影片
港鐵大圍站 D 出口, 步行約1分鐘
繼續閱讀
開飯介紹
提供多款大眾化的港式小食，如煎釀三寶、雞蛋仔等，價錢親民，是學生及街坊的速食之選。
繼續閱讀
以上資料只供參考, 請與餐廳確認詳情
食評 (443)
今日同朋友約咗喺大圍做facial做之前想掃街搵啲小食墊肚講起大圍小食 大家不約而同講咗想食「大圍小食」XD因為呢間老店真係開咗好耐同佢係由細食到大 覺得性價比高- - - - - - - - - - - - - - - - - - - - - - - - 1. 煎釀三寶(豆腐、紅腸、尖椒、餃子)共有10款炸物 樣樣都係炸得好靚望落就係新鮮食材炸出嚟嘅 唔會縮晒全部都好有光澤又熱辣辣咁攤晒喺度同埋肉餡都好大嚿 粒粒都脹卜卜最驚喜係尖椒 食得好辣嘅人要嚟挑戰2. 港式炸大腸拎上手就聞到濃烈炸大腸嘅香氣見佢炸到金黃酥脆 再喺上面加啲芥末視覺上就更加吸引 忍唔住想食啖因為炸到酥脆 咬落有聲 做到外脆內軟少少鹹香 少少芥末帶嚟嘅開胃同刺激3. 魚蛋/燒賣(10粒)魚蛋燒賣每次掃街必食 $12/10粒算抵鍾意佢係陳皮魚蛋 結實又有少少甘香燒賣嚟自大大蒸籠 大粒、有煙韌感配埋佢嘅秘製辣汁 雖然睇落唔係好紅但少少都已經好辣 辣得過癮～4. 炸雞脾炸雞脾嘅賣相真係會令人流口水上手已經感覺到佢好熱辣辣打開見到金黃酥脆外皮即刻想食咬落嗰陣外皮超級香脆 又係有聲同入面嘅肉質有個對比 好啱送酒5. 串燒豬頸肉/雞肉叫咗串燒係會即燒 揀咗雞肉同豬頸肉呢度有得自選調味粉同汁嘅味道好正揀咗落孜然粉 另外仲有9種可揀同埋喺各一串掃上燒汁同蜜糖汁雞肉豬肉燒到好有焦香 內裡肉質幾嫩6. 韭菜豬紅腸呢碗真係抵食 $35超級足料打開個蓋即刻香氣撲鼻個湯幾清 混合韭菜/豬紅/豬腸啲料多到感覺食極仲有記得最後食到就快飽死XD
繼續閱讀
🔥講到香港小食唔知你哋覺得邊樣最具代表性？呢一間，喺大圍屹立咗超過20年嘅小食店，噏得出嘅小食幾乎都有💫雖然佢係一間老店，不過佢嘅運作模式一啲都唔老，定期就會推出一啲新產品，例如呢排推出咗嘅💐煎釀三寶西蘭花💐就非常受到一班街坊嘅歡迎🥰要數佢其中一樣最好食嘅孖寶，肯定係呢度嘅燒賣同埋陳皮魚蛋！配上香濃秘製嘅辣汁，而且價錢竟然只係💲12/10粒！🐔大大隻嘅生炸雞髀更加唔少得，食完一隻今晚都唔使食飯！都只係25蚊🧆煎釀三寶當然係小食裏面嘅主角之一啦，一大盒我都只係買咗30蚊，每一件都非常大件，佢度嘅釀尖椒係辣辣地㗎！佢呢度煎釀三寶有個特色就係有啲街外出面唔會有嘅嘢就例如魚肉西蘭花同埋冬菇咁樣！🫔椒鹽燒賣，到底有咩吸引？咪就係香脆囉！加少少辣醬，簡直係perfect，幾多錢？12蚊！🦑呢幾年大熱嘅芥辣墨魚呢度都有，仲係新鮮即整，唔使驚食到肚屙😋🐷炸大腸，應該都係香港名物之一。呢度嘅炸大腸唔好睇佢十幾蚊一串，佢係大腸包小腸！絕對值呢個價錢，出去食碗牛腸河都三四十蚊得嗰幾舊仔，呢度舊舊都係大大件🐔串燒，呢樣就真係唔係週圍嘅小食店都會有。呢度嘅串燒雖然買16蚊一串，但係份量大！係喺你喺街邊食到十蚊一串嘅三倍😋香港歷史悠久嘅小食店裏面大圍呢一間肯定係上曬榜嘅！近年佢哋仲返新過舖面非常簡潔乾淨！仲有車仔麵、紫菜魚皮餃、臭豆腐等等嘅食物等住去發掘唔知幾時可以做埋珍珠奶茶呢？
繼續閱讀
