果令人驚喜，鮮甜味

「大喜屋日式放題」有優惠價錢$258一位可以任飲任食，即刻去試吓。刺身有多種選擇我哋就叫左一個刺身拼盤，當中嘅三文魚非常新鮮。壽司有我最鍾意嘅火炙，壽司飯一啲都唔散，手握得有技巧。燒物方面，叫做我最鍾意嘅燒煆，食落去爽口彈牙。人蔘雞湯入面更加有原隻切好咗嘅雞，肉質軟林林。蔬菜都炒得好有鑊氣，食落去好香口滋味。甜品都有唔同味道嘅雪糕杯，全部都係大牌子，另外雪櫃僅有奶凍、啫喱等等我最鍾意嘅芝麻雞翼炸得非常香脆可口，肉質滑嫩，好滋味。另外再叫左一碟小炒同埋小食，食物嘅種類繁多，未能一一盡錄，不過食完真係值回票價，因為每一款食物都非常新鮮，下次會再帶幾個朋友再嚟試吓。食咗咁多野，仲要任飲任食，最後埋單都只係＄1100左右，仲要係一人＄280左右，簡直係非常超值！

＄258任食任飲嘅放題，難怪咁多人排隊等，一個價錢任飲任食，好抵食。刺身「甜蝦」雖然細細隻，但係食落去好鮮甜爽口，一次過食咗十幾廿隻。「帶子」好大隻，聞落去好新鮮，同樣地食落去好鮮甜，點少少豉油Wasabi都已經好夠味道。「手握壽司」同埋「軍艦」款式都多元化。「三文魚壽司」「日本直送帶子壽司」細細件好的骰，食落口一啖就食晒，好味道。「海膽手卷」同樣地非常新鮮，有入口即溶嘅感覺，滿口都係香濃嘅海膽味道。「串燒」方面， 有我最鍾意嘅串燒蝦 ，蝦肉爽口而彈牙，食完第一串之後再order多好多串，果然新鮮即燒。除此之外，「牛舌」同埋「燒雞翼」都好好食，燒得恰到好處，而且好夠味道，必食之選。「燒羊架」同樣都係我至愛，燒得好香，而且一啲都唔「騷」，好大件啖啖肉，必食之選。最後食返啲蔬菜，分別有芥蘭、娃娃菜、南瓜、粟米同埋青椒等等清下腸胃，等個肚仔冇咁濟。太多款式食物不能盡錄，但都非常新鮮滋味。提下呢度既飲品櫃，有幾個大櫃這麼多，款式多樣化，最特別是有這個冷熱清酒，而且梅酒任飲，在一般其他的放題餐廳很少見到。除此之外，甜品更有名牌子雪糕杯，有我最鍾意嘅紫薯味道，仲有牛奶奶凍、泡芙同埋大福等等，就連甜

這天聽朋友介紹，去了這間位於尖沙咀文遜大廈的「大喜屋放題」😁上到去一看，裝潢新穎，店員逐一安排客人入座，流程大致順暢，座位寬敞，我哋坐入去卡位位置。點菜單也比我想像中種類繁多，食品選擇豐富👍🏻，不同種類嘅日式食物都有。首先刺身拼盤一上來，我們的相機立刻出動，因爲刺身擺得非常美，看上去也很新鮮吸引，影相「呃like 」一流，事實味道也符合外表的鮮美，比一般的放題質素佳👍🏻熱食質素也不錯，炸物都很香脆，還有值得一讚的是他們的燒物，特別是「香草燒羊架」，羊架燒得剛剛好，惹味香口，且不會太膻👍🏻😋 還有我很欣賞他們的任飲嘅罐裝飲品和特飲，飲品選擇種類繁多😳甚至有日式生啤☺👍🏻，我最後我就揀選左仲紅之夏日-Fruit Punch，果味豐富濃郁。最後甜品選擇也不少，且質素不錯😉👍🏻最正是還可享用「MILKTOP 」杯裝雪糕或軟雪糕☺ 為這餐畫上完美的句號！🤗🤤九月仲有八五折優惠時段，非常抵食，一定要再去試吓。

是次一家10幾人一齊去食大喜屋。被安排坐係洗手間附近。自成一角咁。唔錯。但太近廁所就有減食慾喇！另外上野都算快，但有感食物質素下降左！記得幾年前食過一次，果陣第一次食放題。覺得好正。魚生。壽司用料都好新鮮！但今次去食既時候就覺得麻麻地...d野好似縮左水咁同埋無咁新鮮☹️食物種類：✔️✔️✔️✔️食物：🤤🤤🤤（推介西京燒黃花魚）環境：👍🏻👍🏻👍🏻（地方尚算寬敞）衛生：👍🏻👍🏻👍🏻員工：👍🏻👍🏻👍🏻👍🏻（今次食飯負責我地個section既staff幾好，有禮貌）性價比：👍🏻👍🏻👍🏻（價錢合理）

中午12点去仲有位置，去食过两次，感觉比上一次去菜品要多小小，不过感觉水果饮料差左滴，刺身好正，不过生虾刺身个人感觉一般般，三文鱼推荐，炸鸡翼推荐，炸虾推荐，炸耗就比较一般，建议一次叫少滴，然后多叫几次，试多一滴食物，仲有滴鱼都系一般般而已，寿司品质其实不算太多，不过都还几好食，大体上冇乜雷区，就系觉得要稳滴有翻小小食量噶朋友过来分担会好滴，我今次个食得有点多咯。最后雪糕我觉得哈根达斯比较抵食小小，下次一定带更多朋友仔过来。

原本幾個朋友都叫我唔好食，話服務差，又唔係話好味，但我唔信，今日食完就真係後悔冇聽朋友友講， 中左伏野食已經好一般，仲要服務態度咁差，真心唔會有下次啦。原本開開心心吹水食餐飯，明明話兩個鐘，我地已經係食唔多野嘅人，只係想吹下水，慢慢食，點知過左一個鐘半就開始催我地“已經夠時間喇” 再過多15分鐘又嚟再催“已經夠時間喇，真係夠曬時候喇”3分鐘後再再再催“真係夠曬時間，我哋要比枱下一輪客”（極差態度）咁食得超唔爽，一係就寫明限1小時45分鐘，咁我夠鐘咪走囉，你要比枱下個客，關我咩事呀！？你要做生意，做多啲客，就改變一下 表明時間，唔好扮大方比兩個鐘人食，但個半鐘就係人身邊叫人走。 附圖簽單證明我不是打手

提前订左位，但去到未够钟前台无check号码就俾左位入座，堂内其实入底率低，可能係刚开市！推荐甜虾、带子、赤贝刺身，烧牛肉同牛仔粒都唔错，海胆手卷好mini，好似未试真D味就无咯，焗蚝唔太得，用嘅係冰鲜貨？用纸落单太唔环保，好浪费纸张，同埋上菜速度麻麻！