大姆指餐廳 (已結業)

今日一早約左同事係公司附近食早餐，見到呢間裝修得幾靚既茶記就入左去，餐廳入面都幾多人，好多遊客。雞扒餐👍🏻👍🏻餐包，炒蛋，雞扒，沙律，火腿再加杯咖啡，好似都要38蚊。雞扒煎得幾好，但好細塊。炒蛋有啲太熟，餐包夾住蛋同火腿都okay既，中規中矩。

而家出街食Dinner，閒閒地都七八十幾蚊一餐，仲未必包野飲大姆指餐廳，指定焗飯都係51蚊咋！焗菠蘿芝士肉醬飯 配西冷扒：個名好長，但真係有咁多料，唔會因爲價錢平左，就落少左料，整體味道幾好，又多熱辣辣，只係西冷扒，係薄個種（一分錢 一分貨嘛！）雞扒喇沙米線：湯底唔錯，唔會太辣，雞扒好驚喜哦⋯⋯係有炸過架！

咦 又吾錯喎一直都係茶記既fans乾炒牛河吾想飯喎今次就叫左個乾炒豬頸肉河拉再加多杯凍奶茶落左單無耐 杯奶茶好快就到左隨後碟河都黎得幾快下正阿 完全冇諗過份量有咁多感覺係抵食既

今日係太子大姆指食下午茶。不想食得太飽。叫了最基本的餐蛋出前一丁。難以置信大姆指的水準可以說是全港最差的餐蛋出前一丁！ 麵未煮熟、失敗，湯不熱的、失敗，菜是合埋一齊，可以想像是冇乜洗過，更不用說有煮下。蛋又是冷的、失敗，午餐肉是整碗麵最正常的了。一碗出前一丁也做不好，其他食物的質數可想而知。

今天經過太子，由於早上飲茶做早餐，所以沒有食午餐，便想早些少吃晚餐。經過大姆指餐廳，見它的下午茶至到下午六點鐘，所以便入去醫肚。 餐廳裏面的座椅尚算寬敞， 有很多位置若客人選擇。睇完餐牌我們便叫了一碟XO醬豬扒炒公仔麵及咖哩豬扒餐肉飯。 當咖哩豬扒餐肉飯到的時候，真的有點失望因為就像頹飯一樣，只是將豬扒及餐肉煎了再放咖哩汁在上面，可能是因為下午茶的關係吧。跟住到xo醬豬扒炒公仔麵，完全沒有xo醬味，面也比較硬，所以都勉勉強強食完了。

過年前有一晚又去咗呢間大姆指開飯, 因為行過見佢有個米線又係勁抵, 四餸都係$29咋...! 呢個雜錦湯米線可以自選麻辣/喇沙/清湯湯底, 我要咗麻辣湯底, 而四餸就係有吉列大蝦, 五花腩片, 魚蛋同埋魚片頭~另加$7有凍飲(或者加$5要熱飲)因為知道呢度唔係專門食米線, 都冇乜抱任何期望㗎喇~ 所以覺得呢個麻辣湯底都可以, 食落都幾香麻辣味, 辣度屬小辣啦~ 而成碗米線最最最敗筆嘅係隻吉列蝦浸到腍咗, 完全唔會好味囉, 嘥晒隻吉列蝦...........其他三餸都正正常常, 魚蛋同魚片頭質地都唔差~ 平心而論, 雖然整體味道唔算有咩突出,  但除咗四餸之外仲有豆卜芽菜韭菜芫茜肉碎做配料, 29蚊真係好抵食啊! 去譚仔叫一餸都30蚊啦~

平常一些茶餐厅做的港式焗猪扒饭都会放一点糖或者番茄酱，唯一这一家做出来是不甜的，用的芝士也没有少。我认为是挺有特色的，可是也得到另一个第一☝️，就是他们放的猪排可能是全城最少的。当时没有在意就没有拍照。在芝士下面没有二两肉。我不是投诉，因为这样更健康嘛！地方的装修不错👌。加个青菜、现磨咖啡69元。现做的焗猪扒饭所以要等一回儿。

之前行過見呢一間餐廳好似幾光鮮, 就入去食左晚飯~ 環境幾寬敞好大間, 而且樓底都高~ 我揀左款日式鰻魚芙蓉蛋飯 $48, 呢碟飯黎到既時候真係差d忍唔住嘩左一聲, 估唔到有咁大碟丫~ 成份蛋完全覆蓋住d飯~ 配料有鰻魚, 蝦仁, 火腿, 芽菜, 洋蔥, 韭黃韭菜~ 雖然鰻魚同蝦仁又唔算比好多~ 但整體都已經好足料同好有誠意丫! 味道亦都唔錯~ 芙蓉蛋既外皮煎得好香, 入面又唔係全熟, 仲食到d滑蛋~ 撈埋入面既豉油撈飯一齊食真係幾正~不過呢度既服務就一般d啦...可能係人手唔夠卦, 都要叫左一陣先有人應...