尋日夜晚好肚餓，去咗大圍叫咗外賣返屋企食。我覺得又平又抵☺️。而且呢間外賣店超多人。我叫左臘腸潤腸足料糯米飯非常軟糯，與香腸、臘肉煙薰味相融合，讓人感受到濃厚家鄉味。浸泡過的糯米吸收了肉類油脂。狗仔粉口感滑嫩，彈性十足，與肉碎鮮香好配合，肉碎狗仔粉價格實惠。咖喱魚蛋彈牙，咖喱醬香辣可口燒賣外皮薄透，內餡豐富，我最鐘意搭辣椒醬煎釀三寶由茄子、青椒和豆腐製成，外脆內軟，口感豐富。串燒雞和串燒豬Last night, I was really hungry, so I went to Tai Wai to order takeout to eat at home. I thought it was both affordable and satisfying. ☺️ Plus, this takeout place was super popular.I ordered:- Lap Cheong and Yun Cheung Sticky RiceThe rice was very soft and glutinous, blending perfectly with the flavor of the sausage and cured meat, giving a strong taste of home. The soaked sticky rice absorbed the meat’s oil.- Doggie Rice NoodlesThe texture was smooth and elastic, pairing well with the fragrant minced meat. The price for the minced meat doggie noodles was very reasonable.- Curry Fish BallsThey were bouncy, and the curry sauce was spicy and delicious.- Siu MaiThe outer skin was thin and transparent, with a rich filling. I love to pair it with chili sauce.- Pan-fried Stuffed TrioMade with eggplant, green peppers, and tofu, it was crispy on the outside and soft on the inside, with a rich texture.- Grilled Chicken and Grilled Pork Skewers
繼續閱讀
正宗港式風味小食 正！位於地鐵站附近 行過去唔使5分鐘做外賣生意 諗得到的港式小食都有🤩好有人氣 但因有規矩 所以唔洗等好耐.✨糯米飯 大$48加潤腸·臘腸$12冬天時糯米飯特別吸引糯米軟糯而煙韌一定要加潤腸同臘腸 咁先夠滋味✨.✨油渣麵 細$40油渣份量好多 有好香豬油香入面仲有好多香蒜，香蔥 覺得辣菜脯好正👍🏻同油渣麵味道好夾😸.✨煎釀三寶 $20/5件推薦🫶🏼樣樣都大大件好有份量 除咗一般嘅紅腸魚蛋青椒等等仲有第一次見的西蘭花同冬菇 估唔到又好正.✨燒賣·陳皮魚蛋 $12/10粒不得不提的係獲獎的秘製醬汁 辣辣地好惹味.✨串燒·司華力腸$18·豬頸肉$16串燒燒到有陣炭香 好有驚喜好高質
繼續閱讀
📍#大圍小食 (大圍)大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️✨#油渣麵配自製辣菜脯大圍小食嘅油渣麵係我嘅最愛，油渣麵簡直正！麵條滑滑，油渣炸得金黃香脆，食落去有層次感。自製嘅辣菜脯唔單止帶啲辣味，仲有種獨特嘅咸香，令整碗麵更加出色。✨#豬頸肉豬頸肉切得厚薄適中，肉質嫩滑，配上辣粉做調味，無論係單吃定係加埋飯食，都好啱。✨#足料糯米飯糯米飯粒粒分明，口感軟糯，米香濃郁，仲好足料，臘腸配潤腸油香味十足，食落去好有飽腹感，亦唔會太膩。✨#韮菜豬紅韮菜豬紅色澤鮮艷，豬紅煮得啱啱好，唔會有腥味。再加埋啲蒜蓉，食得好過癮。▪️▪️▪️▪️▪️▪️▪️▪️▪️▪️▪️▪️▪️▪️
繼續閱讀
您可能會有興趣的...