今日陪親戚食完飯，諗住茶餐就無死啦，點知出事我清楚和侍應講，我要什麼餐，但佢地竟然打錯晒單，話落單無得改，如果我不食牛肉，你俾牛肉給我，即叫我不要食我們叫一碟干炒牛河，侍應來左兩碟，餐廳堅持不能換，唉，食兩碟，我們4個人分晒它啦上面蛋白，海蝦，魷魚，青瓜粒，紅蘿蔔粒、瑤柱碎等等蓋住炒飯，令到炒飯食落超淋，不香口，飯仍未炒均勻，一大舊貼埋，證明用左雪藏隔夜飯來炒想叫碟油菜，問侍應有什麼菜，侍應話生菜，我們問有冇其他菜，她竟然黑口黑面話：生菜即系無其他菜飲品跟餐加5元

近排有晚去咗呢間疑似同燉奶佬同一集團嘅大姆指開飯 (原本都唔覺得係同一集團的, 但坐低望到個餐牌就發現兩間嘅餐牌無論排版同食物都好相似的!!)，價錢平過燉奶佬少少, 但係呢度裝修靚啲, 樓底好高, 而且幾舒服乾淨~之所以入去呢度食, 係因為比呢個套餐吸引咗我入去~ $45有個麻辣茄子豬柳煲再跟白飯再有碟油菜, 另加$7有凍飲(或者加$5要熱飲或糖水都得), 價錢嚟講真係好抵食! 先嚟碟油菜, 正常份量啦, 冇乜特別. 過多十分鐘左右, 麻辣茄子豬柳煲就到了~ 呢個煲真係有啲驚喜, 嚟到已經聞到好香, 賣相相當唔錯, 雖然食落唔係好勁麻辣味, 係食到最底先多啲麻辣味, 但辣辣地都相當惹味. 而且份量都好足, 豬柳好似食極都仲有咁, 加埋茄子洋蔥等配料都好多, 用嚟撈飯食都幾好食! 後尾加$5要個糖水, 揀咗個熱蕃薯糖水都幾好食, 幾夠薑味同蕃薯味, 出面食一碗都要十幾蚊, 呢度CP值真係幾高啊服務就麻麻地啦, 因為見佢人手都唔多夠, 落單都要叫一陣先有人理.

午餐在大拇指餐廳，叫左個喇沙雜錦湯米線，主要餸料有炸蝦、魚蛋粒、魚片、熟蛋、肥豬肉片及炸豆腐等，並以新加坡式咖喱喇沙作湯底，再加上以麵質嫩滑可口的拉麵，因此成碗吃落可口。

是日晚餐：日式鰻魚芙蓉蛋飯，今晚出左去食飯,行行下都到晚餐時間,一丁友,咁搵間坐得舒服D既餐廳啦諗左陣,一於食呢個啦~~日式鰻魚芙蓉蛋飯自己其實都幾鍾意食炒蛋做餸,咁見呢個加埋鰻魚,咁就一於試下啦~~點知黎到,份量都好大份，煎得幾香，滿意！蛋唔會炒到好乾鰻魚唔算太少,尚可接受

行過見到招牌咖哩，見格局不錯，圖片又幾唔錯，就入去食，坐低卡位，張梳化皮爛到呸起晒，算，叫野食，見個menu啲圖真係樣樣都想食，最後還是叫個咖哩牛腩飯，所有凍飲要加7，熱飲加5，都好貴下！等5-8分鐘，侍應將碟野比錯隔離枱，對方話唔係佢叫，侍應就即刻拎過我枱。。味道一般，如果叫得做招牌菜色但咁既質素，其他非招牌菜都唔需要試。牛腩唔腍有根，個白飯有點干，食到尾仲硬身左。(我用左10分中時間食) 一路食一路有隻野喺度飛飛下職員高談闊論，見食客舉幾次手示意都無人見到。比錢時2個職員把口無停過，收幾錢找幾錢都無講，感覺好唔尊重客人，連快餐店服務都比佢好。

其實間餐廳都好連鎖式，但有時都唔知啲職員做咩！客其實唔算多，通常都有兩三個侍應，但唔知點解入親去都總有三四枱客舉手無人應，啲侍應就成日喺收銀唔知做咩，實行你肚餓你事！其實餐廳負責人應該進行在職培訓，告訴職員做野先後次序！野食味道基本唔差，我今次叫左個早餐B , 仿真鮑片加西煎雙蛋！都唔錯，我平時好少食餐包，今次都食埋。都係果句啦，真係要加強在職培訓，請多兩個人，等啲侍應唔好西口西面啦！服務態度影響食慾架。

見樓面色彩繽紛，本來滿心期待！以為點都唔會差得去邊，點知真心差都不得了！叫左個茶餐：炸雞脾同多士。但佢居然上左隻油雞脾，以為上錯啦，叫職員過嚟。職員居然指鹿為馬，厚顏無恥話碟上面個隻就係炸雞脾，當正我冇食過炸雞脾？橫睇掂睇都係油脾嚟。仲要話：茶餐廳d炸雞脾都係甘，冇粉健康d，唔熱氣。真心厲害！